/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/2025/03/01/dPx8umlU6HMsz9CbvHwu.jpg)
തൃശൂര്: പുതുക്കാട് മേഫെയര് ബാറിന് മുന്നില് വച്ച് ബാര് ജീവനക്കാരനെ കുത്തിക്കൊന്നു. എരുമപ്പെട്ടി സ്വദേശി ഹേമചന്ദ്രനാണ് മരിച്ചത്. അളഗപ്പ നഗര് സ്വദേശി സിജോ ജോണിനെ പൊലീസ് അറസ്റ്റ് ചെയ്തു.
ടച്ചിങ്സ് നല്കാത്തതിനെ തുടര്ന്ന് ഉണ്ടായ വാക്കുതര്ക്കമാണ് കൊലപാതകത്തില് കലാശിച്ചതെന്ന് പൊലീസ് പറയുന്നു.
ഇന്നലെ രാവിലെ മുതലാണ് സംഭവങ്ങളുടെ തുടക്കം. സിജോ ജോണ് എന്ന നാല്പ്പതുകാരന് ബാറിലെത്തി മദ്യപിച്ചു. ഭക്ഷണം കഴിക്കുന്നതുപോലെ സിജോ ജോണ് നിരന്തരം ടച്ചിങ്സ് ആവശ്യപ്പെട്ടു.
എട്ടുതവണയാണ് ടച്ചിങ്സ് ആവശ്യപ്പെട്ടത്. ഒടുവില് ടച്ചിങ്സ് നല്കാത്തതിനെ ചൊല്ലി ജീവനക്കാരുമായി സിജോ ജോണ് വാക്കുതര്ക്കത്തിലേര്പ്പെട്ടു. ഇത് ഉന്തിലും തള്ളിലും കലാശിച്ചു.
ഒടുവില് സിജോ ജോണിനെ ബാറില് നിന്ന് ജീവനക്കാര് ചേര്ന്ന് ഇറക്കിവിട്ടു. നിന്നെയൊക്കെ കാണിച്ചു തരാം എന്ന് പറഞ്ഞ് ഭീഷണിപ്പെടുത്തി കൊണ്ടാണ് യുവാവ് ബാറില് നിന്ന് പുറത്തേയ്ക്ക് ഇറങ്ങിയതെന്ന് ബാര് ജീവനക്കാര് പറയുന്നു.