ഇന്ന് നവംബര്‍ 2: മണ്ണാറശാല ആയില്യവും പരേതരുടെ ഓര്‍മ്മദിനവും ഇന്ന്: ബോബന്‍ കുഞ്ചാക്കോയുടെയും പി. തിലോത്തമന്റെയും കല്പറ്റ നാരായണന്റേയും ജന്മദിനം: വില്യം ഷേക് സ്പിയറിന്റെ ഒഥല്ലോ നാടകം ആദ്യമായി വേദിയില്‍ അവതരിപ്പിച്ചതും രണ്ടാമത് യു എസ് പ്രസിഡണ്ട് ജോണ്‍ ആദംസ് വൈറ്റ് ഹൗസ് ഔദ്യോഗിക വസതിയാക്കിയതും വാറന്‍ ജി. ഹേസ്റ്റിങ്ങ്‌സ് യുഎസ്എയുടെ 29 മത് പ്രസിഡായതും ചരിത്രത്തില്‍ ഇതേദിനം തന്നെ: ജ്യോതിര്‍ഗമയ വര്‍ത്തമാനങ്ങളും

1199 തുലാം 16
തിരുവാതിര  / പഞ്ചമി
2023 / നവംബർ 2, വ്യാഴം
മണ്ണാറശാല ആയില്യം !

ഇന്ന് ;
* International Day to End Impunity for Crimes against Journalists !
[പത്രപ്രവർത്തകർക്ക് എതിരെ നടത്തുന്ന അക്രമങ്ങൾക്കുള്ള ശിക്ഷയിൽ നിന്നും ഉള്ള പരിരക്ഷ നിർത്തലാക്കൽ ദിനം ഈ ദിവസം, ലോകവ്യാപകമായി സംഘടനകളും വ്യക്തികളും അവരുടെ രാജ്യത്ത് പരിഹരിക്കപ്പെടാത്ത കേസുകളെ ക്കുറിച്ച് സംസാരിക്കാനും എഴുതാനും സർക്കാർ, സർക്കാർ ഉദ്യോഗസ്ഥർ ക്കെതിരെ നടപടികളും നീതിയും ആവശ്യപ്പെടാനും യുനെസ്കോ പ്രോൽസാഹിപ്പിക്കുന്നു.]

* പരേതരുടെ ഓർമ്മദിനം !
   (All Soul's Day)
*International Project Management Day !
* Broadcast Traffic Professionals Day !
* National Ohio Day (legal sports betting)
* International stout Day !
[ ഇരുണ്ട നിറവും കടും രുചിയും ഉള്ള ബിയർ
  ഇഷ്ടക്കാർക്കിടയിൽ പ്രിയങ്കരം]
* മൗറീഷ്യസ് : ഭാരതീയർ വന്ന ദിനം !
* USA;
Dynamic Harmlessness Day
National Stress Awareness Day
National Deviled Egg Day
National Men Make Dinner Day

• പരുമല പെരുന്നാൾ ഇന്ന് !
  മലങ്കര സുറിയാനി ഓർത്തഡോക്സ് സഭയുടെ നിരണം ഭദ്രാസനത്തിന്റെ ആദ്യ മെത്രാപ്പോലീത്തയായിരുന്ന പരുമല തിരുമേനി അല്ലെങ്കിൽ ഗീവർഗ്ഗീസ് മാർ ഗ്രീഗോറിയോസ്ന്റെ ജന്മദിനം. (ജൂൺ 15, 1848 - നവംബർ 2, 1902). മലങ്കര ഓർത്തഡോക്സ് സുറിയാനി സഭയും യാക്കോബായ സുറിയാനി ക്രിസ്ത്യാനി സഭയും ഇദ്ദേഹത്തെ പരിശുദ്ധനായി വണങ്ങുന്നു. പരിശുദ്ധനായി പ്രഖ്യാപിക്കപ്പെട്ട ആദ്യത്തെ ഭാരതീയനാണ് ഇദ്ദേഹം. താപസവര്യൻ , അനുഗൃഹീത പ്രഭാഷകൻ, മികച്ച അജപാലകൻ എന്നതിനു പുറമേ ദളിത് വിഭാഗങ്ങളുടെ വിമോചനം, ആധുനിക വിദ്യാഭ്യാസത്തിന്റെ പ്രചാരണം തുടങ്ങിയ വിഷയങ്ങളിലും താത്പര്യം പ്രകടിപ്പിച്ച വ്യക്തിയായി ഇദ്ദേഹത്തെ കരുതുന്നു.
• 

ഇന്നത്തെ മൊഴിമുത്ത്
്്്്്്്്്്്്്്്്്്്്്
''ജീവിതം ഒരു സംഗീതമാണ്.
അതിൻ്റെ അലകളുയരുന്നു.
അതിനൊപ്പം ഞാൻ നൃത്തംവയ്ക്കുന്നു.
നിങ്ങൾക്ക് നല്ല കാതുണ്ടായാൽ ചുവടുവയ്ക്കുന്നതിൽ തെറ്റ് വരികയില്ല.
താളം ചവിട്ടുമ്പോഴും, മുന്നോട്ട് വീഴമ്പോഴും, പിന്നോക്കം മാറുമ്പോഴും ഓരോ ചലനത്തെയും നയിക്കാൻ പോരുന്ന  ഒരു നിയാമകൻ ഉള്ളിലിരിപ്പുണ്ട്."

  [ - ഗുരു നിത്യചൈതന്യയതി ]
  ************
മലയാളത്തിലെ പ്രശസ്ത സിനിമാ കുടുംബത്തിലെ അംഗവും വർഷങ്ങളായി ചലചിത്ര രംഗത്ത് നായകനടനായി പ്രവർത്തിക്കുകയും ചെയ്യുന്ന ബോബൻ കുഞ്ചാക്കോയുടെയും (1976),

സി പി ഐ നേതാവും ചേർത്തല നിയമസഭാ മണ്ഡലത്തെ   പ്രതിനിധീകരിച്ചിരുന്ന മുൻ ഭക്ഷ്യ സിവിൽ സപ്ലൈസ് മന്ത്രിയുമായിരുന്ന പി. തിലോത്തമന്റെയും (1957), 

കവി, നോവലിസ്റ്റ്, ഉപന്യാസകാരൻ, സാഹിത്യവിമർശകൻ, സാംസ്കാരിക നിരീക്ഷകൻ എന്നീ നിലകളിൽ ശ്രദ്ധേയനായ വ്യക്തിയായ കല്പറ്റ നാരായണന്റേയും (1952),

പ്രശസ്ത ഇന്ത്യൻ പത്രപ്രവർത്തകനും, എഴുത്തുകാരനും രാഷ്ട്രീയക്കാരനുമായ അരുൺ ഷൂറിയുടേയും (1941),

കിങ്ങ് ഖാൻ എന്നറിയപ്പെടുന്ന ബോളിവുഡ് സിനിമാനായകനും നിർമാതാവുമായ ഷാരൂഖ് ഖാന്റെയും (1965),

കോക്‌ടെയ്ല്‍, ലക്‌നൗ സെന്‍ട്രല്‍, ഹാപ്പി ബാഗ് ജായോഗി തുടങ്ങിയ ചിത്രങ്ങളിലൂടെ  ശ്രദ്ധിക്കപ്പെട്ട, ദുല്‍ഖര്‍ സല്‍മാന്‍ നായകനായി എത്തിയ സല്യൂട്ട് എന്ന മലയാള ചിത്രത്തിലൂടെ മലയാളികൾക്കും സുപരിചിതയായ ബോളിവുഡ് നടി ഡയാന പെന്റിയുടേയും

ചലച്ചിത്ര ദമ്പതികളായ   ധർമേന്ദ്ര-ഹേമ മാലിനി എന്നിവരുടെ മൂത്ത മകളും നടിയുമായ ഇഷ ഡിയോളിന്റെയും (1982),

ഭാരതത്തിനു ഗുസ്തിയിൽ ഒളിമ്പിക്ക് മെഡൽ നേടിതന്ന യോഗേശ്വർ ദത്തിന്റെയും (1982),

ആസ്ട്രേലിയൻ ക്രിക്കറ്റ് ലെഫാസ്റ്റ് ബോളറായ മിച്ചൽ ജോൺസണിന്റെയും (1981),

കനേഡിയൻ പോപ്പും രാജ്യാന്തര ഗായികയും ഗാനരചയിതാവും  നടിയുമായ കാതറിൻ ഡോൺ ലാങിൻ്റേയും ( 1961) ജന്മദിനം.!

ഇന്നത്തെ സ്മരണ !!!
്്്്്്്്്്്്്്്്്്
ആർ. ശങ്കരനാരായണൻതമ്പി മ.
(1911 -1989)
ഗീവർഗ്ഗീസ് മാർ ഗ്രീഗോറിയോസ് മ.
(1848 -1902)
ജോൺ മത്തായി മ. (1886-2959)
കെ.ജി. സേതുനാഥ് മ. (1924-1988)
ടി.സാമുവേൽ മ. (1925-2012)
ടി.പി രാജീവൻ മ. (1959-2022)
ശ്രി രാം ശങ്കർ അഭയങ്കർ മ. (1930-2012)
ത്രിപുരനേനി ഗോപിചന്ദ് മ. (1910-1962) 
ജോർജ്ജ് ബർണാർഡ് ഷാ മ. (1856-1950)
ജെയിംസ് തേർബർ മ. (1894 -1961)
പിയർ  പസ്സോളിനി മ. (1922-1975)
യേരൻ നായിഡു മ. (1957-2012)
ഷെയ്ഖ് സായിദ് ബിൻ സുൽത്താൻ അൽ നാഹ്യാൻ മ. (1918-2004)
നെഗോ ഡിൻ ഡൈം .മ.(1901-1963)

ഗുരു നിത്യ ചൈതന്യയതി ജ. (1923-1999)
(കെ.ആർ ജയചന്ദ്രൻ )
ഡോ.പല്പു ജ. (1863 -1950)
പി കെ പരമേശ്വരൻ നായർ ജ. (1903-1988 )
എം. കൃഷ്ണൻനായർ ജ. (1917 -2001)
കലാമണ്ഡലം നീലകണ്ഠൻ നമ്പീശൻ ജ. (1919-1985)
ഭരത് ഗോപി ജ. (1937 - 2008) 
അമർ  ബോസ് ജ. (1929 -2013)
ബർട്ട് ലങ്കാസ്റ്റർ ജ. (1913-1994)
ആഗാ ഖാൻ ജ. (1877-1957)
വിൿടർ ട്രമ്പർ ജ.(1877 -1915)
ആൻ റുതർ‌ഫോർഡ് ജ.(1917 -2012)
ആലിസ് ബ്രേഡി ജ. (1892-1939)

 ചരിത്രത്തിൽ ഇന്ന്…
്്്്്്്്്്്്്്്്്്
1604 - വില്യം ഷേക് സ്പിയറിന്റെ ഒഥല്ലോ നാടകം ആദ്യമായി വേദിയിൽ അവതരിപ്പിച്ചു

1611- വില്യം ഷേക്സ്പി യറിന്റെ ടെമ്പസ്റ്റ് ആദ്യമായി വേദിയിൽ അവതരിപ്പിച്ചു.

1800- രണ്ടാമത് യു എസ് പ്രസിഡണ്ട് ജോൺ ആദംസ് വൈറ്റ് ഹൗസ് ഔദ്യോഗിക വസതിയാക്കി

1865 - വാറൻ ജി. ഹേസ്റ്റിങ്ങ്സ് USA യുടെ 29 മത് പ്രസിഡണ്ട്.

1917 - പാലസ്തീനിൽ സ്വതന്ത്ര ജൂത രാജ്യം സ്ഥാപിക്കാനുള്ള നീക്കത്തിന് ബ്രിട്ടൻ രേഖാമൂലം പിന്തുണ കൊടുത്തു.

1922 - ഒട്ടോമൻ കാലഘട്ടത്തിന് അന്ത്യം കുറിച്ച് തുർക്കി മുസ്തഫ കമലിന്റെ നേതൃത്വത്തിൽ റിപ്പബ്ലിക്കായി.

1930 - Haile Selassie എത്യോപ്യയിലെ രാജാവായി.

1932 - വിള നശിപ്പിക്കുന്നതിന്റെ പേരിൽ എമു പക്ഷികളെ വെടിവച്ച് കൊല്ലാൻ ഓസ്‌ട്രേലിയ സർക്കാർ എടുത്ത ചരിത്രപരമായ വിഡ്ഡിത്തം

1936 - കനേഡിയൻ ബ്രോഡ്കാസ്റ്റിങ്ങ് കോർപ്പറേഷൻ സ്ഥാപിതമായി.

1936 - ബെനിറ്റോ മുസ്സോളിനി റോം-ബെർലിൻ അച്ചുതണ്ട് പ്രഖ്യാപിച്ചു. ഇത് അച്ചുതണ്ട് ശക്തികൾക്ക് തുടക്കമായി.

1936 - ബ്രിട്ടീഷ് ബ്രോഡ്കാസ്റ്റിങ്ങ് കോർപ്പറേഷൻ ലോകത്തിലെ ആദ്യ ഹൈ ഡെഫനിഷൻ ടെലിവിഷൻ സം‌പ്രേക്ഷണം ആരംഭിച്ചു.

1938 - കനേഡിയൻ ബ്രോഡ് കാസ്റ്റിങ്ങ് കോർപ്പറേഷൻ നിലവിൽ വന്നു.

1948 - ഹാരി എസ്. ട്രൂമാൻ അമേരിക്കൻപ്രസിഡന്റായി തിരഞ്ഞെടുക്കപ്പെട്ടു.

1960 - ലേഡി ചാറ്റർളിയുടെ കാമുകൻ എന്ന നോവൽ അസ്ലീല നിയമങ്ങൾ ലംഘിച്ചിട്ടില്ലെന്ന് ലണ്ടൻ കോടതി കണ്ടെത്തുകയും പ്രസിദ്ധീകരിക്കപ്പെടുകയും ചെയ്യുന്നു.

1964 - സൌദി അറേബ്യയിലെ സൌദ്‌ രാജാവിനെ അധികാരത്തിൽ നിന്നും പുറന്തള്ളി അർദ്ധ സഹോദരൻ ഫൈസൽ രാജാവായി.

1976 - ജിമ്മി കാർട്ടർ അമേരിക്കൻ പ്രസിഡൻറായി തിരഞ്ഞെടുക്കപ്പെട്ടു.

1982 - ജനവരിയിലെ മൂന്നാം തിങ്കൾ മാർട്ടിൻ ലൂഥർ ദിനമായി ആചരിക്കാനുള്ള ഉത്തരവിൽ പ്രസിഡണ്ട് റെയ്ഗൻ ഒപ്പിട്ടു.

2000 - അന്താരാഷ്ട്ര സ്പേസ് സ്റ്റേഷനിൽ ആദ്യത്തെ പ്രവർത്തക സംഘം എത്തി.

2004 - ജോർജ്‌ ഡബ്ല്യു ബുഷ്‌ രണ്ടാം തവണയും അമേരിക്കൻ പ്രസിഡന്റായി തിരഞ്ഞെടുക്കപ്പെട്ടു.

2008 - സ്പിൻ മാന്ത്രികൻ അനിൽ കുംബ്ലെ ടെസ്റ്റ് ക്രിക്കറ്റിൽ നിന്ന് വിരമിച്ചു.

2016 - ചിക്കാഗോ കബ്‌സ് ക്ലീവ്‌ലാൻഡ് ഇന്ത്യൻസിനെ വേൾഡ് സീരീസിൽ പരാജയപ്പെടുത്തി , 108 വർഷത്തെ ഏറ്റവും ദൈർഘ്യമേറിയ മേജർ ലീഗ് ബേസ്ബോൾ ചാമ്പ്യൻഷിപ്പ് വരൾച്ച അവസാനിപ്പിച്ചു. 

2022 - എത്യോപ്യൻ ഗവൺമെന്റും ടിഗ്രേ പീപ്പിൾസ് ലിബറേഷൻ ഫ്രണ്ടും തമ്മിൽ സമാധാന ഉടമ്പടി ഒപ്പുവച്ചു , ടൈഗ്രേ യുദ്ധം അവസാനിപ്പിച്ചു.
്്്്്്്്്്്്്്്്്്്്്‌്‌്‌്‌്‌്‌്‌
ഇന്ന്, 
തിരുവിതാംകൂർ സ്റ്റേറ്റ് കോൺഗ്രസിന്റെ യുവജന സംഘടനയായ ഓൾ ട്രാവൻകൂർ യൂത്ത് ലീഗിലൂടെ  രാഷ്ട്രീയത്തിലേക്ക് വരുകയും, നിരവധി തവണ ജയിൽ വാസമനുഷ്ഠിക്കുകയും ഒന്നാം കേരളനിയമസഭയിൽ സി.പി.ഐ.യുടെ പ്രതിനിധിയായി ചെങ്ങന്നൂർ നിയോജക മണ്ഡലത്തിൽ നിന്ന്  തിരഞ്ഞെടുക്കപ്പെടുകയും ചെയ്ത ആദ്യ സ്പീക്കറും സ്വാതന്ത്ര്യ സമരസേനാനി യുമായിരുന്ന ആർ. ശങ്കരനാരായണൻ തമ്പിയെയും (30 സെപ്റ്റംബർ 1911 - 2 നവംബർ 1989),,

പരിശുദ്ധനായി പ്രഖ്യാപിക്കപ്പെട്ട ആദ്യത്തെ ഭാരതീയനും, താപസവര്യൻ , അനുഗൃഹീത പ്രഭാഷകൻ, മികച്ച അജപാലകൻ എന്നതിനു പുറമേ ദളിത് വിഭാഗങ്ങളുടെ വിമോചനം, ആധുനിക വിദ്യാഭ്യാസത്തിന്റെ പ്രചാരണം തുടങ്ങിയ വിഷയങ്ങളിലും താത്പര്യം പ്രകടിപ്പിച്ച വ്യക്തിയായ മലങ്കര ഓർത്തഡോക്സ് സുറിയാനി സഭയുടെയും യാക്കോബായ സുറിയാനി ക്രിസ്ത്യാനി സഭയുടെയും പ്രഖ്യാപിത പരിശുദ്ധനുമായ പരുമല തിരുമേനി അല്ലെങ്കിൽ ഗീവർഗ്ഗീസ് മാർ ഗ്രീഗോറിയോസിനെയും (ജൂൺ 15, 1848 - നവംബർ 2, 1902),

സാമ്പത്തിക ശാസ്ത്രഞ്ജനും ഇന്ത്യയിലെ ആദ്യത്തെ റെയിൽവേ മന്ത്രിയും  ഇന്ത്യയുടെ ധനമന്ത്രിയായും  സേവനമനുഷ്ഠിച്ചിരുന്ന ജോൺ മത്തായിയേയും (1886-1959).

വൈദ്യുതി പദ്ധതിയുടെയും ഉപജ്ഞതാവും, കൃഷിമന്ത്രി എന്ന നിലയില്‍ കാര്‍ഷികമേഖലയ്ക്ക്  ജനപങ്കാളിത്തത്തോടെയുള്ള ചൈതന്യാത്മകമായ മുന്നേറ്റം നൽകുകയും, കേരളത്തിലെ കമ്മ്യൂണിസ്റ്റ് പ്രസ്ഥാനത്തിന് ചരിത്രത്തില്‍ സ്ഥാനം നേടിത്തരുകയും ചെയ്ത എം എന്‍ ഗോവിന്ദന്‍നായരെയും  ( ഡിസംബർ 10,1910 - നവംബർ 2 , 1984),

നാല്പതു നോവലുകളും രണ്ടായിരത്തിലധികം റേഡിയോ നാടകങ്ങളും അഞ്ഞൂറിലധികം ചെറുകഥകളും രചിച്ച മലയാളത്തിലെ പ്രസിദ്ധനായ  എഴുത്തുകാരനും, ബാല സാഹിത്യകാരനും ചലച്ചിത്ര തിരക്കഥാകൃത്തുമായിരുന്ന കെ.ജി. സേതുനാഥിനെയും (ജൂലൈ 31 1924- നവംബർ 2, 1988),

ഇന്ത്യ ഉപഭൂഖണ്ഡത്തിലെ ആദ്യ പോക്കറ്റ് കാർട്ടൂൺ "ദിസ് ഈസ് ഡൽഹി" യും ആദ്യത്തെ അനിമേഷൻ ഫിലിം, 'വുഡ്കട്ടേഴ്സ്" അവതരിപ്പിച്ച പ്രമുഖ കാർട്ടൂണിസ്റ്റായിരുന്ന  ടി.സാമുവേലിനെയം  (21 ജനുവരി 1925 - 2 നവംബർ 2012),

പത്രപ്രവർത്തകനായി ഔദ്യോഗിക ജീവിതത്തിന്റെ തുടക്കം കുറിക്കുകയും കാലിക്കറ്റ് സർവ്വകലാശാലയിൽ പബ്ലിക് റിലേഷൻ ഓഫീസർ, കെ.സി.ജോസഫ് സാംസ്കാരിക മന്ത്രിയായിരുന്നപ്പോൾ അദ്ദേഹത്തിന്റെ പ്രൈവറ്റ് സെക്രട്ടറി എന്നീ നിലകളിൽ പ്രവർത്തിക്കുകയും
നിരവധി ലേഖന സമാഹാരങ്ങളും പാലേരി മാണിക്യം ഒരു പാതിരാ കൊലപാതകത്തിന്റെ കഥ,  കെ.ടി.എൻ. കോട്ടൂർ എഴുത്തും ജീവിതവും തുടങ്ങിനിരവധി  നോവലുകളും കവിതകളും രചിച്ച  മലയാള സാഹിത്യത്തിലെ ഉത്തരാധുനിക കവികളിൽ പ്രമുഖനും   നോവലിസ്റ്റും  സാഹിത്യ നിരൂപകനുമായിരുന്ന ടി. രാജീവനേയും (1959 - 2022 ) 

തെലുഗിലെ ആദ്യത്തെ സൈക്കലോജിക്കല് നോവല് ആയ അയോഗ്യന്റെ ജീവിതയാത്ര’ (അസമര്ധുനി ജീവിതയാത്ര) പല നോവലുകളും, ചെറുകഥകളും നാടകങ്ങളും, രചിക്കുക കൂടാതെ, തെലുഗു  എഡിറ്ററും , പ്രബന്ധകാരനും ,  സിനിമാ സംവിധായകനും ആയിരുന്ന ത്രിപുരനേനി ഗോപിചന്ദിനെയും (8 സെപ്റ്റംബര് 1910 – 2 നവമ്പര് 1962) 

ടി ഡി പി നേതാവും പല തവണ നിയമസഭയിലേക്കും, ലോക സഭയിലേക്കും തിരഞ്ഞെടുക്കപ്പെടുകയും, കേന്ദ്രത്തിൽ റൂറൽ ഡെവലപ്പ്മെൻറ് എംപ്ലോയ്‌മെന്റ് മന്ത്രിയുമായിരുന്ന യേരണ്ണ എന്ന കിഞ്ചരപ്പു
യേരൻ നായിഡുവിനെയും (23 ഫെബ്രുവരി 1957-2 നവംബർ 2012) വിദ്യാഭ്യാസം, വിവാഹം, മതം, ഭരണ സം‌വിധാനം, ആരോഗ്യം, സാമൂഹ്യ ഉച്ചനീചത്വങ്ങൾ എന്നിങ്ങനെ സാമൂഹ്യജീവിതത്തിന്റെ എല്ലാമേഖലകളെയും ഹാസ്യാത്മകമായി വിമർശിക്കുന്ന ശുഭപര്യവസായികളായ  കൃതികൾ എഴുതുകയും,

സ്ത്രീപുരുഷ അസമത്വത്തിനും തൊഴിലാളിവർഗ്ഗ ചൂഷണങ്ങൾക്കുമെതിരെ നിരവധി പ്രഭാഷണങ്ങളും  നടത്തുകയും സാഹിത്യത്തിനു നോബൽ സമ്മാനവും മികച്ച തിരക്കഥയ്ക്ക്  ഓസ്ക്കാർ അവാർഡും നേടിയ ഒരേ ഒരു വ്യക്തിയും ആയ പ്രശസ്ത ആംഗ്ലോ-ഐറിഷ് നാടകകൃത്ത് ജോർജ്ജ് ബർണാർഡ് ഷായെയും (1856 ജൂലൈ 26 –1950 നവംബർ 2),

മാർക്ക് ട്വയിനിനുശേഷം അമേരിക്ക കണ്ട ഏറ്റവും വലിയ ഫലിതസാഹിത്യകാരനായി അറിയപ്പെടുന്ന സാഹിത്യകാരനും,  മനുഷ്യ ജീവിതത്തിലെ കൊച്ചുകൊച്ചു സംഭവങ്ങളും ആധുനികമനുഷ്യന്റെ മോഹഭംഗങ്ങളെയും മുഖ്യ വിഷയമാക്കുകയും  ആധുനിക മനുഷ്യന്റെ വിഡ്ഢിത്തങ്ങളെ ഫലിതത്തിന്റെ വിളനിലമായി കാണുകയും, ഇസ് സെക്സ് നെസസറി, മൈ ലൈഫ് ആൻഡ് ഹാർഡ് ടൈംസ് ,ഫേബിൾസ് ഫോർ അവർ ടൈംസ് , മെൻ, വിമൻ ആൻഡ് ഡോഗ്സ്, ദ് തേർബർ കാർണിവൽ , ദ് തേർട്ടീൻ ക്ളോക്സ്, ദി ഇയേഴ്സ് വിത്ത് റോസ് തുടങ്ങിയ നിരവധി കൃതികൾ രചിക്കുകയും ചെയ്ത ജെയിംസ് ഗ്രോവർ തേർബറിനെയും ( 1894 ഡിസംബർ 8-1961 നവംബർ 2),

അക്രമാസക്തിയും ലൈംഗികതയും നിറഞ്ഞ സമൂഹത്തിലെ അസമത്വവും ജീർണതയും മാർക്‌സിസ്റ്റ് വീക്ഷണത്തോടെ ചിത്രീകരിച്ച ചലച്ചിത്ര സം‌വിധായകന്‍ മാത്രമല്ല  പത്രപ്രവർത്തകൻ, തത്ത്വചിന്തകൻ, ഭാഷാപണ്ഡിതൻ, നോവലിസ്റ്റ്, നാടകകൃത്ത്,  കോളമിസ്റ്റ്, നടൻ,ചിത്രകാരൻ, രാഷ്ട്രീയ പ്രവർത്തകൻ എന്നി നിലയിലും തിളങ്ങിയ ഇറ്റാലിയൻ കവിയും, ബുദ്ധിജീവിയും ആയിരുന്ന പിയർ പവലോ പസ്സോളിനിയെയും  (മാർച്ച് 5,1922- നവംബർ 2 1975),

ആധുനിക യുഎഇയുടെ സ്ഥാപകനും, യുഎഇയിലെ ഏറ്റവും പ്രശസ്തനായ ഭരണാധികാരികളിൽ ഒരാളും ആയിരുന്ന, ഷെയ്ഖ് സായിദ് ബിൻ സുൽത്താൻ അൽ നാഹ്യാനെയും(1 ഡിസംബർ 1918 – 2 നവംബർ 2004),

1954ൽ വിദേശ ആധിപത്യത്തിൽ നിന്നും വിയറ്റ്നാമിനെ മോചിപ്പിച്ച ശേഷം പ്രധാനമന്ത്രി പദത്തിലിരുന്ന  ങോടിൻയിം നെയും (Ngo Dinh Diem 3 ജനുവരി 1901-2 നവംബർ 1963),

ബീജഗണിത ജ്യാമിതിയിലെ സംഭാവനകൾക്ക് പേരു കേട്ട   cപർഡ്യൂ . സർവകലാശാലയിലെ മാർഷൽ മാത്തമാറ്റിക്‌സ് ചെയറും കൂടാതെ കമ്പ്യൂട്ടർ സയൻസ്, ഇൻഡസ്ട്രിയൽ എഞ്ചിനീയറിംഗ് പ്രൊഫസറും . സിദ്ധാന്തത്തെക്കുറിച്ചുള്ള അഭ്യങ്കറിന്റെ അനുമാനത്തിലൂടെ  പ്രശസ്തനായ ഒരു ഇന്ത്യൻ അമേരിക്കൻ ഗണിതശാസ്‌ത്രജ്ഞനായിരുന്നശ്രീറാം ശങ്കർ അഭ്യങ്കറിനെയും (22 ജൂലൈ 1930 - 2 നവംബർ 2012)

 
ഡോക്ടറും ബാക്റ്റീരിയോളജി വിദഗ്ദ്ധനുംആധുനിക  സാമൂഹിക നവോത്ഥാന നേതാക്കളിലൊരാളായിരുന്ന  ശ്രീനാരായണ ധർമപരിപാലന യോഗത്തിന്‍റെ (എസ്.എൻ.ഡി.പി) സ്ഥാപകന്‍  പത്മ‌നാഭൻ പല്പു എൽ.എം.എസ്., ഡി.പി.എച്ച്. (കാന്റർബറി) എഫ്.ആർ.ഐ.പി.എച്ച്. (ലണ്ടൻ) എന്ന ഡോ.പല്പുവിനെയും ( 1863 നവംബർ 2- 1950 ജനുവരി 25),

സാഹിത്യ ചരിത്രകാരൻ സാഹിത്യ നിരൂപകൻ ജീവചരിത്രകാരൻ എന്നീ നിലകളിൽ ശോഭിച്ച ഗാന്ധിയനും ഗാന്ധി ദർശനത്തെ ആധാരമാക്കി പുസ്തകങ്ങൾ രചിക്കുകയും ചെയ്ത പി കെ പരമേശ്വരൻ നായരെയും (1903 നവംബർ 2 1988 നവംമ്പർ 25),

1955-ൽ സി.ഐ.ഡി. എന്ന ചിത്രത്തോടെ സംവിധാനരംഗത്ത് അരങ്ങേറ്റം കുറിക്കുകയും, മലയാളം, തമിഴ്, തെലുഗു ഭാഷകളിലായി 120 ഓളം ചിത്രങ്ങൾ സംവിധാനം ചെയ്യുകയും, കവിയും ഗാനരചയിതാവും മുൻ ഐ.എ.എസ്. ഉദ്യോഗസ്ഥനും മലയാള സർവ്വകലാശാല വൈസ് ചാൻസലറുമായ കെ. ജയകുമാറുടെ പിതാവും, തമിഴ് സംവിധായകനായ ഭാരതീരാജ, മലയാള സംവിധായകൻ കെ. മധു തുടങ്ങിയവരുടെ ഗുരുവുമായിരുന്ന എം. കൃഷ്ണൻനായരെയും (2 നവംബർ 1917 - 10 മേയ് 2001),

ആധുനിക കഥകളി സംഗീതചരിത്രത്തിൽ  അഗ്രഗണ്യനും. മുണ്ടായ വെങ്കിടകൃഷ്ണ ഭാഗവതരോടൊപ്പം  ആധുനിക കഥകളി സംഗീതത്തിന്റെ പിതാവായി ഗണിക്കപ്പെടുകയും ,  ആകർഷകമായ ഘനശാരീരം, സംഗീത ജ്ഞാനം, കഥകളിയുടെ ചിട്ടയിൽ ആഴത്തിലുള്ള അറിവ്, ആശായ്മ എന്നിങ്ങനെ പല മേഖലകളിലും പ്രശോഭിക്കുന്ന കഥകളി ഗായകൻ കലാമണ്ഡലം നീലകണ്ഠൻ നമ്പീശനെയും (1919 നവംബർ 2- മാർച്ച് 29, 1985),

ഭൗതികം, ആദ്ധ്വാത്മികം, സാമൂഹികം, സമ്പദ് വ്യവസ്ഥ, വിദ്യാഭ്യാസം, ആരോഗ്യശാസ്ത്രം, സാഹിത്യം, സംഗീതം, ചിത്രകല, വാസ്തുശില്പം തുടങ്ങി ഒട്ടേറെ വിഷയങ്ങൾ, പഠിക്കുകയും പഠിപ്പിക്കുകയും ചെയ്ത, ആത്മീയതയിലും ശ്രീനാരായണ ദർശനത്തിലും പാണ്ഡിത്യമുണ്ടായിരുന്ന ആത്മീയാചാര്യനും തത്ത്വചിന്തകനുമായിരുന്ന ജയചന്ദ്രപ്പണിക്കർ എന്ന ഗുരു നിത്യ ചൈതന്യ യതിയെയും (നവംബർ 2, 1923 -  മേയ് 14 1999),

പ്രശസ്തനായ അഭിനേതാവും ചലച്ചിത്ര സംവിധായകനും നിർമ്മാതാവും ആയിരുന്ന   വി. ഗോപിനാഥൻ‌ നായർ  എന്ന ഭരത് ഗോപി യെയും (2 നവംബർ 1937 – 29 ജനുവരി 2008) 

കാൽ നൂറ്റാണ്ടോളം വിപണിയിൽ അജയ്യമായി തുടർന്ന '901 ഡയറക്ട് റിഫ്‌ളക്ടിങ് സ്​പീക്കർ' സംവിധാനം 1968-ൽ അവതരിപ്പിക്കുകയും, ബോസ് വേവ് റേഡിയോ, ഹെഡ്‌ഫോൺ തുടങ്ങിയ ജനപ്രീതിയാർജിച്ച സ്പീക്കറുകളും മ്യൂസിക് സിസ്റ്റവും നിർമ്മിക്കുന്ന ബോസ് കോർപ്പറേഷൻ എന്ന സ്ഥാപനത്തിന്റെ സ്ഥാപകനും, ശബ്ദസാങ്കേതിക രംഗത്തെ വിദഗ്ദ്ധനും അദ്ധ്യാപകനുമായിരുന്ന അമർ ഗോപാൽ ബോസിനെയും (2 നവംബർ 1929 - 12 ജൂലൈ 2013),

നിസാരി ഇസ്മൈലി മതത്തിലെ 48-ാമത്തെ ഇമാമും മുസ്ലിം ലീഗിൻറെ സ്ഥാപക നേതാക്കളിലൊരാളുമായിരുന്ന ആഗാ ഖാൻ എന്ന സർ സുൽത്താൻ മുഹമ്മദ്ഷാ ആഗാ ഖാൻ lllനെയും (2 നവംബർ 1877 -11 ജൂലൈ 1957)

നാലു പ്രാവശ്യം അക്കാഡമി അവാർഡിനു പരിഗണിക്കപ്പെടുകയും ഒരു പ്രാവിശ്യം ലഭിക്കുകയും. ചെയ്ത പ്രസിദ്ധ ഹോളിവുഡ് നടൻ ബർട്ട് ലങ്കാസ്റ്റർ എന്ന ബർട്ടൺ സ്റ്റീഫൻ ലങ്കാസ്റ്ററെയും (നവംബർ 2, 1913 – ഒക്റ്റോബർ 20, 1994) 

നിശ്ശബ്ദ ചലച്ചിത്രങ്ങളുടെ കാലഘട്ടത്തിൽ അഭിനയം ആരംഭിച്ച്‌   ശബ്ദചിത്രങ്ങളുടെ കാലത്തേയ്ക്കും അഭിനയം വ്യാപിപ്പിച്ചിരുന്ന അമേരിക്കൻ നടി ആലിസ് ബ്രേഡിയേയും (മേരി റോസ് ബ്രേഡി, നവംബർ 2, 1892 മുതൽ ഒക്ടോബർ 28, 1939 വരെ). 
ഓർമ്മിക്കാം.

By ' ടീം തത്ത്വമസി - ജ്യോതിർഗ്ഗമയ '