ഇന്ന് ആഗസ്റ്റ് 28; അയ്യന്‍കാളി ജയന്തിയും ദേശീയ വീഞ്ഞ് ദിനവും ഇന്ന്: പി സി ജോര്‍ജിന്റേയും വിജയകുമാറിന്റേയും ജന്മദിനം; ഇസ്ലാമിക പ്രവാചകന്‍ മുഹമ്മദിന്റെ മകള്‍ ഫാത്തിമ മരിച്ചതും മെയ്ഡിംഗ്‌നു പംഹൈബ മണിപ്പൂരിലെ രാജാവായതും ഇതേ ദിനം തന്നെ: ചരിത്രത്തില്‍ ഇന്ന്‌

🌅ജ്യോതിർഗ്ഗമയ🌅
                      
കൊല്ലവർഷം 1200   
ചിങ്ങം 12
മകയിരം / ദശമി
2024  ആഗസ്റ്റ് 28, 
ബുധൻ

ഇന്ന്;

• അയ്യൻകാളി ജയന്തി !
• (കേരളത്തിലെ സാമൂഹിക പരിഷ്കർത്താക്കളിൽ പ്രമുഖനായ അയ്യങ്കാളിയുടെ ജന്മദിനമാണ് ഇന്ന്) 

 *ദേശീയ വീഞ്ഞ്‌ ദിനം !
ദേശീയ റെഡ് വൈൻ ദിനം 

റെഡ് വൈൻ വ്യവസായത്തിൻ്റെ ഭൂതകാലത്തിലേക്ക് എത്തിനോക്കാനും അത് ആധുനിക കാലത്തേക്ക് എങ്ങനെ വികസിച്ചുവെന്ന് കാണാനും വേണ്ടിയുള്ളതിനാണ് ഈ ദിനാചരണം. ]

*റെയിൻബോ ബ്രിഡ്ജ് അനുസ്മരണ ദിനം !

വളർത്തുമൃഗങ്ങളെ സ്നേഹിക്കുന്നവരെ ഒരുമിച്ച് കൊണ്ടുവരുന്ന ഒരു ഹൃദ്യമായ അവസരമായാണീ ദിനം ആഘോഷിക്കപ്പെടുന്നു, ആളുകൾക്ക് ചത്തുപോയ വളർത്തുമൃഗങ്ങളെ ഓർക്കാനുള്ള ഒരു പ്രത്യേക ദിവസമായി ഇതിനെ കാണുന്നു. 

വളർത്തുമൃഗങ്ങൾ അവരുടെ ഉടമകളുമായി വീണ്ടും ഒന്നിക്കാൻ കാത്തിരിക്കുന്ന ഒരു പുരാണത്തിലെ പാലത്തെക്കുറിച്ചുള്ള ഹൃദയസ്പർശിയായ കവിതയിൽ നിന്നാണ് ഈ ദിവസത്തിന് ഈ പേര് ലഭിച്ചത്.]

*റേഡിയോ വാണിജ്യ  ദിനം !

റേഡിയോ പരസ്യങ്ങൾ പലപ്പോഴും ചില സംഗീതം വരാൻ വേണ്ടി കാത്തിരിക്കുമ്പോൾ സഹിക്കേണ്ടി വരുന്ന ഒരു ശല്യമായി നാം കാണാറുണ്ട്, എന്നാൽ ചിലർ മറന്നുപോകുന്നത് ഏതാണ്ട് ഒരു നൂറ്റാണ്ടായി അവ വിനോദ ബിസിനസിൻ്റെ ഒരു പ്രധാന ഭാഗമാണ് എന്നതാണ്. റേഡിയോ സ്റ്റേഷനുകൾക്ക് വരുമാനമുണ്ടാക്കാൻ മാത്രമല്ല, നിരവധി ആളുകൾക്ക് തൊഴിൽ നൽകാനും ആ പരസ്യങ്ങൾ സഹായികരമാവുന്നുണ്ട്. അതിൻ്റെ ഓർമ്മ ദിനമാണ് ഇന്ന്]

*ലാ ടൊമാറ്റിന !

[സ്‌പെയിനിലെ ബുനോൾ പട്ടണത്തിൽ ആയിരക്കണക്കിന് ആളുകൾ ഒത്തുകൂടുന്ന ഒരു ആഘോഷമാണ് ലാ ടോമാറ്റിന. ലോകമെമ്പാടുമുള്ള ആളുകൾ പങ്കെടുക്കുന്ന ഈ വമ്പിച്ച തക്കാളി ഏറിൻ്റെ പോരാട്ടം, ബുനോൾ തെരുവുകളെ ചുവപ്പു നിറത്തിൽ നിറയ്ക്കുന്ന കാഴ്ച സുന്ദരമാണ്. ]

*റേസ് യുവർ മൗസ് എറൗണ്ട് ദി ഐക്കൺസ് ഡേ !

[ Race Your Mouse Around The Icons Day -  കമ്പ്യൂട്ടറുകൾക്ക് മുന്നിൽ ഇരിക്കുന്ന ലോകത്തെമ്പാടുമുള്ള ആളുകളെ അവരുടെ കഴ്‌സറുകൾ ഉപയോഗിച്ച് അവരവരുടെ ക്രിയാത്മകതയിലേർപ്പെടാനും ആഘോഷിക്കാനും പ്രോത്സാഹിപ്പിക്കുന്ന ദിനമാണ് ഇന്ന്]

[ചെറി പൈ ഒരു അത്ഭുതകരമായ ട്രീറ്റാണ്, എല്ലായിടങ്ങളിലേക്ക് എത്തിക്കുന്നതിൽ ബുദ്ധിമുട്ടുണ്ട്.  ദേശീയ ചെറി വിറ്റുവരവ് ദിനം അത്തരമൊരു കാര്യം കണ്ടുപിടിച്ചതായി നമ്മെ ഓർമ്മിപ്പിക്കുന്നു, ഒപ്പം അതിൻ്റെ സ്വാദിഷ്ടത ആഘോഷിക്കുകയും ചെയ്യുന്നു]

* നാഷണൽ ബോ ടൈ ഡേ!

[ഫാഷൻ്റെ ഏറ്റവും വ്യതിരിക്തമായ ആക്‌സസറികളിൽ ഒന്നായി സമർപ്പിക്കപ്പെട്ട രസകരവും സ്റ്റൈലിഷും ആയ ഒരു ഇവൻ്റാണിത് . 17-ാം നൂറ്റാണ്ട് മുതലുള്ള ബോ ടൈയുടെ നീണ്ട ചരിത്രത്തെ ഈ ദിവസം ആദരിക്കുന്നു. നൂറ്റാണ്ടുകളായി, ബോ ടൈ ചാരുതയുടെയും ബുദ്ധിയുടെയും പ്രതീകമായി മാറിയിരിക്കുന്നു.
ഈ ദിവസം ആളുകളെ അവരുടെ ശൈലി കാണിക്കാനും വിവിധപ്രവർത്തനങ്ങളിൽ പങ്കെടുക്കാനും പ്രോത്സാഹിപ്പിക്കുന്നു. ]

* മെക്സിക്കൊ : Grand Parents Day !
**********

       ഇന്നത്തെ മൊഴിമുത്ത്
      ്‌്‌്‌്‌്‌്‌്‌്‌്‌്‌്‌്‌്‌്‌്‌്‌്‌്‌്‌്‌്‌്‌്‌
"ഞങ്ങളുടെ കുഞ്ഞുങ്ങളെ പഠിക്കാനനുവദിച്ചില്ലെങ്കില്‍ നിങ്ങളുടെ വയലുകളില്‍ ഞങ്ങള്‍ പണിക്കിറങ്ങില്ല. നെല്ലിന് പകരം അവിടെ പുല്ലും കളയും വളരും." 

      [ - മഹാത്മാ അയ്യൻകാളി ]
       **********

ഇന്ന് ജന്മദിനം ആചരിയ്ക്കുന്ന പ്രമുഖരിൽ ചിലർ 

പൊതുപ്രവർത്തകനും കമ്മ്യൂണിസ്റ്റ് പാർട്ടി ഓഫ് ഇൻഡ്യ (മാർക്സിസ്റ്റ്)   പാർട്ടിയുടെ കേരളസംസ്ഥാന സമിതിയിലും കേന്ദ്ര കണ്ട്രോൾ കമ്മീഷനിൽ അംഗവും മുൻ ലോകസഭ അംഗവുമായ പി രാജേന്ദ്രന്റെയും (1949),

മുൻ കേരള നിയമസഭ ചീഫ് വിപ്പും  പൂഞ്ഞാർ നിയമസഭാമണ്ഡലത്തെ പ്രതിനിധീകരിച്ച എം.എൽ.എ.യായിരുന്ന  കേരള കോൺഗ്രസ് മാണി ഗ്രൂപ്പിന്റെ വൈസ്-ചെയർമാൻ ആയിരുന്ന, ഇപ്പോൾ ബിജെപി നേതാവുമായ പി സി ജോർജിൻ്റേയും (1951)

സുനിൽ ദത്തിന്റെ മകളും മുൻ ലോകസഭ അംഗവും കോൺഗ്രസ്സ് പാർട്ടി പ്രവർത്തകയുമായ പ്രിയാ ദത്ത് റോൺകോൺ എന്ന പ്രിയാ ദത്തിന്റെയും (1966),

എസ്.ജാനകിയുംടെയും പി.സുശീല യുടെയും ഗാനങ്ങൾ പ്രചാരം നേടുന്നതിനു മുമ്പുതന്നെ മലയാള സിനിമയിൽ കണ്ണാ താമരകണ്ണാ ( ഭക്തകുചേല), വെളുക്കുമ്പോൾ കുളിക്കുവാൻ പോകുന്ന വഴിവയ്ക്കിൽ -(കുട്ടിക്കുപ്പായം),  കിഴക്കു ദിക്കിലെ ചെന്തെങ്ങിൽ കരിക്കുപൊന്തിയ നേരത്ത് - (ആദ്യകിരണങ്ങൾ ),ശർക്കര പന്തലിൽ തേൻമഴ ചൊരിയും ചക്രവർത്തി കുമാര - (കെ.പി.എ.സി യുടെ നാടകഗാനം) തുടങ്ങിയ   നിരവധി ഹിറ്റു ഗാനങ്ങൾ പാടിയ എ.പി. കോമളയുടെയും (1934) ,

തമിഴ് സിനിമയിലെ പ്രശസ്തനായ നടനും തമിഴിനു പുറമെ ഹിന്ദി, മലയാളം, തെലുങ്കു ഭാഷകളിലെ സിനിമാ ടിവി സീരിയലുകളിലും നിറ സാന്നിദ്ധ്യവുമായ വിജയകുമാറിൻ്റേയും (1949),

ദക്ഷിണേന്ത്യൻ സിനിമകളിലെ  ശ്രദ്ധേയനായ നടനും ഏകദേശം 4 പതിറ്റാണ്ട് നീണ്ട തൻ്റെ കരിയറിൽ, 10 ഭാഷകളിലായി 700 ലധികം സിനിമകളിൽ അഭിനയിച്ച  തെലുങ്ക് സിനിമയിലെ ഏറ്റവും പ്രമുഖ നടന്മാരിൽ ഒരാളായ സുമൻ്റേയും ( 1959) ,

 2002ല്‍ പുറത്തിറങ്ങിയ ഫൈവ് സ്റ്റാര്‍ എന്ന ചിത്രത്തിലൂടെ ചലച്ചിത്ര രംഗത്തേക്ക് കടന്നുവന്ന പ്രശസ്ത തമിഴ് ചലച്ചിത്ര നടൻ പ്രസന്നൻ്റേയും (1982),

തമിഴ്നാട്ടിൽ ജനിച്ച നടി ശാന്ത കുമാരിയുടേയും (1965 ),

പ്രശസ്ത സിനിമാതാരമായ രേഖയുടേയും ( 1970),

ടെനേഷ്യസ്-ഡി എന്ന റോക്ക് സംഗീത സംഘത്തിലെ പ്രധാന ഗായകനും   അമേരിക്കൻ  ചലച്ചിത്രനടനും കൊമേഡിയനും സംഗീതജ്ഞനുമായ ജായ്ക്ക് ബ്ലായ്ക്കിന്റെയും (1969),

 ദ ക്യൂരിയസ് കേസ് ഓഫ് ബെഞ്ചമിൻ ബട്ടൺ , ദ സോഷ്യൽ നെറ്റ്‍വർക്ക് എന്നീ ചിത്രങ്ങൾ മൂലം പ്രശസ്തനായ   അമേരിക്കൻ ചലച്ചിത്ര, സംഗീതചിത്ര സംവിധായകനും നിർമ്മാതാവുമായ ഡേവിഡ് ഫിഞ്ചർ എന്ന ഡേവിഡ് ആൻഡ്രൂ ലിയോ ഫിഞ്ചറിന്റെയും (1962),

വ്യത്യസ്തമായ ബൗളിംഗ് ആക്ഷന്റെ പേരിൽ വളരെയധികം പ്രസിദ്ധനും ശ്രീലങ്കൻ അന്താരാഷ്ട്ര ക്രിക്കറ്ററു മായ ലസിത് മലിംഗയുടെയും  (1983)

ഓസ്ട്രേലിയൻ അന്താരാഷ്ട്ര ക്രിക്കറ്റ് അമ്പയറും മുൻ ഫസ്റ്റ്-ക്ലാസ്സ് ക്രിക്കറ്റ്   കളിക്കാരനുമായ റോഡ് ടക്കറിന്റെയും (1964 ) ജന്മദിനമാണ് ഇന്ന് !

സ്മരണാഞ്ജലി !!
******
മഹാകവി വെണ്ണിക്കുളം ഗോപാലകുറുപ്പ് മ.(1902-1980)
കെ പി ഉറുമീസ്‌ തരകന്‍ മ. (1913-1993)
അഗസ്തീനോസ് മ. ( 354-430)
 ജൂനിപെറോ  സെറ മ. (1713-1784)
മുഹമ്മദ് നജീബ് മ. (1901-1984 )
ഇ.പി. തോംസൺ മ. (1924 -1993)

 
! ഇന്നേദിവസം നമ്മെ വിട്ടുപിരിഞ്ഞുപോയ പ്രമുഖരിൽ ചിലർ !

പ്രമുഖ കവി, നാടകകൃത്ത്, വിവർത്തകൻ, മലയാളത്തിലെ നിഘണ്ടുകാരൻ, കഥാകൃത്ത് , കൂടാതെ നിരവധി കവിതാ സമാഹാരങ്ങളുടെ രചയിതാവും , അഭിജ്ഞാന ശാകുന്തളം , തുളസി രാമായണം , തിരുക്കുളം , സുബ്രഹ്മണ്യ ഭാരതിയുടെ കവിതകൾ , എഡ്വിൻ അർണോൾഡിൻ്റെ ദ ലൈറ്റ് ഓഫ് ഏഷ്യയുടെ രണ്ട് കാണ്ഡങ്ങൾ എന്നിവ മലയാളത്തിലേക്ക് വിവർത്തനം ചെയ്ത മഹാകവി വെണ്ണിക്കുളം ഗോപാലകുറുപ്പ് 
(മെയ് 10,1902-1980 ആഗസ്റ്റ് 28)

ശ്രീനാരായണ ഗുരു ആലുവയില്‍ സ്‌ഥാപിച്ച അദ്വൈതാശ്രമത്തിലെ അദ്ധ്യാപകനും 1954 ല്‍   പെരുമ്പാവൂർ നിയോജക മണ്ഡലത്തിന്റെ കോൺഗ്രസ് പ്രതിനിധിയാകുകയും ചെയ്ത കെ പി ഉറുമീസ്‌ തരകൻ
 (1913-1993 ഓഗസ്റ്റ്‌ 28),

ഉത്തരാഫ്രിക്കയിൽ നിന്നുള്ള ലത്തീൻ ക്രിസ്തീയചിന്തകനും, ദൈവശാസ്ത്ജ്ഞനും മെത്രാനുമായിരുന്ന ഹിപ്പോയിലെ അഗസ്തീനോസ്  (നവംബർ 13, 354 – ഓഗസ്റ്റ് 28, 430),

റോമൻ കത്തോലിക്കാ സഭയിലെ ഒരു വിശുദ്ധനാണ് ദൈവത്തിന്റെ വിദൂഷകൻ എന്ന്   അർത്ഥം വരുന്ന "ജൂനിപെറോ " സെറ എന്നറിയപ്പെടുന്ന മിഗേൽ ജോസ് സെറ (നവംബർ 24, 1713 – ഓഗസ്റ്റ് 28, 1784),

അബ്ദുന്നാസറിനൊപ്പം 1952-ലെ ഈജിപ്ഷ്യൻ വിപ്ലവം   നയിച്ച ആദ്യത്തെ പ്രസിഡന്റ് മുഹമ്മദ് നജീബ്
 (1901 ഫെബ്രുവരി 20 - 1984 ഓഗസ്റ്റ് 28) ,

പല വിഭാഗങ്ങളിൽപ്പെട്ട ബ്രിട്ടിഷ് തൊഴിലാളികൾ ഒരു വർഗമായി ഒന്നിക്കുകയും തൊഴിലാളി വർഗബോധം ആർജിക്കുകയും ചെയ്തതിനെ പറ്റി ചരിത്രകൃതികളിൽ ഒരു ക്ലാസ്സിക്ക് ആയി പരിഗണിക്കപ്പെടുന്ന മേക്കിങ് ഒഫ് ദി ഇംഗ്ലീഷ് വർക്കിങ് ക്ലാസ്സ് എന്ന കൃതി എഴുതിയ ചരിത്രകാരനും മാർക്സിസ്റ്റ് ചിന്തകനുമായിരുന്ന ഇ.പി. തോംസൺ (1924 ഫെബ്രുവരി 3- ഓഗസ്റ്റ് 28, 1993),

*ഇന്ന് ജന്മദിനമാചരിയ്ക്കുന്ന നമ്മോടൊപ്പമില്ലാത്ത പ്രമുഖരിൽ ചിലർ!
....................

സംഘാടനവും ശക്തിപ്രകടനവും വഴി സഞ്ചാരസ്വാതന്ത്ര്യം അനുവദിപ്പിക്കുകയും, 1907-ൽ സാധുജന പരിപാലന യോഗം രൂപവത്കരിച്ച് ദളിതരുടെ അനിഷേധ്യനേതാവായി മാറുകയും ഉപജാതികൾ ക്കതീതമായി ചിന്തിക്കുകയും, ഹിന്ദു മതത്തിന്റെ ക്രൂരമായ അനാചാരങ്ങളെ ഭൌതികമായി തന്നെ എതിർക്കുകയും, വിദ്യാഭ്യാസത്തിലൂടെ സാമൂഹ്യ സ്വാതന്ത്ര്യത്തിലേക്ക് എത്തുവാൻ ദളിതരെ അന്നത്തെ കാലത്തു തന്നെ ആഹ്വാനം ചെയ്ത  സാമൂഹിക പരിഷ്കർത്താക്കളിൽ പ്രമുഖനായിരുന്ന മഹാത്മാ അയ്യൻ‌കാളി (28 ഓഗസ്റ്റ് 1863 - 18 ജൂൺ 1941),

ഗ്രാമീണ ജീവിതത്തിന്റെ നന്മകൾ പ്രതിപാദിക്കുന്ന  കാവ്യസമാഹാരം "കാവ്യോപഹാരം" എന്ന കവിതകൾ അടക്കം കൂട്ടുകവിതകൾ, മുക്തകങ്ങൾ, സ്വതന്ത്രകവിതകൾ വിവർത്തനങ്ങൾ എന്നിങ്ങനെ വ്യാപരിച്ച കാവ്യമേഖലയിലെല്ലാം സ്വന്തം മുദ്ര പതിപ്പിക്കാൻ കഴിഞ്ഞ കവി കുറ്റിപ്പുറത്ത് കേശവന്‍ നായർ
 ( ഓഗസ്റ്റ് 28,1882- 1959)

അദ്ധ്യാപകനായി ഔദ്യോഗിക ജീവിതം ആരംഭിക്കുകയും  പിന്നീട് ഹിന്ദി വിദ്യാലയം വികസിപ്പിച്ച് എല്ലാ പരീക്ഷകള്‍ക്കും ട്യൂഷന്‍ കൊടുക്കുന്ന ഒരു ട്യൂട്ടോറിയല്‍ കോളജ് ആയി വളര്‍ത്തിയെടുക്കുകയും,
പകല്‍ അദ്ധ്യാപനവും രാത്രി വിജ്ഞാനകോശത്തിന്റെ ജോലിയുമായി പതിമൂന്നു വര്‍ഷത്തോളം അധ്വാനിച്ചു നാലു വാല്യങ്ങളായി പുരാണിക് എന്‍സൈക്ലോപീഡിയയുടെ ഒന്നാം പതിപ്പ് രണ്ടു വാല്യങ്ങളായി രണ്ടാം പതിപ്പും, ലഘുപുരാണ നിഘണ്ടു, ഇംഗ്ലീഷ് ഗുരുനാഥന് ‍തുടങ്ങിയ കൃതികള്‍ രചിച്ച വെട്ടം മാണി ( 1921 ആഗസ്റ്റ് 28- മെയ് 29,1987),

 ആറന്മുള നിയമസഭാമണ്ഡലത്തിൽ നിന്നും മൂന്നും നാലും കേരളനിയമസഭകളിലേക്ക് തിരഞ്ഞെടുക്കപ്പെട്ടിട്ടുള്ള പി.എൻ. ചന്ദ്രസേനൻ (28 ഓഗസ്റ്റ് 1926 - 24 ഒക്ടോബർ 1988)

വിപി സിംഗ് മന്ത്രിസഭയിൽ ശാസ്ത്ര സാങ്കേതിക,വിദ്യാഭ്യാസ സഹമന്ത്രിയായിരുന്ന പ്രമുഖ ഭൗതിക ശാസ്ത്രജ്ഞൻ മാമ്പിളളിക്കളത്തിൽ ഗോവിന്ദ കുമാർ മേനോൻ  എന്ന എം.ജി.കെ മേനോൻ
 (28 ആഗസ്ററ് 1928 - 22 നവംബർ2016).

ബംഗാളി വനിതാ എഴുത്തുകാരിൽ പുറം ലോകം അംഗീകരിച്ച ആദ്യത്തെ വനിത എഴുത്തുകാരിയും, അനാഥരേയും, വിധവകളേയും സഹായിക്കുന്നതിനു വേണ്ടി,   സഖി സമിതി എന്നൊരു സംഘടന തുടങ്ങാൻ മുൻകൈയെടുക്കുകയും ചെയ്ത ദേബേന്ദ്രനാഥ ടാഗോറിന്റെ മകളും, രബീന്ദ്രനാഥ് ടാഗോറിന്റെ മുതിർന്ന സഹോദരിയും, കവയിത്രിയും, നോവലിസ്റ്റും, സംഗീതജ്ഞയും, സാമൂഹ്യപ്രവർത്തകയും ആയിരുന്ന  സ്വർണ്ണകുമാരീ ദേവി (1855 ആഗസ്റ്റ് 28- ജൂലൈ 3,1932),

ഇന്റലിജൻസ് ബ്യൂറോ മേധാവിയും സിക്കിം, പശ്ചിമ ബംഗാൾ, ഉത്തർപ്രദേശ് എന്നീ സംസ്ഥാനങ്ങളിലെ ഗവർണറുമായിക്കുകയും 2012 ൽ  പത്മവിഭൂഷൺ ലഭിക്കുകയും ചെയ്ത ടിവി രാജേശ്വർ (1926 ഓഗസ്റ്റ് 28 - 14 ജനുവരി 2018)

1857-ലെ ഇന്ത്യൻ ലഹളയുടെ തുടക്കത്തിലുണ്ടായ കാൻപൂർ കൂട്ടക്കൊലയിൽ പിതാവ് കൊല്ലപ്പെടുകയും, സ്വയം കഷ്ടിച്ച് രക്ഷപ്പെടുകയും, പിന്നീട് ഡെൽഹി പിടിച്ചടക്കാനുള്ള യുദ്ധത്തിൽ പങ്കെടുക്കുകയും  ദില്ലി നഗരം തിരിച്ചുപിടിച്ചപ്പോൾ ബ്രിട്ടീഷുകാർ നടത്തിയ ക്രൂരതകളെക്കുറിച്ചും, അതിനുശേഷവും തുടർന്ന പ്രതികാര നടപടികളെക്കുറിച്ചുമുള്ള  പശ്ചാത്തലത്തിൽ അദ്ദേഹം 1898-ൽ  ദ ശിപായ് മ്യൂട്ടിനി ആസ് സീൻ ബൈ എ സബോൾട്ടെൻ: ഫ്രം ഡെൽഹി റ്റൂ ലക്നൗ എന്ന കൃതി രചിക്കുകയും ചെയ്ത ഒരു ബ്രിട്ടീഷ് എഴുത്തുകാരനും സൈനികനുമായിരുന്ന എഡ്വേഡ് വൈബാർട്ട് എന്ന എഡ്വേഡ് ഡാനിയൽ ഹാമിൽറ്റൻ വൈബാർട്ട് ( 1837 ഓഗസ്റ്റ് 28 - 1923),

ഫിറാഖ് ഗോരഖ്പുരി എന്ന തൂലികാനാമത്തിൽ അറിയപ്പെടുന്ന ഒരു ഇന്ത്യൻ എഴുത്തുകാരനും നിരൂപകനും , ഒരു നിരൂപകൻ്റെ അഭിപ്രായത്തിൽ, ഇന്ത്യയിലെ ഏറ്റവും ശ്രദ്ധേയനായ സമകാലിക ഉറുദു കവികളിൽ ഒരാളുമായിരുന്ന രഘുപതി സഹായ് (28 ഓഗസ്റ്റ് 1896 - 3 മാർച്ച് 1982), 

ചരിത്രത്തിൽ ഇന്ന്
*******
ബി. സി. 30- ടോളമി വംശത്തിലെ അവസാന ഫറോവ ക്ലിയോപാട്ര ആത്മഹത്യ ചെയ്തു . (പാമ്പിനെ കൊണ്ട് കൊത്തിച്ചാണ് മരിച്ചതെന്ന് പറയുന്നു) മരണം സംബന്ധിച്ചും തീയ്യതി സംബന്ധിച്ചു അഭിപ്രായ വ്യത്യാസങ്ങൾ ഉണ്ട്.

632 - ഇസ്ലാമിക പ്രവാചകൻ മുഹമ്മദിൻ്റെ മകൾ ഫാത്തിമ മരിച്ചു, അവളുടെ മരണകാരണം സുന്നി മുസ്ലീങ്ങൾക്കും ഷിയ മുസ്ലീങ്ങൾക്കും ഇടയിൽ ഒരു വിവാദ വിഷയമായിരുന്നു.

663 - സില്ല - താങ് സൈന്യങ്ങൾ ബെയ്ക്ജെ പുനഃസ്ഥാപിക്കൽ ശ്രമം തകർത്തു, ബെയ്ക്ഗാങ് യുദ്ധത്തിൽ യമറ്റോ ജപ്പാനെ കൊറിയയിൽ നിന്ന് പിൻവലിക്കാൻ നിർബന്ധിച്ചു .

1189 - മൂന്നാം കുരിശുയുദ്ധം : കുരിശുയുദ്ധക്കാർ ഗയ് ഓഫ് ലുസിഗ്നൻ്റെ കീഴിൽ ഏക്കർ ഉപരോധം ആരംഭിച്ചു .

1648 - രണ്ടാം ഇംഗ്ലീഷ് ആഭ്യന്തരയുദ്ധം : രണ്ടാം ഇംഗ്ലീഷ് ആഭ്യന്തരയുദ്ധത്തിൽ പതിനൊന്ന് ആഴ്ചകൾക്ക് ശേഷം റോയലിസ്റ്റ് സേന പാർലമെൻ്ററി സേനയ്ക്ക് കീഴടങ്ങുമ്പോൾ കോൾചെസ്റ്റർ ഉപരോധം അവസാനിച്ചു.

1709 - മെയ്ഡിംഗ്നു പംഹൈബ മണിപ്പൂരിലെ രാജാവായി .

1789 - വില്യം ഹെർഷൽ ശനിയുടെ ഒരു പുതിയ ഉപഗ്രഹം കണ്ടെത്തി : എൻസെലാഡസ് .

1810 - നെപ്പോളിയൻ യുദ്ധങ്ങൾ : ഗ്രാൻഡ് പോർട്ട് യുദ്ധത്തിൽ ബ്രിട്ടീഷ് റോയൽ നേവിയുടെ കീഴടങ്ങൽ ഫ്രഞ്ച് നാവികസേന അംഗീകരിച്ചു .

1845 - പ്രശസ്ത സയൻസ് മാസികയായ സയന്റിഫിക്ക് അമേരിക്കയിൽ പ്രസിദ്ധീകരണം ആരംഭിച്ചു.

1884 - ടൊർണാഡോയുടെ നിലവിലെ ആദ്യ ഫോട്ടോ USA യിലെ സൗത്ത് ഡാക്കോട്ടയിൽ നിന്ന് എടുത്തു

1904 - ഇന്ത്യയിലെ ആദ്യത്തെ കാർ റാലി കൊൽക്കത്ത- ബാരഖ്പൂർ നടന്നു.

1907 - ജെയിംസ് ഇ. കെയിസി  പ്രശസ്ത  കൊറിയർ  കമ്പനിയായ   UPS സിയാറ്റിലിൽസ്ഥാപിക്കുന്നു

1916 - ജർമനി റുമേനിയയുടെമേൽയുദ്ധം പ്രഖ്യാപിക്കുന്നു

1916 - ഇറ്റലി ജർമനിയോട് യുദ്ധം പ്രഖ്യാപിക്കുന്നു.

1937 - ടൊയോട്ട മോട്ടോർ കോർപ്പറേഷൻ നിലവിൽ വന്നു.

1953 - നിപ്പോൺ റ്റിവി അതിന്റെ ആദ്യ ടെലിവിഷൻ പരിപാടി, ആദ്യ ടെലിവിഷൻ പരസ്യമുൾപ്പെടെ സം‌പ്രേഷണം ചെയ്യുന്നു.

1963 - മാർട്ടിൻ ലൂതർ കിങ്ങ് ജൂനിയറിന്റെ എനിക്കുമൊരു സ്വപ്നമുണ്ട് (I have a dream) എന്ന പ്രസംഗം

1963 - ലോകത്തിലെ ഏറ്റവും വലിയ ഒഴുകുന്ന പാലം വാഷിങ്ടണിലെ എവർഗ്രീൻ പോയന്റ് ബ്രിഡ്ജ് ഗതാഗതത്തിന് തുറന്ന് കൊടുത്തു.

1986 - ഭാഗ്യശ്രി സേഥ് ചെസിൽ ഗ്രാൻഡ് മാസ്റ്റർ നോം നേടുന്ന ആദ്യ ഇന്ത്യക്കാരിയായി.

1993 - ചൈനയിലെ ചിങ്ഹായിയിൽഅണക്കെട്ട് തകർന്ന് 223 പേർ മരിക്കുന്നു

2014 - ജൻ ധൻ യോജന പദ്ധതി ആരംഭിച്ചു.

2016 - ഓക്സിജനിൽ പറക്കുന്ന സ്ക്രം ജറ്റ് ഐ എസ് ആർ ഒ വിക്ഷേപിച്ചു.

2017 - ചൈന-ഇന്ത്യ അതിർത്തി തർക്കം : ചൈനയും ഇന്ത്യയും തങ്ങളുടെ സൈന്യത്തെ ഡോക്ലാമിൽ നിന്ന് പിൻവലിച്ചു , തർക്ക പ്രദേശത്ത് ചൈന റോഡ് നിർമ്മിക്കുന്നത് സംബന്ധിച്ച രണ്ട് മാസത്തെ സ്തംഭനത്തിന് വിരാമമിട്ടു.

' ടീം തത്ത്വമസി - ജ്യോതിർഗ്ഗമയ '