'മോശം സന്ദേശം അയച്ചു'. ഐപിഎസ് ഉദ്യോഗസ്ഥനെതിരെ വനിതാ എസ്‌ഐമാരുടെ പരാതി.ഹെഡ് ക്വാർട്ടേഴ്സ് എസ് പി മെറിൻ ജോസഫ് പരാതി അന്വേഷിക്കും

തിരുവനന്തപുരം: തലസ്ഥാനത്ത് ഐപിഎസ് ഉദ്യോഗസ്ഥനെതിരെ വനിതാ എസ്ഐമാരുടെ പരാതി.ഐപിഎസ് ഉദ്യോഗസ്ഥൻ മോശം സന്ദേശം അയച്ചെന്ന് കാട്ടി ഡിഐജി അജിതാ ബീഗത്തിനാണ് പരാതി നൽകിയത്.

പരാതിയുടെ അടിസ്ഥാനത്തില്‍ അജിതാ ബീഗം പരാതിക്കാരുടെ മൊഴി രേഖപ്പെടുത്തിയിരുന്നു.ഇതിന് പിന്നാലെ അന്വേഷണ ചുമതല ഹെഡ് ക്വാർട്ടേഴ്സ് എസ് പി മെറിൻ ജോസഫിന് കൈമാറുകയും ചെയ്തു.