നിസാര വകുപ്പുകൾ ചുമത്തി, കുറ്റക്കാരയ ഡോക്ടർമാരെ സംരക്ഷിക്കുന്നു, ഒൻപതു വയസുകാരിയുടെ കൈ മുറിച്ചു മാറ്റിയതിൽ ആരോപണവുമായി കുടുംബം

കഴിഞ്ഞ വർഷം ഒക്ടോബർ ഒന്നിനാണ് വിനോദിനിയുടെ കൈമുറിച്ചു മാറ്റേണ്ടി വന്നത്. പ്രോട്ടോകോൾ പ്രകാരമുള്ള ചികിത്സ നൽകിയില്ലെന്ന് ആരോഗ്യവകുപ്പ് കണ്ടെത്തി. ഒരു മാസം കഴിഞ്ഞ് രണ്ട് ജൂനിയർ ഡോക്ടർമാരെ അന്വേഷണ വിധേയമായി സസ്പെൻഡ് ചെയ്തു.

കുടുംബത്തിൻ്റെ പരാതിയിൽ, അശ്രദ്ധമായ പ്രവൃത്തിയിലൂടെ ഗുരുതരമായി പരിക്കേൽപ്പിക്കുക എന്ന വകുപ്പ് ചുമത്തി ഡോക്ടർമാർക്കെതിരെ പാലക്കാട് ടൗൺ സൗത്ത് പൊലീസ് കേസെടുത്തു. എന്നാൽ മൂന്ന് മാസം തടവും പതിനായിരം രൂപ പിഴയും ലഭിക്കുന്ന നിസാര വകുപ്പാണ് ഡോക്ടർമാർക്കെതിരെ ചുമത്തിയത്. കുട്ടിയുടെ കൈ നഷ്ടപ്പെട്ട സംഭവത്തിൽ ഗുരുതര വകുപ്പുകൾ ചുമത്തണമെന്നാണ് കുടുംബത്തിൻ്റെ ആവശ്യം.