പി.വി അൻവറിൻ്റെ അറസ്റ്റ് ഭരണ കൂട ഭീകരത ;  രമേശ് ചെന്നിത്തല

തിരുവനന്തപുരം: വന നിയമ പ്രശ്നവുമായി ബന്ധപ്പെട്ട് പി വി അൻവറിനെ രാത്രി വീടു വളഞ്ഞ് അറസ്റ്റ് ചെയ്ത പോലീസ് നടപടി ഭരണകൂട ഭീകരതയാണെന്ന് മുതിർന്ന കോൺ​ഗ്രസ് നേതാവ് രമേശ് ചെന്നിത്തല

പിവി അൻവറിന്റെ വീട് വളഞ്ഞ് രാത്രിയിൽ അറസ്റ്റ് ചെയ്യേണ്ട സാഹചര്യങ്ങൾ ഒന്നും നിലവിലില്ല. അദ്ദേഹം എങ്ങോട്ടും ഒളിച്ചു പോകാൻ പോകുന്നില്ല. പൊതുമുതൽ നശിപ്പിച്ചു എന്ന കേസ് രാത്രി വീട് വളഞ്ഞ് അറസ്റ്റ് ചെയ്യാൻ തക്കവണ്ണമുള്ള ഒരു വലിയ പ്രശ്നമല്ലെന്നും രമേശ് ചെന്നിത്തല.

ഇത് മുൻകാലങ്ങളിൽ നടന്ന രാഷ്ട്രീയ പ്രശ്നങ്ങളുടെ തുടർച്ചയായി സർക്കാർ ഭരണകൂട ഭീകരതയുടെ ഏറ്റവും വൃത്തികെട്ട മുഖം കാണിക്കുന്ന സംഭവമാണ്. ഇത് കേരള പോലീസിന്റെ ചരിത്രത്തിൽ ഒരു കളങ്കമായി കിടക്കും.ഈ വിഷയത്തിൽ ശക്തമായി പ്രതിഷേധിക്കുന്നു എന്നും രമേശ് ചെന്നിത്തല പറഞ്ഞു.