ഇന്ന് ഫിബ്രവരി 8: പരിനിര്‍വാണ ദിനം.! പുനലൂര്‍ സോമരാജന്റെയും കെ. പി രാമനുണ്ണിയുടെയും സന്തോഷ് ശിവന്റേയും ജന്മദിനം: മംഗോളികള്‍ റഷ്യന്‍ നഗരമായ വ്‌ളാഡിമിര്‍ കത്തിച്ചതും ഇംഗ്ലണ്ടിലെ ജെയിംസ് ഒന്നാമൻ രാജാവ്‌ ഇംഗ്ലീഷ് പാർലമെന്റ് പിരിച്ചു വിട്ടതും ഇതേ ദിനം തന്നെ: ചരിത്രത്തില്‍ ഇന്ന്

.   ചരിത്രത്തിൽ ഇന്ന് , വർത്തമാനവും …  
    **************

.                  ' JYOTHIRGAMAYA '
.                  ്്്്്്്്്്്്്്്്
.                  🌅ജ്യോതിർഗ്ഗമയ🌅

കൊല്ലവർഷം1200 
മകരം 26
മകയിരം / ഏകാദശി
2025, ഫിബ്രവരി 8, 
ശനി

ഇന്ന്;
 * പരിനിർവാണ ദിനം.! [കിഴക്കൻ ഏഷ്യ, വിയറ്റ്നാം, ഫിലിപ്പീൻസ് എന്നിവിടങ്ങളിൽ ആഘോഷിക്കപ്പെടുന്ന മഹായാന ബുദ്ധമത അനുസ്മരണ ദിനമാണ് പരിനിർവാണ ദിനം അല്ലെങ്കിൽ നിർവാണ ദിനം.  ചിലർ ഇത് ഫെബ്രുവരി 8 ന് ആഘോഷിക്കുന്നു, എന്നാൽ ചിലർ ഫെബ്രുവരി 15 നും.  ഭൂട്ടാനിൽ, ഭൂട്ടാനീസ് കലണ്ടറിലെ നാലാം മാസത്തിലെ പതിനഞ്ചാം ദിവസമാണ് ഇത് ആഘോഷിക്കുന്നത്]

 * ലോക ഓപ്പറ ദിനം ! [Opera Day ; സംഗീതം, നാടകം, കഥപറച്ചിൽ എന്നിവ സമന്വയിപ്പിച്ച് അവതരിപ്പിയ്ക്കുന്ന ഒരു കലാരൂപമാണ ഒപ്പറ, ഓപ്പറ ഗായകരുടെ സംഗീകാത്മകമായ ശബ്ദത്തിന് നിങ്ങളെ മറ്റൊരു ലോകത്തേക്ക് കൊണ്ടുപോകാൻ കഴിയും.  പതിനാറാം നൂറ്റാണ്ട് മുതൽ ഓപ്പറകൾ പ്രേക്ഷകരെ ആകർഷിക്കുന്നുണ്ട്, വളരെ ആദരണീയമായ ഈ കലാരൂപം പുതിയ പ്രേക്ഷകരെ നേടിയെടുക്കുന്നത് ഇന്നും തുടരുന്നു, ഈ കലാവിരുന്നിനെ കുറിച്ച് അറിയാൻ പഠിയ്ക്കാൻ ആസ്വദിയ്ക്കാൻ ഒരു ദിനം.]

*ആഗോള സിനിമാ  ദിനം! [ലോകമെമ്പാടുമുള്ള സിനിമാ ആരാധകരെ ഒരുമിച്ച് കൊണ്ടുവരുന്ന, സിനിമയുടെ ഒരു ഊർജ്ജസ്വലമായ ആഘോഷമാണ് ആഗോള സിനിമാ ദിനം. അക്കാദമി ഓഫ് മോഷൻ പിക്ചർ ആർട്സ് ആൻഡ് സയൻസസ് സംഘടിപ്പിക്കുന്ന ഈ പരിപാടി, വ്യത്യസ്ത സംസ്കാരങ്ങളിലും പശ്ചാത്തലങ്ങളിലും ഉള്ള ആളുകളെ ബന്ധിപ്പിക്കുന്നതിൽ സിനിമകളുടെ ശക്തി എടുത്തുകാണിയ്ക്കുന്നു.
ആഗോള സിനിമാ ദിനാഘോഷം സിനിമകളുടെ സാർവത്രിക ആകർഷണത്തിൽ ശ്രദ്ധ കേന്ദ്രീകരിക്കുന്നു. വൈവിധ്യമാർന്ന  കഥകൾക്കും കാഴ്ചകൾക്കും ഒരു വേദി ഒരുക്കിക്കൊണ്ട്, ഭാഷാ, സാംസ്കാരിക തടസ്സങ്ങളെ മറികടക്കാനുള്ള അതുല്യമായ കഴിവിനെ പ്രകടിപ്പിയ്ക്കാനാണ് ആഗോള സിനിമാ ദിനം കൊണ്ടും ഈ സിനിമാപ്രദർശനങ്ങൾ കൊണ്ടും ഉദ്ദേശിയ്ക്കുന്നത്.]

*അന്താരാഷ്ട്ര സ്നോമൊബൈൽ റൈഡ്  ദിനം! [ശൈത്യകാലത്ത് പുറത്തിറങ്ങാനും മഞ്ഞിൻ്റെ മനോഹരമായ കാഴ്ചകൾ കാണാനുമായി ഉപയോഗിയ്ക്കുന്ന ഒരു വാഹനമാണ് സ്നോ മൊബൈൽ
ആ വാഹനത്തിനെ അനുസ്മരിയ്ക്കാനും അത് ഉപയോഗിച്ച് ഒരു റൈഡ് നടത്താനും ഒരു ദിനം.

ഇത് മഞ്ഞിലെ കായിക വിനോദങ്ങൾക്കും ഉപയോഗിയ്ക്കാറുണ്ട് ' കാറുകൾ, ട്രക്കുകൾ അല്ലെങ്കിൽ സ്കീസുകൾ പോലുള്ള സംവിധാനങ്ങൾക്ക് പോലും പറ്റാത്ത സ്ഥലങ്ങളിലേയ്ക്ക് ഗതാഗതത്തിനും വിനോദത്തിനുമായി സ്നോ മൊബൈലുകൾ ഉപയോഗിച്ചാൽ, ഏതൊരു ശൈത്യകാലത്തും നമുക്ക് അത്യാവശ്യകാര്യങ്ങൾക്ക് പുറത്തിറങ്ങി സഞ്ചരിയ്ക്കാനും പ്രകൃതി ആസ്വദിക്കാനും കഴിയും. .] 

* പ്രൊപ്പോസ് ഡേ !(Propose Day ; വാലന്റൈൻസ് ദിനാചരണ വാരത്തിന്റെ രണ്ടാംദിനം)

* സ്ലൊവേനിയ: പ്രി സെരൻ ഡേ ! [സ്ലോവേനിയയിലെ ഒരു പ്രത്യേക ആഘോഷമാണ് പ്രീഷെരെൻ ദിനം, സ്ലോവേനിയയുടെ സമ്പന്നവും സാംസ്കാരികവും കലാപരവുമായ പൈതൃകത്തെ ആദരിക്കുന്നതിന് ഒരു ദിനം. സ്ലോവേനിയയുടെ ഏറ്റവും പ്രിയപ്പെട്ട കവിയായ ഫ്രാൻസ് പ്രീഷെരെന്റെ കൃതികൾ ഈ ദിവസം പ്രകാശിപ്പിക്കുന്നു, അദ്ദേഹത്തിന്റെ കൃതികൾ രാജ്യത്തിന്റെ സാഹിത്യത്തിൽ ശാശ്വതമായ സ്വാധീനം ചെലുത്തിയിട്ടുണ്ട്.]        

* National Boy Scouts Day ! [ദേശീയ ബോയ് സ്കൗട്ട്  ദിനം -  ബോയ് സ്കൗട്ടുകളുടെ സ്വാധീനവും മൂല്യങ്ങളും അംഗീകരിക്കുന്നതിന്ന് ഒരു ദിനം. രാജ്യത്തുടനീളമുള്ള യുവാക്കളുടെ സ്വഭാവവും നേതൃത്വ നൈപുണ്യവും രൂപപ്പെടുത്തുന്നതിൽ പ്രധാന പങ്കുവഹിയ്ക്കുന്ന സ്കൗട്ടുകളുടെ സമൂഹത്തിലെ പ്രാധാന്യത്തെക്കുറിച്ചറിയാൻ അനുഭവിയ്ക്കാൻ ഒരു ദിനം.]

* ചിരിച്ച് സമ്പന്നരാകാൻ ഒരു ദിനം! [* Laugh and Get Rich Day ; ചിരിക്കുക, ആരോഗ്യത്തിൻ്റെ കാര്യത്തിൽ സമ്പന്നരാകുക എന്നതിന് ഒരു ദിനം.]

* ദേശീയ പട്ടം പറത്തൽ ദിനം ! [National Kite Flying Day ; .]

* ദേശീയ മൊളാസസ് ബാർ ദിനം ! [National Molasses Bar Day ; സമ്പന്നമായ ജിഞ്ചർബ്രെഡ് മുതൽ മധുരമുള്ള ബാർബിക്യു സോസ് വരെയുള്ള പല പ്രിയപ്പെട്ട ഭക്ഷണത്തിലെയും പ്രധാനപ്പെട്ട ഘടകമാണ് മൊളാസസ്. അതിനെക്കുറിച്ചറിയാൻ ആസ്വദിയ്ക്കാൻ ഒരു ദിനം. ]

*ദേശീയ അയോവ  ദിനം! [അമേരിയ്ക്കയിലെ ഹോക്കി എന്ന സംസ്ഥാനത്തിന്റെ സമ്പന്നമായ സംസ്കാരത്തെയും പൈതൃകത്തെയും കുറിച്ചറിയാൻ ഒരു ദിനം.]

Congenital Heart Defect Awareness Week (7 to 14th february)
**************
[ജന്മനാ ഹൃദയ വൈകല്യ ബോധവത്കരണ വാരം !ഫെബ്രുവരി 7 മുതൽ 14 വരെ]

.  ഇന്നത്തെ മൊഴിമുത്ത്
************

ഹ്യുമാനിറ്റീസും സയൻസും പരസ്പര വിരുദ്ധമല്ല, മറിച്ച് പരസ്പര പൂരകമാണ്. ശാസ്ത്രത്തിന് മൂല്യങ്ങൾ പ്രത്യേകിച്ച് ധാർമ്മികവും അധാർമ്മികവുമായ മൂല്യങ്ങൾ ഇല്ലെന്ന വസ്തുത ഒരാൾ തിരിച്ചറിയണം. ധാർമ്മികതയില്ലാത്ത തത്ത്വചിന്തയുടെ ഒരു സംവിധാനമാണ് ശാസ്ത്രം. ധാർമ്മിക വിധിയില്ലാത്ത ശാസ്ത്രം എല്ലാവരുടെയും - നല്ലതും ചീത്തയുമായ ഒരു സഖ്യകക്ഷിയായി മാറുന്നു, ലോകത്തെ ഒരു സ്വർഗമാക്കി മാറ്റുന്നതിനോ അല്ലെങ്കിൽ അതിനെ ഒരു യഥാർത്ഥ നരകമാക്കി മാറ്റുന്നതിനോ ഉള്ള സേവനമാണ് അത്. അത് കൈകാര്യം ചെയ്യുവരെ അനുസരിച്ച് പ്രവർത്തിയ്ക്കും

       [ - ഡോ. സക്കീർ ഹുസൈൻ ]
      ************
ഇന്ന് ജന്മദിനം ആചരിയ്ക്കുന്നവർ
*************           
ഏഷ്യയിലെ തന്നെ ഏറ്റവും വലിയ മതേതര ജീവകാരുണ്യ കൂട്ടുകുടുംബമായ 'പത്തനാപുരം ഗാന്ധിഭവന്റെ സാരഥിയും ജീവിതം തന്നെ പൂർണ്ണമായും മാനവസേവക്കായി ഉഴിഞ്ഞുവെച്ച വ്യക്തിയുമായ ഡോ. പുനലൂർ സോമരാജന്റെയും (1958),

19- മത്തെ വയസിൽ സ്റ്റേറ്റ് ബാങ്ക് ഓഫ് ഇൻഡ്യയിൽ ജോലി, അസിസ്റ്റന്റ് മാനേജർ തസ്തികയിലായിരിക്കവേ 21 വർഷത്തിന് ശേഷം സ്വയം വിരാമം, മാധ്യമം ആഴ്ചപ്പതിപ്പിന്റെ മാഗസിൻ എഡിറ്ററായി ഒരു വർഷം, കേന്ദ്ര സാഹിത്യ അക്കാദമി ഉപദേശകസമിതി അംഗം, കേരള സാഹിത്യ അക്കാദമി അംഗം, തിരൂരിലെ തുഞ്ചൻ സ്മാരക ട്രസ്റ്റിന്റെ അഡ്മിനിസ്ട്രേറ്റർ  കേന്ദ്ര സാഹിത്യ അക്കാദമിയുടെ ‎മലയാളം അഡ്വൈസറി ബോർഡ് അംഗം കേരള സാഹിത്യ അക്കാദമി ജനറൽ കൗൺസിൽ അംഗം ‎, കരിക്കുലം കമ്മറ്റി അംഗം എന്നിങ്ങനെ സാഹിത്യ മേഖലയിലെ ദീർഘമായ സേവനങ്ങൾക്ക് ശേഷം ഇപ്പോൾ മലയാളം മിഷന്റെ ഭരണസമിതി അംഗവും  തുഞ്ചത്തെഴുത്തച്ഛൻ മലയാളം സർവ്വകലാശാലയിൽ ‎അഡ്ജങ്റ്റ് പ്രൊഫസറായും പ്രവർത്തിക്കുന്ന കെ. പി രാമനുണ്ണിയുടെയും (1955),

കേരള സാഹിത്യ അക്കാദമി അവാർഡ് (2017),  വയലാർ അവാർഡ് (2019), കേരള ഭാഷാ ഇൻസ്റ്റിറ്റ്യൂട്ടിന്റെ ബഷീർ പുരസ്‌കാരം,  ബഷീർ സ്മാരക ട്രസ്റ്റിന്റെ പുരസ്‌കാരം, ഡി സി ബുക്‌സ് രജതജൂബിലി നോവൽ അവാർഡ്, മലയാറ്റൂർ പ്രൈസ്, റോട്ടറി ലിറ്റററി അവാർഡ്, തോപ്പിൽ രവി പുരസ്‌കാരം, ഒ.വി. വിജയൻ സ്മാരക  അവാർഡ്, തിക്കുറിശ്ശി ഫൗണ്ടേഷൻ നോവൽ അവാർഡ്  തുടങ്ങി നിരവധി അംഗീകാരങ്ങളാൽ പുരസ്‌കൃതനും വിക്രം സാരാഭായ് സ്‌പേസ് സെന്ററിലെ ശാസ്ത്രജ്ഞനും സാഹിതൃകാരനുമായ വി.ജെ. ജയിംസിന്റെയും (1961),

അഞ്ച് ദേശീയ ചലച്ചിത്ര പുരസ്‌കാരങ്ങളും, മൂന്ന് ഫിലിം ഫെയര്‍ പുരസ്‌കാരങ്ങളും, പത്ത് അന്താരാഷ്ട്ര ചലച്ചിത്രപുരസ്‌കാരങ്ങളും അടക്കം നിരവധി പുരസ്‌ക്കാരങ്ങള്‍ നേടിയിട്ടുള്ള സംവിധായകനും ഛായാഗ്രാഹകനും നടനുമായ സന്തോഷ് ശിവന്റേയും (1964),

2016ല്‍ പ്രദര്‍ശനത്തിനെത്തിയ ആനന്ദം എന്ന ചിത്രത്തിലൂടെ ചലച്ചിത്ര രംഗത്തേക്ക് കടന്നുവരുകയും പിന്നീട്‌  അമല, മന്ദാരം  തുടങ്ങിയ ചിത്രങ്ങളിലും അഭിനയിക്കുകയും ചെയ്ത അനാർക്കലി മരിക്കാറുടേയും (1997),

2011ല്‍ ബാങ്കോക്ക് സമ്മര്‍, വാടാമല്ലി, ഹാപ്പി ദര്‍ബാര്‍ എന്നീ മലയാള ചിത്രങ്ങളിലും 2012 ല്‍ ക്രൈം സ്റ്റോറി, ട്രാക്ക്, യുഗം, നായാട്ട്, ലിസമ്മയുടെ വീട് എന്നീ ചിത്രങ്ങളിലും പിന്നീട് നിരവധി ചിത്രങ്ങളില്‍ ചെറുതും വലുതുമായ വേഷങ്ങളും ചെയ്തിട്ടുള്ള രാഹുൽ മാധവിന്റേയും (1986),

ഇന്ത്യൻ ക്രിക്കറ്റ് ടീമിന്റെ മുൻ ക്യാപ്റ്റനും ഇന്ത്യ കണ്ട ഏറ്റവും മികച്ച സ്ലിപ് ഫീൽഡർമാരിലൊരാളും മുൻ ലോക സഭാംഗവുമായ  മൊഹമ്മദ്  അസഹ്റുദ്ദീൻ്റെയും (1963),

സ്റ്റാർ വാർസ്, സൂപ്പർമാൻ, ഇന്ത്യാന ജോൺസ്, ജുറാസിക് പാർക്ക് എന്നിവയുടെ പ്രതിച്ഛായയും തൽക്ഷണം തിരിച്ചറിയാവുന്നതുമായ സ്കോറുകൾ കാരണം എക്കാലത്തെയും മികച്ച ചലച്ചിത്ര സംഗീതസംവിധായകനായി കണക്കാക്കപ്പെടുന്ന അമേരിക്കൻ സംഗീത കണ്ടക്ടറും, പിയാനിസ്റ്റുo, ട്രോംബോണിസ്റ്റും ആയിരുന്ന ജോൺ ടൗണർ വില്യംസിൻ്റെയും (1932),

എ ടൈം ടു കിൽ, ദി ഫേം, ദി പെലിക്കൻ ബ്രീഫ് തുടങ്ങിയ ഹിറ്റ് ഹോളിവുഡ് സിനിമകളിലേക്ക് ഉപയോഗിച്ചിട്ടുള്ള ജനപ്രിയ നിയമ ത്രില്ലർ നോവലുകൾക്ക് പേരുകേട്ട , അമേരിക്കൻ ക്രിമിനൽ വക്കീലായി മാറിയ എഴുത്തുകാരൻ, ജോൺ ഗ്രിഷാമിൻ്റെയും (1955) ജന്മദിനം !

**********"
ഇന്ന് ജന്മദിനമാചരിയ്ക്കേണ്ട ഇപ്പോൾ നമ്മോടൊപ്പമില്ലാത്ത നമ്മുടെ പ്രമുഖരായ പൂർവ്വികരിൽ ചിലർ
**********
ഡോ. സാക്കിർ ഹുസൈൻ ജ.(1897-1969)
വാഴകുന്നം നീലകണ്ഠൻ നമ്പൂതിരിപ്പാട് ജ. (1903-1983
ജയ അരുണാചലം ജ.  (1935 -2019)
ജഗജീത് സിംഗ് ജ. (1941-2011)
ജോൺ റസ്കിൻ ജ. (1819 -1900)
ജൂൾസ് വേൺ ജ. (1828-1905)
ദിമിത്രി  മെൻഡലിയേവ് ജ. (1834-1907)
മക്സ് ഡിസ്സോയിർ ജ. (1867-1947)
ജെയിംസ്  ഡീൻ മ. (1931-1955)
തുങ്കു അബ്ദുൽ റഹ്മാൻ ജ. (1903-1990)
ലാന ടേണർ ജ. (1921- 1995)

ഇന്ത്യയിലെ മികച്ച വിദ്യാഭ്യാസ വിദഗ്ദന്മാരിൽ ഒരാളായിരുന്നയാളും   അടച്ചുപൂട്ടുന്ന സ്ഥിതിയിലായ ജാമിയ ഇസ്ലാമിയ സർവ്വകലാശാലയുടെ നേതൃത്വപദവിയില്‍ എത്തിയപ്പോള്‍   ഇന്ത്യയുടെ സ്വാതന്ത്ര്യസമര കാലഘട്ടത്തിൽ വിദ്യാഭ്യാസസമ്പ്രദായത്തിന് ധാരാളം സംഭാവനകൾ നൽകുകയും  വിദ്യാഭ്യാസ മേഖലയിൽ  സമൂലമായ മാറ്റങ്ങൾക്ക്  ശ്രമിക്കുകയും അലിഗഡ് മുസ്ലീം സർവ്വകലാശായയുടെ വൈസ് ചാൻസലർ ആകുകയും രാജ്യത്തെ മുൻനിര ഉന്നത പഠന വിദ്യാലയമായി അതിനെ ഉയർത്താൻ ശ്രമം നടത്തുകയും,ബീഹാർ ഗവർണ്ണർ,   ഉപരാഷ്ട്രപതി,  രാഷ്ട്രപതി എന്നി പദവികള്‍ അലങ്കരിക്കുകയും ചെയ്ത   സാക്കിർ ഹുസൈൻ  (ഫെബ്രുവരി 8, 1897 - മേയ് 3 1969),

കണ്ണഞ്ചിപ്പിയ്ക്കുന്ന വേഷപ്പകർ‌ച്ചയോ രംഗാവതരണത്തിന്റെ പകിട്ടോ ഇല്ലാതെ തന്നെ ആസ്വാദകവൃന്ദത്തെ വിസ്മയിപ്പിച്ച ജാലവിദ്യാരംഗത്തെ പ്രസിദ്ധനായ മലയാളി വാഴകുന്നം നീലകണ്ഠൻ നമ്പൂതിരിപ്പാട്  (ഫെബ്രുവരി 8, 1903 - ഫെബ്രുവരി 9, 1983)

സ്ത്രീകളുടെ ക്ഷേമത്തിനായി തമിഴ്നാട് ആസ്ഥാനമാക്കി പ്രവർത്തിക്കുന്ന വർക്കിംഗ് വിമെൻസ് ഫോറം എന്ന സംഘടനയുടെ സ്ഥാപകയും സാമുഹൃ പ്രവർത്തകയും ആയിരുന്ന ജയ അരുണാചലം
 (ഫെബ്രുവരി 8,1935-29 ജൂൺ 2019),

 സാധാരണക്കാരനിലേക്കും   ഭാരതീയ കലാവേദിയുടെ മുന്നിരയിലേക്കും ഗസൽ ശൈലിയെ കൊണ്ടുവന്ന  പ്രതിഭയായിരുന്ന, ഭാരതത്തിലെ പ്രശസ്‌തനായ ഒരു ഗസൽ ഗായകനുമായിരുന്ന ജഗ്മോഹൻ സിംഗ് ധിമാൻ എന്ന ജഗജീത് സിംഗ് (8 ഫെബ്രുവരി 1941 – 10 ഒക്ടോബർ 2011),

ഗാന്ധിജിയെ ആകർഷിച്ച അൺ‌ടു ദിസ് ലാസ്റ്റ് എന്ന ഗ്രന്ഥം  രചിച്ച  പ്രസിദ്ധ  ഇംഗ്ലീഷ് പണ്ഡിതനും കലാ വിമർശകനും സാമൂഹ്യ ചിന്തകനുമായിരുന്ന ജോൺ റസ്കിൻ (8 ഫെബ്രുവരി 1819 – 20 ജനുവരി 1900 ),

എറൗണ്ട് ദ വേൾഡ് ഇൻ എയ്റ്റി ഡേയ്‌സ്, ജേർണി ടു ദ സെൻ്റർ ഓഫ് എർത്ത് തുടങ്ങിയ ജനപ്രിയ ഫാൻ്റസി പുസ്തകങ്ങളിലൂടെ പ്രശസ്തനായ ഫ്രഞ്ച് നോവലിസ്റ്റും കവിയും നാടകകൃത്തുമായ ജൂൾസ് ഗബ്രിയൽ വേൺ (ഫെബ്രുവരി 8, 1828-മാർച്ച് 24, 1905)

റഷ്യൻ രസതന്ത്രജ്ഞനും മൂലകങ്ങളുടെ ആവർത്തനപ്പട്ടിക രൂപപ്പെടുത്തിയ കണ്ടുപിടുത്തക്കാരനുമായ ദിമിത്രി ഇവാനോവിച്ച് മെൻഡലിയേവ് ( 8 ഫെബ്രുവരി 1834-2 ഫെബ്രുവരി 1907),

പ്രകൃതി നിർമിതവും ശാസ്ത്രനിർമിതവുമായ വസ്തുക്കളും, ബൗദ്ധികവും സാമൂഹികവുമായ ആശയങ്ങളും രചനകളും കലാമൂല്യമുള്ളവ യാണെന്നും, ഇവയുടെ ഓരോ അംശവും അതിന്റെ പൂർണതയ്ക്ക് അനിവാര്യമാണെന്നും  അഭിപ്രായപ്പെട്ട  ജർമൻ തത്ത്വചിന്തകനായ മക്സ് ഡിസ്സോയിർ  (1867-ഫെബ്രുവരി 8‌ - 19 ജൂലൈ 1947),

റിബൽ വിത്തൗട്ട് എ കോസ്, ഈസ്റ്റ് ഓഫ് ഈഡൻ തുടങ്ങിയ അദ്ദേഹത്തിൻ്റെ കഠിനമായ നാടക ചിത്രങ്ങൾക്ക് നന്ദി പറഞ്ഞ് കൗമാരക്കാരുടെ നിരാശയുടെയും സാമൂഹിക അകൽച്ചയുടെയും സാംസ്കാരിക ഐക്കണായി അമേരിക്കൻ നടൻ ജെയിംസ് ബൈറൺ ഡീൻ (ഫെബ്രുവരി 8, 1931 – സെപ്റ്റംബർ 30, 1955),

യുണൈറ്റഡ് മലേയ് നാഷണൽ ഓർഗനൈസേഷൻ (UMNO) രൂപവത്കരണത്തിലും പ്രവർത്തനത്തിലും പ്രധാനമായ പങ്കു വഹിക്കുകയും, 1952-ൽ ആ സംഘടനയുടെ പ്രസിഡന്റായും മലയൻ ഫെഡറൽ ഭരണ നിർവഹണ സമിതിയിലും നിയമ സഭയിലും അംഗമായും തെരഞ്ഞെടുക്കപ്പെടുകയും,  പിന്നീട്  മലയേഷ്യയുടെ ആദ്യത്തെ പ്രധാനമന്ത്രിയാകുകയും  ചെയ്ത തുങ്കു അബ്ദുൽ റഹ്മാൻ (1903  ഫെബ്രുവരി 8 -1990 ഡിസംബർ 6 ),

ദ് പോസ്റ്റ്മാൻ ആൾവെയ്സ് റിങ്ക്സ് ട്വൈസ് (1946), ദ് ബാഡ് ആൻഡ് ദ് ബ്യൂട്ടിഫുൾ (1952 ) തുടങ്ങിയ ചിത്രങ്ങളിൽ അഭിനയിക്കുകയും, അഭിനയമികവിനെക്കാളേറെ പ്രകടനപരതകൊണ്ട് ഒരു ഇതിഹാസ നടിയായി മാറുകയും ചെയ്ത അമേരിക്കൻ ചലച്ചിത്രനടി ലാന ടേണർ (1921 ഫെബ്റുവരി 8- ജൂൺ 29, 1995)

ഇന്നത്തെ സ്മരണ !!!
********
ആര്യ പള്ളം മ. (1908-1989)
എ പി കളയ്ക്കാട് മ. (1931-1993)
ഇ.പി സുഷമ മ. (1964 - 1996 )
കെ.എം മുൻഷി മ. (1887-1971)
കൽപ്പന ദത്ത് മ.(1913-  1995)
നിദ ഫാസലി മ. (1938-2016)
ടി എൻ എ പെരുമാൾ മ. (1932-2017)
മേരി, ക്വീൻ ഓഫ് സ്കോട്ട്സ് മ. (1542-1587)
മഹാനായ പീറ്റർ ഒന്നാമൻ മ. (1672-1725)
ജോൺ  ന്യൂമാൻ മ. (1903-1957)
വില്യം ലിയോൺസ് മ. (2901-985)
ലിഡിയ  ചുകോവ്സ്കയ മ. (1907-1996)
ഹാൾദോർ ലാക്നെസ് മ. (1902- 1998)

യോഗക്ഷേമസഭയുടെ പ്രവർത്തകയും വിധവാ മിശ്രവിവാഹം, പന്തി ഭോജനം തുടങ്ങിയവയുടെ നേതൃ നിരയിൽ പ്രവർത്തിയ്ക്കുകയും മാറുമറയ്ക്കൽ സമരത്തിന് നേതൃത്വം നൽകുകയും സ്ത്രീകളുടെ അവകാശത്തിനായി നിരന്തരം പോരാടുകയും 1946ലെ പാലിയം സമര ഭൂമിയിലേയ്ക്ക് നിറതോക്കുകളേന്തിയ പോലീസുകാരെ കൂസാതെ അന്തർജ്ജനജാഥ നയിക്കുകയും ഭീകരമായ പോലീസ് മർദ്ദനത്തിനിരയാവുകയും ചെയ്ത പ്രസിദ്ധയായ ഒരു സാമൂഹ്യ പരിഷ്കർത്താവും  ആദ്യകാല സ്ത്രീ വിമോചന പ്രവർത്തകരിൽ പ്രധാനിയുമായിരുന്ന  ആര്യ പള്ളം( 1908 - 1989 ഫെബ്രുവരി 8),
  
വെളിച്ചം കിട്ടി, സംക്രാന്തി, ഇടുക്കി, പോർക്കലി,ചാഞ്ചാട്ടം, അഗ്നിഹോത്രം , കന്നിക്കുളപ്പാല തുടങ്ങിയ കൃതികള്‍ രചിച്ച സാഹിത്യകാരന്‍  എ.പി. കളയ്ക്കാട് എന്ന പേരിലെഴുതിയ കെ. അയ്യപ്പൻ പിള്ള (22 മേയ് 1931 - 8 ഫെബ്രുവരി 1993),

നിഴലുകളെ പിന്തുടരുന്നവർ, കഥയില്ലായ്മകൾ, സ്വന്തം നീലിമ തുടങ്ങിയ ആദർശവും വ്യക്തിത്വവും നിറഞ്ഞ കഥകളും ,കൂടാതെ കവിതകളും, ലേഖനങ്ങളും “പാഞ്ചാലി” എന്നൊരു നാടകവും, എഴുതിയ പാരലല്‍ കോളേജ് അധ്യാപിക, കൈരളീസുധ വാരികയുടെ സബ് എഡിറ്റര്‍, അംഗവൈകല്യമുള്ള കുട്ടികളെ സഹായിക്കാന്‍ വേണ്ടി വാടാനപ്പള്ളിയില്‍ രുപീകൃതമായ സദ്ഭവനില്‍ ഡയറക്ടര്‍ തുടങ്ങിയ നിലകളില്‍ സേവനം അനുഷ്ഠിച്ച, ആയുസ്സ് കുറവായിരുന്നെങ്കിലും താന്‍ ജീവിച്ചിരുന്നു എന്ന്‍ മറ്റുള്ളവരെ ഓര്‍മ്മിപ്പിക്കുന്നതിനു ആത്മാര്‍ഥതയും വ്യക്തിത്വവും നിറഞ്ഞ ധാരാളം തെളിവുകള്‍, കഥകള്‍ സമ്മാനിച്ച്   അകാലത്തിൽ പൊലിഞ്ഞു പോയ  ഇ.പി. സുഷമ(1964 മെയ് 17 -1996 ഫെബ്രുവരി 8 ),

പ്രമുഖനായ ഗുജറാത്തി സാഹിത്യകാരനും രാഷ്‌ട്രതന്ത്രജ്ഞനും ഇന്ത്യൻ ഭരണഘടനയുടെ ശില്‌പികളിലൊരാളുമായ കന്യാലാൽ മനേക്‌ലാൽ മുൻഷി എന്ന കെ.എം. മുൻഷി(30 ഡിസംബർ 1887 – 8 ഫെബ്രുവരി 1971)

സായുധ സമരത്തിന്റെ ഭാഗമായി ചിറ്റഗോംഗ് ആയുധശാല ആക്രമണത്തിൽ  പങ്കെടുത്ത  ഇന്ത്യൻ സ്വാതന്ത്ര്യ സമര  സേനാനിയും വിപ്ലവകാരിയുമായിരുന്ന   കൽപ്പന ദത്തിനെയും (കൽപ്പന ജോഷി)( 27 ജൂലൈ 1913 – 8 ഫെബ്രുവരി 1995), 

ഉർദു, ഹിന്ദി, ഗുജറാത്തി ഭാഷകളിലായി 24 പുസ്തകങ്ങൾ  എഴുതിയ  പ്രസിദ്ധ കവിയും സിനിമാ ഗാനരചയിതാവു മായിരുന്ന  മുഖ്തദ ഹസൻ നിദാ ഫാസലി എന്ന  നിദ ഫാസൽ(1938 ഒക്റ്റോബർ 12- 2016 ഫെബ്രുവരി 8)

1960 മുതൽ വിവിധ ഫ്ലോറകളുടെയും ഫോണകളുടെയും ചിത്രമെടുത്ത് നിരവധി ദേശീയ അന്തർദേശീയ പുരസ്കാരങ്ങൾ ലഭിച്ചിട്ടുള്ള   ഇന്ത്യക്കാരനായ വന്യ ജീവി ഫോട്ടോഗ്രാഫർ തഞ്ചാവൂർ നടേശാചാരി പെരുമാൾ എന്ന ടി.എൻ.എ. പെരുമാൾ (1932-  ഫെബ്രുവരി 8, 2017)

1586-ൽ ഇംഗ്ലണ്ടിലെ രാജ്ഞി എലിസബത്ത് 1 നെ വധിക്കാൻ ഗൂഢാലോചന നടത്തിയ കേസിൽ  കുറ്റക്കാരിയാണെന്ന് കണ്ടെത്തുകയും ഫോതെറിംഗ്ഹേ കാസ്റ്റിലിൽ വെച്ച് ശിരഛേദം ചെയ്യപ്പെടുകയും ചെയ്ത സ്കോട്ട്ലാൻഡിൽ 1567 വരെ രാജ്ഞി ആയിരുന്ന മേരി സ്റ്റുവർട്ട്  എന്ന മേരി ക്വീൻ ഓഫ് സ്കോട്ട്സ (ഡിസംബർ 1542 - ഫെബ്രുവരി 8, 1587),

റഷ്യയുടെയും പിന്നീട് റഷ്യൻ സാമ്രാജ്യത്തിന്റെയും രാജാവായിരുന്ന മഹാനായ പീറ്റർ ഒന്നാമൻ എന്ന പേരിൽ അറിയപ്പെടുന്ന പ്യോട്ടർ അലക്സെയേവിച്ച് റൊമാനോവ് (ജൂൺ 9 1672 - ഫെബ്രുവരി 8 1725),

ക്വാണ്ടം ഫിസിക്സ് , കമ്പ്യൂട്ടർ സയൻസ്, കെമിക്കൽ അനാലിസിസ്, സെറ്റ് തിയറി എന്നീ മേഖലകളിൽ അനേകം സംഭാവനകൾ നൽകിയിട്ടുള്ള ഗെയിം തിയറിയുടെ ഉപജ്ഞാതാവായ ഹംഗേറിയൻ-അമേരിക്കൻ ഗണിതശാസ്ത്രജ്ഞൻ ജോൺ വോൺ ന്യൂമാൻ(ഡിസംബർ 28, 1903 – ഫെബ്രുവരി 8, 1957),

ജാഗ്വാർ എന്ന ഓട്ടോമൊബൈൽ കമ്പനിയുടെ സഹസ്ഥാപകനായ ഇംഗ്ലീഷ് മോട്ടോർസൈക്കിൾ പ്രേമിയായ വില്യം ലിയോൺസ്(4 സെപ്റ്റംബർ 1901 - 8 ഫെബ്രുവരി 1985),

സോവിയറ്റ് എഴുത്തുകാരിയും കവിയും ആയിരുന്ന ലിഡിയ കോർണിയോവ്ന ചുകോവ്സ്ക( 24 മാർച്ച്  1907 – ഫെബ്രുവരി 8, 1996), 

1955-ൽ സാഹിത്യത്തിനുള്ള നോബൽ സമ്മാനം  ലഭിച്ച സാഹിത്യകാരനും, കാശ്മീരിൽ നിന്നുള്ള മഹാനായ നെയ്ത്തുകാരൻ (The Great Weaver from Kashmir) തുടങ്ങിയ നോവലുകൾ രചിച്ച ഹാൾദോർ ലാക്നെസ്
 (1902 ഏപ്രിൽ 23-ഫെബ്രുവരി 8 1998 ),

ചരിത്രത്തിൽ ഇന്ന്…-
*******
1238 - മംഗോളുകൾ റഷ്യൻ നഗരമായ വ്ളാഡിമിർ കത്തിച്ചു.

1587 - സ്കോട്ട്ലൻഡിലെ രാജ്ഞിയും ഇംഗ്ലണ്ടിലെ എലിസബത്ത് രാജ്ഞിയുടെ ബന്ധുവുമായ മേരി, തൻ്റെ ബന്ധുവിനെ വധിക്കാൻ ഗൂഢാലോചന നടത്തിയതിന് ശിരഛേദം ചെയ്യപ്പെട്ടു.

1622 - ഇംഗ്ലണ്ടിലെ ജെയിംസ് ഒന്നാമൻ രാജാവ്‌ ഇംഗ്ലീഷ് പാർലമെന്റ് പിരിച്ചു വിട്ടു.

1725 - റഷ്യന് ചക്രവർത്തിയായിരുന്ന പീറ്റർ ദി ഗ്രേറ്റ് അന്തരിച്ചതിനെത്തുടർന്ന് കാതറിൻ ചക്രവർത്തിയായി അധികാരമേറ്റു.

1807 - എയ്‌ലോ യുദ്ധം; നെപ്പോളിയൻ ജനറൽ ബെനിങ്സ്സെന്റെ നേതൃത്വത്തിലുള്ള റഷ്യയെ തോൽപ്പിച്ചു.

1837 - അമേരിക്കയുടെ ആദ്യത്തെ വൈസ് പ്രസിഡണ്ടായി റിച്ചാർഡ് ജോൺസൺ തെരഞ്ഞെടുക്കപ്പെട്ടു

1872 - ലോർഡ് മേയോ ഇന്ത്യയിൽ വച്ച് കൊല്ലപ്പെട്ട ഏക വൈസ്രോയിയായി മാറി ഷെർ-അലി - അഫ്രീദിയാൽ പോർട്ട് ബ്ലെയറിൽ വച്ചു വധിക്കപ്പെട്ടു.

1879 - സ്റ്റാൻഫോഡ് ഫ്ലെമിംഗ് time zone (Universal Standard Time) സംബന്ധിച്ച ആശയം ആദ്യമായി അവതരിപ്പിച്ചു.

1885 - ആദ്യത്തെ സർക്കാർ അംഗീകൃത ജാപ്പനീസ് കുടിയേറ്റക്കാർ ഹവായിയിലെത്തി.

1904 - റുസ്സോ-ജാപ്പനീസ് ആക്രമണം ആരംഭിച്ചത് പോർട്ട് ആർതർ യുദ്ധത്തോടെയാണ്, ജപ്പാൻ്റെ അപ്രതീക്ഷിത ടോർപ്പിഡോ ആക്രമണത്തിന് ശേഷം

1910 - ബേഡൽ പവൽ സ്കൗട്ട് പ്രസ്ഥാനം ആരംഭിക്കുന്നതിന് മുന്ന് വർഷം മുമ്പ് അമേരിക്കയിൽ ബോയ്സ് സ്കൗട്ട് പ്രസ്ഥാനം വില്യം ഡി. ബോയ്സ് ആരംഭിച്ചു.

1915 -  ദി ബിർത്ത് ഓഫ് എ നേഷൻ, ചരിത്രത്തിലെ ഏറ്റവും വിവാദപരവും എന്നാൽ സ്വാധീനിച്ചതുമായ സിനിമകളിൽ ഒന്നാണ്, നഗ്നമായ വംശീയതയ്ക്കും കു ക്ലക്സ് ക്ലാൻ്റെ നല്ല ചിത്രീകരണത്തിനും പേരുകേട്ടതാണ്.

1916 - ജവഹർലാൽനെഹ്റു ഡൽഹിയിൽ വിവാഹിതനായി. കാശ്മീരിയായ കമല കൗൾ ആയിരുന്നു വധു.

1921 - ബ്രിട്ടീഷ് ചക്രവർത്തി ഇന്ത്യൻ നാടുവാഴികളുടെ സഭയായ നരേന്ദ്ര മണ്ഡലം രൂപീകരിച്ചു.

1926 - ഡിസ്നി ബ്രദേഴ്‌സ് കാർട്ടൂൺ സ്റ്റുഡിയോയെ വാൾട്ട് ഡിസ്നി സ്റ്റുഡിയോ എന്ന് പുനർനാമകരണം ചെയ്തു

1928 - അറ്റ്ലാന്റിക്കിന്‌ കുറുകെയുള്ള ആദ്യ ടെലിവിഷൻ സംപ്രേക്ഷണം ആരംഭിച്ചു. അമേരിക്കയിലെ ഹാർട്ട്‌സ് ഡെയ്‌ലിൽ ആദ്യ സിഗ്നൽ ലഭിച്ചു.

1933 - പൂർണമായും ലോഹത്തിൽ നിർമിച്ച ബോയിങ് 247 വിമാനം ആദ്യ പറക്കൽ നടത്തി.

1936 - പണ്ഡിറ്റ് ജവാഹർലാൽ നെഹ്റു കോൺഗ്രസ് പാർട്ടിയുടെ അദ്ധ്യക്ഷനായി ചുമതലയേറ്റു.

1939 - തിരുവിതാംകൂർ നിയമസഭാ മന്ദിരം ദിവാൻ സർ സി.പി രാമസ്വാമി അയ്യർ ഉദ്ഘാടനം ചെയ്തു.

1948 - കാനഡ 3-0ന് സ്വിറ്റ്സർലൻഡിനെ തോൽപ്പിച്ച് സെൻ്റ് മോറിറ്റ്സ് വിൻ്റർ ഒളിമ്പിക്‌സിൽ ഒളിമ്പിക് ഐസ് ഹോക്കി കിരീടം നേടി

1950 - ജർമനിയിലെ കുപ്രസിദ്ധമായ STASl രഹസ്യ പോലീസ് സ്ഥാപിച്ചു.

1954 - തിരുവിതാംകൂർ മെഡിക്കൽ കോളജ് ആശുപത്രി ( മെഡിക്കൽ കോളജല്ല) പ്രധാനമന്ത്രി നെഹ്റു ഉദ്ഘാടനം ചെയ്തു. ഗേറ്റിൽ തട്ടി കൈ മുറിഞ്ഞതിനാൽ ഡ്രസ് ചെയ്യുന്നതിനായി ആദ്യ ഒ.പി ടിക്കറ്റ് നെഹ്റു വിന്റെ പേരിലായി എന്ന അപൂർവ റെക്കാർഡും (ചികിത്സ സ്വീകരിച്ചു കൊണ്ട് ആശുപത്രി ഉദ്ഘാടനം ചെയ്യുക) പിറന്നു.

1955 - സിന്ധ് ഗവൺമെൻ്റ് ജാഗിർദാരി സമ്പ്രദായം നിർത്തലാക്കുകയും ഭൂരഹിതരായ കർഷകർക്കിടയിൽ 1 ദശലക്ഷം ഏക്കർ ഭൂമി വിതരണം ചെയ്യുകയും ചെയ്തു.

1960 - യുണൈറ്റഡ് കിംഗ്ഡത്തിലെ എലിസബത്ത് രാജ്ഞി, " താനും തന്റെ കുടുംബവും ഹൗസ് ഓഫ് വിൻഡ്സർ എന്നറിയപ്പെടുന്നുവെന്നും തന്റെ പിൻഗാമികൾ "മൗണ്ട് ബാറ്റൺ-വിൻഡ്സർ" എന്ന പേര് സ്വീകരിക്കുമെന്നുമുള്ള ഓർഡർ- ഇൻ- കൗൺസിൽ പുറപ്പെടുവിച്ചു,

1960 -  ഹോളിവുഡ് വാക്ക് ഓഫ് ഫെയിം സ്ഥാപിതമായി

1971 - ലോകത്തിലെ ആദ്യ ഇലക്ട്രോണിക്ക് സ്റ്റോക്ക് എക്സ് ചേഞ്ച് (NASDAQ) പ്രവർത്തനം ആരംഭിച്ചു.

1974 - 85 ദിവസം ശൂന്യാകാശത്തിൽ കഴിഞ്ഞ ശേഷം 3 അമേരിക്കൻ ഗഗന സഞ്ചാരികൾ ഭൂമിയിൽ തിരിച്ചെത്തി.

1976 - മാർട്ടിൻ സ്‌കോർസെസിയുടെ ഐക്കണിക് ഫിലിം ടാക്സി ഡ്രൈവർ, ഏകാന്തതയുടെയും വിധിയുടെയും ഒരു അസുഖകരമായ കഥയാണ്, റോബർട്ട് ഡി നീറോ  വിയറ്റ്നാം യുദ്ധത്തിൽ പങ്കെടുത്ത് യുഎസ് പ്രസിഡൻ്റിനെ വധിക്കാൻ തീരുമാനിച്ച കഥ

1986 - ജോൺപോൾ രണ്ടാമൻ മാർപാപ്പ കോട്ടയത്ത് വച്ച് വിശുദ്ധ അൽഫോൻസാമ്മയെയും ചാവറയച്ചനെയും വാഴ്ത്തപ്പെട്ടവരായി പ്രഖ്യാപിച്ചു.

1994 - ടെസ്റ്റ് ക്രിക്കറ്റിലെ വിക്കറ്റിന്റെ എണ്ണത്തിലെ റിക്കാർഡിൽ (432) കപിൽ ദേവ്, ഹാഡ്ലിയെ മറികടന്നു.

2005 - ഇസ്രയേലും പാലസ്തീനും വെടിനിർത്തലിന്  ധാരണയായി.

2009 - ആറന്മുള ക്ഷേത്രത്തിലെ പ്രശസ്ത ആനയായിരുന്നു ഗജകേസരി ആറന്മുള മോഹനൻ ചെരിഞ്ഞു.

2014 - മെദിനയിലെ ഒരു ഹോട്ടലിൽ തീപിടിച്ച് 13 ഈജിപ്ഷ്യൻ തീർത്ഥാടകർ മരിച്ചു, 130 പേർക്ക് പരിക്കേറ്റു.

2014 - കമ്മ്യൂണിസ്റ്റ് ഭരിക്കുന്ന വിയറ്റ്നാമിൽ, അമേരിക്കൻ മുതലാളിത്തത്തിൻ്റെ പ്രതീകമായി കാണുന്ന ആദ്യത്തെ 'മക്ഡൊണാൾഡ് ' റെസ്റ്റോറൻ്റ് തുറന്നു.

2014 - ഗാഡ്ഗിൽ റിപ്പോർട്ടിനുവേണ്ടി തൊടുപുഴയിൽ സംഘം സമരം.

.      By ' ടീം തത്ത്വമസി - ജ്യോതിർഗ്ഗമയ '
.       ************
   Rights Reserved by Team Jyotirgamaya