നിയമസഭാ തെരഞ്ഞെടുപ്പിൽ പാർട്ടി നേതാക്കളേക്കാൾ വിജയ സാധ്യതയുള്ള സെലിബ്രിറ്റികളുണ്ടെന്ന് സി പി എം വിലയിരുത്തൽ. മഞ്ജു വാര്യരും ഭാവനയും അടക്കമുള്ളവർ നേതൃത്വത്തിൻ്റെ പരിഗണനയിൽ.കൈവിട്ട മണ്ഡലങ്ങൾ തിരികെ പിടിക്കാനും ഉറച്ച മണ്ഡലങ്ങൾ നിലനിർത്താനും സെലിബ്രിറ്റികൾ പരിഗണനയിൽ

തിരുവനന്തപുരം : സി പി എം ഇക്കുറി അധികാര തുടർച്ച ലക്ഷ്യമിട്ടാണ് മുന്നോട്ട് പോകുന്നത് .

അതുകൊണ്ട് തന്നെ പരമാവധി സീറ്റുകളിൽ വിജയിക്കുക എന്ന ലക്ഷ്യത്തോടെയാണ് പാർട്ടി മുന്നോട്ട് പോകുന്നത് . 

പരിചയ സമ്പന്നരേയും യുവാക്കളേയും ഒരു പോലെ പരിഗണിക്കണം എന്ന ആവശ്യം ഉണ്ടെങ്കിലും കൂടുതൽ പുതുമുഖങ്ങളെ രംഗത്ത് ഇറക്കിയാൽ ഭരണ വിരുദ്ധ വികാരം മറികടക്കാമെന്നാണ് സിപിഎം വിലയിരുത്തൽ , അതുകൊണ്ട് തന്നെ സിനിമാ - സീരിയൽ രംഗത്ത് നിന്നുമുള്ളവർ , കായിക താരങ്ങൾ , സാമൂഹ്യ സേവന രംഗത്തുള്ളവർ , പ്രൊഫഷണലുകൾ അങ്ങനെ പല മേഖലയിൽ നിന്നുള്ളവരെ മത്സര രംഗത്ത് ഇറക്കുന്നതിനാണ് സിപിഎമ്മിൽ ആലോചന നടക്കുന്നത്.

സിനിമാ താരങ്ങളായ മഞ്ജു വാര്യർ , ഭാവന എന്നിവരെ സി.പി.എം മത്സര രംഗത്ത് ഇറക്കാൻ ആലോചിക്കുന്നുണ്ട്.

എന്നാൽ ഇക്കാര്യത്തിൽ താരങ്ങൾ ഇതുവരെ സമ്മതം മൂളിയിട്ടില്ലെന്നാണ് വിവരം .

സിനിമാ രംഗത്ത് നിന്നുള്ള മറ്റ് ചിലരുമായും സി പി എം നേതാക്കൾ ആശയ വിനിമയം നടത്തിയിട്ടുണ്ട്. അതേസമയം നടനും എം.എൽ.എയുമായ മുകേഷ് ഇക്കുറി മത്സരിക്കാൻ സാധ്യതയില്ല.

കൊല്ലം സീറ്റിലേക്ക് മറ്റ് ചില നേതാക്കളെ പാർട്ടി പരിഗണിക്കുന്നതായാണ് വിവരം