ഒടുവിൽ കൂട്ടിലായി ! പുൽപ്പള്ളിയെ വിറപ്പിച്ച കടുവ കുടുങ്ങിയത് വനംവകുപ്പ് സ്ഥാപിച്ച കൂട്ടിൽ

പുൽപ്പള്ളി: വയനാട് പുൽപ്പള്ളിയിൽ നാട്ടുകാരെ ഭീതിയിലാക്കിയ കടുവയെ കൂട്ടിലാക്കി. ദേവർഗദ്ദയിൽ വനംവകുപ്പ് സ്ഥാപിച്ച കൂട്ടിലാണ് കടുവ കുടുങ്ങിയത്. 

പത്തു ദിവസത്തെ തിരച്ചിലിനൊടുവിലാണ് കടുവയെ പിടികൂടിയത്. ഇന്ന് രാത്രി അംഗനവാടിക്ക് സമീപം പ്രദേശ വാസികൾ കടുവയെ കണ്ടിരുന്നു. 

രാത്രി 7:20 ഓടുകൂടിയാണ് കടുവയെ കണ്ടത്. വനം വകുപ്പ് സ്ഥാപിച്ച കൂടിന് സമീപത്താണ് കടുവയുടെ സാന്നിധ്യം കണ്ടെത്തിയത്. റോഡ് മുറിച്ചു കടക്കുന്ന കടുവയുടെ ദൃശ്യങ്ങൾ പുറത്ത് വന്നിരുന്നു.