മൂന്നാറില്‍ സ്‌കൈ ഡൈനിംഗ് റസ്റ്റോറന്റില്‍ തകരാര്‍. വിനോദസഞ്ചാരികള്‍ 150 അടി താഴ്ചയില്‍ രണ്ട് മണിക്കൂര്‍ കുടുങ്ങി

ഇടുക്കി: മൂന്നാറിലെ സ്‌കൈ റസ്റ്റോറന്റില്‍ ഉണ്ടായ സാങ്കേതിക തകരാറിനെ തുടര്‍ന്ന് രണ്ട് കുട്ടികള്‍ ഉള്‍പ്പെടെ നാല് വിനോദസഞ്ചാരികള്‍ മണിക്കൂറുകളോളം ഉയരത്തില്‍ കുടുങ്ങി. 

വെള്ളിയാഴ്ച ഉച്ചകഴിഞ്ഞ് ആനച്ചാലിനടുത്തുള്ള ഒരു സ്‌കൈ ഡൈനിംഗ് റസ്റ്റോറന്റില്‍ പ്ലാറ്റ്ഫോം ഉയര്‍ത്തിയ ക്രെയിന്‍ തകരാറിലായതിനെ തുടര്‍ന്ന് 150 അടി ഉയരത്തില്‍ കുടുങ്ങി.

രണ്ട് മണിക്കൂറിലധികം സംഘം കുടുങ്ങി കിടന്നു. വാര്‍ത്താ റിപ്പോര്‍ട്ടുകളില്‍ നിന്ന് സംഭവം അറിഞ്ഞതിനെത്തുടര്‍ന്ന് വൈകുന്നേരം 4 മണിയോടെ അഗ്‌നിശമന സേനാംഗങ്ങള്‍ സ്ഥലത്തെത്തി നാലംഗ കുടുംബത്തെ സുരക്ഷിതമായി രക്ഷപ്പെടുത്തി.