/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/2026/02/28/thiruvananthapuram-central-2026-02-28-23-03-11.jpg)
തിരുവനന്തപുരം: തിരുവനന്തപുരം സെന്ട്രല് റെയില്വേ സ്റ്റേഷനില് പൊങ്കാല പ്രത്യേക ക്രമീകരണങ്ങള് കാരണം 2026 മാര്ച്ച് ഒന്ന് മുതല് മാര്ച്ച് മൂന്നുവരെ വാഹന പാര്ക്കിങ് കര്ശനമായി നിയന്ത്രിക്കപ്പെടും.
നിലവിലെ പുനര്നിര്മാണ പ്രവര്ത്തനങ്ങള് കാരണം രണ്ടാം എന്ട്രന്സ് (പവര് ഹൗസ് റോഡ് വശം) പൂര്ണമായി അടച്ചിരിക്കുന്നു.എല്ലാ യാത്രക്കാരും, പ്രത്യേകിച്ച് തീര്ഥാടകരും താഴെപ്പറയുന്ന എന്ട്രന്സുകള് ഉപയോഗിക്കണമെന്ന് റെയില്വേ അഭ്യര്ഥിച്ചു.
2026 മാര്ച്ച് മൂന്നിന് തിരുവനന്തപുരം സെന്ട്രല് സ്റ്റേഷനില്നിന്ന് പുറപ്പെടുന്ന ട്രെയിനുകള് തീര്ഥാടകരുടെ സൗകര്യാര്ഥം താഴെപ്പറയുന്ന പ്ലാറ്റ്ഫോമുകളില് നിന്നായിരിക്കും പുറപ്പെടുക.
കൊല്ലം ജങ്ഷന് ഭാഗത്തേക്കുള്ള ട്രെയിനുകള്- പ്ലാറ്റ്ഫോമുകള് 1, 2, 3, 4,
നാഗര്കോവില് ഭാഗത്തേക്കുള്ള ട്രെയിനുകള്- പ്ലാറ്റ്ഫോം 5
ട്രെയിന് ഷെഡ്യൂളിനനുസൃതമായി പ്ലാറ്റ്ഫോമിലേക്ക് പ്രവേശനം അനുവദിക്കും. ഹോള്ഡിങ് ഏരിയകള്ക്ക് സമീപം അധിക ടിക്കറ്റ് കൗണ്ടറുകള് സജ്ജീകരിക്കും. റിസര്വ്ഡ് ടിക്കറ്റുള്ള യാത്രക്കാര്ക്ക് പ്രധാന എന്ട്രന്സ് പോര്ട്ടിക്കോ വഴി നേരിട്ട് പ്രവേശിക്കാം.
കൂടാതെ, റിസര്വ്ഡ് യാത്രക്കാരുടെ സൗകര്യാര്ഥം തിരുവനന്തപുരം പേട്ട സ്റ്റേഷനില് താഴെപ്പറയുന്ന ട്രെയിനുകള്ക്ക് ഒരു മിനിറ്റ് താല്ക്കാലിക സ്റ്റോപ്പേജ് ഏര്പ്പെടുത്തിയിട്ടുണ്ട്.