മരണാനന്തര ചടങ്ങിൽ പങ്കെടുക്കാനെത്തിയ യുവാക്കൾക്കിടയിൽ വാക്കുതർക്കം. മൂന്ന് യുവാക്കൾ കിണറ്റിൽ വീണു. അ​ഗ്നിരക്ഷാ സേനയും നാട്ടുകാരും ചേർന്ന് യുവാക്കളെ കിണറ്റിൽ നിന്നും രക്ഷപ്പെടുത്തി

തിരുവനന്തപുരം: തിരുവനന്തപുരം ആറ്റിങ്ങലിൽ വാക്കുതർക്കത്തിനിടെ മൂന്ന് യുവാക്കൾ കിണറ്റിൽ വീണു. ആറ്റിങ്ങൽ സ്വദേശികളായ അനൂപ്, സനു, ശ്യാം എന്നിവരാണ് കിണറ്റിൽ വീണത്.

മദ്യലഹരിയിൽ കിണറിന് സമീപമിരുന്ന് സംസാരിക്കുകയായിരുന്നു ഇവർ. വാക്കുതർക്കം കയ്യാങ്കളിയിലെത്തിയതോടെയാണ് കിണറ്റിൽ വീണത്. നാട്ടുകാരെത്തി രക്ഷിക്കാൻ ശ്രമം നടത്തി. പിന്നീട് അ​ഗ്നി രക്ഷാ സേനയെ വിവരം അറിയിച്ചു.

ആറ്റിങ്ങലിൽ മരണാനന്തര ചടങ്ങിൽ പങ്കെടുക്കാനെത്തിയ യുവാക്കളാണ് കിണറ്റിൽ വീണത്. അ​ഗ്നിരക്ഷാ സേനയും നാട്ടുകാരും ചേർന്ന് യുവാക്കളെ കിണറ്റിൽ നിന്നും രക്ഷപ്പെടുത്തി. യുവാക്കൾക്ക് സാരമായ പരിക്കില്ലെന്നാണ് വിവരം.