ഇന്ന് ജൂണ്‍ 20; ലോക അഭയാര്‍ത്ഥി ദിനം ! മഹ്ബൂബ് ഖാന്റെയും രാഹുല്‍ ഖന്നയുടെയും ജന്മദിനം: ബ്രിട്ടനില്‍ വിക്‌റ്റോറിയ രാജ്ഞി സ്ഥാനാരോഹണം ചെയ്തതും ഇന്ന്; ചരിത്രത്തില്‍ ഇന്ന്

.  ചരിത്രത്തിൽ ഇന്ന് , വർത്തമാനവും …  
    **************

.                    ' JYOTHIRGAMAYA '
.                    ്്്്്്്്്്്്്്്്
.                    🌅ജ്യോതിർഗ്ഗമയ🌅

കൊല്ലവർഷം 1200 
മിഥുനം 6
രേവതി  / നവമി
2025  ജൂൺ 20, 
വെള്ളി

ഇന്ന് ;

*ലോക അഭയാർത്ഥി ദിനം ! [ World Refugee Day ; ലോകമെമ്പാടുമുള്ള അഭയാർത്ഥികൾ അഭിമുഖീകരിക്കുന്ന പ്രശ്നങ്ങളെക്കുറിച്ച്, പോരാട്ടങ്ങളെക്കുറിച്ച്, അവബോധം സൃഷ്ടിക്കുന്നതിനായി എല്ലാ വർഷവും ജൂൺ 20-ന് ഈ ദിനം ആചരിക്കുന്നു.]

* ലോക ഉൽപ്പാദന ദിനം ![World Productivity Day ;  നിങ്ങളുടെ ഉൽപ്പാദനക്ഷമത വർദ്ധിപ്പിക്കാനും, അതിനു വേണ്ടി പാഴാകുന്ന സമയം കുറയ്ക്കാനും, അതു വഴി, നിങ്ങൾ ഇഷ്ടപ്പെടുന്ന കാര്യങ്ങൾക്കായി കൂടുതൽ സമയം ജീവിതത്തിൽ കണ്ടെത്താനും എങ്ങനെ കഴിയുമെന്നതിൽ ശ്രദ്ധ കേന്ദ്രീകരിക്കുവാൻ ഒരു ദിനം.]

  *ലോക 'വൈ ഫൈ' ദിനം !. [World Wi-Fi Day; നമ്മുടെ ലോകത്തെ രൂപപ്പെടുത്തുന്നതിൽ വൈ-ഫൈ സാങ്കേതികവിദ്യ വഹിക്കുന്ന സുപ്രധാന പങ്കിനെക്കുറിച്ച് ചിന്തിക്കുന്നതിന് ഒരു ദിനം.]

* അന്താരാഷ്ട്ര നിസ്റ്റാഗ്മസ് അവബോധ  ദിനം![കണ്ണുകളുടെ ചലനത്തെ ബാധിക്കുന്ന ഒരു അവസ്ഥയായ നിസ്റ്റാഗ്മസ് എന്ന അസുഖത്തെക്കുറിച്ച് അവബോധം സൃഷ്ടിയ്ക്കാൻ ഒരു ദിനം. നിങ്ങളുടെ കണ്ണുകൾ പെട്ടെന്ന് തന്നെ മാറിക്കൊണ്ടിരിക്കുമ്പോൾ ഒരു പുസ്തകം വായിക്കാൻ ശ്രമിക്കുന്നത് എങ്ങനെയിരിയ്ക്കും അതാണ് നിസ്റ്റാഗ്മസ്. ഈ നിരന്തരമായ ചലനം അത് ഒരാൾക്ക് ഒരു കാര്യത്തിൽ ശ്രദ്ധ കേന്ദ്രീകരിക്കാനോ അതിൻ്റെ വിശദാംശങ്ങൾ വ്യക്തമായി കാണാനോ ബുദ്ധിമുട്ടാക്കുന്നു എന്നതാണ്.]

* ആഗോള കാർ റീസൈക്ലിംഗ് ദിനം ! [ Global Car Recycling Day ;  പാരിസ്ഥിതിക സുസ്ഥിരതയും സാമ്പത്തിക വളർച്ചയും ഉറപ്പാക്കുന്നതിനു വേണ്ടി ആഗോള കാർ റീസൈക്ലിംഗ് എന്ന വ്യവസായത്തിന് കർശനമായ നിയന്ത്രണങ്ങളും പിന്തുണയും ആവശ്യമാണ്. ഏകദേശം 1.4 ബില്ല്യൺ വാഹനങ്ങൾ ഇന്ന് നിരത്തിലുണ്ട്,  മിക്ക രാജ്യങ്ങളിലും മറ്റ് ഇനങ്ങൾക്കായി ഗാർഹിക റീസൈക്ലിംഗ് പ്രോഗ്രാമുകൾ ഉണ്ടെങ്കിലും, അവരുടെ ജീവിതാവസാനം വരെ എത്തിയ കാറുകൾ അൽപ്പം പ്രശ്‌നമുണ്ടാക്കും.  കാറുകളുടെ ഈ മേക്കപ്പ് വളരെ സങ്കീർണ്ണമാണ്, അവ തെറ്റായി പ്രോസസ്സ് ചെയ്താൽ പരിസ്ഥിതിക്ക് അപകടകരവും ഹാനികരവുമാവാം - പ്രത്യേകിച്ചും ഇലക്ട്രിക് കാറുകളുടെ കാര്യത്തിൽ. ഇതിനെക്കുറിച്ച് ചിന്തിയ്ക്കാൻ ഒരു ദിനം.]

* അന്താരാഷ്ട്ര ടെന്നീസ് ദിനം ! [ International Tennis Day ; പരമ്പരാഗതമായ ചരിത്രവും വൈദഗ്ധ്യവും കാലാതീതമായ ചാരുതയും അടങ്ങുന്ന ഒരു കായിക വിനോദമാണ് ടെന്നീസ്. അങ്ങനെയുള്ള  ഈ ക്ലാസിക് റാക്കറ്റ് സ്‌പോർട്‌സിൻ്റെ  കലാവൈഭവം അറിയാൻ അനുഭവിക്കാൻ ഒരു ദിനം.] 

USA ; 
* അമേരിക്കൻ ബാൽഡ് ഈഗിൾ ഡേ ! [ National American Eagle Day ;  അമേരിക്കൻ ഐക്യനാടുകളുടെ ദേശീയ പക്ഷിയായ ബാൽഡ് ഈഗിളിനെക്കുറിച്ച് (കഷണ്ടി കഴുകൻ) അറിയാൻ ഒരു ദിനം. എല്ലാ വർഷവും ജൂൺ 20-ന്, ഈ അമേരിക്കൻ കഴുകൻ ദിനം ആചരിക്കുന്നു. കഷണ്ടി കഴുകനെന്ന ഈ പക്ഷിയെ സംരക്ഷിക്കുന്നതിനുള്ള അവബോധം വളർത്തുന്നതിന് ഒരു ദിനം.]

* സമ്മർ സോളിസ്റ്റിസ്  " [ Summer Solstice ;  ഏറ്റവും കൂടുതൽ സൂര്യപ്രകാശമുള്ള ദിവസമാണിന്ന്, വർഷത്തിലെ ഏറ്റവും ദൈർഘ്യമേറിയ ദിവസം. ഈ ദിവസത്തിനെക്കുറിച്ച് അറിയാനും അനുഭവിയ്ക്കാനുമായി ഒരു ആചരണം. ] 

* ദേശീയ യാർഡ് ഗെയിംസ് ദിനം ! [ National Yard Games Day ;  ദേശീയ യാർഡ് ഗെയിംസ് ദിനം ആഘോഷിക്കുന്നതിലൂടെ ചൂടുള്ള വേനൽക്കാല മാസങ്ങളോട് ഹലോ പറയുക, ഈ സീസണിൽ വാഗ്ദാനം ചെയ്യുന്ന എല്ലാ രസകരമായ പ്രവർത്തനങ്ങളെയും കുറിച്ച് ആവേശഭരിതരാകുക, സ്വതസിദ്ധമായ ബാഹ്യ വിനോദങ്ങളിൽ ഏർപ്പെടുക.]

* നാഷണൽ ഡംപ് ദി പമ്പ് ഡേ ! [ National Dump the Pump Day ;  നിങ്ങളുടെ കാർ വീട്ടിലിട്ടിട്ട് പൊതു ഗതാഗതമോ സൈക്കിൾ യാത്രയോ ചെയ്തുകൊണ്ട് ആഗോള വാതക ഉപയോഗം കുറയ്ക്കുന്നതിനുള്ള പ്രസ്ഥാനത്തിൽ ചേരുക.] 

* ദേശീയ സീഷെൽ ദിനം ! [ National Seashell Day ;തെക്കു പടിഞ്ഞാറൻ ഫ്ലോറിഡയിലെ ഫോർട്ട് മിയേഴ്‌സ്, സാനിബെൽ എന്നീ കടൽത്തീരങ്ങൾ ചേർന്നാണ് 2016-ൽ ദേശീയ സീഷെൽ ദിനം സ്ഥാപിച്ചത്.  ഓഫീസിൽ നിന്നോ സ്‌കൂളിൽ നിന്നോ ഒരു ഇടവേള എടുക്കാനും ഒരു സുഹൃത്തിനെയോ കുടുംബാംഗത്തെയോ കൂട്ടിക്കൊണ്ടു പോയി ദേശീയ സീഷെൽ ദിനം ആഘോഷിച്ചുകൊണ്ട് ഒരുപാട് ആസ്വദിക്കാനുള്ള സമയമാണിത്!]

* ഐസ് ക്രീം സോഡ ഡേ! [ National Ice Cream Soda Day ; ജൂൺ 20-ന് ആഘോഷിക്കുന്ന ഈ ദിവസം ഐസ്ക്രീം സോഡകളുടെ മധുര പലഹാരം ആസ്വദിച്ച് ആഘോഷിക്കാം ]

*ഏറ്റവും വൃത്തികെട്ട നായ ദിനം ![ Ugliest Dog Day ; ജൂൺ 20-ന് 'ഏറ്റവും വൃത്തികെട്ട' നായ്ക്കളെ കണ്ടെത്തി ആദരിയ്ക്കുന്ന ഒരു ലഘുവായ പരിപാടി.]

*നാഷണൽ ഹൈക്ക് വിത്ത് എ ഗീക്ക് ഡേ!  [ National Hike with a Geek Day ; ഐ.ടി പോലെയുള്ള വർഷം മുഴുവനും ഉദാസീനമായ ജോലികളിൽ പ്രവർത്തിക്കുന്ന ആളുകളിൽ ആരോഗ്യകരമായ പ്രവർത്തനം പ്രോത്സാഹിപ്പിക്കുക എന്നതാണ് ഈ ദിനത്തിൻ്റെ ഉദ്ദേശം.   പ്രൊഫഷണലുകൾ, അക്കൗണ്ടൻ്റുമാർ തുടങ്ങിയവർ.   വർഷത്തിലൊരിക്കൽ ഒരു ഹൈക്കിംഗ് ട്രിപ്പ് പോകുന്നത് പോലും ആളുകളെ ശാരീരിക പ്രവർത്തനങ്ങളും വ്യായാമവും അവരുടെ ദിനചര്യയുടെ ഭാഗമാക്കാൻ പ്രോത്സാഹിപ്പിക്കും.]

* ദേശീയ കൊയിൻ അമൻ ദിനം ! [ National Kouign Amann Day ;  ഭ്രാന്തമായ അളവിൽ വെണ്ണ കൊണ്ട് ഉണ്ടാക്കിയ പേസ്ട്രി പോലെയുള്ള കേക്ക് ആണ് Kouign Amann-അതിനാൽ അത് അവിശ്വസനീയമാം വിധം രുചികരമാണ്.  ഇന്ന് പരീക്ഷിക്കാം ] 

* National Vanilla Milkshake Day! 

* അർജൻറ്റീന : ദേശീയപതാക ദിനം !
* അസർബൈജാൻ: ഗ്യാസ് സെക്റ്റർ ഡേ
* എരിത്രിയ: രക്തസാക്ഷി ദിനം!

*ഇന്നത്തെ മൊഴിമുത്ത് *
************        
സംഗരശബ്ദങ്ങൾ ദൂരെമുഴങ്ങുന്നു
സന്നദ്ധസേനയായ് മുന്നോട്ടടുക്ക നാം.
അന്തിയാവോളം പണിയുന്ന പാവങ്ങ-
ളഞ്ജനാംഭസിങ്കലാപ്ലവം ചെയ്യുന്നു.
എന്തിനു പട്ടിണി കൊണ്ടു കഴിക്കുന്നു!
എന്തിനു ജീവിതം പാടെയുഴലുന്നു!

ജീവിതം സർവ്വദാ രോദിച്ചിടാനല്ല
കേവലം കർത്തവ്യകർമ്മത്തിനുള്ളതാം:
സംഗരശബ്ദങ്ങൾ ദൂരെ മുഴങ്ങുന്നു
സന്നദ്ധസേനയായ് മുന്നോട്ടടുക്ക നാം!
ഇന്നു നാം കാണുന്ന മാളികയോരോന്നു-
മിന്ദ്രജാലംകൊണ്ടു പൊന്തിച്ച ജന്മികൾ
മന്ദരാം മാനുഷർ മേടയിൽ വാഴുന്നു
യാചനം ചെയ്യുന്നു പാവങ്ങൾ വീഥിയിൽ
നിദ്രയെക്കൈവിട്ട് വേഗമുണരുവിൻ
നവ്യജഗത്തിനെ സൃഷ്ടിക്ക സത്വരം.
സംഗരശബ്ദങ്ങൾ ദൂരെ മുഴങ്ങുന്നു
സന്നദ്ധസേനയായ് മുന്നോട്ടടുക്ക നാം!

           - ഇ കെ നായനാർ
.               (ആഹവധ്വനി)
************

ഇന്നത്തെ പിറന്നാളുകാർ
***********
ബാല സാഹിത്യത്തിനുള്ള കേന്ദ്ര സാഹിത്യ അക്കാദമി പുരസ്കാരം നേടിയ ഉറുദു കവി മഹ്ബൂബ് രാഹി എന്ന  മഹ്ബൂബ് ഖാന്റെയും (1939),

പ്രമുഖ ബോളിവുഡ് പഴയകാല നടനായ വിനോദ് ഖന്നയുടെ പുത്രനും നടൻ അക്ഷയ് ഖന്നയുടെ  സഹോദരനുമായ ഹിന്ദി നടൻ  രാഹുൽ ഖന്നയുടെയും (1972),

മുപ്പതിലധികം സമാഹാരങ്ങൾ പ്രസിദ്ധീകരിച്ച  കവിതയ്ക്കുള്ള പുലിറ്റ്‌സർ സമ്മാനവും ടിഎസ് എലിയറ്റ് സമ്മാനവും നേടിയിയ പോൾ മുൾഡൂൺൻ്റെയും(1951),

ഗവൺമെൻ്റിലെ ഊർജത്തിൻ്റെയും പുതിയ & പുനരുപയോഗിക്കാവുന്ന ഊർജത്തിൻ്റെയും മുൻ കാബിനറ്റ് മന്ത്രിയായ പരസ് ചന്ദ്ര ജെയിൻൻ്റെയും (1950),

ഇന്ത്യയിലെ ഹൈക്കോടതി ചീഫ് ജസ്റ്റിസായ ആദ്യ വനിത ജസ്റ്റിസ് ലീലാ സേത്തിൻ്റെ മകൻ ഇന്ത്യൻ സാഹിത്യകാരനായ വിക്രം സേത്തിൻ്റെയും (1952),

ഒരു ഇന്ത്യൻ നടിയും ചലച്ചിത്ര നിർമ്മാതാവും നാടക കലാകാരിയുമായ നിതു ചന്ദ്രയുടേയും(1984) ,

ഒരു ഇന്ത്യൻ ടെലിവിഷൻ നടിയും ഗരോഡിയ സഹോദരിമാരിൽ ഒരാളായ ഗൗരിയായി ഘർ കി ലക്ഷ്മി ബെടിയൻ എന്ന ടിവി പരമ്പരയിലും ഡോ. ​​അർച്ചിതയായി കാഹിൻ തോ ഹോഗയിലും അഭിനയിച്ചിട്ടുള്ള
നീത ഷെട്ടിയേയും(1986),

കാബൂള്‍ എക്‌സ്പ്രസ്സ് തുടങ്ങി ഇന്ത്യന്‍ ചലച്ചിത്രങ്ങളിലും അഭിനയിച്ചിട്ടുള്ള അമേരിക്കന്‍ നടിയും മോഡലുമായ ലിൻഡ ആർസെനിയോയുടേയും (1978)ജന്മദിനം !
*********
ഇന്ന് ജന്മദിനമാചരിയ്ക്കേണ്ട ഇപ്പോൾ നമ്മോടൊപ്പമില്ലാത്ത നമ്മുടെ പൂർവ്വികരിൽ പ്രമുഖരായ ചിലർ !!
**********
അനിത ഗുഹ  ( 1932 -  2007 ),
രാഘവൻ തിരുമുൽപ്പാട് ജ. (1920-2010) 
കെ.കെ. ബാലകൃഷ്ണൻ ജ. 1927- 2000)
രമാകാന്ത്   ദേശായി ജ. (1939-1998)  
വുൾഫ് ടോണി ജ. (1763-1798)
അമോസ് ടുട്ടുവോള ജ. (1920 -1997 )

ചികിത്സകനായും പണ്ഡിതനായും അറിയപ്പെടുകയും നിരവധി ഗ്രന്ഥങ്ങൾ രചിക്കുകയും, ചികിത്സാ വൃത്തിയോടൊപ്പം യുവ വൈദ്യന്മാർക്ക് ശിക്ഷണം നൽകുന്നതിലും വ്യാപൃതനായിരുന്ന ആയുർവേദ ആചാര്യൻ രാഘവൻ തിരുമുൽപ്പാട് എന്ന വൈദ്യഭൂഷണം രാഘവൻ തിരുമുൽപ്പാട് (ജൂൺ 20,1920-നവംബർ 21,2010) ,

വൈക്കം നീയോജക മണ്ഡലത്തെ പ്രതിനിധികരിക്കുകയും ഹരിജനക്ഷേമം, ജലസേചനം, ഗതാഗതം എന്നീ വകുപ്പുകളുടെ മന്ത്രിയുമായിരുന്ന കോൺഗ്രസ് നേതാവ്  കെ.കെ. ബാലകൃഷ്ണൻ(ജൂൺ 20, 1927- 2000 ആഗസ്റ്റ് 31)

ഇൻഡ്യക്കു വേണ്ടി ടെസ്റ്റ് മാച്ചുകളിൽ കളിച്ച  ഫാസ്റ്റ് ബോളർ രമാകാന്ത്  ബിക്കാജി ദേശായി(20 ജൂൺ 1939,  – 28 ഏപ്രിൽ 1998)

ഗവൺമെന്റിനെ വിമർശിച്ചുകൊണ്ട് ലേഖനങ്ങൾ പ്രസിദ്ധീകരിക്കുകയും കത്തോലിക്കരുടെ  രാഷ്ട്രീയാവകാശങ്ങൾക്കുവേണ്ടി വാദിക്കുകയും, ബ്രിട്ടനിൽനിന്ന് അയർലണ്ടിനെ സ്വതന്ത്രമാക്കുകയെന്ന ലക്ഷ്യത്തോടെ തോമസ് റസ്സലിനോടും ജെയിംസ് നാപ്പർ ടാൻഡിയോടും ചേർന്ന് ബെൽഫാസ്റ്റിൽ 1791 ഒക്ടോബറിൽ യുണൈറ്റഡ് ഐറിഷ് മെൻ എന്ന സംഘടനയ്ക്കു രൂപം നൽകുകയും ആദ്യം ജനാധിപത്യ മാതൃകയിൽ പാർലമെന്ററി പരിഷ്ക്കാരങ്ങൾ നടപ്പാക്കുവാൻ ശ്രമിച്ചെങ്കിലും പിന്നിട് ഫ്രഞ്ചുവിപ്ലവത്തിന്റെ സ്വാധീനം സംഘടനയെ വിപ്ലവമാർഗ്ഗത്തിലേക്കു നയിക്കുകയും 1798 ആഗഗസ്റ്റിൽ  ബ്രിട്ടിഷുകാർ അറസ്റ്റു ചെയ്യുകയും രാജ്യദ്രോഹകുറ്റം ചുമത്തി വിചാരണ ചെയ്ത് നവംബറിൽ വധശിക്ഷക്കു വിധിക്കുകയും ചെയ്തെങ്കിലും ഇതിനു വിധേയനാകാതെ 1798 നവംബർ 19-ന് ഡബ്ലിൻ ജയിലിൽ കഴുത്തറുത്ത്  ആത്മഹത്യ ചെയ്ത  അയർലണ്ടിലെ ദേശസ്നേഹിയായ വിപ്ലവകാരി തിയോ ബാൾഡ്  വുൾഫ് ടോണി
 (ജൂൺ 20 1763-19 നവംബർ 1798),

യോരുബ നാടോടിക്കഥകളെ അടിസ്ഥാനപ്പെടുത്തി, ദി പാം വൈൻ ഡ്രിങ്കാർഡ് എന്ന മുഴുനീള നോവൽ അടക്കം ആദ്യതെ മൂന്നു കൃതികളിലൂടെ ലോകപ്രശസ്തനായി മാറുകയും,  കഥകളെഴുതി പ്രശസ്തനായ നൈജീരിയൻ എഴുതുകാരൻ അമോസ് ടുട്ടുവോള  (1920 ജൂൺ 20-1997 ജൂൺ 8 ),

ഒരു ഇന്ത്യൻ നടനും ബംഗാളി സിനിമാ - നാടക സംവിധായകനുമായിരുന്നു . സത്യജിത് റേയുടെ ക്ലാസിക് പഥേർ പാഞ്ചാലി (1955), അപരാജിതോ (1956) എന്നിവയിൽ അപുവിൻ്റെ പിതാവായ ഹരിഹർ റേയെ അവതരിപ്പിച്ചതിലൂടെ കൂടുതൽ അറിയപ്പെട്ട കനു ബാനർജി (കനു ബന്ദ്യോപാധ്യായ) (20 ജൂൺ 1905 - 27 ജനുവരി 1983) 
*********
ഇന്നത്തെ സ്മരണ !!!
********
മള്ളൂർ ഗോവിന്ദപിള്ള മ. (1878-1969)
നിധീരിക്കൽ മാണിക്കത്തനാർ മ. (1842-1904)
പി. പി. എസ്തോസ് മ. (1924-1988)
അമർത്ത്യാനന്ദ മ. (1929- 1999)
(എസ്‌ മാധവൻ നായർ)
മാലേത്ത് ഗോപിനാഥപിള്ള മ. (1928-2013)
സാലിം അലി മ. (1896-1987)
എം.എ. കുട്ടപ്പനേയും (1947-2023)
ഡിക്കി രത്നാഗർ മ. (1931-2013)
ലാറി കോളിൻസ്  മ. (1929-2005)
ഹമീദ്അലിഖാൻ ബഹാദൂർ മ.(1875-1930)
പ്രൊഫ. കൊച്ചർലക്കോട്ടരംഗധാമറാവു  മ. (1898 -1972) 
ഒലിവർ ഡി കോക്ക് മ .(1947 -2008) ,

കേരളത്തിലെ ഒരു പ്രമുഖനായ അഭിഭാഷകനും  പ്രഗൽഭനായ ഒരു ക്രിമിനൽ വക്കീലുമായി അറിയപ്പെട്ടിരുന്ന,  തിരുവിതാംകൂർ ഗവൺമന്റിന്റെ കേസുകൾ നടത്താനുള്ള സർക്കാർ അഭിഭാഷകനും ശ്രീമൂലം പ്രജാസഭാംഗമായി തിരഞ്ഞെടുക്കപ്പെട്ട  മള്ളൂർ ഗോവിന്ദപിള്ള  (1878-ജൂൺ 20,1969),

സിറിയൻ ക്രിസ്ത്യാനികളുടെ ഐക്യത്തിനും ഉന്നമനത്തിനുമായി ജാതൈക്യസംഘം രൂപികരിക്കുകയും, പിൽക്കാലത്ത് ദീപികയായി മാറിയ നസ്രാണി ദീപികയുടെ സ്ഥാപക പത്രാധിപരാകുകയും, ഹോമിയോപ്പതി ചികിത്സാരീതി കേരളത്തിൽ പ്രചരിപ്പിക്കുകയും, വിദ്യാഭ്യാസ സ്ഥാപനങ്ങൾ ആരംഭിക്കുകയും ഇംഗ്ലീഷ് വിദ്യാഭ്യാസം പ്രചരിപ്പിക്കുകയും , മാതാവിന്റെ വണക്കമാസം, സൂസൻ ചരിതം, സാംസോൺ ചരിതം, കൃപാവതി, ശോഭരാജവിജയം തുടങ്ങിയ കൃതികൾ രചിച്ച മലയാള സാഹിത്യകാരനും പത്രപ്രവർത്തകനും വൈദികനും ആയിരുന്ന നിധീരിക്കൽ മാണിക്കത്തനാർ(1842 മെയ് 27–1904 ജൂൺ 20),

 സി.പി.ഐ.എം സ്ഥാനാർത്ഥിയായി അഞ്ചും ആറും കേരളനിയമസഭകളിൽ കുന്നത്തുനാടിനെ പ്രതിനിധീകരിക്കുകയും  സ്വാതന്ത്ര്യ സമര സേനാനിയും മുൻ നിയമസഭാ സാമാജികനുമായ പി. പി. എസ്തോസ് (24 നവംബർ 1924 - 20 ജൂൺ 1988),

രാമകൃഷ്ണ മിഷനിൽ കുറച്ചു നാൾ സന്യാസജീവിതം നയിക്കുകയും പിന്നീട് ലൌകിക ജീവിതത്തിൽ തിരിച്ചു വരികയും തന്റെ ജീവിതകഥ, അർദ്ധവിരാമം എന്ന പേരിൽ എഴുതുകയും സാഹിത്യ അക്കാഡമി പുരസ്ക്കാരം ലഭിക്കുകയും ചെയ്ത സ്വാമി. അമർത്ത്യാനന്ദ എന്ന എസ് മാധവൻ നായർ (ജുലെെ 27, 1929- ജൂൺ 20, 1999),

എൻ.എസ്.എസ്. ഡയറക്ടർ ബോർഡംഗം, പള്ളിയോട സേവ സംഘം പ്രസിഡന്റ് (ആറന്മുള വള്ളംകളി), ശങ്കർ മന്ത്രിസഭയിലെ പാർലമെന്ററികാര്യ സെക്രട്ടറി എന്നി നിലകളിൽ സേവനമനുഷ്ഠിക്കുകയും, ഒന്നും രണ്ടും കേരളാ നിയമസഭകളിൽ ആറന്മുള മണ്ഡലത്തേ പ്രതിനിധീകരിക്കുകയും ചെയ്ത മാലേത്ത് ഗോപിനാഥപിള്ള (2 ജൂലൈ 1928 -20 ജൂൺ 2013),

ഭാരതത്തിലെ ജനങ്ങളിൽ പക്ഷിനിരീക്ഷണത്തിനും, പ്രകൃതിസ്നേഹത്തിനും അടിത്തറയിട്ട വ്യവസ്ഥാധിഷ്ഠിതമായ പക്ഷിനിരീക്ഷണത്തിന്‌  അടിസ്ഥാനമിടുകയും, പക്ഷിനിരീക്ഷണ ശാസ്ത്രത്തെക്കുറിച്ചും പക്ഷികളെക്കുറിച്ചും  വിജ്ഞാനപ്രദമായ ഗ്രന്ധങ്ങൾ എഴുതുകയും ചെയ്ത സാലിം അലി എന്ന സാലിം മുഇസുദ്ദീൻ അബ്ദുൾ അലി ( നവംബർ 12, 1896 - ജൂൺ 20 , 1987) ,

2001 മുതൽ 2004 വരെ എ.കെ.ആൻ്റണി മന്ത്രിസഭയിലെ പിന്നോക്കക്ഷേമ വകുപ്പ് മന്ത്രിയും  നാലു തവണ നിയമസഭാംഗം, പത്താം കേരള നിയമസഭയിലെ കോൺഗ്രസിൻ്റെ ചീഫ് വിപ്പ് എന്നീ നിലകളിലും പ്രവർത്തിച്ചിട്ടുള്ള മുതിർന്ന കോൺഗ്രസ് നേതാവായിരുന്ന ഡോ. എം.എ. കുട്ടപ്പൻ  (ഏപ്രിൽ 12, 1947 -2023 ജൂൺ 20), 

ഹിന്ദുസ്താൻ ടൈംസിന്റെ ക്രിക്കറ്റ് ലേഖകനും, പിന്നീട് ഫ്രീലാൻസർ ആയി യുക്കെയിൽ സെറ്റിൽ ആകുകയും ഡെയ്ലി ടെലിഗ്രാഫിനു വേണ്ടി ക്രിക്കറ്റ് സ‌ക്വാഷ്, ബാഡമിറ്റൺ, കവറു ചെയ്യുകയും ചെയ്തിരുന്ന ബോംബെക്കാരൻ പാഴ്സി ഡിക്കി ജംഷദ് സോഹ്റാബ് രത്നാഗർ  (26 ഫെബ്രുവരി 1931 – 20 ജൂൺ 2013),

ഇന്ത്യൻ സ്വാതന്ത്ര്യത്തെ കുറിച്ച് ഡൊമിനിക് ലാപിയറുമായി ചേർന്ന്  സ്വാതന്ത്ര്യം അർദ്ധരാത്രിയിൽ എന്ന ഗ്രന്ഥം എഴുതിയ അമേരിക്കൻ എഴുത്തുകാരൻ ലാറി കോളിൻസ് (സെപ്റ്റംബർ 14, 1929 – ജൂൺ 20, 2005),

1889 മുതൽ 1930 വരെ രാംപൂർ നാട്ടുരാജ്യത്തിൻ്റെ നവാബ് ഉന്നത വിദ്യാഭ്യാസത്തിൻ്റെ   ഉറച്ച പിന്തുണക്കാരനായിരുന്ന സർ നവാബ് ഹമീദ് ലഖ്‌നൗ മെഡിക്കൽ കോളേജ് ഉൾപ്പെടെ ഉപഭൂഖണ്ഡത്തിലുടനീളമുള്ള നിരവധി കോളേജുകൾക്ക് ഉദാരമായി നൽകി . കൂടാതെ അലിഗഡ് മുസ്ലീം സർവ്വകലാശാലയും തൻ്റെ സംസ്ഥാനത്തിനുള്ളിലെ വിദ്യാഭ്യാസ സ്ഥാപനങ്ങളുടെ എണ്ണം വളരെയധികം വിപുലീകരിക്കുന്നു. ലഖ്‌നൗവിലെ ഷിയ കോളേജ് സ്ഥാപിക്കുന്നതിൽ  പ്രധാന പങ്കുവഹിച്ച ഹമീദ് അലി ഖാൻ (31 ഓഗസ്റ്റ് 1875 - 20 ജൂൺ 1930),   
.
സാധാരണയായി സിനിമകളിൽ പുരാണ കഥാപാത്രങ്ങളെ അവതരിപ്പിച്ചിരുന്ന ഒരു  ഇന്ത്യൻ ബംഗാളി നടി. ജയ് സന്തോഷി മായിൽ (1975) ടൈറ്റിൽ റോളിൽ അഭിനയിച്ചതിലൂടെ പ്രശസ്തയായ  അനിത ഗുഹ  (17 ജനുവരി 1932 - 20 ജൂൺ 2007 ), 

ഒരു നൈജീരിയൻ ഗിറ്റാറിസ്റ്റും ആഫ്രിക്കയിലെ ഏറ്റവും മികച്ച റെക്കോർഡിംഗ് കലാകാരന്മാരിൽ ഒരാളുമായിരുന്ന ഒലിവർ ഡി കോക്ക് എന്ന സ്റ്റേജ് നാമത്തിൽ അറിയപ്പെടുന്ന ഒലിവർ സൺഡേ അകാനൈറ്റ് (14 ഏപ്രിൽ 1947 - 20 ജൂൺ 2008) ,

സ്പെക്ട്രോസ്കോപ്പി  മേഖലയിലെ  ഒരു ഇന്ത്യൻ ഭൗതിക ശാസ്ത്രജ്ഞനും . ശാസ്ത്രീയ കഴിവുകൾക്കും വ്യക്തിബന്ധങ്ങൾക്കും പ്രശസ്തനുമായിരുന്ന 1972 ജൂൺ 20-ന് ഇന്ത്യയിലെ ആന്ധ്രാപ്രദേശിൽ വച്ച്  അന്തരിച്ച പ്രൊഫ. കൊച്ചർലക്കോട്ട രംഗധാമ റാവു (9 സെപ്റ്റംബർ 1898 - 20 ജൂൺ 1972),

ചരിത്രത്തിൽ ഇന്ന്
********
451-ലെ ഈ തീയതിയിൽ, കാറ്റലോണിയൻ സമതല യുദ്ധം നടന്നു, അവിടെ റോമൻ ഗൗളിലെ ആറ്റില ദി ഹൺ ആക്രമണം റോമൻ, വിസിഗോത്തിക് സൈന്യങ്ങൾ തടഞ്ഞു

1599 - കേരള ക്രൈസ്തവ സഭാ ചരിത്രത്തിലെ നിർണായകമായ ഉദയംപേരൂർ സുനഹദോസ് തുടങ്ങി.(ജൂൺ 20-26)

1792 - വിപ്ലവകാരികൾ ഫ്രാൻസിനെ റിപബ്ലിക്ക് ആയി പ്രഖ്യാപിച്ചു.

1756  - ബംഗാളിലെ സിറാജ് ഉദ്-ദൗള നവാബ് ബ്രിട്ടീഷുകാരിൽ നിന്ന് കൽക്കട്ട പിടിച്ചെടുത്തു.

1782 - അമേരിക്കൻ ഐക്യനാടുകളുടെ ഗ്രേറ്റ് സീൽ, കഷണ്ടി കഴുകനെ അതിൻ്റെ പ്രതീകമായി കോൺഗ്രസ് അംഗീകരിച്ചു. 

1789 - ഇന് നടന്ന ടെന്നീസ് കോർട്ട് പ്രതിജ്ഞ ഫ്രഞ്ച് വിപ്ലവത്തിലെ ഒരു പ്രധാന സംഭവമായിരുന്നു. 1789ൽ മനുഷ്യാവകാശ പ്രഖ്യാപനം നടന്നു .

1837 - ബ്രിട്ടനിൽ വിക്റ്റോറിയ രാജ്ഞി സ്ഥാനാരോഹണം ചെയ്തു.

1861 - ബ്രിട്ടീഷ് ബയോകെമിസ്റ്റും നോബൽ സമ്മാന ജേതാവുമായ ഫ്രെഡറിക് ഗൗലാൻഡ് ഹോപ്കിൻസ് ജനിച്ചു .

1862 - റൊമാനിയയുടെ പ്രധാനമന്ത്രിയായ ബാർബു കറ്റാർഗ്യു കൊല ചെയ്യപ്പെട്ടു.

1863 - പടിഞ്ഞാറൻ വെർജീനിയ അമേരിക്കൻ ഐക്യനാടുകളുടെ മുപ്പത്തഞ്ചാമത് സംസ്ഥാനമായി.

1865 -  യുണൈറ്റഡ് സ്റ്റേറ്റ്സിലെ അടിമത്തം നിർത്തലാക്കുന്നതിൽ ഒരു സുപ്രധാന സംഭവമായ ടെക്സാസിലെ ഗാൽവെസ്റ്റണിൽ യൂണിയൻ ജനറൽ ഗോർഡൻ ഗ്രാഞ്ചർ വിമോചന പ്രഖ്യാപനം വായിച്ച ദിവസമാണ്. ഈ തീയതി വടക്കൻ അർദ്ധഗോളത്തിലെ വേനൽക്കാല അറുതിയുമായി പൊരുത്തപ്പെടുന്നു, ഇത് പലപ്പോഴും വേനൽക്കാലത്തിൻ്റെ തുടക്കത്തെ സൂചിപ്പിക്കുന്നു.

1877 - ലോകത്തിലെ ആദ്യത്തെ വാണിജ്യാടിസ്ഥാനത്തിലുള്ള ടെലഫോൺ സർ‌വീസ്, അലക്സാണ്ടർ ഗ്രഹാം ബെൽ കാനഡയിലെ ഒണ്ടാരിയോ പ്രവിശ്യയിലുള്ള  ഹാമിൽട്ടണിൽ സ്ഥാപിച്ചു.

1943  - യുദ്ധത്തിലെ ആദ്യത്തെ ഷട്ടിൽ ബോംബിംഗ് റെയ്ഡായ ഓപ്പറേഷൻ ബെല്ലിക്കോസ് റോയൽ എയർഫോഴ്സ് ആരംഭിച്ചു .

1944  - ഫിലിപ്പൈൻ കടൽ യുദ്ധം അമേരിക്കൻ നാവികസേനയുടെ നിർണായക വിജയത്തോടെ സമാപിച്ചു. നേവൽ വ്യോമാക്രമണം "ഗ്രേറ്റ് മരിയാനസ് ടർക്കി ഷൂട്ട്" എന്നും അറിയപ്പെടുന്നു.

1946 - ആലപ്പുഴ സനാതന ധർമ്മ കലാലയം സ്ഥാപിതമായി

1960 - ആഫ്രിക്കൻ രാജ്യങ്ങളായ മാലിയും സെനഗലും സ്വതന്ത്രമായി.

1969 - ജാക്വസ് ചബാൻ-ഡെൽമാസ് ഫ്രാൻസിന്റെ പ്രധാനമന്ത്രിയായി.

1978 - ഗ്രീസിലെ തെസ്സലോനിക്കിയിൽ, റിച്ചർ സ്കേലിൽ 6.5 രേഖപ്പെടുത്തിയ ഭൂകമ്പം.

1990 - യുറേക്ക എന്ന ക്ഷുദ്രഗ്രഹത്തെ  കണ്ടെത്തി.

1991 - തലസ്ഥാനം പൂർണ്ണമായും ബോണിൽ നിന്നും ബെർലിനിലേക്ക് മാറ്റാൻ ജർമ്മൻ പാർലമെന്റ് തീരുമാനിച്ചു.

2001 - പർ‌വേസ് മുഷാറഫ് പാകിസ്താന്റെ പ്രസിഡണ്ടായി.

2007 - ഋഗ്വേദത്തെ യുനെസ്‌കോ ലോകത്തിൻറെ ഓർമ്മ പുസ്തകത്തിൽ ഉൾപെടുത്തി.

2018 - സ്മാർട്ട് സിറ്റി മിഷനു കീഴിലുള്ള നൂറാമത്തെ സ്മാർട്ട് സിറ്റിയായി ഷില്ലോംഗ് (മേഘാലയ) തിരഞ്ഞെടുക്കപ്പെട്ടു. 

2018 - ഇന്ത്യയും റഷ്യയും ത്രിരാഷ്ട്ര സൈനിക പരിശീലനം ‘ഇന്ദ്ര’ ആരംഭിച്ചു.

2019 - ഫിനാൻഷ്യൽ സ്റ്റെബിലിറ്റി ആന്റ് ഡവലപ്മെന്റ് കൗൺസിൽ (എഫ്എസ്ഡിസി) സംബന്ധിച്ച 20 മത് യോഗം ന്യൂഡൽഹിയിൽ നടന്നു. കേന്ദ്ര ധനകാര്യ കോർപ്പറേറ്റ് കാര്യമന്ത്രി നിർമ്മല സീതാരാമന്റെ നേതൃത്വത്തിലായിരുന്നു ഇത്.

2020 - ഇംഗ്ലണ്ടിലെ റീഡിംഗിലെ പാർക്കിൽ നടന്ന ഭീകരാക്രമണത്തിൽ മൂന്ന് പേർ കുത്തേറ്റു മരിച്ചു, മൂന്ന് പേർക്ക് പരിക്കേറ്റു.

.      By ' ടീം തത്ത്വമസി - ജ്യോതിർഗ്ഗമയ '
.       ************
   Rights Reserved by Team Jyotirgamaya