ആര്‍എസ്എസ് സംഘടിപ്പിക്കുന്ന ജ്ഞാന സഭയില്‍ വി സി പങ്കെടുക്കുന്നതുമായി ഉന്നത വിദ്യാഭ്യാസ മന്ത്രിയുടെ നിലപാടിനെ തള്ളി സിപിഎം. വിസിമാര്‍ പങ്കെടുക്കരുതെന്നാണ് പാര്‍ട്ടി നിലപാട് : എം.വി ഗോവിന്ദന്‍

തിരുവനന്തപുരം: ആര്‍എസ്എസ് സംഘടിപ്പിക്കുന്ന ജ്ഞാന സഭയില്‍ വി സി പങ്കെടുക്കുന്നത് സംബന്ധിച്ച ഉന്നത വിദ്യാഭ്യാസ മന്ത്രിയുടെ നിലപാട് തള്ളി സിപിഎം.

വി സി പങ്കെടുക്കുന്നത് അപമാനകരം. വിസിമാര്‍ പങ്കെടുക്കരുതെന്നാണ് പാര്‍ട്ടി നിലപാട് എന്നും സിപിഎം സംസ്ഥാന സെക്രട്ടറി എം.വി ഗോവിന്ദന്‍.

എന്നാല്‍, വ്യക്തിപരമായി പരിപാടിയില്‍ പങ്കെടുക്കണോയെന്ന് വിസിമാര്‍ക്ക് തീരുമാനിക്കാമെന്നായിരുന്നു ഉന്നത വിദ്യാഭ്യാസ മന്ത്രി പറഞ്ഞത്. 

ഈ പ്രസ്താവന തള്ളികൊണ്ടുള്ള നിലപാടാണ് എം.വി ഗോവിന്ദന്‍ നടത്തിയത്. വിസിമാര്‍ പങ്കെടുക്കുന്നതിനെതിരെ ശക്തമായ പ്രതിഷേധം സംഘടിപ്പിക്കുമെന്നും അദ്ദേഹം വ്യക്തമാക്കി.