/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/M5ae0wkfCWcSLOux0zZb.jpg)
തിരുവനന്തപുരം: രാഹുല് മാങ്കൂട്ടത്തില് വിഷയത്തില് മുഖ്യമന്ത്രിയുടെ പ്രതികരണത്തിനെതിരെ കോണ്ഗ്രസ് നേതാവ് രമേശ് ചെന്നിത്തല. സിപിഐഎമ്മിലെ സ്ത്രീലമ്പടന്മാരെ ആദ്യം നിലയ്ക്ക് നിര്ത്തട്ടെയെന്നും പാര്ട്ടി കോടതിയില് വിചാരണ നടത്തുന്ന മുഖ്യമന്ത്രിയാണ് വലിയ വര്ത്തമാനം പറയുന്നത് എന്നുമാണ് രമേശ് ചെന്നിത്തലയുടെ വിമര്ശനം.
സ്ത്രീലമ്പടന്മാരെ മുഴുവന് സംരക്ഷിക്കുകയും പദവികള് വാരിക്കോരി കൊടുക്കുകയും ചെയ്യുന്ന മുഖ്യമന്ത്രിയാണ് ഈ പറയുന്നത്. ഒരു സ്ത്രീ കൊടുത്ത പരാതി പൊലീസിലേക്ക് കൈമാറി കൊടുക്കാന് രണ്ടാഴ്ച എടുത്ത മുഖ്യമന്ത്രിയാണ് കോണ്ഗ്രസിനെതിരെ പറയുന്നതെന്നും രമേശ് ചെന്നിത്തല വിമര്ശിച്ചു.
പിണറായി വിജയന് പാര്ട്ടി സെക്രട്ടറി ആയിരുന്നപ്പോള് നടന്ന കര്യങ്ങള് ഒന്നും നമ്മളെ കൊണ്ട് പറയിപ്പിക്കരുത്. പാര്ട്ടി സെക്രട്ടറി ആയിരുന്നപ്പോള് പിണറായി വിജയന് പീഡന പരാതികള് ഒതുക്കി തീര്ത്തുവെന്നും ചെന്നിത്തല ആരോപിച്ചു.