കോന്തുരുത്തിയിൽ കൊല്ലപ്പെട്ടത് ലൈംഗിക തൊഴിലാളി, കമ്പിപ്പാര കൊണ്ട് തലയ്ക്കടിച്ച് കൊന്നത് സാമ്പത്തിക തർക്കത്തെ തുടർന്നെന്ന് പൊലീസ്

രാത്രി 10 മണിക്ക് എറണാകുളം സൗത്തിൽ വച്ചാണ് ഇരുവരും പരിചയപ്പെടുന്നത്. പിന്നാലെ വീട്ടിലേക്ക് കൊണ്ടുവന്നു. പണത്തെ ചൊല്ലി തർക്കം ഉണ്ടായതോടെ 12 മണിയോടെ കമ്പി പാര ഉപയോഗിച്ച് തലയ്ക്കടിച്ചു കൊലപ്പെടുത്തി.

കഴുത്തിൽ കയറിട്ട് കുരുക്കിയാണ് മൃതദേഹം പുറത്തേക്ക് കൊണ്ടുവന്നതെന്നും എസിപി പറ‍ഞ്ഞു. ആദ്യത്തെ ചോദ്യം ചെയ്യലിൽ പ്രതി പോലീസിനെ തെറ്റിദ്ധരിപ്പിക്കാൻ ശ്രമിച്ചു. കൊലപാതകം നടത്തിയത് താനല്ല എന്നാണ് ആദ്യം പറഞ്ഞതെന്നും പൊലീസ് വ്യക്തമാക്കി.