Advertisment

വാഹന നികുതി : ഒറ്റതവണ നികുതി കുടിശിക തീർപ്പാക്കൽ മാർച്ച് 31 വരെ. 2020 മാർച്ച് 31 വരെ നികുതി ഒടുക്കിയതിന് ശേഷം നികുതി ഒടുക്കുവാൻ കഴിയാത്ത വാഹന ഉടമകൾക്ക് ഈ അവസരം ഉപയോഗപ്പെടുത്താം

പദ്ധതി പ്രകാരം നികുതി ഒടുക്കുന്നതിന് രജിസ് ട്രേഷൻ സർട്ടിഫിക്കറ്റ്, ഇൻഷുറൻസ് സർട്ടിഫിക്കറ്റ്, മോട്ടോർ തൊഴിലാളി ക്ഷേമനിധി വരിസംഖ്യ അടച്ച രസീത് എന്നിവ ആവശ്യമില്ല. 

New Update
vehicle tax

തിരുവനന്തപുരം: മോട്ടോർ വാഹന നികുതി കുടിശിക, ഇളവുകളോടെ ഒടുക്കാവുന്ന ഒറ്റതവണ നികുതി കുടിശിക തീർപ്പാക്കൽ പദ്ധതിയുടെ കാലാവധി മാർച്ച് 31 ന് അവസാനിക്കും.

Advertisment

2020 മാർച്ച് 31 വരെ നികുതി ഒടുക്കിയതിന് ശേഷം നികുതി ഒടുക്കുവാൻ കഴിയാത്ത വാഹന ഉടമകൾക്ക് ഈ അവസരം ഉപയോഗപ്പെടുത്താം.

2020 ഏപ്രിൽ ഒന്ന് മുതൽ 2024 മാർച്ച് 31 വരെയുള്ള നികുതിയും അധിക നികുതിയും പലിശയും ഉൾപ്പെടുന്ന ആകെ തുകയുടെ 30 ശതമാനം മാത്രം ട്രാൻ സ്പോർട്ട് വാഹനങ്ങൾക്കും 40 ശതമാനം മാത്രം നോൺട്രാൻ സ്പോർട്ട് വാഹനങ്ങൾക്കും ഒടുക്കി നികുതി ബാധ്യത ഒഴിവാക്കാം.


2020 മാർച്ച് 31 വരെയുള്ള നികുതി കുടിശിക പൂർണമായും ഒഴിവാക്കി.വാഹനത്തിൻ്റെ രജിസ്ട്രേഷൻ നിലനിൽക്കുന്ന ആർടിഒ/സബ് ആർടി ഓഫിസുകളിൽ കുടിശിക തീർപ്പാക്കാൻ സൗകര്യമുണ്ട്. 


പദ്ധതി പ്രകാരം നികുതി ഒടുക്കുന്നതിന് രജിസ് ട്രേഷൻ സർട്ടിഫിക്കറ്റ്, ഇൻഷുറൻസ് സർട്ടിഫിക്കറ്റ്, മോട്ടോർ തൊഴിലാളി ക്ഷേമനിധി വരിസംഖ്യ അടച്ച രസീത് എന്നിവ ആവശ്യമില്ല. 

വാഹനത്തെ സംബന്ധിച്ച് രജിസ്ട്രേഡ് ഉടമയ്ക്ക് അറിവില്ലാതിരിക്കുകയോ വാഹനം മോഷണം പൊയെങ്കിലോ വാഹനം പൊളിച്ചു കളഞ്ഞെങ്കിലോ വാഹനം നശിച്ചു പോയെങ്കിലോ ഈ പദ്ധതി പ്രകാരം മാർച്ച് 31 വരെയുള്ള നികുതി ബാധ്യത തീർക്കാം. 

എന്തെങ്കിലും കാരണവശാൽ വാഹനം നിരത്തിൽ സർവീസ് നടത്തുന്നതായി കണ്ടെത്തിയാൽ 2024 ഏപ്രിൽ ഒന്ന് മുതലുള്ള നികുതി ഒടുക്കണമെന്നുള്ള വ്യവസ്ഥയ്ക്ക് വിധേയമായി തുടർന്നുള്ള നികുതി ബാദ്ധ്യതയിൽ നിന്നും ഒഴിവാക്കും.

Advertisment