കനത്ത മഴ; കണ്ണൂരിൽ കിണർ ഭൂമിക്കടിയിലേക്ക് ഇടിഞ്ഞുതാണു

കണ്ണൂർ: മലപ്പട്ടത്ത് കനത്ത മഴയിൽ കിണർ ഭൂമിക്കടിയിലേക്ക് ഇടിഞ്ഞുതാണു. മയ്യിൽ-മലപ്പട്ടം റോഡിലെ പന്നിയോട്ട് വയലിലെ പിവി മോഹനന്റെ കിണറാണ് പൂർണമായും ഇടിഞ്ഞത്.

കനത്ത മഴയിൽ വീടിനോടു ചേർന്നുള്ള കിണർ പൂർണമായും ഇടിഞ്ഞുതാഴുകയായിരുന്നു. 17 കോൽ ആഴമുള്ള കിണറാണ്. 

കിണറ്റിലുണ്ടായിരുന്ന മോട്ടോർ ഉൾപ്പെടെ നഷ്ടപ്പെട്ടു. ഏകദേശം 1.50 ലക്ഷം രൂപയുടെ നഷ്ടം കണക്കാക്കുന്നു.