പി.വി. അന്‍വറിനെ ചോദ്യം ചെയ്യാന്‍ ഇഡി; നേരിട്ട് ഹാജരാകാന്‍ നോട്ടീസ് അയക്കും

മലപ്പുറം: നിലമ്പൂര്‍ മുന്‍ എംഎല്‍എ പി.വി. അന്‍വറിനെ ഇഡി ചോദ്യം ചെയ്യും. കൊച്ചിയിലെ സോണല്‍ ഓഫീസില്‍ നേരിട്ട് ഹാജരാകാന്‍ ഉടന്‍ നോട്ടീസ് അയക്കും. ഈ ആഴ്ച തന്നെ ഹാജരാകാനാകും നിര്‍ദേശം. അന്‍വറിന്റെ ബിനാമി ഇടപാടുകളെ സംബന്ധിച്ചും ഇഡി അന്വേഷിക്കും.

അന്‍വറിന്റെ എടവണ്ണ ഒതായിലെ വീട്ടില്‍ നടത്തിയ റെയ്ഡിനു പിന്നാലെയാണ് നീക്കം. അന്‍വറിന്റെ പ്രധാന സഹായിയും ഡ്രൈവറുമായ സിയാദിന്റെ വീട്ടിലും റെയ്ഡ് നടന്നിരുന്നു.