Advertisment

വന്യജീവി ആക്രമണങ്ങള്‍ക്കെതിരെ ട്വന്റി 20 പാര്‍ട്ടി അങ്കമാലി നിയോജക മണ്ഡലം കമ്മിറ്റിയുടെ നേതൃത്വത്തില്‍ നീലീശ്വരത്ത് പ്രതിഷേധ നില്‍പ്പ് സമരം നടത്തി

മലയോര മേഖലയിലെ വന്യജീവി ആക്രമണങ്ങള്‍ക്കും കാര്‍ഷിക മേഖലയുടെ തകര്‍ച്ചയ്ക്കും പരിഹാരം കണ്ടെത്തണമെന്നാവശ്യപ്പെട്ട് ട്വന്റി 20 പാര്‍ട്ടി അങ്കമാലി നിയോജക മണ്ഡലം കമ്മിറ്റിയുടെ നേതൃത്വത്തില്‍ നീലീശ്വരത്ത് പ്രതിഷേധ നില്പ് സമരം നടത്തി.

New Update
TWENTY TWENTY

 മലയോര മേഖലയിലെ വന്യജീവി ആക്രമണങ്ങള്‍ക്കെതിരെ ട്വന്റി 20 പാര്‍ട്ടി അങ്കമാലി നിയോജക മണ്ഡലം കമ്മിറ്റി നീലീശ്വരത്ത് സംഘടിപ്പിച്ച പ്രതിഷേധ നില്പ് സമരം പാര്‍ട്ടി സംസ്ഥാന എക്‌സിക്യൂട്ടീവ് ബോര്‍ഡ് അംഗം അഡ്വ ചാര്‍ളി പോള്‍ ഉദ്ഘാടനം ചെയ്യുന്നു. നിയോജക മണ്ഡലം പ്രസിഡന്റ് ഡോ. വര്‍ഗ്ഗീസ് ജോര്‍ജ്, ഫ്രാന്‍സീസ് കല്ലൂക്കാരന്‍ ജോസഫ് പടയാട്ടില്‍, ആന്റണി മണ്ണായന്‍, റിജു മലയാറ്റൂര്‍ എന്നിവര്‍ സമീപം.

കാലടി: മലയോര മേഖലയിലെ വന്യജീവി ആക്രമണങ്ങള്‍ക്കും കാര്‍ഷിക മേഖലയുടെ തകര്‍ച്ചയ്ക്കും പരിഹാരം കണ്ടെത്തണമെന്നാവശ്യപ്പെട്ട് ട്വന്റി 20 പാര്‍ട്ടി അങ്കമാലി നിയോജക മണ്ഡലം കമ്മിറ്റിയുടെ നേതൃത്വത്തില്‍ നീലീശ്വരത്ത് പ്രതിഷേധ നില്പ് സമരം നടത്തി.

Advertisment

ട്വന്റി 20 പാര്‍ട്ടി സംസ്ഥാന എക്‌സിക്യൂട്ടീവ് ബോര്‍ഡ് അംഗം അഡ്വ ചാര്‍ളി പോള്‍ സമരം ഉദ്ഘാടനം ചെയ്തു. പരമ്പരാഗത രീതിയിലോ ആധുനിക സംവിധാനങ്ങള്‍ ഉപയോഗിച്ചോ വന്യമൃഗങ്ങളെ തടയണമെന്നും ഭക്ഷണവും വെള്ളവും വനത്തില്‍ തന്നെ നല്കാന്‍ സംവിധാനമൊരുക്കണമെന്നും അഡ്വ .ചാര്‍ളി പോള്‍ പറഞ്ഞു. 


വന്യമൃഗങ്ങള്‍ പെരുകിയ സാഹചര്യത്തില്‍ 1972 ലെ വന നിയമത്തില്‍ ഭേദഗതി വരുത്തണം. വന്യമൃഗങ്ങള്‍ മനുഷ്യവാസ മേഖലയില്‍ അതിക്രമിച്ച് കയറി ജനങ്ങളെ വേട്ടയാടുമ്പോള്‍ കേരള സര്‍ക്കാര്‍ നിസ്സംഗത വെടിഞ്ഞ് നടപടികള്‍ സ്വീകരിക്കണം. 

ജനങ്ങള്‍ ഭീതിയിലും ദുരിതത്തിലുമാണ്. വീടുകളില്‍ നിന്ന് പുറത്തിറങ്ങാനോ കൃഷി ചെയ്യാനോ സാധിക്കുന്നില്ല. കൃഷിയിറക്കാനാ കാതെ കടം പെരുകി, ജപ്തി നടപടി നേരിടുന്ന സാഹചര്യമാണ് ഇന്നുള്ളത്. ഇതിനെല്ലാം ശാശ്വത പരിഹാരം കണ്ടെത്തണമെന്ന് അഡ്വ ചാര്‍ളി പോള്‍ പറഞ്ഞു.


അങ്കമാലി നിയോജക മണ്ഡലം പ്രസിഡന്റ് ഡോ. വര്‍ഗ്ഗീസ് ജോര്‍ജ് അധ്യക്ഷനായി. ഫ്രാന്‍സീസ് കല്ലൂക്കാരന്‍, ജോസഫ് പടയാട്ടില്‍, ആന്റണി മണ്ണായന്‍, റിജു മലയാറ്റൂര്‍, പോളച്ചന്‍ താണിക്കപ്പറമ്പില്‍, ജോസ് കോനൂരാന്‍, വില്‍സണ്‍ വര്‍ഗ്ഗീസ്, ജോണ്‍സണ്‍ വടക്കേവീട്ടില്‍, അംബിക സഹദേവന്‍, സോജ ജോസഫ് എന്നിവര്‍ പ്രസംഗിച്ചു.


പഞ്ചായത്ത് തല വാര്‍ഡു കമ്മിറ്റികള്‍ രൂപീകരിക്കാനും കണ്‍വെന്‍ഷനുകള്‍ നടത്താനും ഗൃഹസന്ദര്‍ശനങ്ങള്‍ നടത്താനും തീരുമാനിച്ചു. പഞ്ചായത്തുകളില്‍ പാര്‍ട്ടി ഓഫീസുകള്‍ തുറക്കും. വിവിധ മേഖലകളില്‍ പ്രാഗത്ഭ്യം തെളിയിച്ചവരെ അവാര്‍ഡുകള്‍ നല്കി ആദരിക്കും.

 

Advertisment