/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/2026/03/03/zudio-2026-03-03-22-50-34.jpg)
കൊച്ചി: വസ്ത്ര വ്യാപാര ശൃംഖലയായ സുഡിയോ അവതരിപ്പിക്കുന്ന ‘സുഡിയോ– ഫാഷന് ഗിഫ്റ്റ്’ മത്സരത്തിന്റേതെന്ന പേരില് പ്രചരിക്കുന്ന ലിങ്ക് വ്യാജമെന്ന് പോലീസ്. ഇത്തരം ലിങ്കുകളില് ക്ലിക്ക് ചെയ്താല് പണം നഷ്ടമാകാന് സാധ്യതയുണ്ടെന്നാണ് സൈബര് പോലീസ് മുന്നറിയിപ്പ്.
ലിങ്കില് ക്ലിക്ക് ചെയ്ത് ചോദ്യോത്തരങ്ങളില് പങ്കെടുത്ത് നിര്ദേശങ്ങള് പാലിച്ചാല് 4,000 രൂപയുടെ ഗിഫ്റ്റ് കാര്ഡ് നേടാനുള്ള അവസരമുണ്ടെന്നാണ് പറയുന്നത്. വ്യക്തിവിവരങ്ങളും ഇതിനായി നല്കാന് ആവശ്യപ്പെടുന്നുണ്ട്. തുടര്ന്ന് ഒടിപി ഷെയര് ചെയ്ത് തട്ടിപ്പ് നടത്തുന്നതാണ് ഇവരുടെ രീതി.
ഏത് കമ്പനിയുടേതെന്ന അവകാശവാദത്തോടെയാണോ ലിങ്ക് പ്രചരിക്കുന്നത്, അവരുടെ ഔദ്യോഗിക വെബ്സൈറ്റ് അഥവാ സമൂഹമാധ്യമ അക്കൗണ്ടുകള് പരിശോധിച്ച് യഥാര്ഥമാണോ അതോ തട്ടിപ്പാണോ എന്ന് ഉറപ്പാക്കണമെന്നാണ് പോലീസ് നിർദേശം.