ഇന്ന് ഒക്ടോബര്‍ 11: അന്തഃരാഷ്ട്ര ബാലിക ദിനവും ജനറല്‍ പുലസ്‌കി മെമ്മോറിയല്‍ ഡേയും ഇന്ന്: നടന്‍ ചന്ദ്രചൂര്‍ സിംഗിന്റേയും അമിതാബ് ബച്ചന്റെയും നിവിന്‍ പോളിയുടെയും ജന്മദിനം: പഴശ്ശിരാജയുടെ സൈന്യ തലവനായ എടച്ചേന കുങ്കന്‍ നായരും സംഘവും ബ്രിട്ടീഷുകാരുടെ പനമരം കോട്ട ആക്രമിച്ചതും ന്യൂയോര്‍ക്കിനും ന്യൂ ജേഴ്സിയിലെ ഹോബോക്കെനും ഇടയില്‍ നീരാവി കൊണ്ട് പ്രവര്‍ത്തിക്കുന്ന ആദ്യത്തെ ഫെറി സര്‍വ്വീസ് ആരംഭിച്ചതും ചരിത്രത്തില്‍ ഇതേദിനം തന്നെ: ജ്യോതിര്‍ഗമയ വര്‍ത്തമാനങ്ങളും

1199 കന്നി 25
പൂരം  / ദ്വാദശി
2023 / ഒക്ടോബര്‍ 11, ബുധൻ

ഇന്ന്;

     അന്തഃരാഷ്ട്ര ബാലിക ദിനം !
   ്‌്‌്‌്‌്‌്‌്‌്‌്‌്‌്‌്‌്‌്‌്‌്‌്‌്‌്‌്‌്‌്‌്‌്‌്‌്
[International Day of the Girl Child;
പെൺകുട്ടികളുടെ അവകാശങ്ങൾ സംരക്ഷിക്കുന്നതിനും അവർ നേരിടുന്ന ലിംഗവിവേചനത്തിനെതിരെബോധവൽക്കരണം നൽകുന്നതിനുമായി  എല്ലാവർഷവും ആ ചരിക്കുന്നു. ]

 മാസിഡോണിയ : വിപ്ലവ ദിനം !
്്്്്്്്്്്്്്്്്്്്്്്്്
ജനറൽ പുലസ്കി മെമ്മോറിയൽ ഡേ!
**************
* National Coming Out Day
* National Sausage Pizza Day
    ******** 

ഹിന്ദി  സുപ്പർ സ്റ്റാർ അമിതാബ് ബച്ചന്റെയും (1942),

1996ൽ മികച്ച നവാഗത നടനുള്ള ഫിലിംഫെയർ പുരസ്കാരം (മാച്ചിസ്) നേടിയ ഒരു ബോളിവുഡ് നടൻ ചന്ദ്രചൂർ സിംഗിന്റേയും (1968),

മലയാള ചലചിത്ര നടൻ നിവിൻ പോളിയുടെയും (1984),

."വേൾഡ് മ്യൂസിക്കിന്റെ" അഭിപ്രായത്തിൽ  മദ്ധ്യേഷ്യയിലെ ഏറ്റവും ജനപ്രിയ ഗായകനായ    "ഹബീബിയ നൂറിൽ ഐൻ..." പാടിയ ഈജിപ്ഷ്യൻ  ഗായകൻ   അമ്ര് ദിയാബ് എന്ന അമ്ര് അബ്ദുൽ ബാസിത് അബ്ദുൽ അസീസ് ദിയാ ബിന്റെയും (1961),

 കമ്പ്യൂട്ടർ ശാസ്ത്രഞ്ജനും  ഇന്ത്യയുടെ സുപ്പർ കമ്പ്യൂട്ടറിന്റെ ഉപജ്ഞാതാവുമായ വിജയ് പി. ഭട്കറിന്റെയും (1946),

ഇന്ത്യൻ ഹോക്കി ടീമിന്റെ ഡിഫൻഡറും ഒളിംപിക് കളിക്കാരൻ ഹർപൽ സിങ്ങിന്റെയും (1983) ജന്മദിനം!
***********

ഇന്നത്തെ സ്മരണ !!!
്്്്്്്്്്്്്്്്്്
നെടുമുടി വേണു മ. (1948-2021)
ശ്രീ ചിൻമയി മ. (1931 - 2007)
വി.ടി. കുമാരൻ മ. (192-1986)
ദിന പാഥക് മ. (1922 - 2002)
ജെയിംസ്  ജൂൾ മ. (1818 -1889)
ബൊണീത്ത ഗ്രാൻവിൽ മ. (1923-1988)
ഹൊസെയ്ത്തോ ഫെർണാണ്ടസ് മ. (1908 -1979)

അപ്പു നെടുങ്ങാടി ജ. (1860-1933)
കെ പി  ഉമ്മർ ജ. (1930 - 2001)
ചമ്പാടൻ വിജയൻ ജ. (1947 - 2007 )
ജയപ്രകാശ നാരായൺ ജ. (1902 -1979)
നാനാജി ദേശ് മുഖ് ജ. (1916 - 2010)
ഹരീഷ്‌ ചന്ദ്ര ജ. (1923 -1983)
സർ ജോർജ്ജ് വില്യംസ് ജ. (1821-1905)
ഒസിപ്പോവിച്ച് യാക്കോബ്സൺ ജ. (1896-1982)
തോമസ് ബെൽ  FRS ജ. (1792 -1880)

ചരിത്രത്തിൽ ഇന്ന് …
്്്്്്്്്്്്്്്്്്
1138 - സിറിയൻ ഭൂകമ്പം , 250000 ലേറെ മരണം

1634 - Burcharadi വെള്ളപ്പൊക്കം. ഡൻമാർക്കിലും ജർമനിയിലുമായി നിരവധി മരണം.

1737 - കൽക്കത്താ ഭൂകമ്പം. 3 ലക്ഷത്തിലേറെ മരണം.

1802 -  പഴശ്ശിരാജയുടെ സൈന്യ തലവനായ എടച്ചേന കുങ്കൻ നായരും സംഘവും ബ്രിട്ടീഷുകാരുടെ പനമരം കോട്ട ആക്രമിച്ചു.

1811 - ന്യൂയോർക്കിനും ന്യൂ ജേഴ്‌സിയിലെ ഹോബോക്കെനും ഇടയിൽ നീരാവി കൊണ്ട് പ്രവർത്തിക്കുന്ന ആദ്യത്തെ ഫെറി സർവ്വീസ് ആരംഭിച്ചു.

1865 - തിരുവിതാംകൂറിൽ പണ്ടാരപ്പാട്ട പ്രഖ്യാപനം നടത്തി.

1890- 100 മീറ്റർ ഓട്ടം 10 സെക്കന്റിൽ താഴെ സമയം കൊണ്ട് ഓടി ജെസ്സി ഓവൻസ് ചരിത്രത്തിലേക്ക്.

1918 - കരീബിയൻ സുനാമി ദുരന്തം. നിരവധി മരണം.

1922 - Alaska Devson FBl യുടെ പ്രഥമ വനിതാ investigator ആയി.

1936- പ്രൊഫസർ ക്വിസ്. ആദ്യ റേഡിയോ ക്വിസ് സംപ്രേഷണം ചെയ്തു.

1939- പ്രസിദ്ധ ശാസ്ത്രജ്ഞൻ ആൽബർട്ട് ഐൻസ്റ്റൈൻ US പ്രസിഡണ്ട് F D റൂസ് വെൽറ്റിനോട് ആണവ ബോംബ് സംബന്ധിച്ച ആശയം അവതരിപ്പിച്ചു.

1945 - ചൈനയിൽ ഭരിക്കുന്ന കുമിന്താങ്ങ് പാർട്ടിയും കമ്യൂണിസ്റ്റ് പാർട്ടിയും തമ്മിൽ ആഭ്യന്തര യുദ്ധം തുടങ്ങി.

1958 - നാസയുടെ പയനീർ 1 വിക്ഷേപിക്കപ്പെടുന്നു. ചന്ദ്രനിൽ എത്താനാകാതെ രണ്ട് ദിവസത്തിനകം അത് മടങ്ങുകയായിരുന്നു.

1960- ബംഗ്ലാദേശിൽ പേമാരി, ചുഴലിക്കാറ്റ്.. നിരവധി മരണം.

1976 - ചൈനയിൽ അട്ടിമറിശ്രമം ആരോപിച്ച് മാവോ സേ തൂങിന്റെ വിധവ ഉൾപ്പെടെ നാല് പേരെ അറസ്റ്റ് ചെയ്തു.

1977 - ലേസർ കണ്ടു പിടിച്ചതിന് Gorden Gould ന് USA patent നൽകി.

1980 - ചരിത്രത്തിലാദ്യമായി രണ്ട് സോവിയറ്റ് ബഹിരാകാശ സഞ്ചാരികൾ സല്യൂട്ട് 6 ൽ  185 ദിവസത്തെ ബഹിരാകാശ ദൗത്യം പൂർത്തിയാക്കി.

1982 - ഫ്രഞ്ച് ആക്രമണത്തിൽ 1545 ൽ  കടലിൽ താണ ഇംഗ്ലണ്ടിന്റെ  മേരി റോസ് എന്ന യുദ്ധക്കപ്പൽ 437 വർഷത്തിനു ശേഷം പുറത്തെടുത്തു.

1984 - ചലഞ്ചര്‍ ബഹിരാകാശക്കപ്പലിലെ കാതറിന് ഡി സള്ളിവന്‍ ബഹിരാകാശ നടത്തം ചെയ്യുന്ന ആദ്യത്തെ വനിതാ ബഹിരാകാശസഞ്ചാരിയായി.

2000 - ദക്ഷിണാഫ്രിക്കൻ ക്രിക്കറ്റ് നായകൻ ഹാൻസി ക്രോണിയക്ക് ഒത്തുകളി വിവാദത്തിന്റെ പേരിൽ ആജീവനാന്ത വിലക്ക് ഏർപ്പെടുത്തി.

2006 - കിരൺ ദേശായിയുടെ 'ദ ഇൻഹെരിറ്റൻസ് ഓഫ് ലോസ് '  എന്ന നോവൽ ബുക്കർ പ്രൈസ് നേടി

ഇന്ന്, 

പാശ്ചാത്യ നാടുകളിൽ ധ്യാനം പഠിപ്പിക്കുവാൻ മുൻകൈ എടുക്കുകയും ന്യൂയോർക്കിൽ ആദ്യത്തെ സെൻറ്റർ ആരംഭിക്കുകയും 60 രാജ്യങ്ങളിൽ നിന്നുള്ള 7000 ത്തോളം വിദ്യാർത്ഥികളെ ധ്യാനം പഠിപ്പിക്കുകയും ചെയ്ത സാഹിത്യകാരനും, ചിത്രകാരനും, സംഗീതജ്ഞനും ഭാരതീയ ആത്മീയ ഗുരുവും ആയിരുന്ന ശ്രീ ചിൻമയി എന്ന ചിൻമോയ്കുമാർ ഗോഷിനെയും (27 ഓഗസ്റ്റ് 1931 – 11 ഒക്റ്റോബർ 2007),

സൗരോർജ്ജം, രാസോർജ്ജം, പ്രകാശോർജ്ജം തുടങ്ങിയവയെല്ലാം ഊർജ്ജത്തിന്റെ വിവിധ രൂപങ്ങളാണെന്ന് പരീക്ഷണത്തിലൂടെ ആദ്യമായി  പ്രസ്താവിച്ച   പ്രശസ്തനായ ബ്രിട്ടീഷ്  ഭൗതിക ശാസ്ത്രജ്ഞൻ ജെയിംസ് പ്രെസ്കോട്ട് ജൂളിനെയും ( 1818 ഡിസംബർ 24 – 1889 ഒക്റ്റോബർ 11).

മലയാളത്തിലെ ആദ്യ നോവലായി പരിഗണിക്കപ്പെടുന്ന കുന്ദലത യുടെ കർത്താവ്, ദക്ഷിണേന്ത്യയിലെ ആദ്യത്തെ സ്വകാര്യ ബാങ്കായ നെടുങ്ങാടി ബാങ്കിന്റെ സ്ഥാപകൻ, മലബാറിലെ ആദ്യ ക്ഷീരവ്യവസായ കമ്പനിയുടെ സ്ഥാപകൻ, അച്യുതൻ ഗേൾസ് ഹൈസ്കൂളിന്റെ സ്ഥാപകൻ, അഭിഭാഷകൻ എന്നീ നിലകളിൽ പ്രശസ്തനായ അപ്പു. നെടുങ്ങാടിയെയും ( ഒക്ടോബർ 11, 1860 നവംബർ 7, 1933)

കെ.പി.എ.സി.യും മറ്റു  നാടക ട്രൂപ്പുകളിലും ഒരു നടനായി അഭിനയ ജീവിതത്തിലേയ്ക്ക് വരുകയും, 1965- ൽ എം.ടിയുടെ മുറപ്പെണ്ണിലൂടെ ചലച്ചിത്ര അഭിനയ രംഗത്തേയ്ക്ക് വരുകയും 1965 മുതൽ 1995 വരെയുള്ള കാലഘട്ടങ്ങളിൽ മലയാള ചലച്ചിത്രങ്ങളിൽ സജീവമായിരുന്ന കെ പി ഉമ്മറിനെയും (ഒക്റ്റോബർ 11, 1930 - ഒക്ടോബർ 29 ,2001)

ശ്രീനാരായണഗുരുവിനെക്കുറിച്ച് ആര് എവിടെ എന്തൊക്കെ എഴുതി എന്നന്വേഷിച്ചറിഞ്ഞ് അവയെല്ലാം പുതിയ തലമുറയ്ക്കായി സ്വരുക്കൂട്ടി വയ്ക്കുമായിരുന്ന ചമ്പാടൻ വിജയനെയും (1947 ഒക്റ്റോബർ 11 - 2007 മാർച്ച് 28)

സോഷ്യലിസ്റ്റു് പ്രസ്ഥാനത്തിന്റെ പ്രഥമ ജനറൽ സെക്രട്ടറിയും, ഭൂദാൻ പ്രസ്ഥാനത്തിൽ പ്രവർത്തിക്കുകയും, ബംഗ്ലാദേശ് ജനങ്ങൾ സ്വാതന്ത്രത്തിനായി പൊരുതുമ്പോൾ  പിന്തുണ പ്രഖ്യാപിക്കുകയും,. 1972 ൽ ചമ്പൽ കൊള്ള ത്തലവനായ മാധവ് സിങ്ങിനെ കൂട്ടുകാരോടൊപ്പം, ആയുധം വെച്ച് കീഴടങ്ങിപ്പിക്കുകയും, 1975 ൽ അടിയന്തരാവസ്ഥ ക്കാലത്ത് ജയിലിലാകുകയും,1977 ൽ അടിയന്തരാവസ്ഥക്കു ശേഷം പ്രതിപക്ഷ കക്ഷികളെ ജനതാ പാർട്ടിക്ക് പിന്നിൽ ഒരുമിപ്പിക്കുകയും, ചെയ്ത ഇന്ത്യൻ സ്വാതന്ത്ര്യസമര പ്രവർത്തകനും സോഷ്യലിസ്റ്റു് നേതാവും സർവ്വോദയ നേതാവുമായിരുന്ന   ജെ പി എന്ന ലോകനായക ജയപ്രകാശ നാരായണനെയും (1902 ഒക്ടോബർ 11-1979 ഒക്ടോബർ 8 ),

സാമൂഹ്യപരിഷ്കർത്താവും, ആദ്യത്തെ ഗ്രാമീണ സർവകലാശാല സ്ഥാപകനും, ഭാരതീയ ജനസംഘത്തിന്റെ ആദ്യകാല നേതാക്കളിലൊരാളും, രാഷ്ട്രീയ സ്വയംസേവക സംഘത്തിന്റെ പ്രചാരകനും ആയിരുന്ന നാനാജി ദേശ് മുഖിനെയും  (ഒക്ടോബർ 11, 1916 – ഫെബ്രുവരി 27, 2010)

ഇന്ത്യൻ-അമേരിക്കൻ ഗണിത ശാസ്ത്രജ്ഞനും ഭൗതിക ശാത്രജ്ഞനും മാതൃക സിദ്ധാന്തത്തിന്റെ (representation theory) ,പ്രതേകിച്ച്‌ സ്വരചേർച്ച വിശകലനം(harmonic analysis) സെമി സിമ്പിൾ ലീ ഗ്രൂപി(semisimple Lie groups)ന്റെ അടിസ്ഥാന പഠനങ്ങൾ നടത്തിയ ‘ഹരീഷ്‌ ചന്ദ്രക്കും(11 October 1923 – 16 October 1983)

ലണ്ടനിലെ കൂടെ തൊഴിൽ ചെയ്യുന്ന ചെറുപ്പക്കാരായ ജോലിക്കാരുടെ വിഷമതകൾ കണ്ട് , ആരോഗ്യകരമായ ശരീരത്തിനും മനസ്സിനും ആത്മാവിനും വേണ്ടി ക്രൈസ്തവ മൂല്യങ്ങൾ പാലിക്കുന്നവരുടെ സംഘമെന്ന നിലയിൽ 1844 ജൂൺ 6 നു  വൈ.എം.സി.എ (YMCA) എന്ന് ചുരുക്കപ്പേരിൽ അറിയപ്പെടുന്ന യങ് മാൻസ് ക്രിസ്ത്യൻ അസോസിയേഷൻ സ്ഥാപിച്ച സർ ജോർജ്ജ് വില്യംസിനെയും (11 ഒക്റ്റോബർ 1821 – 6 നവംബർ 1905),

ഭാഷയിലെ സ്വനിമം എന്ന സങ്കല്പത്തെ സൈദ്ധാന്തിക തലത്തിൽ വികസിപ്പിച്ച് ഫോണോളജി എന്ന ഭാഷാ ശാസ്ത്രശാഖക്ക് രൂപം കൊടുക്കുകയും, ഒരു കലാസൃഷ്ടി പകർന്നു നൽകുന്ന വാചിക സന്ദേശത്തെ സാദ്ധ്യമാക്കുന്ന സംഗതികളെ ഭാഷാശാസ്ത്ര സിദ്ധാന്തങ്ങളുപയോഗിച്ച് നിർവചിക്കാൻ ശ്രമിക്കുകയും, രൂപകം, ഉപാദാനം എന്നീ ഭാഷാസങ്കല്പനങ്ങൾ ഉപയോഗിച്ച് സാഹിത്യഭാഷയുടെ സവിശേഷതകളെ വ്യാഖ്യാനിക്കുകയും ചെയ്ത ഭാഷാശാസ്ത്രജ്ഞൻ, സാഹിത്യചിന്തകൻ എന്നീ നിലകളിൽ ലോകപ്രശസ്തനായ റോമൻ ഒസിപ്പോവിച്ച് യാക്കോബ്സണിനെയും (1896 ഒക്റ്റോബർ 11-1982 ജൂലൈ 18) ,

പ്രസിദ്ധമായ "ഗ്വഹീര ഗ്വാണ്ടനമേരാ" എന്ന ഗാന രചിച്ചുപാടിയ ക്യൂബൻ ഗായകനും ഗാനരചയിതാവുമായിരുന്ന ഹൊസെയ്ത്തോ ഫെർണാണ്ടസ് എന്നറിയപ്പെടുന്ന ഹൊസെ ഫെർണാണ്ടസ് ഡയസിനെയും (സെപ്റ്റംബർ 5, 1908  - ഒക്ടോബർ 11, 1979), ഓർമ്മിക്കാം.