കൽപ്പറ്റയിൽ കർണാടകം സ്റ്റേറ്റ് ആർടിസിയും സ്വകാര്യ ബസുമാണ് കൂട്ടിയിടിച്ച് അപകടം. നാലുപേർക്ക് പരിക്ക്

വയനാട്: കോഴിക്കോട്–-കൊല്ലഗൽ ദേശീയപാതയിൽ കൽപ്പറ്റ സിവിൽ സ്റ്റേഷന് സമീപം ബസുകൾ കൂട്ടിയിടിച്ച് അപകടം. കോഴിക്കോട് ഭാഗത്തേക്ക് പോകുന്ന കർണാടകം സ്റ്റേറ്റ് ആർടിസിയും കൽപ്പറ്റ–- ബത്തേരി റൂട്ടിലോടുന്ന സ്വകാര്യ ബസുമാണ് കൂട്ടിയിടിച്ചത്. 

രണ്ട് വാഹനങ്ങളിലുമായി നാലുപേർക്ക് നിസ്സാര പരിക്കേറ്റു. ബസിന്റെ ഡ്രൈവർമാർ ഇരുന്ന ഭാഗമാണ്‌ ഇടിച്ചത്‌. 

സ്വകാര്യ ബസിന്റെ മുൻവശം പൂർണമായും തകർന്നു. ദേശീയപാതയിൽ അൽപ്പനേരം ഗതാഗത തടസ്സവുമുണ്ടായി. കൽപ്പറ്റ പൊലീസ് സ്ഥലത്തെത്തി തുടർനടപടി സ്വീകരിച്ചു.