ക​ഴ​ക്കൂ​ട്ടത്ത് ഓട്ടോ ഡ്രൈവർമാരുടെ ​ഗുണ്ടായിസം;  ടെ​ക്ക്നോ​പാ​ർ​ക്ക് ജീ​വ​ന​ക്കാ​രി​യാ​യ യു​വ​തി​യെ ഓ​ട്ടോ​യി​ൽ​നി​ന്ന് ഇ​റ​ക്കി വി​ട്ടു; കേസെടുത്ത് പൊലീസ്

ക​ഴ​ക്കൂ​ട്ടം: ടെ​ക്ക്നോ​പാ​ർ​ക്ക് ജീ​വ​ന​ക്കാ​രി​യാ​യ യു​വ​തി​യെ ഓ​ട്ടോ​യി​ൽ​നി​ന്ന് ഇ​റ​ക്കി വി​ട്ട് ക​ഴ​ക്കൂ​ട്ട​ത്തെ ഒ​രു സം​ഘം ഓ​ട്ടാ​റി​ക്ഷ തൊ​ഴി​ലാ​ളി​ക​ളു​ടെ ഗു​ണ്ടാ​യി​സം. ടെ​ക്നോ​പാ​ർ​ക്കി​ലെ ജീ​വ​ന​ക്കാ​രി​യാ​യ അ​ഞ്ജ​ലി വി​ജ​യ​ന് നേ​രെ​യാ​ണ് സി.​എ​സ്.​ഐ മി​ഷ​ൻ ആ​ശു​പ​ത്രി​ക്ക് മു​ന്നി​ലു​ള്ള ഓ​ട്ടോ​ക്കാ​രു​ടെ ഗു​ണ്ടാ​യി​സം.  ഓ​ട്ടോ ഡ്രൈ​വ​ർ​മാ​രാ​യ ബി​നു, അ​ൽ അ​മീ​ൻ, നി​സാ​ർ എ​ന്നി​വ​രാ​ണ് യു​വ​തി​യു​ടെ യാ​ത്ര ത​ട​ഞ്ഞ​ത്. 

ക​ഴ​ക്കൂ​ട്ടം സി.​എ​സ്.​ഐ മി​ഷ​ൻ ആ​ശു​പ​ത്രി​ക്ക് മു​ന്നി​ലാ​ണ് സം​ഭ​വം. കാ​ലി​ൽ ഗു​രു​ത​ര നീ​ര് വ​ന്ന​തി​നെ തു​ട​ർ​ന്ന് ആ​ശു​പ​ത്രി​യി​ൽ ചി​കി​ത്സ​ക്ക് വ​ന്ന​തി​നു​ശേ​ഷം മ​ട​ങ്ങി പോ​ക​വേ​യാ​യി​രു​ന്നു സം​ഭ​വം. അ​ഞ്ജ​ലിയെ ആ​ശു​പ​ത്രി​യി​ൽ എ​ത്തി​ച്ച​ശേ​ഷം ഭ​ർ​ത്താ​വ് ജോ​ലി​ക്കാ​യി മ​ട​ങ്ങി. ചി​കി​ത്സ ക​ഴി​ഞ്ഞ് തി​രി​കെ ഊ​ബ​ർ ഓട്ടോറിക്ഷയിൽ പോകുമ്പോഴായിരുന്നു മൂ​ന്നം​ഗ സം​ഘ​മെ​ത്തി ഊ​ബ​ർ ഓ​ട്ടോ ത​ട​ഞ്ഞ​ത്. 

കാ​ലി​ന് സു​ഖ​മി​ല്ലെ​ന്നും ന​ട​ക്കാ​ൻ ക​ഴി​യി​ല്ലെ​ന്നും യു​വ​തി പ​റ​ഞ്ഞ​പ്പോ​ൾ ന​ട​ന്ന് കാ​ണി​ക്കാൻ സംഘം ആവശ്യപ്പെടുകയായിരുന്നു. ഓ​ട്ടോ​യി​ൽ പോ​കാ​ൻ ക​ഴി​യി​ല്ലെന്ന ഭീ​ഷ​ണി​ക്ക് മു​ന്നി​ൽ യു​വ​തി വ​ഴ​ങ്ങി. ഗ​ത്യ​ന്ത​ര​മി​ല്ലാ​തെ യു​വ​തി ഊ​ബ​ർ ഓ​ട്ടോ മ​ട​ക്കി അ​യ​ച്ച് ജോ​ലി​ക്ക് പോ​യ ഭ​ർ​ത്താ​വി​നെ തി​രി​കെ വി​ളി​ച്ചു.

ഇ​തി​നി​ട​യി​ൽ ഓ​ട്ടോ​റി​ക്ഷ സം​ഘ​ത്തി​ന്‍റെ ഗു​ണ്ടാ​യി​സം യു​വ​തി മൊ​ബൈ​ലി​ൽ പ​ക​ർ​ത്തി ദൃ​ശ്യ​ങ്ങ​ൾ ഉ​ൾ​പ്പെ​ടെ ക​ഴ​ക്കൂ​ട്ടം പൊ​ലീ​സി​ൽ പ​രാ​തി ന​ൽ​കി.ഇ​വ​ർ​ക്കെ​തി​രെ യാ​ത്ര ത​ട​സ്സ​പ്പെ​ടു​ത്തി​യ​തി​ന് കേ​സെ​ടു​ത്ത പൊ​ലീ​സ് വൈ​കീ​ട്ട് ആ​റോ​ടെ സ്റ്റേ​ഷ​നി​ൽ വി​ളി​ച്ചു​വ​രു​ത്തി പി​ഴ​യീ​ടാ​ക്കി വി​ട്ട​യ​ച്ചു.