മഹിള കോൺഗ്രസ് മാർച്ചിന് നേരെ ജലപീരങ്കി; വീണാ ജോർജ് സ്ത്രീകൾക്ക് അപമാനമെന്ന് ജെബി മേത്തർ

തിരുവനന്തപുരം: ആലപ്പുഴ വണ്ടാനം മെഡിക്കൽ കോളജിൽ ശസ്ത്രക്രിയ ചെയ്ത സ്ത്രീയുടെ വയറിൽ കത്രിക മറന്നുവെച്ച സംഭവത്തിൽ പ്രതിഷേധിച്ച മഹിള കോൺഗ്രസ് പ്രവർത്തകർക്ക് നേരെ ജലപീരങ്കി പ്രയോഗിച്ചു.

 ആരോഗ്യമന്ത്രിയുടെ ഓഫീസിലേക്ക് നടത്തിയ മാർച്ചിലാണ് പൊലീസ് ജലപീരങ്കി പ്രയോഗിച്ചത്.

വളരെ പരിതാപകരമായ അവസ്ഥയിലൂടെ യാണ് ആരോഗ്യ മേഖല കടന്ന് പോകുന്നതെന്ന് മഹിളാ കോൺഗ്രസ് സംസ്ഥാന പ്രസിഡന്റ് ജെബി മേത്തർ പറഞ്ഞു. ഇത് ഒരു ഒറ്റപ്പെട്ട സംഭവം അല്ല. 

മന്ത്രി വീണാ ജോർജിന്റെ സമീപനം അംഗീകരിക്കാൻ ആവില്ല, മന്ത്രി സ്ഥാനത്ത് തുടരാൻ വീണയ്ക്ക് അർഹത ഇല്ല.

വീണാ ജോർജ്ജ് സ്ത്രീകൾക്ക് അപമാനമാണെന്നും ജെബി മേത്തർ പറഞ്ഞു. 

കത്രിക മന്ത്രി രാജിവെക്കുക എന്ന പോസ്റ്റർ ഉയർത്തിയായിരുന്നു മഹിള കോൺഗ്രസ് പ്രതിഷേധം.