തിരുവനന്തപുരത്ത് പൂജാരിയെ കിണറ്റിൽ മരിച്ചനിലയിൽ കണ്ടെത്തി. കുടുംബ പ്രശ്നം മൂലം ആത്മഹത്യ ചെയ്തതാണെന്ന് പ്രാഥമിക നി​ഗമനം

തിരുവനന്തപുരം: തിരുവനന്തപുരം വീരണകാവിൽ പൂജാരി കിണറ്റിൽ ചാടി ആത്മഹത്യ ചെയ്തു. മുരളീധരൻ പോറ്റി ( 70 വയസ് ) ആണ് ആത്മഹത്യ ചെയ്തത്. ആത്മഹത്യ കാരണം വ്യക്തമല്ല. കുടുംബ പ്രശ്നം മൂലമെന്ന് പൊലീസിന്റെ പ്രാഥമിക നി​ഗമനം.

മൈലക്കരയിൽ നിന്നുള്ള ഫയർഫോഴ്സ് സംഘം എത്തി മൃതദേഹം പുറത്തെടുത്തു. അസ്വാഭാവിക മരണത്തിന് കാട്ടാക്കട പൊലീസ് അന്വേഷണം നടത്തും.

കുറച്ചു ദിവസങ്ങളിലായി മാനസിക പ്രശ്നങ്ങൾ ഉണ്ടായിരുന്നുവെന്നും ചികിത്സ തേടിയിരുന്നു എന്നും പൊലീസ് വ്യക്തമാക്കി.