നെയ്യാറ്റിൻകരയിൽ വ്യാപാരി ജീവനൊടുക്കിയത് കോൺഗ്രസ് കൗൺസിലറുടെ മാനസിക പീഡനം മൂലം. ആരോപണവുമായി വ്യാപാരിയുടെ സഹോദരൻ

തിരുവനന്തപുരം: നെയ്യാറ്റിൻകരയിൽ വ്യാപാരി കെ. ദിലീപ് ജീവനൊടുക്കിയ സംഭവത്തിൽ കോൺഗ്രസ് കൗൺസിലർക്കെതിരെ ആരോപണം. 

കോൺഗ്രസ് കൗൺസിലർ പ്രവീണിനെതിരെ ആരോപണവുമായി ദിലീപിന്റെ സഹോദരൻ രം​ഗത്തെത്തി. മാനസിക പീഡനം മൂലമാണ് ദിലീപ് ജീവനൊടുക്കിയതെന്നും സഹോദരൻ രതീഷ് വ്യക്തമാക്കി.

ഇന്നലെയാണ് ദിലീപിനെ മരിച്ചനിലയിൽ കണ്ടെത്തിയത്. കൗൺസിലർ അനാവശ്യമായി കുടുംബ ബന്ധത്തിൽ ഇടപെട്ടുവെന്നാണ് ആരോപണം. 

ഇതിൽ മനംനൊന്താണ് മരണം. ഇത് സംബന്ധിച്ച് പരാതി നൽകിയതായും രതീഷ് വ്യക്തമാക്കി.