തലയോലപ്പറമ്പ് സെന്റ് ജോര്‍ജ് പള്ളിയില്‍ മോഷണം നടത്തി മുങ്ങിയ പ്രതി അറസ്റ്റില്‍. കവര്‍ന്നത് രണ്ടു ലക്ഷം രൂപ

കോട്ടയം: തലയോലപ്പറമ്പ് സെന്റ് ജോര്‍ജ് പള്ളിയില്‍ മോഷണം നടത്തി മുങ്ങിയ പ്രതി അറസ്റ്റില്‍. ഫെബ്രുവരി 10ന് രണ്ടു ലക്ഷം രൂപാ കവര്‍ന്ന പ്രതിയെ തലയോലപ്പറമ്പ് പൊലീസ്  പിടികൂടുകയായിരുന്നു. 

സ്ഥിരമായി ഒരു സ്ഥലത്ത് തങ്ങുന്ന ശീലമില്ലാത്ത വെള്ളത്തൂവല്‍ സ്വദേശിയായ ചക്കിയാങ്കല്‍ വീട്ടില്‍ പത്മനാഭനാണ്  അറസ്റ്റിലായത്.

 ഒരു മാസത്തോളം നീണ്ട നിരീക്ഷണത്തിനൊടുവില്‍ പര്‍ദയണിഞ്ഞ് തൃശൂര്‍ വടക്കാഞ്ചേരി പള്ളിയില്‍ മോഷണശ്രമം നടത്തുന്നതിനിടെയാണ് ഇയാള്‍ വലയിലായതെന്ന് തലയോലപ്പറമ്പ് പൊലീസ് അറിയിച്ചു. 

തലയോലപ്പറമ്പ് സ്റ്റേഷന്‍ എസ് ഐ ജയകുമാര്‍, സിപിഒമാരായ മനീഷ്, ബിനു എന്നിവരാണ് സംഘത്തില്‍ ഉണ്ടായിരുന്നത്.