കോട്ടയം: സ്വകാര്യ ട്രെയിനുകളില് യാത്രക്കാരെ ആകര്ഷിക്കാന് ട്രെയിന് വൈകി ഓടിയാല് ടിക്കറ്റിന് റീ ഫണ്ട് ഓഫര്. എന്നാല് റീഫണ്ട് നല്കേണ്ടിവന്നത് 26 ലക്ഷം രൂപ. 2019 ഒക്ടോബര് 4 നും- 2024 ഫെബ്രുവരി 16 നും ഇടയില് ഐആര്സിടിസി യാത്രക്കാര്ക്ക് 26 ലക്ഷം രൂപ നഷ്ടപരിഹാരമായി നല്കിയത്.
ന്യൂഡല്ഹിയില് നിന്ന് ലഖ്നൗവിലേക്കും, അഹമ്മദാബാദില് നിന്ന് മുംബൈയിലേക്കും സര്വീസ് നടത്തുന്ന തേജസ് ട്രെയിന് ആണ് ഈ നഷ്ടപരിഹാരത്തിനു പ്രധാന കാരണം. സ്വകാര്യ ട്രെയിനുകളിലേക്കു യാത്രക്കാരെ ആകര്ഷിക്കുന്നതിനാണു ഐ.ആര്.സി.ടി.സി ഈ നഷ്ടപരിഹാര പദ്ധതി അവതരിപ്പിച്ചിരുന്നത്.
എന്നാല് പദ്ധതി കമ്പനിക്കു തന്നെ ബാധ്യതയാകാന് തുടങ്ങിയതോടെ റീണ്ട് തന്നെ ഐ.ആര്.സി.ടി.സി അവസാനിപ്പിച്ചു. പക്ഷേ, അധികം ആരും അറിയാതെ അതീവ രഹസ്യമായാണ് നീക്കം നടത്തിയത്.
/sathyam/media/media_files/2024/11/08/NbSglof19fdgoIP8NnD6.jpg)
സ്വകാര്യ ട്രെയിനുകള് 60- 120 മിനിറ്റ് വൈകിയാല് ഒരു യാത്രക്കാരന് 100 രൂപയും, 120- 240 മിനിറ്റ് വൈകിയാല് ഒരു യാത്രക്കാരന് 250 രൂപയുമാണ് നഷ്ടപരിഹാരമായി നല്കിയത്. ട്രെയിന് റദ്ദാക്കുന്ന സാഹചര്യത്തില് കോര്പ്പറേഷന് മുഴുവന് ടിക്കറ്റ് നിരക്കും യാത്രക്കാര്ക്ക് തിരികെ നല്കിയിരുന്നു. കാലതാമസമുണ്ടായാല് യാത്രക്കാര്ക്ക് ഭക്ഷണം, വെള്ളം സൗകര്യവും ഒരുക്കിയിരുന്നു.
/sathyam/media/post_banners/AXEjyH0yjVoRCotMFUBZ.jpg)
2024 ഫെബ്രുവരി 15 മുതല് ഈ നിയമം പ്രാബല്യത്തില് വന്നെന്നാണ് ഐആര്സിടിസിയുടെ മറുപടി വ്യക്തമാക്കുന്നത്. എന്നാല് ഇക്കാര്യം സ്ഥിരം യാത്രക്കാര് പോലും ഇതുവരെ അറിഞ്ഞിട്ടില്ല.
2019- 20ല് 1.78 ലക്ഷം രൂപ, 2020- 21ല് 0 രൂപ, 2021- 22ല് 96,000 രൂപ, 2022- 23ല് 7.74 ലക്ഷം രൂപ, 2023- 24ല് 15.65 ലക്ഷം രൂപ എന്നിങ്ങനെയാണ് യാത്രക്കാര്ക്ക് നഷ്ടപരിഹാരം നല്കിയത്.
അതേസമയം, ട്രെയിന് വൈകിയാല് യാത്രക്കാര്ക്ക് സൗജ്യമായി ഭക്ഷണവും വെള്ളവും നല്കുന്നത് മറ്റു ട്രെയിനുകളിലും നടപ്പാക്കാന് റെയില്വേ ലക്ഷ്യമിടുന്നുണ്ട്.
/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/post_banners/LO2RjMTiXzIR9C3pi1S9.jpg)