ഇന്ന് ഓഗസ്റ്റ് 3, ദേശീയ ഹൃദയം മാറ്റിവെയ്ക്കല്‍ ദിനവും ചിന്മയാനന്ദ സമാധി ദിനവും ഇന്ന്, എ.കെ. ബാലൻ്റെയും അനൂപ് മേനോന്റെയും വീണാ ജോർജ്ജിൻ്റെയും ജന്മദിനം, ജോണ്‍സ് സ്പെക് വിക്ടോറിയ തടാകം കണ്ടെത്തിയതും അഡോള്‍ഫ് ഹിറ്റ്ലര്‍ ജര്‍മനിയുടെ പരമാധികാരിയായി സ്ഥാനമേല്‍ക്കുന്നതും ഇതെ ദിനം തന്നെ, ചരിത്രത്തിൽ ഇന്ന്

.
.     ചരിത്രത്തിൽ ഇന്ന്, വർത്തമാനവും …
.      **************

.                    ' JYOTHIRGAMAYA '
.                    ്്്്്്്്്്്്്്്്
.                    🌅ജ്യോതിർഗ്ഗമയ🌅
.                       
കൊല്ലവർഷം 1200   
കർക്കടകം 18
അനിഴം / നവമി
2025  ആഗസ്റ്റ് 3,
 ഞായർ

ഇന്ന് ;  

 *ദേശീയ ഹൃദയംമാറ്റിവെയ്ക്കൽ ദിനം !   [National Heart Transplantation Day; ഇന്ത്യയിലെ ആദ്യത്തെ ഹൃദയം   മാറ്റിവയ്ക്കൽ ശസ്ത്രക്രിയ നടന്നതിൻ്റെ ഓർമ്മയ്ക്കായി ഒരു ദിവസം ഡൽഹിയിൽ ഡോ. പി വേണുഗോപാലിന്റെ നേതൃത്വത്തിലാണ് ഇത് നടന്നത്. ]

 * ചിന്മയാനന്ദ സമാധി ദിനം !  [ആത്മീയം, വിദ്യാഭ്യാസം, ജീവകാരുണ്യം എന്നീ രംഗങ്ങളില്‍ മുംബൈ കേന്ദ്രമാക്കി പ്രവര്‍ത്തിക്കുന്ന ചിന്മയ ഫൌണ്ടേഷന്റെ സ്ഥാപകൻ സ്വാമി ചിന്മയാനന്ദയുടെ സമാധി ദിനം! ]

  *ദേശീയ സൂര്യകാന്തി ദിനം ![എല്ലാ സീസണിലും പൂക്കുന്ന ഈ  പുഷ്പത്തെക്കുറിച്ച് അറിയാൻ ആസ്വദിക്കാൻ ഒരു ദിനം]

* ഇക്വറ്റോറിയൽ ഗിനിയ-: സൈനിക ദിനം !
* കെന്റക്കി-: തണ്ണിമത്തൻ ദിനം !
* വെനിസ്വേല-: നാഷണൽ ഗാർഡ് ഡേ !
*നിഗർ-: സ്വാതന്ത്ര്യ ദിനം![ ഈ ദിനം ഓരോ നിഗരീയനും ഒരു ചെടി നട്ടു ആർബർ ദിനമായി കൊണ്ടാടുന്നു.]

 * Cloves Syndrome Awareness Day ![ സങ്കീർണ്ണമായ രക്തക്കുഴലുകളുടെ അസാധാരണത്വങ്ങളുള്ള ഒരു അപൂർവ അമിത വളർച്ചയുടെ രോഗലക്ഷണമാണ് ക്ലോവസ് സിൻഡ്രോം. നേരിയ കൊഴുപ്പുള്ള മൃദുവായ ടിഷ്യു ട്യൂമറുകൾ മുതൽ നട്ടെല്ലിനെയോ ആന്തരിക അവയവങ്ങളെയോ ചുറ്റിപ്പറ്റിയുള്ള വാസ്കുലാർ തകരാറുകൾ വരെ വിവിധ ലക്ഷണങ്ങളുള്ള ആളുകളെ ക്ലോവസ് സിൻഡ്രോം ബാധിക്കുന്നു.Cloves Syndrome എന്ന ഈ അപൂർവ ജനിതക വൈകല്യത്തെക്കുറിച്ചുള്ള അവബോധം വളർത്തുന്നതിന് ഒരു ദിനം. ]

  * തണ്ണിമത്തൻ ദിനം ! [ (Watermelon Day) -ലോകമെമ്പാടുമുള്ള ആളുകൾ തണ്ണിമത്തൻ്റെ മധുരവും രുചിയും ആസ്വദിക്കുന്നു.  കേവലം ഒരു രുചികരമായ പഴത്തിൻ്റെ ആഘോഷം മാത്രമല്ല, ആളുകൾക്ക് ഒത്തുചേരാനും അറിവ് പങ്കിടാനും പ്രകൃതിയുടെ ഔദാര്യം ആസ്വദിക്കുന്നതിൻ്റെ സന്തോഷത്തിൽ ആനന്ദിക്കാനുമുള്ള അവസരം കൂടിയാണ്.]

*നിങ്ങളുടെ ഫ്ലോർ വൃത്തിയാക്കാൻ ദിനം ![ Clean Your Floors Day ;എല്ലാം നീട്ടിവെക്കുന്നത് നിർത്തിവച്ച് നിങ്ങളുടെ നിലങ്ങൾ വൃത്തിയാക്കുക. സ്വീപ്പിംഗ്, മോപ്പിംഗ്, സ്‌ക്രബ്ബിംഗ്, വാക്വമിംഗ് എന്നിവയെല്ലാം നമ്മൾ കൂടുതൽ ചെയ്യേണ്ടതുണ്ട്.]

*ബിഗ് ഫോർഹെഡ് ഡേ![വലിയ നെറ്റി ബുദ്ധിയുടെയും സൗന്ദര്യത്തിൻ്റെയും ലക്ഷണമായി കണ്ടിരുന്ന ഒരു കാലത്ത് Big forehead dayവലിയ നെറ്റിയുള്ളവരെ (കഷണ്ടിക്കാർ അടക്കം) അറിയാൻ അംഗീകരിയ്ക്കാൻ ഒരു ദിനം. ]

* National Georgia Day
* National Grab Some Nuts Day
**********

   ഇന്നത്തെ മൊഴിമുത്ത്
  ്‌്‌്‌്‌്‌്‌്‌്‌്‌്‌്‌്‌്‌്‌്‌്‌്‌്‌്‌്‌്‌
ഒന്നുമി, ല്ലൊന്നുമില്ല
വഴിയറിയാതണയും
പൊൽക്കതിർ മാത്രം
കൊതിപൂണ്ടുയരും
പച്ചിലക്കൂമ്പു മാത്രം.

ഒന്നുമി, ല്ലൊന്നുമില്ല.
ഒരു ചുംബനം മാത്രം
ഒരു നിർവൃതി മാത്രം

ഒന്നുമി, ല്ലൊന്നുമില്ല.
അടരുമലർമാത്രം
പടരുമിരുൾ മാത്രം

ഒന്നുമി, ല്ലൊന്നുമില്ല.

.  [- ആർ രാമചന്ദ്രൻ    
**********

ഇന്നത്തെ പിറന്നാളുകാർ
***********
കേരളത്തിലെ പ്രമുഖ ഇടതുപക്ഷ രാഷ്ട്രീയനേതാവും അഭിഭാഷകനും കേരളത്തിലെ പട്ടികജാതി-പട്ടികവർഗ്ഗം, വൈദ്യുതി / നിയമം എന്നീ വകുപ്പുകളുടെ മന്ത്രിയുമായിരുന്ന സഖാവ്. എ.കെ. ബാലൻ്റെയും (1948 ഓഗസ്റ്റ് 3 )

 പതിനാല്, പതിനഞ്ച് നിയമസഭകളിലെ അംഗവും രണ്ടാം പിണറായി സർക്കാറിലെ ആരോഗ്യം, വനിത ശിശു വികസന വകുപ്പ് എന്നീ വകുപ്പുകളുടെ ചുമതലയുമുള്ള മന്ത്രിയും, കേരളത്തിൽ ഒരു വാർത്താ ചാനലിന്റെ എക്സിക്യൂട്ടീവ് എഡിറ്ററായി സേവനമനുഷ്ടിച്ച ആദ്യ വനിതയുമായ ശ്രീമതി വീണാ ജോർജ്ജിൻ്റെയും (1976 ഓഗസ്റ്റ് 3)

മലയാള സിനിമയിലെ മുൻനിരയിലെ ചലച്ചിത്രനടനും, തിരക്കഥാകൃത്തുമായ   അനൂപ്  ഗംഗാധരൻ എന്ന അനൂപ് മേനോന്റെയും (1977),

കാഹിൽ, ദാദ്ര, തുംരി, ചൈതി, കജ്രി, ഹോരി, ഭജൻസ് എന്നിവയിലെ ബനാറസ് ആലാപനത്തിൻ്റെയും പഞ്ചാബിലെ ആലാപനത്തിൻ്റെയും അതുല്യമായ മിശ്രിതം കാരണം ഹിന്ദുസ്ഥാനി ശാസ്ത്രീയ സംഗീതത്തിൻ്റെ ഏറ്റവും മികച്ച ഇന്ത്യൻ വക്താക്കളിൽ ഒരാളായി കണക്കാക്കപ്പെടുന്ന, ഓൾ ഇന്ത്യ റേഡിയോയിലും ദൂരദർശനിലും മികച്ച ഗ്രേഡ് ആർട്ടിസ്റ്റുമായ പണ്ഡിറ്റ് ചന്നുലാൽ മിശ്രയുടേയും (1936),

തെർ മാക്സ് കമ്പനിയുടെ മുൻ ചെയർപേഴ്സനും മുൻ രാജ്യസഭ അംഗവും  സാമൂഹിക പ്രവർത്തകയുമായ അനു ആഗയുടെയും( 1942),

പല പ്രാവശ്യം ഇൻറ്റർ നാഷണൽ ഡാൻസ് മ്യൂസിക്കി അവാർഡ് കിട്ടിയിട്ടുള്ള  പാക്കിസ്താനി- അമേരിക്കൻ ഗായികയും- ഗാനരചയിതാവുമായ നാദിയ അലിയുടെയും (1980),

അന്താരാഷ്ട്ര ബോഡിബിൽഡർ ആയ അമേരിക്കക്കാരൻ ജെയ് കട്ലറിന്റെയും  (1973),

ഒരു അമേരിക്കൻ മുൻ ഫുട്ബോൾ ക്വാർട്ടർബാക്കായ തോമസ് എഡ്വേർഡ് പാട്രിക് ബ്രാഡി  ജൂനിയറിൻ്റേയും (1977),

എൻബിസി പരമ്പരയായ ദി വെസ്റ്റ് വിംഗിൽ (1999-2006) യുഎസ് പ്രസിഡന്റ് ജോസിയ ബാർട്ട്‌ലെറ്റ് എന്ന കഥാപാത്രത്തിലൂടെ പ്രശസ്തനായ ഷീൻ അറിയപ്പെടുന്ന, ആറ് പതിറ്റാണ്ട് നീണ്ട കരിയറിൽ മൂന്ന് എമ്മി അവാർഡുകൾ , ഗോൾഡൻ ഗ്ലോബ് അവാർഡ് , നാല് സ്‌ക്രീൻ ആക്ടേഴ്‌സ് ഗിൽഡ് അവാർഡ് എന്നിവയുൾപ്പെടെ നിരവധി അംഗീകാരങ്ങൾ  ലഭിച്ച
മാർട്ടിൻ ഷീൻ എന്നറിയപ്പെടുന്ന റാമോൺ അന്റോണിയോ ജെറാർഡോ എസ്റ്റെവസിൻ്റെയും (1940) ജന്മദിനം !
**********
ഇന്ന് ജന്മദിനം ആചരിയ്ക്കേണ്ട ഇപ്പോൾ നമ്മോടൊപ്പം ഇല്ലാത്ത നമ്മുടെ പൂർവ്വികരിൽ പ്രമുഖരായ ചിലർ
*************

ശേഷഗിരി പ്രഭു ജ. (1855 -1924)
എൻ.കെ. ദാമോദരൻ ജ. (1909 -1996)
ഡോ. എസ്. പിനകപാണി ജ. (1913-2013)
മൈഥിലി ശരൺ ഗുപ്ത ജ. 1885-1964)
പി.ഡി. ജെയിംസ് ജ. (1920-2014)
ഉത്‌പൽ കുമാർ ബസു ജ. (1939 -2015),
ആർച്ച്ഡേൽ വിൽസൻ ജ. (1803-1874)
ഭരത് ഭൂഷൺ അഗർവാൾ ജ.(1919 -1975)
ഷക്കീൽ ബദയുനി ജ. (1916 - 1970) 
ജയ്ദേവ് ജ.  (1919 -1987)

കൊങ്കണിയായിരുന്നു  മാതൃഭാഷ യെങ്കിലും മലയാളഭാഷയിലും വ്യാകരണത്തിലും  അതീവ തത്പരനും വ്യാകരണപഠനം കുട്ടികൾക്ക് ലളിതമായി പറഞ്ഞുകൊടുക്കാനും മനസ്സിലാക്കാനും ഉതകുന്ന തരത്തിൽ 'വ്യാകരണമിത്രം' എന്ന മലയാള വ്യാകരണ ഗ്രന്ഥം  രചിച്ച പ്രമുഖ  വ്യാകരണപണ്ഡിതരിൽ ഒരാളായ ശേഷഗിരി പ്രഭു എന്നറിയപ്പെടുന്ന മാധവ ശേഷഗിരി പ്രഭു ( 1855 ഓഗസ്റ്റ് 3-മെയ് 24, 1924),

സ്കൂൾ അധ്യാപകൻ, ഇൻഷ്വുറൻസ് കമ്പനിയിൽ പ്രസിഡന്റ്, ധനകാര്യ വകുപ്പിൽ അക്കൗണ്ട്സ് ഓഫീസർ,  സാഹിത്യപ്രവർത്തക സഹകരണ സംഘത്തിൽ റീഡർ, സർവവിജ്ഞാന കോശ ഇൻസ്റ്റിറ്റ്യൂട്ടിൽ സബ് എഡിറ്റർ, കലാകൗമുദി വാരികയിൽ പത്രാധിപസമിതി അംഗം,  തോന്നയ്ക്കൽ ആശാൻ സ്മാരക സമിതി അധ്യക്ഷൻ, ആശാൻ അക്കാദമിയുടെ സെക്രട്ടറി, എസ്.എൻ. കൾച്ചറൽ സൊസൈറ്റി ഉപദേശകസമിതി അംഗം,  മൂലൂർ ജന്മശതാബ്ദി ആഘോഷ പരിപാടിയുടെ സൂത്രധാരൻ എന്നി നിലകളിൽ പ്രവർത്തിക്കുകയും കവിത, ഉപന്യാസം, വിവർത്തനം, എഡിറ്റിങ് എന്നീ വിവിധ മേഖലകളിലായി നിരവധി സംഭാവനകൾ  നൽകുകയും ചെയ്ത  പ്രമുഖ മലയാള സാഹിത്യകാരൻ എൻ.കെ. ദാമോദരൻ(1909 ആഗസ്റ്റ് 3- ജൂലൈ 25, 1996)

വിശാഖപട്ടണം ആന്ധ്ര മെഡിക്കൽ കോളജിലും അസി. പ്രഫസറും  കുർണൂൽ മെഡിക്കൽ കോളജിൽ  പ്രഫസർ ഓഫ് മെഡിസിനും, സംഗീതാലാപനത്തിൽ സ്വന്തമായ ശൈലി രൂപപ്പെടുത്തുകയും  ചെയ്ത പ്രശസ്ത കർണാടക സംഗീതജ്ഞനായിരുന്ന ഡോ. എസ്. പിനകപാണി എന്ന ഡോ. ശ്രീപാദ പിനകപാണി (3 ആഗസ്റ്റ് 1913 - 11 മാർച്ച് 2013)

പിയ മന ഭാവെ എന്ന കാവ്യസമാഹാരമടക്കം നിരവധി കൃതികൾ രചിച്ച ബംഗാളി സാഹിത്യകാരനും അദ്ധ്യാപകനുമായ ഉത്‌പൽ കുമാർ ബസു ( 3 ആഗസ്റ്റ് 1939 - 3 ഒക്റ്റോബർ 2015),

1857-ലെ ലഹളക്കാലത്തെ ദില്ലി പിടിച്ചടക്കൽ പദ്ധതിയിൽ ബ്രിട്ടീഷ് സേനയുടെ നേതൃസ്ഥാനം വഹിക്കുകയും, ലഹളയുടെ ഭാഗമായി 1858 മാർച്ചിൽ നടന്ന ലക്നൗ പിടിച്ചടക്കൽ ദൗത്യത്തിലും പ്രധാനസ്ഥാനം വഹിക്കുകയും ചെയ്ത ബ്രിട്ടീഷ് ഇന്ത്യയിലെ ഒരു പ്രശസ്ത സൈനികനായിരുന്ന ആർച്ച്ഡേൽ വിൽസൺ (ഇംഗ്ലീഷ്: Archdale Wilson ), (1803 ഓഗസ്റ്റ് 3 - 1874 മേയ് 9),

ആസ്റ്റ്രേലിയയ്ക്ക് ഒരു ഏകീകൃത ഭരണം നേടിയെടുക്കുന്നതിനു വേണ്ടിയുള്ള പ്രവർത്തനങ്ങളിലൂടെ ശ്രദ്ധേയനാകുകയും, 1903 മുതൽ 10 വരെ  പ്രധാനമന്ത്രിയായ പ്രമുഖനായ രാഷ്ട്രീയ പ്രവർത്തകനായിരുന്ന ആൽഫ്രഡ് ഡീക്ക്(3 ആഗസ്റ്റ് 1856 – 7 ഒക്ടോബർ 1919),

ദശലക്ഷം കോപ്പികൾ ലോകത്തെമ്പാടുമായി വിറ്റഴിഞ്ഞ കുറ്റാന്വേഷണ നോവലുകളുടെ രചനയിലൂടെ പ്രശസ്തയായ പി.ഡി. ജെയിംസ് എന്ന പേരിലെഴുതിയ ഫില്ലിസ് ഡൊറോത്തി ജെയിംസ് (3 ഓഗസ്റ്റ് 1920 – 27 നവംബർ 2014),

ഇസ്രായലിലേക്കുള്ള ജൂതന്മാരുടെ ' പലായനത്തെ കുറിച്ച് എഴുതിയ എക്സോഡസ് എന്ന നോവൽ അടക്കം പല നല്ല ഇഗ്ലീഷ് നോവലുകളും എഴുതിയ അമേരിക്കൻ സാഹിത്യകാരൻ ലിയോൺ മാർക്കസ് ഉറിസ്(ഓഗസ്റ്റ് 3 1924-ജൂൺ 21, 2003)

1978-ൽ സാഹിത്യ അക്കാദമി 'ഉത്‌ന വാ സൂരജ് ഹേ' എന്ന കവിതയ്ക്ക്  ആദരിക്കുകയും ചെയ്ത  ഹിന്ദി   അഗ്യേയ എഡിറ്റുചെയ്ത തർ സപ്തകിൻ്റെ ഒരു പ്രധാന കവിയും സാഹിത്യകാരനുമായിരുന്ന
 ഭരത് ഭൂഷൺ അഗർവാൾ ( ഓഗസ്റ്റ് 3, 1919 - 23 ജൂൺ 1975)

തന്റെ ഗാനങ്ങൾക്ക് തുടർച്ചയായി മൂന്ന് തവണ ഫിലിംഫെയർ അവാർഡ്  നേടുകയും മികച്ച സംഭാവനകൾ നൽകുകയും ചെയ്ത കവിയും ഗാന രചയിതാവുമായിരുന്ന ഷക്കീൽ ബദയുനി (3 ഓഗസ്റ്റ് 1916 - 20 ഏപ്രിൽ 1970) 

 ഒരു ഇന്ത്യൻ സംഗീതജ്ഞനും ബാലതാരവുമായിരുന്നു. മികച്ച സംഗീത സംവിധാനത്തിനുള്ള ദേശീയ ചലച്ചിത്ര പുരസ്കാരവും  ദേശീയ ചലച്ചിത്ര അവാർഡും ലതാ മങ്കേഷ്‌കർ അവാർഡും ലഭിച്ച ജയ്ദേവ് (3 ഓഗസ്റ്റ് 1919 - 6 ജനുവരി 1987)
*******

ഇന്നത്തെ സ്മരണ !!!
********
വി രാമകൃഷ്ണപിള്ള മ. (1913-1971)
സ്വാമി ചിന്മയാനന്ദ മ. (1916-1993) 
ആർ. രാമചന്ദ്രൻ മ. (1923-2005)
കാവാലം വിശ്വനാഥക്കുറുപ്പ് മ. (1829-2006)
മിഷേൽ അഡൻസൺ മ. (1727-1806)
ജോർജ് ഇന്നസ് മ. (1825 -1894)
എഡ്വേർഡ്  ടിച്ച്നർ മ. (1867-1927)
സൈനബുൽ ഗസ്സാലി മ. (1917- 2005)
അലക്സാണ്ടർ സോൾഷെനിറ്റ്സിൻ മ. (1918 -2008)
ഓഹി കാർച്യേ ബഹ്സണ്  [Henri Cartier-Bresson] മ. (1908-2004)
കെ. ദാമോദരൻ മ.  (1912 - 1976)
കൈലാസ്നാഥ്‌ മ. (1959-2023)
 അലക്സാണ്ടർ സോൾഷെനിറ്റ്സിൻ മ. (1918 -2008).

 ഒന്നാം കേരളനിയമസഭയിൽ ഹരിപ്പാട് നിയോജക മണ്ഡലത്തെ പ്രതിനിധീകരിച്ച  രാഷ്ട്രീയ നേതാവും,   തിരുവിതാംകൂർ ദേവസ്വം ബോർഡംഗവും, കലാസാംസകാരിക പ്രവർത്തനങ്ങളിൽ സജീവ സാനിധ്യമായിരുന്ന വി. രാമകൃഷ്ണപിള്ള (1913 - 3 ആഗസ്റ്റ് 1971),

ഫ്രീപ്രസ്സ് ജേണൽ, നാഷണൽ ഹൊറാൾഡ് എന്നീ പത്രങ്ങളിൽ ജോലി ചെയ്യുകയും ക്വിറ്റ് ഇന്ത്യാ    സമരത്തിൽ പങ്കെടുത്ത് അറസ്റ്റ് വരിക്കുകയും പിന്നിട് ഹൃഷികേശിലെത്തി സ്വാമി .ശിവാനന്ദയുടെ ശിഷ്യനായി ഭിക്ഷ സ്വീകരിക്കുകയും വേദാന്തത്തിന്റെ പ്രചാരണത്തിനായി  ഇന്ത്യയിലൊട്ടാകെ 300 ഓളം ശാഖകളുമായി വ്യാപിച്ചു കിടക്കുന്ന ചിന്മയാ മിഷൻ സ്ഥാപിക്കുകയും ചെയ്ത ബാലകൃഷ്ണ മേനോൻ (ബാലൻ) എന്ന 
സ്വാമി   ചിന്മയാനന്ദൻ (മെയ് 8 1916-ഓഗസ്റ്റ് 3 1993) ,

വളരെക്കുറച്ചു കവിതകൾ മാത്രമേ എഴുതിയിട്ടുള്ളു എങ്കിലും തന്റേതായ ഒരു ചാലു കീറി അതിനെ ആസ്വാദക ഹൃദയങ്ങളിലേക്ക് നയിച്ച് അവിടങ്ങളിൽ നനവുണ്ടാക്കുകയും, പാബ്ലോ നെരൂദയുടെ കൃതികൾ മലയാളത്തിലേക്ക് വിവർത്തനം ചെയ്യുകയും, ചെയ്ത മലയാള കവി ആർ. രാമചന്ദ്രൻ (1923 - ഓഗസ്റ്റ് 3 2005).

കുട്ടനാട്ടിലെ നാടന് പാട്ടുകളുടെ സമാഹാരത്തില് കവിതയിലും നാടകത്തിലും  കുട്ടനാടന്‍ ഭൂമികയുടെ പരുക്കന്‍ യാഥാര്‍ഥ്യങ്ങള്‍ പകര്‍ത്തിയ കാവാലം വിശ്വനാഥ ക്കുറുപ്പ് (1929-2006 ഓഗസ്റ്റ്‌ 3 ),

സ്കോട് ലാൻഡ് വംശജനായ ഫ്രഞ്ച് പ്രകൃതിശാസ്ത്രജ്ഞൻ ആയിരുന്ന മിഷേൽ അഡൻസൺ( ഏപ്രിൽ  1727 – 3 ഓഗസ്റ്റ് 1806),

അമേരിക്കൻ വൻകരയുടെ ഭൂദൃശ്യചിത്രങ്ങളുളും, ഭൂമിശാസ്ത്രപരമായ ചിത്രങ്ങളും വസ്തുനിഷ്ഠമായും സ്പഷ്ടമായും വരയ്ക്കുമായിരുന്ന യു.എസ്. ചിത്രകാരനായ ജോർജ് ഇന്നസ് (1825 മെയ്. 1-1894 ഓഗസ്റ്റ് 3),

ഇന്ദ്രിയാനുഭവങ്ങളുടെ സവിശേഷ സ്വഭാവത്തെ ആസ്പദമാക്കി വ്യക്തിയുടെ വികാരവിചാരങ്ങളെ വിശകലനം ചെയ്യാൻ കഴിയുമെന്ന സിദ്ധാന്തവും ,  വ്യക്തിയുടെ അനുഭവങ്ങളെ വിശകലനം ചെയ്യാൻ നാഡീവ്യൂഹത്തെക്കുറിച്ചുള്ള അറിവ് അനുപേക്ഷണീയമാണെന്നു, വാദിച്ച  ബ്രിട്ടീഷ്-അമേരിക്കൻ മനഃശാസ്ത്രജ്ഞൻ എഡ്വേർഡ് ബ്രാഡ്ഫോർഡ് ടിച്ച്നർ (1867 ജനുവരി 11-1927 ആഗസ്റ്റ് 3),

ഈജിപ്ഷ്യൻ, സാമൂഹിക പ്രവർത്തകയും ,  മുസ്‌ലിം ബ്രദർഹുഡ് എന്ന സംഘടനയുടെ വനിതാവിഭാഗമായ മുസ്ലിം വുമൺസ് അസോസിയേഷന്റെ സ്ഥാപകയും, മലയാളത്തിലടക്കം നിരവധി ഭാഷയിലേക്ക്  വിവർത്തനം ചെയ്യപ്പെട്ട "ജയിലനുഭവങ്ങൾ" എന്ന പേരില്‍ ഒരു ഗ്രന്ഥം രചിക്കുകയും ചെയ്ത  സൈനബുൽ ഗസ്സാലി (ജനുവരി 2,1917-ആഗസ്റ്റ് 3, 2005)

ഇവാൻ ഡെനിസോവിച്ചിന്റെ ജീവിതത്തിലെ ഒരു ദിവസം, ഗുലാഗ് ദ്വീപസമൂഹം എന്നീ നോവലുകളിലൂടെ സ്റ്റാലിന്റെ കാലത്തെ സോവിയറ്റ് യൂണിയനിലെ തടവറകളുടെ കഥ പറഞ്ഞ്  പ്രശസ്തനായ റഷ്യൻ നോവലിസ്റ്റും നോബൽ സമ്മാനജേതാവുമായ അലക്സാണ്ടർ സോൾഷെനിറ്റ്സൻ(ഡിസംബർ 11, 1918 - ഓഗസ്റ്റ് 3, 2008),

ഫ്രഞ്ച് ഛായാഗ്രാഹകനും ആധുനിക ഫോട്ടോജേർണലിസത്തിന്റെ പിതാവ് എന്നു വിശേഷിപ്പിയ്ക്ക പ്പെടുന്നയാളുമായ ഓഹി കാർച്യേ ബഹ്സൺ [Henri Cartier-Bresson] (ഓഗസ്റ്റ് 22, 1908 – ഓഗസ്റ്റ് 3, 2004)

കമ്മ്യൂണിസ്റ്റ് പാർട്ടി ഓഫ് ഇന്ത്യയുടെ കേരളത്തിലെ സ്ഥാപകനേതാക്കളിൽ ഒരാളും മാർക്സിസ്റ്റ് സൈദ്ധാന്തികനും കേരള മാർക്സ് എന്ന് വിശേഷിപ്പിക്കപ്പെട്ടിരുന്ന, ഒപ്പം 'പാട്ടബാക്കി' എന്ന നാടകരചനയിലൂടെ  പ്രശസ്തനായ എഴുത്തുകാരനുമായിരുന്ന  കെ. ദാമോദരൻ (ഫെബ്രുവരി 05, 1912 -ജൂലൈ 3, 1976),

നടൻ, സംവിധായകൻ,സിനിമ - ടെലിവിഷൻ രംഗത്ത് ശ്രദ്ധേയമായ വേഷങ്ങൾ ചെയ്തു.  ശ്രീകുമാരൻ തമ്പിയുടെ അസോസിയേറ്റായി പ്രവർത്തിച്ചിരുന്നു. 163 സിനിമകളിൽ വേഷമിട്ടു. അതിൽ 90 എണ്ണവും തമിഴിലായിരുന്നു. ഹാസ്യ വേഷങ്ങളായിരുന്നു കൂടുതലും. തിരുവനന്തപുരം സ്വദേശിയാണ്. അജിതയാണ് ഭാര്യ. മകൾ ധന്യ. മാതാവ്: ഗൗരി അന്തർജനം. മാന്നാറിലായിരുന്നു ജനനം. (1959-2023)കൈലാസ്നാഥ്‌ മ. (1959-2023)

 ഇവാൻ ഡെനിസോവിച്ചിന്റെ ജീവിതത്തിലെ ഒരു ദിവസം, ഗുലാഗ് ദ്വീപസമൂഹം എന്നീ നോവലുകളിലൂടെ സ്റ്റാലിന്റെ കാലത്തെ സോവിയറ്റ് യൂണിയനിലെ തടവറകളുടെ കഥ പറഞ്ഞ് സോൾഷെനിറ്റ്സിൻ പ്രശസ്തനായ റഷ്യൻ നോവലിസ്റ്റും നോബൽ സമ്മാനജേതാവുമായ  അലക്സാണ്ടർ സോൾഷെനിറ്റ്സിൻ(ഡിസംബർ 11, 1918 - ഓഗസ്റ്റ് 3, 2008).

ചരിത്രത്തിൽ ഇന്ന്…
*********
8 - റോമൻ സാമ്രാജ്യത്തിൻ്റെ ജനറൽ ടിബീരിയസ് ബോസ്ന നദിയിലെ ഡാൽമത്തേയെ പരാജയപ്പെടുത്തി .

435 - നെസ്തോറിയനിസത്തിൻ്റെ ഉപജ്ഞാതാവായി കണക്കാക്കപ്പെടുന്ന കോൺസ്റ്റാൻ്റിനോപ്പിളിലെ എക്യുമെനിക്കൽ പാത്രിയാർക്കീസ് ​​നെസ്തോറിയസിനെ പുറത്താക്കിയ റോമൻ ചക്രവർത്തി തിയോഡോഷ്യസ് രണ്ടാമൻ ഈജിപ്തിലെ ഒരു ആശ്രമത്തിലേക്ക് നാടുകടത്തി .

881 - സൗകോർട്ട്-എൻ-വിമേയു യുദ്ധം : ഫ്രാൻസിലെ ലൂയിസ് മൂന്നാമൻ വൈക്കിംഗുകളെ പരാജയപ്പെടുത്തി , ലുഡ്വിഗ്സ്ലിഡ് എന്ന കവിതയിൽ ആഘോഷിക്കുന്ന ഒരു സംഭവം .

908 - ഐസെനാച്ച് യുദ്ധം : ഹംഗേറിയൻ സൈന്യം തുറിംഗിയയിലെ ഡ്യൂക്ക് ബർച്ചാഡിൻ്റെ കീഴിൽ കിഴക്കൻ ഫ്രാങ്കിഷ് സൈന്യത്തെ പരാജയപ്പെടുത്തി .

1031 - നോർവേയിലെ ഒലാഫ് രണ്ടാമൻ സെൽസിയിലെ ഇംഗ്ലീഷ് ബിഷപ്പായ ഗ്രിംകെറ്റെൽ വിശുദ്ധ ഒലാഫായി പ്രഖ്യാപിച്ചു .

1057 - ലോറൈനിലെ ഫ്രെഡറിക്ക് സ്റ്റീഫൻ ഒൻപതാമൻ മാർപ്പാപ്പയായി തിരഞ്ഞെടുക്കപ്പെട്ടു .

1342 - സ്പാനിഷ് റികൺക്വിസ്റ്റയുടെ സമയത്ത് അൽജെസിറാസ് ഉപരോധം ആരംഭിച്ചു .

1492 - ക്രിസ്റ്റഫർ കൊളംബസ്   സ്പെയിനിലെ Palos de la Frontera  യിൽനിന്ന് യാത്ര തിരിക്കുന്നു.

1795 - ഒഹായോ രാജ്യത്തെ വടക്കുപടിഞ്ഞാറൻ ഇന്ത്യൻ യുദ്ധം അവസാനിപ്പിച്ച് ഗ്രീൻവില്ലെ ഉടമ്പടി ഒപ്പുവച്ചു .

1811 - ജംഗ്‌ഫ്രോയുടെ ആദ്യത്തെ കയറ്റം , ബെർണീസ് ആൽപ്‌സിലെ മൂന്നാമത്തെ ഏറ്റവും ഉയർന്ന കൊടുമുടി, സഹോദരന്മാരായ ജോഹാൻ റുഡോൾഫും ഹൈറോണിമസ് മേയറും.

1829 - മിസിസിപ്പി നദിയുടെ പടിഞ്ഞാറ് ഭാഗത്തേക്ക് ഒഹായോയിലെ ഭൂമി കൈമാറ്റം ചെയ്തുകൊണ്ട് ലൂയിസ്‌ടൗൺ ഉടമ്പടിയിൽ ഷവോനിയും സെനെക്കയും ഒപ്പുവച്ചു .

1852 - യേൽ യൂണിവേഴ്സിറ്റിയും ഹാർവാർഡും തമ്മിലുള്ള ആദ്യ ബോട്ട് റേസിൽ ഹാർവാർഡ് യൂണിവേഴ്സിറ്റി വിജയിച്ചു. ഈ ഓട്ടം ആദ്യത്തെ അമേരിക്കൻ ഇൻ്റർകോളീജിയറ്റ് അത്‌ലറ്റിക് ഇവൻ്റ് എന്നും അറിയപ്പെടുന്നു.

1858 - ഇംഗ്ലീഷ് പര്യവേഷകനായിരുന്ന ജോൺസ് സ്പെക് നൈൽ നദിയുടെ ഉത്ഭവസ്ഥാനമായ വിക്ടോറിയ തടാകം കണ്ടെത്തി.

1859 - അമേരിക്കൻ ഡെൻ്റൽ അസോസിയേഷൻ ന്യൂയോർക്കിലെ നയാഗ്ര വെള്ളച്ചാട്ടത്തിൽ സ്ഥാപിതമായി .
1900 - ഫയർസ്റ്റോൺ ടയർ ആൻഡ് റബ്ബർ കമ്പനി സ്ഥാപിതമായി.

1914 - ഒന്നാം ലോകമഹായുദ്ധം:  ജർമനി ഫ്രാൻസിനോട് യുദ്ധം പ്രഖ്യാപിക്കുന്നു.

1934 - അഡോൾഫ് ഹിറ്റ്ലർ പ്രസിഡന്റ്, ചാൻസലർ എന്നീ സ്ഥാനങ്ങൾ ഫ്യൂ:റർഎ ന്ന ഒറ്റ സ്ഥാനത്തിൽ ലയിപ്പിച്ചുകൊണ്ട്  ജർമനിയുടെ പരമാധികാരിയായി സ്ഥാനമേൽക്കുന്നു.

1949 - അമേരിക്കയിൽ NBA (National Basketball Association) സ്ഥാപിക്കപ്പെട്ടു.

1958 - അമേരിക്കൻ ആണവ അന്തർവാഹിനി യു.എസ്.എസ്. നോട്ടിലസ് ആർട്ടിക്ക് മഞ്ഞുപാളികൾക്കടിയിലൂടെ  സഞ്ചരിക്കുന്നു.

1960 - നൈജർ ഫ്രാൻസിൽ നിന്ന്  സ്വാതന്ത്ര്യം പ്രാപിക്കുന്നു.

1994 - ഇന്ത്യയിലെ ആദ്യത്തെ ഹൃദയം മാറ്റിവയ്ക്കൽ ശസ്ത്രക്രിയ ഡൽഹിയിൽ ഡോ. പി വേണുഗോപാലിന്റെ നേതൃത്വത്തിൽ നടന്നു. 

2004 - സെപ്തംബർ 11 ആക്രമണത്തിന് ശേഷം അടച്ചിട്ടിരുന്ന സ്റ്റാച്യു ഓഫ് ലിബർട്ടിയുടെ പീഠം വീണ്ടും തുറന്നു .

2005 - ഫഹദ് രാജാവിൻ്റെ ശവസംസ്കാര ചടങ്ങിൽ പങ്കെടുക്കുന്നതിനിടെ മൗറിറ്റാനിയയുടെ പ്രസിഡൻ്റ് മൗയ ഔൾഡ് സിദ് അഹമ്മദ് തയ സൈനിക അട്ടിമറിയിൽ അട്ടിമറിക്കപ്പെട്ടു . സൗദി അറേബ്യയിൽ ഫഹദ് .

2007 - ചിലിയൻ രഹസ്യപോലീസിൻ്റെ മുൻ ഡെപ്യൂട്ടി ഡയറക്ടർ മുൻ ഡെപ്യൂട്ടി ഡയറക്ടർ റൗൾ ഇറ്റുറിഗാഗയെ തട്ടിക്കൊണ്ടുപോയതിന് ശിക്ഷിക്കപ്പെട്ടതിനെത്തുടർന്ന് ഒളിവിൽ കഴിയുമ്പോൾ പിടിക്കപ്പെട്ടു .

2010 - കറാച്ചിയിൽ വ്യാപകമായ കലാപം പൊട്ടിപ്പുറപ്പെട്ടു പാകിസ്ഥാനിലെ , കുറഞ്ഞത് 85 പേർ കൊല്ലപ്പെടുകയും 17 ബില്യൺ പാക്കിസ്ഥാൻ രൂപയുടെ (200 മില്യൺ യുഎസ് ഡോളർ) നാശനഷ്ടം ഉണ്ടാക്കുകയും ചെയ്തു.

2014 - ചൈനയിലെ യുനാനിൽ 6.1 തീവ്രത രേഖപ്പെടുത്തിയ ഭൂകമ്പത്തിൽ 617 പേർ കൊല്ലപ്പെടുകയും 2,400 പേർക്ക് പരിക്കേൽക്കുകയും ചെയ്തു .

2014 - ദി ISIL യസീദികളുടെ വംശഹത്യ ആരംഭിച്ചു. 

2016 - ജി.എസ്.ടി ബിൽ രാജ്യസഭ പാസാക്കി. 

2018 - കിഴക്കൻ അഫ്ഗാനിസ്ഥാനിലെ ഷിയാ പള്ളിയിലുണ്ടായ ചാവേർ ആക്രമണത്തിൽ ബുർക്ക ധരിച്ച രണ്ട് പേർ 29 പേർ കൊല്ലപ്പെടുകയും 80 ലധികം പേർക്ക് പരിക്കേൽക്കുകയും ചെയ്തു.

2019 - തിരഞ്ഞെടുപ്പ് പ്രതിഷേധത്തിൽ പ്രതിപക്ഷ നേതാവ് ല്യൂബോവ് സോബോൾ ഉൾപ്പെടെ അറുനൂറ് പ്രതിഷേധക്കാരെ അറസ്റ്റ് ചെയ്തു. - റഷ്യയിലെ മോസ്കോയിൽ അറസ്റ്റ് ചെയ്തു . 

2019 - ടെക്സസിലെ എൽ പാസോയിൽ നടന്ന കൂട്ട വെടിവയ്പ്പിൽ ഇരുപത്തിമൂന്ന് പേർ കൊല്ലപ്പെടുകയും 22 പേർക്ക് പരിക്കേൽക്കുകയും ചെയ്തു . 

2020 - അന്താരാഷ്‌ട്ര ബഹിരാകാശ നിലയത്തിൽ നിന്ന് അമേരിക്കൻ ബഹിരാകാശ സഞ്ചാരികളായ ഡഗ് ഹർലി,  ബോബ് ബെൻകൻ എന്നിവരുമായി സ്പേസ് എക്‌സ് കമ്പനിയുടെ ക്രൂഡ്രാഗൺ പേടകം ഭൂമിയിലേക്ക് മടങ്ങിയെത്തി.

2023 - സ്ലൊവേനിയയുടെ പ്രധാന ഭാഗങ്ങളിൽ ഏറ്റവും മോശമായ വെള്ളപ്പൊക്കം .

.      By ' ടീം തത്ത്വമസി - ജ്യോതിർഗ്ഗമയ '
.       ************
   Rights Reserved by Team Jyotirgamaya