അതിദാരിദ്ര്യം: ' അന്ത്യോദയ റേഷൻ മുടങ്ങുമെന്ന' നുണ പൊളിക്കാൻ സഹായിച്ച രണ്ട് എംപിമാർക്കും നന്ദി- മന്ത്രി എം ബി രാജേഷ്

തിരുവനന്തപുരം: കേരളത്തിലെ യുഡിഎഫ്- ബിജെപി അച്ചുതണ്ടും അവരുടെ വക്താക്കളായ ഒരു കൂട്ടം വിദഗ്ദ്ധരും പറഞ്ഞുകൊണ്ടിരുന്ന പച്ചക്കള്ളം പൊളിക്കാൻ സഹായിച്ച രണ്ട് എംപിമാർക്കും നന്ദി പറഞ്ഞ് മന്ത്രി എം ബി രാജേഷ്.

അതിദാരിദ്ര്യ മുക്തമായി പ്രഖ്യാപിച്ചാൽ കേരളത്തിന് അനുവദിക്കുന്ന അന്ത്യോദയ റേഷൻ മുടങ്ങുമെന്ന പ്രചരണം യുഡിഎഫ് നേതാക്കൾ നടത്തിയിരുന്നു.

കേരളത്തെ ദ്രോഹിക്കാനുള്ള ദുഷ്ടലാക്കോടെയാണെങ്കിലും പാർലമെന്റിൽ ചോദ്യം ചോദിച്ച് റേഷൻ മുടങ്ങുമെന്ന നുണ പൊളിക്കാൻ സഹായിച്ച രണ്ട് എം പി മാർക്കും നന്ദി.

എന്തായാലും ഈ പച്ചക്കള്ളവും അൽപായുസായി ഒടുങ്ങിരിക്കുകയാണ്. നിങ്ങൾക്ക് ഇനി എന്ത് പറയാനുണ്ടെന്നും അദ്ദേഹം പറഞ്ഞു.