മന്ത്രി വി. ശിവൻ കുട്ടിയല്ലാതെ നേമത്ത് മറ്റൊരാളില്ലാതെ സി പി എം. ഇനി മത്സരിക്കാനില്ലെന്ന് പറയുമ്പോഴും പാർട്ടി തീരുമാനം അനുസരിക്കുമെന്ന് വി. ശിവൻകുട്ടി.രാജീവ് ചന്ദ്രശേഖറിനെ കളത്തിലിറക്കി നേമം തിരിച്ച് പിടിക്കാൻ ബിജെപി

തിരുവനന്തപുരം : ബിജെപിയിൽ നിന്ന് നേമം നിയമസഭാ സീറ്റ് പിടിച്ചെടുത്ത് ബി ജെ പി യുടെ അക്കൗണ്ട് പൂട്ടിച്ച നേതാവാണ് വി. ശിവൻ കുട്ടി .

 ജനകീയനായ ശിവൻ കുട്ടി അല്ലാതെ നേമത്ത് മത്സരിക്കാൻ സി പി എമ്മിന് മറ്റൊരാളില്ല എന്നതാണ് യാഥാർത്ഥ്യം .

 മറ്റ് മണ്ഡലങ്ങളിൽ നിരവധി പേരെ പരിഗണിക്കുന്ന സി പി ഐ എം നേമത്ത് വി. ശിവൻകുട്ടി എന്ന ഒറ്റ പേരിൽ നിൽക്കുകയാണ്.

നേമത്ത് സ്ഥാനാർത്ഥിയാകുമെന്ന് ബി ജെ പി സംസ്ഥാന അദ്ധ്യക്ഷൻ രാജീവ് ചന്ദ്രശേഖർ അറിയിച്ച സാഹചര്യത്തിൽ തീ പാറുന്ന മത്സരം തന്നെ നടക്കുമെന്ന് ഉറപ്പാണ്. എന്നാൽ ഇനി മത്സരിക്കാനില്ല എന്ന നിലപാടാണ് വി.ശിവൻകുട്ടിയുടേത് .

 മത്സരിക്കാനില്ല എന്ന് പറയുമ്പോഴും പാർട്ടി തീരുമാനം അനുസരിക്കുമെന്നും അദ്ദേഹം വ്യക്തമാക്കുന്നു.

നേമം തിരിച്ച് പിടിക്കാൻ ബി ജെ പി യും നിലനിർത്താൻ സി പി ഐ എമ്മും വാശിയോടെ രംഗത്തിറങ്ങുമ്പോൾ തീ പാറുന്ന പോരാട്ടം നടക്കുമെന്ന് ഉറപ്പാണ്