പാണക്കാട്ടെ കുടുംബത്തെ ആരും തൊട്ടു കളിക്കേണ്ട, പിന്തുണയുമായി പിഎംഎ സലാം രംഗത്ത്

പാണക്കാട് മുഈന്‍ അലി തങ്ങൾക്ക് പിന്തുണയുമായി മുസ്ലിംലീഗ് ജനറൽ സെക്രട്ടറി പിഎംഎ സലാം  രംഗത്ത്.

 മുഈന്‍ അലി തങ്ങളെ വീല്‍ചെയറില്‍ ഇരുത്തുമെന്നുള്ള ഭീഷണിക്കെതിരെ  പോലീസ് നടപടി വേഗത്തില്‍ ആക്കണമെന്നും പി എം എ സലാം ആവശ്യപ്പെട്ടു.

ഫേസ്ബുക്ക് പോസ്റ്റിലാണ് ജനറൽ സെക്രട്ടറി നിലപാട് വ്യക്തമാക്കിയത്.

പോസ്റ്റിന്റെ പൂർണ രൂപം -

പാണക്കാട് മുഈനലി തങ്ങൾക്കെതിരെയുളള ഭീഷണിയിൽ പോലീസ്  നടപടി വേഗത്തിലാക്കണം. കുറ്റവാളിക്കെതിരെ ശക്തമായ ശിക്ഷാനടപടി സ്വീകരിക്കണം. ഭീഷണിപ്പെടുത്തിയ വ്യക്തിയെ അച്ചടക്കം ലംഘിച്ചതിന് പാർട്ടിയിൽ നിന്ന്  നേരത്തെ പുറത്താക്കിയതാണ്. നിലവിൽ ഈ വ്യക്തിക്ക് പാര്‍ട്ടിയുമായി ഒരു ബന്ധവുമില്ല.  ലീഗിന്റെ നിലപാട് പാര്‍ട്ടിയുടെ ഉത്തരവാദിത്വപ്പെട്ടവർ  പറയുന്നതാണ്. മുഈനലി തങ്ങൾക്കൊപ്പം പാർട്ടിയുണ്ട്.