ഇന്ന് സെപ്റ്റംബര്‍ 13, സഞ്ജയന്‍ സ്മാരക ദിനം ഇന്ന്, സംഗീത സംവിധായകൻ ഔസേപ്പച്ചന്റെയും മഹിമ ചൗധരിയുടെയും ജന്മദിനവും റിസബാവയുടെ ഓർമദിനവും ഇന്ന്, പോര്‍ച്ചുഗീസ് നാവികനായ പെഡ്രോ അല്‍വാരിസ് കബ്രാള്‍ കോഴിക്കോട് സാമൂതിരിയെ സന്ദര്‍ശിച്ചതും കോഴിക്കോട് ആദ്യ യൂറോപ്യന്‍ ഫാക്ടറി തുറന്നതും ഇതേദിനം തന്നെ, ചരിത്രത്തിൽ ഇന്ന്

ചരിത്രത്തിൽ ഇന്ന്, വർത്തമാനവും …
  ' JYOTHIRGAMAYA '
🌅ജ്യോതിർഗ്ഗമയ🌅
 കൊല്ലവർഷം1200   
ചിങ്ങം 28
പൂരാടം / ദശമി
2024സെപ്റ്റംബർ 13, 
വെള്ളി

ഇന്ന് ; 

*സഞ്ജയൻ സ്മാരക ദിനം ! [അദ്ധ്യാപകൻ, കവി, പത്ര പ്രവര്‍ത്തകന്‍, നിരൂപകന്‍, തത്ത്വചിന്തകന്‍, ഹാസ്യപ്രതിഭ എന്നിങ്ങനെ വിവിധ മണ്ഡലങ്ങളില്‍ വ്യാപരിച്ച സഞ്ജയന്‌ സാഹിത്യ രംഗത്തെ അതികായരുമായുള്ള സുഹൃദ്ബന്ധവും ഏറെ പ്രശസ്തമാണ്. 1943 സെപ്റ്റംബര്‍ 13-ന് സഞ്ജയന്‍ അന്തരിച്ചു.

*ലോക സെപ്സിസ്‌ ദിനം! [ World Sepsis Day ; 'സെപ്‌സിസ് '(രക്തദൂഷണം) ജീവന് ഭീഷണിയും അണുബാധയോടുള്ള അമിതമായ പ്രതികരണവുമാണ്, ഇത് ടിഷ്യു കേടുപാടുകൾ, ഒന്നിലധികം അവയവങ്ങളുടെ പരാജയം, മരണം എന്നിവയിലേക്ക് നയിച്ചേക്കാം. അണുബാധയോടുള്ള ശരീരത്തിന്റെ പ്രതികരണം അതിന്റെ ടിഷ്യൂകൾക്ക് പരിക്കേൽക്കുമ്പോഴാണ് സെപ്സിസ് ഉണ്ടാകുന്നത്. സെപ്സിസിന്റെ ഏറ്റവും സാധാരണമായ കാരണം ബാക്ടീരിയ അണുബാധയാണ്.]

*അന്തഃദേശീയ ചോക്കളേറ്റ്‌ ദിനം ![ International Chocolate Day :  പുതിയ ഉന്മേഷവും  രുചിയും ആനന്ദവും പകരുന്ന ചോക്കളേറ്റ്‌ എന്ന കൊക്കോ കൊണ്ടുണ്ടാക്കിയ മധുരദ്രവ്യ വിഭവത്തെ അറിയാനുള്ള ദിനം ]

*അങ്കിൾ സാം ഡേ![അമേരിക്കയെ "അങ്കിൾ സാം" എന്ന് വിളിക്കുന്നതിൻ്റെ ഉത്ഭവം 1800-കളുടെ തുടക്കത്തിലാണ്, അമേരിക്കൻ വിപ്ലവം വിജയിക്കുകയും യുഎസ് ഒരു സ്വതന്ത്ര രാഷ്ട്രമായി മാറുകയും ചെയ്ത ഏതാനും പതിറ്റാണ്ടുകൾക്ക് ശേഷം.ഈ പദം 1813-ൽ ആരംഭിച്ചതായി തോന്നുന്നു, ഇത് ന്യൂയോർക്കിൽ നിന്നുള്ള ഒരു ഇറച്ചി പാക്കറുമായി ബന്ധപ്പെട്ടിരിക്കുന്നു. 1812-ലെ യുദ്ധസമയത്ത് സാമുവൽ വിൽസൺ അമേരിക്കൻ സൈനികർക്ക് മാംസം വിറ്റിരുന്നു, ബാരലുകൾ യുണൈറ്റഡ് സ്റ്റേറ്റ്സിനായി "യുഎസ്" എന്ന് മുദ്രകുത്തി. എന്നാൽ അവൻ്റെ പേര് സാമുവൽ എന്നായതിനാൽ, പല സൈനികരും “യുഎസ്” എന്നാൽ “അങ്കിൾ സാമിൻ്റെ” ഭക്ഷണം എന്നാണ് പരാമർശിക്കാൻ തുടങ്ങിയത്. ആശയം ഉറച്ചു.ഈ ആശയം വ്യക്തിപരമാവുകയും യുണൈറ്റഡ് സ്റ്റേറ്റ്സിനെ അങ്കിൾ സാം എന്ന് വിളിക്കുന്ന വിളിപ്പേര് തുടർന്നുള്ള വർഷങ്ങളിൽ ജനപ്രീതി നേടുകയും ചെയ്തു. ]

*പോസിറ്റീവ് ചിന്താ ദിനം ![എല്ലാ വർഷവും പോസിറ്റീവ് ആയ എല്ലാ കാര്യങ്ങളിലും ശ്രദ്ധ കേന്ദ്രീകരിക്കാൻ നീക്കിവച്ചിരിക്കുന്ന സമയമാണ്. ഒരു അമേരിക്കൻ സംരംഭകൻ 2003-ൽ ഈ ദിനം ആരംഭിച്ചു, അതിലൂടെ ആളുകൾക്ക് പോസിറ്റീവായി ചിന്തിക്കുന്നതിലൂടെ കണ്ടെത്താനാകുന്ന നിരവധി പ്രതിഫലങ്ങളെ അനുസ്മരിക്കാം ]

*ദേശീയ കിഡ്‌സ് ടേക്ക് ഓവർ ദി കിച്ചൻ ഡേ![മിക്ക മാതാപിതാക്കളുടെയും ഏറ്റവും മോശം പേടിസ്വപ്നമായി തോന്നുമെങ്കിലും, ദേശീയ കിഡ്‌സ് ടേക്ക് ഓവർ ദി കിച്ചൻ ഡേ എന്നത് രസകരവും സംതൃപ്തവുമായ ഒരു ദിവസമാണ്. കുട്ടികൾക്കും മുതിർന്നവർക്കും ഈ ദിവസം ചില സുപ്രധാന ജീവിത കഴിവുകൾ വളർത്തിയെടുക്കുകയും വികസിപ്പിക്കുകയും ചെയ്യുമ്പോൾ - വർഷം മുഴുവനും മികച്ച സമയം ആസ്വദിക്കാനാകും]

*ദേശീയ നിലക്കടല ദിനം ![ Peanut ; കൊളസ്ട്രോൾ സീറോ ലവലിലുള്ള ഒരു ഭക്ഷണ പദാർത്ഥം. സൗത്ത്‌ അമേരിക്കയിൽ നിന്നും ലോകം മുഴുവൻ വ്യാപിച്ച ജനപ്രിയ വിഭവം ]

*Stand up to cancer day![ലോകത്തിലെ മരണത്തിൻ്റെ പ്രധാന കാരണങ്ങളിലൊന്ന് എന്ന നിലയിൽ, ക്യാൻസർ നൂറ്റാണ്ടുകളായി മനുഷ്യരിൽ നാശം വിതച്ചുകൊണ്ടിരിക്കുന്നു. എന്നാൽ ക്യാൻസർ ദിനത്തോടുള്ള ആദരസൂചകമായി പോരാടാനുള്ള സമയമാണിത്!]

*ദേശീയ ഹഗ് യുവർ ബോസ്  ദിനം![എല്ലാ വർഷവും സെപ്റ്റംബർ 13-ന് ആഘോഷിക്കുന്ന നാഷണൽ ഹഗ് യുവർ ബോസ് ദിനം, ജോലിസ്ഥലത്തെ ബന്ധങ്ങൾ ശക്തിപ്പെടുത്തുന്നതിന് ലക്ഷ്യമിട്ടുള്ള ഒരു പ്രത്യേക ദിനമാണ്.]

*ദേശീയ സീലിയാക് രോഗ ബോധവൽക്കരണ ദിനം ![എല്ലാ വർഷവും സെപ്തംബർ 13-ന് ആഘോഷിക്കുന്ന ഒരു പ്രത്യേക അവസരമാണ്. അനേകം ആളുകളെ ബാധിക്കുന്ന അത്ര അറിയപ്പെടാത്ത ഒരു അവസ്ഥയിലേക്ക് ഈ ദിവസം വെളിച്ചം വീശുന്നു. സെലിയാക് ഡിസീസ് ഗവേഷണത്തിലെ പ്രധാന വ്യക്തിയായ ഡോ. സാമുവൽ ഗീയുടെ ജന്മദിനമാണ്]

*Superstion day![അമാനുഷികതയോട് താൽപ്പര്യമുള്ള ആളുകളെ ഒരുമിച്ച് കൊണ്ടുവരുന്ന, ഉത്സാഹികളുടെ ഒരു സമൂഹത്തെ സൃഷ്ടിക്കുന്ന ദിവസമാണിത്.]

*National Defy Superstition Day ![ഭയങ്ങളെ നേരിടാനുള്ള മികച്ച അവസരം, ദേശീയ അന്ധവിശ്വാസ ദിനം എപ്പോഴും ആഘോഷിക്കേണ്ടതാണ്. ഇത്തരം ചില അന്ധവിശ്വാസങ്ങളെ ധിക്കരിക്കുന്ന ആശയങ്ങളും പ്രവർത്തനങ്ങളും ഉപയോഗിച്ച് ദിവസത്തെ പ്രത്യേകിച്ച് രസകരമായ ഒന്നാക്കി മാറ്റുക: ]

* National 'Bald is Beautiful' Day! [കഷണ്ടിയെ ആഘോഷിക്കാനും മുടിയെ പരിഗണിക്കാതെ എല്ലാവരും സുന്ദരികളാണെന്ന് ആളുകളെ ഓർമ്മിപ്പിക്കാനും. ജനിതകശാസ്ത്രം, മെഡിക്കൽ സാഹചര്യങ്ങൾ, പ്രായം, അല്ലെങ്കിൽ വ്യക്തിപരമായ മുൻഗണനകൾ എന്നിവ മൂലമുണ്ടാകുന്ന കഷണ്ടികളെ ഓർത്ത് അഭിമാനിക്കേണ്ട ദിവസമാണിത്.]

 *ദേശീയ ഫോർച്യൂൺ കുക്കി ദിനം! [ഈ  ദിനം ആഘോഷിക്കുന്നതിലൂടെ  ജീവിതത്തിലേക്ക് അൽപ്പം രസകരവും ആവേശവും ചേർക്കുക. ഈ ഇടപഴകുന്ന ബിസ്‌ക്കറ്റുകൾക്ക് എല്ലായ്‌പ്പോഴും അനുയോജ്യമായ പൊതുവായ വ്യക്തമായ സന്ദേശമുണ്ട്, അത് സാധാരണയായി സ്വീകർത്താവിന് നല്ല ആരോഗ്യമോ ഭാഗ്യമോ ഭാഗ്യമോ വാഗ്ദാനം ചെയ്യുന്നു. ]

മൊറീഷ്യസ് : എഞ്ചിനീയർസ്‌ ഡേ! മെക്സിക്കൊ : നിനോ (ബോയ്) ഹീറൊസ്  ഓർമ്മ ദിനം !

* ഇന്നത്തെ മൊഴിമുത്ത് *
"പരിഹാസപ്പുതു പനിനീർച്ചെടിക്കെടോചിരിയത്രേ പുഷ്പം ശകാരംമുള്ളുതാൻ യാതനാവഹമാക്കാൻ കഴിയും നരനെന്നും" [ - സഞ്ജയൻ ]
ജന്മദിനം
ഒരു ഹിന്ദി ചിത്രമടക്കം നൂറിൽപ്പരം ചിത്രങ്ങളിലെ ഗാനങ്ങൾക്ക് ഈണം പകർന്ന സംഗീത സംവിധായകൻ  മേച്ചേരി ലൂയിസ് ഔസേപ്പച്ചൻ എന്ന ഔസേപ്പച്ചന്റെയും (1953),

ഹിന്ദി നടിയും ആദ്യകാല മോഡലുമായ  മഹിമ ചൗധരിയുടെയും(1973),

 നാല് ഒളിമ്പിക് സ്വർണവും 8 ലോക ചാമ്പ്യൻഷിപ്പ് സ്വർണവും നേടിയ അമേരിക്കൻ അത് ലറ്റ് മൈക്കൽ ജോൺസൺന്റേയും (1967),

നാരി നാരേൻ എന്നു തുടങ്ങുന്ന 'ഹബീബി ദാ' എന്ന ആൽ‌ബത്തിലെ ഗാനത്തിലൂടെ  അറേബ്യയിലെ മാത്രമല്ല അറബ് ദേശത്തെ സംഗീതാസ്വാദകരുടെയും പ്രിയങ്കരനായി മാറിയ   ഈജിപ്‌ഷ്യൻ   പോപ് ഗായകൻ മുഹമ്മദ് ഹിഷാം മഹ്മൂദ് മുഹമ്മദ് അബ്ബാസ് എന്ന് ഹിഷാം അബ്ബാസിന്റെയും ( 1963 ),ജന്മദിനം! 

ഒരു അമേരിക്കൻ നടിയായ ലിലി പോളിൻ റെയ്ൻഹാർട്ടിൻ്റേയും (1996),
സ്മരണാഞ്ജലി!!!
സഞ്ജയൻ എം.ആർ നായർ) മ. (1903-1943)
കലാമണ്ഡലം സത്യഭാമ മ. (1937-2015 )
കോന്നിയൂർ നരേന്ദ്രനാഥ് മ. (1925-2008)
പ്രൊഫ. എൻ.എം ജോസഫ്‌ മ. (1943- 2022)
പി.പി.മുകുന്ദൻ മ. (1947-2023)
രംഗനാഥ് മിശ്ര മ. (1926-2012)
ടുപാക് ഷക്കൂർ, മ. (1971-1996)

റിസബാവ മ (1966-2021)

കുഞ്ചൻ നമ്പ്യാർക്കു ശേഷമുള്ള മലയാളത്തിലെ വലിയ ഹാസ്യസാമ്രാട്ടും, കവി, പത്രപ്രവർത്തകൻ, നിരൂപകൻ, തത്ത്വചിന്തകൻ, ഹാസ്യപ്രതിഭ എന്നീ നിലകളിൽ പ്രശസ്തനുമായിരുന്ന മാണിക്കോത്ത് രാമുണ്ണിനായർ (എം. ആർ. നായർ) എന്ന സഞ്ജയൻ( 1903 ജൂൺ 13 -  1943 സെപ്റ്റംബർ 13),

ഭരതനാട്യ പഠനത്തിലൂടെയാണ് കലാ രംഗത്തേക്ക് വരികയും പിന്നീട് മോഹിനിയാട്ടത്തിലൂടെ അറിയപ്പെടുകയും, മോഹനിയാട്ടത്തെ കഥകളിയില്‍ നിന്ന് മോചിപ്പിച്ച് ഘടനാപരമായ മാറ്റങ്ങള്‍ കൊണ്ടുവരികയും, അടവ്, ചൊല്‍ക്കെട്ട്, രതിസ്വരം എന്നിവ പുതിയ രീതിയില്‍ അവതരിപ്പിക്കുകയും ചെയ്ത കലാമണ്ഡലത്തിൽ തന്നെ പഠിച്ച് അവിടെ തന്നെ പ്രിൻസിപ്പൾ ആയി വിരമിച്ച കലാമണ്ഡലം സത്യഭാമ (1937-2015 സെപ്റ്റംബർ 13 ),

ശാസ്ത്ര സാഹിത്യകാരനും ,  ആകാശവാണിയുടെ തിരുവനന്തപുരം   കോഴിക്കോട്, ചെന്നൈ സ്റ്റേഷനുകളുടെ ഡയറക്ടറും  ആകാശവാണിയുടെ നിരവധി വിവിധ കലാപരിപാടികളില്‍ സജീവമായി പങ്കെടുക്കുകയും ചെയ്ത കോന്നിയൂർ നരേന്ദ്രനാഥ് ( 1925-സെപ്റ്റംബർ 13, 2008) ,

1957 ലെ എട്ടാം നിയമസഭാ ഇലക്ഷഷനിൽ പൂഞ്ഞാറിൽ നിന്നു മത്സരിച്ചു ജയിച്ച് 1987 മുതൽ 1991 വരെ സംസ്ഥാന വനം വകുപ്പ് മന്ത്രിയായിരുന്ന മുതിർന്ന ജനതാദൾ (സെക്യുലർ) നേതാവ്  പൊഫ. എൻ. എം. ജോസഫ്.(1943-2022)

ആര്‍എസ്എസില്‍ നിന്നും ബിജെപിയിലേക്ക് നിയോഗിക്കപ്പെടുകയും. ദീർഘകാലം ബിജെപിയുടെ ദേശീയ നിർവാഹകസമിതി അംഗവും കേരളത്തില്‍ ബിജെപിയുടെ സംഘടന ജനറല്‍ സെക്രട്ടറിയുമായിരുന്ന കണ്ണൂർ സ്വദേശി പി.പി മുകുന്ദൻ (1947- 13, സെപ്റ്റംബർ 2023),

ഒഡീഷാ ചീഫ് ജസ്റ്റിസും1983 മുതൽ ഇന്ത്യയുടെ 21 -ാ മത് സുപ്രീം കോടതി ചീഫ് ജസ്റ്റിസുമായിരുന്ന രംഗനാഥ് മിശ്ര (1926 നവംബർ 25 - 2012 സെപ്റ്റംബർ 13).   

എറണാകുളം ജില്ലയിലെ തോപ്പുംപടി സ്വദേശിയും, 1990-ൽ റിലീസായ ഇൻ ഹരിഹർ നഗർ എന്ന മലയാളം സിനിമയിലെ ജോൺ ഹോനായി എന്ന വില്ലൻ വേഷത്തിലൂടെ മലയാള സിനിമയിൽ ശ്രദ്ധേയനായ ചലച്ചിത്ര അഭിനേതാവും ഡബ്ബിംഗ് ആർട്ടിസ്റ്റുമായിരുന്ന റിസബാവ (24 സെപ്റ്റംബർ 1966 - 13 സെപ്റ്റംബർ 2021).
ഇന്ന് ജന്മദിനമാചരയ്ക്കുന്ന ഇപ്പോൾ നമ്മോടൊപ്പമില്ലാത്ത നമ്മുടെ മുൻഗാമികളിൽ ചിലർ
ആർട്ടിസ്റ്റ്‌ നമ്പൂതിരി ജ. (1925-2023)
എസ്.കെ. മാരാർ ജ. ( 1930 -  2005)
നിക്കോളോയ് അബ്രഹാം ജ. (1743-1809
രാമസ്വാമി പരമേശ്വരൻ ജ. (1946 -1987
സിസേർ ബോർജിയ ജ. (1475 -1507 )
അബിൽഡ്‌ഗാർഡ് ജ. (1743-1809)
കെവിൻ കാർട്ടർ  ജ. (1960 -1994)
ഷെയ്ൻ വോൺ  ജ(1969- 2022)

ലൈൻ ആർട്ടിനും ചെമ്പ് റിലീഫ് വർക്കുകൾക്കും പ്രശസ്തനും  മികച്ച സാഹിത്യ ചിത്രകാരനും മുൻ കേരള ലളിതകലാ അക്കാദമിയുടെ ചെയർമാനും  രാജാ രവിവർമ്മ അവാർഡ്,  മികച്ച കലാ സംവിധായകനുള്ള കേരള സംസ്ഥാന ചലച്ചിത്ര അവാർഡ് എന്നിവയാൽ പുരസ്കൃതനുമായ ആർട്ടിസ്റ്റ് നമ്പൂതിരി എന്നറിയപ്പെടുന്ന കരുവാട്ട് മന വാസുദേവൻ നമ്പൂതിരി(13 സെപ്റ്റംബർ 1925 - 7 ജൂലൈ 2023),

പതിനെട്ടോളം നോവലുകളും നാലു കഥാസമാഹാരങ്ങളും മൂന്നു നാടകങ്ങളും ഒരു കവിതാസമാഹാരവും പ്രസിദ്ധീകരിക്കുകയും,  പല സാഹിത്യ സംഘടനകളിലും സാരഥ്യം വഹിക്കുകയും സാഹിത്യ പ്രവർത്തക സഹകരണ സംഘം ഡയറക്‌ടർ ബോർഡിലും എക്‌സിക്യൂട്ടീവിലും അംഗമായിരുന്ന സാഹിത്യകാരനും നിരൂപകനുമായിരുന്ന എസ്.കെ. മാരാർ(സെപ്റ്റംബർ 13 1930 - ഡിസംബർ 18 2005),

ശ്രീലങ്കയിലെ സമാധാനാന്തരിക്ഷം നിലനിർത്തുന്നതിനായി പോയ മഹർ റജിമൻറ്റിലെ മേജറും അവിടെ വച്ച് തീവ്രവാദികളുമായി ഏറ്റുമുട്ടി കൊല്ലപ്പെടുകയും ചെയ്ത മേജർ രാമസ്വാമി പരമേശ്വരൻ (1946 സെപ്റ്റംബർ 13-1987 നവംബർ 25),

നീതിനിരപേക്ഷമായ പ്രായോഗിക രാജനീതിക്കു പേരെടുത്തിരുന്ന വ്യക്തിയും, നിക്കോളോ മാക്കിയവെല്ലിയുടെ "ദ പ്രിൻസ്" എന്ന പ്രഖ്യാതരചനയിലെ മാതൃകാ ഭരണാധികാരിയും, നവോത്ഥാനകാല ഇറ്റലിയിലെ ഒരു യുദ്ധപ്രഭുവും, രാഷ്ട്രതന്ത്രജ്ഞനും, കർദ്ദിനാളും ആയിരുന്ന സിസേർ ബോർജി(1475 സെപ്തംബർ 13- 1507 മാർച്ച് 12),

പ്രധാനപ്പെട്ട പല ചരിത്രസംഭവങ്ങളും ഷേക്സ്പിയർ കൃതികളിലെ പല രംഗങ്ങളും വർണാഞ്ചിതമായ പല ചിത്രീകരണങ്ങൾക്ക് വിഷയമാക്കിയ ഒരു ഡാനിഷ് ചിത്രകാരനായിരുന്ന ‍നിക്കോളോയ് അബ്രഹാം അബിൽഡ്‌ഗാർഡ് (1743 സെപ്റ്റംബർ 13-1809 ജൂൺ 4),

തെക്കൻ സുഡാനിൽ ഒരു പ്രദേശത്ത് വച്ച് എടുത്ത വിശന്നു വലഞ്ഞുവീഴുന്ന ഒരു കുട്ടിയുടെയും അതിനടുത്ത് വന്ന് നിൽക്കുന്ന കഴുകന്റെയും പടം നൽകി കാർട്ടർ ലോകത്തെ നടുക്കിയെങ്കിലും തനിക്കു രക്ഷപ്പെടുത്താൻ കഴി‍ഞ്ഞേക്കാമായിരുന്ന ആ കുഞ്ഞിന്റെ ഓർമ്മകൾ മൂലം വിഷാദ രോഗത്തിനടിമപ്പെട്ട് തന്റെ 33-മത്തെ വയസ്സിൽ ആത്മഹത്യ ചെയ്ത,1994 ലെ പുലിറ്റ്സർ പ്രൈസ് ജേതാവായ തെക്കേ ആഫ്രിക്കകാരനായ പത്രഛായാഗ്രഹകൻ  കെവിൻ കാർട്ടർ(സെപ്റ്റംബർ 13, 1960 - ജൂലൈ 27, 1994)

ക്രിക്കറ്റ് ചരിത്രത്തിൽ ലോകത്തിലെ ഏറ്റവും മികച്ച ലെഗ് സ്പിന്നർമാരിൽ   ഒരാളായി കണക്കാക്കപ്പെടുന്ന ഒരു മുൻ ആസ്ട്രേലിയൻ  ക്രിക്കറ്റ് കളിക്കാരൻ ആയ ഷെയ്ൻ കെയ്ത്ത് വോൺ(1969 സെപ്തംബർ 13- മാർച്ച് 4, 2022 i
ചരിത്രത്തിൽ ഇന്ന്
1500 - പോർട്ടുഗീസ് നാവികനായ പെഡ്രോ അൽവാരിസ് കബ്രാൾ കോഴിക്കോട് സാമൂതിരിയെ സന്ദർശിച്ചു.
കോഴിക്കോട് ആദ്യ യൂറോപ്യൻ ഫാക്ടറി തുറന്നു.

1899 - അമേരിക്കയിലെ ആദ്യ റോഡപകടത്തിൽ കൊല്ലപ്പെട്ട വ്യക്തി എന്ന പേരിൽ Henry H Bliss ചരിത്രത്തിൽ ഇടം നേടി

1929 - സ്വാതന്ത്ര്യ സമരത്തിലെ വിപ്ലവ നേതാവ് ജതീന്ദ്രദാസ് ലാഹോർ ജയിലിൽ 69 ദിവസം നിരാഹാരം കിടന്ന് മരണപ്പെട്ടു.

1933 - എലിസബത്ത് എം സി കോമ്പ് – ന്യൂസിലാൻഡ് പാർലമെന്റിലെ പ്രഥമ വനിത അംഗമായി

1934 - നമ്പൂതിരി സമുദായത്തിലെ ആദ്യ വിധവാ വിവാഹം എന്ന സാമുഹ്യ വിപ്ലവം നടന്നു . വി ടി ഭട്ടതിരിപ്പാടിന്റെ കാർമികത്വത്തിൽ വി.ടി യുടെ ഭാര്യാസഹോദരിയും വിധവയുമായ ഉമാദേവി അന്തർജനത്തെ എം. ആർ. ബി എന്ന വല്ലേരി മുല്ല മംഗലത്തെ രാമൻ ഭട്ടതിരിപ്പാട് വിവാഹം ചെയ്തു.

1940 - ര‍ണ്ടാം ലോകമഹായുദ്ധം:  ഇറ്റലി ഈജിപ്തിനെ കീഴടക്കി

1948- ഇന്ത്യയുടെ ഉപപ്രധാനമന്ത്രി വല്ലഭായ് പട്ടേൽ  ഭാരതത്തോട് യോജിപ്പിക്കാൻ സൈന്യത്തിനു ഹൈദ്രാബാദിലേക്ക് മാർച്ച് ചെയ്യാൻ ഉത്തരവ് ഇട്ടു.

1953- നികിത ക്രൂഷ്ചേവിനെ സോവിയറ്റ് കമ്യൂണിസ്റ്റ് പാർട്ടിയുടെ ജനറൽ സെക്രട്ടറിയായി നിയമിതനായി.

1948- Operation Polo- ഹൈദരബാദിനെ ഇന്ത്യൻ യൂനിയനിൽ ലയിപ്പിക്കാനായ സൈനിക നടപടി തുടങ്ങി…

1974- ലണ്ടനിലെ japanese red army ഹേഗിലെ ഫ്രഞ്ച് അംബാസഡറെ തട്ടിക്കൊണ്ട് പോയി..

1992- ദേശീയ മനുഷ്യാവകാശ കമ്മീഷൻ രൂപികരിക്കുവാൻ തീരുമാനം

1993- പാലസ്തീനിൽ ഇടക്കാല സ്വയം നിർണയ സർക്കാർ (palastine national authority) രൂപീകരിക്കാനും ഇസ്രയേൽ വെസ്റ്റ് ബാങ്ക്, ഗാസ എന്നിവിടങ്ങളിൽ നിന്ന് പിൻവലിയാനുമുള്ള ഓസ്ലോ കരാർ ഒപ്പുവച്ചു..

1996- ലോക്പാൽ ബിൽ ലോക് സഭയിൽ ആദ്യമായി അവതരിപ്പിച്ചു.

2001 - സെപ്റ്റംബർ 11 ആക്രമണത്തിനുശേഷം അമേരിക്കയിൽ സിവിലിയൻ വിമാന ഗതാഗതം പുനരാരംഭിച്ചു.

2007 - തദ്ദേശവാസികളുടെ അവകാശങ്ങൾ സംബന്ധിച്ച പ്രഖ്യാപനം ഐക്യരാഷ്ട്ര പൊതുസഭ അംഗീകരിച്ചു.

2008 : ഡെൽഹിയിൽ 30 പേരുടെ മരണത്തിനും 130 പേരുടെ പരുക്കിനും കാരണമായ ബോംബാക്രമണങ്ങൾ.

2013 - അഫ്ഗാനിസ്ഥാനിലെ ഹെറാത്തിലെ അമേരിക്കൻ കോൺസുലേറ്റിൽ താലിബാൻ കലാപകാരികൾ ആക്രമണം നടത്തി. അഫ്ഗാൻ നാഷണൽ പൊലീസിലെ രണ്ട് അംഗങ്ങൾ കൊല്ലപ്പെടുകയും 20 ഓളം സാധാരണക്കാർക്ക് പരിക്കേൽക്കുകയും ചെയ്തു.
          
.      By ' ടീം തത്ത്വമസി - ജ്യോതിർഗ്ഗമയ '
.       ************
   Rights Reserved by Team Jyotirgamaya
.