കരുവന്നൂര്‍ കേസില്‍ കെ.രാധാകൃഷ്ണനെ ഈ മാസം പതിനേഴിന് ഇ.ഡി ചോദ്യം ചെയ്യും. ഡൽഹിയിലെ ഓഫീസില്‍ ഹാജരാകണമെന്ന് കാണിച്ച്  രാധാകൃഷ്ണന് ഇഡി സമന്‍സ് അയച്ചു

തൃശ്ശൂർ: കരുവന്നൂര്‍ കേസില്‍ സിപിഎം നേതാവും എംപിയുമായ കെ.രാധാകൃഷ്ണനെ ഈ മാസം പതിനേഴിന് എൻഫോഴ്സ്മെന്റ് ഡയറക്ടറേറ്റ്  ചോദ്യം ചെയ്യും. 

തിങ്കളാഴ്‌ച ഡൽഹിയിലെ ഓഫീസില്‍ ഹാജരാകണമെന്ന് കാട്ടി  രാധാകൃഷ്ണന് ഇഡി സമന്‍സ് അയച്ചു. കരുവന്നൂർ കേസിനെ സംബന്ധിച്ച ഇ.ഡി സമ്മൻസ് രാഷ്ട്രീയ പകപോക്കലെന്നാണ്  കെ. രാധാകൃഷ്ണൻ എം.പി പ്രതികരിച്ചത്. 

അതിനിടെ കരുവന്നൂർ കളളപ്പണ ഇടപാട് കേസിൽ അന്വേഷണ ഉദ്യ​ഗസ്ഥനെ മാറ്റി പകരം പുതിയ ഉദ്യോ​ഗസ്ഥനെ എൻഫോഴ്സ്മെന്‍റ് ഡയറക്ടറേറ്റ് നിയമിച്ചിരുന്നു.

കേസന്വേഷത്തിൻ്റെ ചുമതല ഉണ്ടായിരുന്ന  ഡപ്യൂട്ടി ഡയറക്ടർ പി രാധാകൃഷ്ണനെ കൊച്ചിയിലെ തന്നെ മറ്റൊരു യൂണിറ്റിലേക്ക് മാറ്റിയതിന് പിന്നാലെയാണ് ചെന്നൈയിൽ നിന്ന് സ്ഥലം മാറിയെത്തുന്ന മലയാളി രാജേഷ് നായരെ കരുവന്നൂർ കേസ് അന്വേഷണത്തിന് ചുമതലപ്പെടുത്തിയത്.