/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/VFKQwTG4IVKTn1lkqpDb.jpg)
തിരുവനന്തപുരം: സംസ്ഥാനത്ത് തിങ്കളാഴ്ച വരെ ചിലയിടങ്ങളില് മിന്നലോടു കൂടി മഴയ്ക്ക് സാധ്യതയെന്ന് കാലാവസ്ഥ വകുപ്പ്.
ഭൂമധ്യ രേഖ പ്രദേശത്തുള്ള ഇന്ത്യന് മഹാസമുദ്രത്തിനും അതിനോട് ചേര്ന്നുള്ള തെക്ക് കിഴക്കന് ബംഗാള് ഉള്ക്കടലിനും മുകളിലായി ചക്രവാതചുഴി സ്ഥിതി ചെയ്യുന്നു. ഇത് ന്യൂനമര്ദ്ദമായി ശക്തി പ്രാപിക്കാന് സാധ്യതയുണ്ട്.
ന്യൂനമര്ദ്ദത്തില് നിന്നും തെക്കന് തമിഴ്നാടിനും തെക്കന് കേരളത്തിനും കുറുകെ ലക്ഷദ്വീപ് വരെ ന്യൂനമര്ദ്ദ പാത്തി സ്ഥിതിചെയ്യുന്നു.
ഇതിന്റെ സ്വാധീനഫലമായി കേരളത്തില് ഫെബ്രുവരി 23 വരെ ഒറ്റപ്പെട്ട ശക്തമായ മഴയ്ക്ക് സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിച്ചു.
മണിക്കൂറില് 30 മുതല് 40 കിലോമീറ്റര് വരെ വേഗതയില് ശക്തമായ കാറ്റിനും സാധ്യതയുണ്ട്.
കേരള, കര്ണാടക, ലക്ഷദ്വീപ് തീരങ്ങളില് മത്സ്യബന്ധനത്തിന് തടസ്സമില്ല.
ഭൂമധ്യ രേഖ പ്രദേശത്തുള്ള ഇന്ത്യന് മഹാസമുദ്രത്തിനും അതിനോട് ചേര്ന്നുള്ള തെക്ക് പടിഞ്ഞാറന് ബംഗാള് ഉള്ക്കടലിനും മുകളിലായി ന്യൂനമര്ദ്ദം സ്ഥിതി ചെയ്യുന്നു.
ഇത് പടിഞ്ഞാറ്-വടക്കു പടിഞ്ഞാറ് ദിശയിലേക്ക് നീങ്ങി ശ്രീലങ്ക ഭാഗത്തേക്ക് സഞ്ചരിച്ച് ദുര്ബലമാകുമെന്നാണ് കാലാവസ്ഥ വകുപ്പിന്റെ വിലയിരുത്തല്.