ഇന്ന് ഒക്ടോബര്‍ 15: ലോക വിദ്യാര്‍ത്ഥി ദിനവും തമിഴ്‌നാട് യുവ നവോത്ഥാന ദിനവും ഇന്ന്: മീരാ നായരുടേയും ആര്‍. രാമചന്ദ്രന്റേയും നിവേദ തോമസിന്റെയും ജന്മദിനം: ഗ്രിഗറി പതിമൂന്നാമന്‍ മാര്‍പാപ്പ ഗ്രിഗോറിയന്‍ കലണ്ടര്‍ നടപ്പിലാക്കിയതും യു എസ് പ്രസിഡണ്ട് ജോര്‍ജ് വാഷിങ്ങ്ടണിന്റെ ചരിത്ര പ്രധാനമായ പ്രഥമ ഇംഗ്ലണ്ട് സന്ദര്‍ശനം തുടങ്ങിയും നെപ്പോളിയന്‍ ബോണപ്പാര്‍ട്ടിനെസെന്റ് ഹെലെന ദ്വീപിലേക്ക് നാടുകടത്തിയതും ചരിത്രത്തില്‍ ഇതേദിനം തന്നെ: ജ്യോതിര്‍ഗമയ വര്‍ത്തമാനങ്ങളും

1199 കന്നി 29
ചിത്തിര  / പ്രതിപദം
2023 / ഒക്ടോബര്‍ 15,ഞായർ

ഇന്ന്; 

ലോക വിദ്യാർത്ഥി ദിനം !
്്്്്്്്്്്്്്്്്്്്്
[ഭാരതത്തിലെ ജനകീയ രാഷ്ട്രപതിയും ഇന്ത്യയിലെയും ലോകത്തെയും യുവജനങ്ങളെ സ്വപ്നം കാണുവാൻ പഠിപ്പിക്കുകയും ചെയ്ത ഇന്ത്യയുടെ മിസൈൽ മാൻ ഡോ എ.പി. ജെ. അബ്ദുൽ കലാമിന്റെ ജന്മദിനം (1931) ]

തമിഴ്നാട് : യുവ നവോത്ഥാന ദിനം!

യു.എൻ : ലോക ഗ്രാമ വനിത ദിനം
്്്്്്്്്്്്്്്്്്്്്്്്്്്്്
ആഗോള കൈ കഴുകൽ ദിനം !
[ Global Handwashing Day ]

*ലോക വെള്ളച്ചൂരൽ (White Cane) ദിനം !

ഗ്രാമീണ വനിതകൾക്കായുള്ള അന്താരാഷ്ട്ര ദിനം !
(International Day For Rural Womens)

ഗർഭകാല-നവജാത ശിശു മരണം അനുസ്മരണ ദിനം! 
 (International Pregnancy & Infant Loss Remembrance Day)
********

world toy camera day 
National Chicken Cacciatore Day
National Mushroom Day
National Aesthetician Day
National Cheese Curd Day
National I Love Lucy Day
National Grouch Day
National Latino AIDS Awareness Day
National Shawarma Day

* ബ്രേസിൽ : അദ്ധ്യാപക ദിനം 
* ബർക്കിനൊ ഫാസൊ : മിലിട്ടറി
   അട്ടിമറി ദിനം (Coup 1987)
*  യൂറോപ്പ് : സ്തനാർബുദത്തിനെ തിരെ ജീവിത ശൈലിയിൽ വരുത്തേണ്ട മാറ്റങ്ങളെ കുറിച്ച്ബോ ധവൽക്കരണ ദിനം (Breast healthday)
*********** 

ആദ്യ ചലച്ചിത്രമായ 'സലാം ബോംബെ'യിലൂടെ  1988 ലെ കാൻ ചലച്ചിത്രമേളയിൽ ഗോൾഡൻ ക്യാമറ നേടിയെടുക്കുകയും കൂടാതെ മികച്ച വിദേശ ഭാഷാ ചിത്രത്തിനുള്ള ഓസ്കാർ നോമിനേഷനും നേടുകയും ഈ സിനിമയിൽ നിന്ന് കിട്ടിയ വരുമാനം കൊണ്ട് തെരുവ് കുട്ടികളുടെ ക്ഷേമത്തിനായുള്ള 'സലാം ബാലക് ട്രസ്റ്റ്‌' എന്ന സംഘടന സ്ഥാപിക്കുകയും  2012-ൽ ഭാരതത്തിലെ പദ്മഭൂഷൺ പുരസ്കരാം തുടങ്ങി നിരവധി അന്തഃരാഷ്ട്ര പുരസ്കാരങ്ങളുടെ തിളക്കത്തിലും അന്തഃരാഷ്ട്ര പ്രശസ്തമായ സിനിമകളുടെ സംവിദായകയും നിർമ്മാതവും തിരക്കഥാകൃത്തുമൊക്കെയായി അറിയപ്പെടുന്ന മീരാ നായരുടേയും (1957),

കേരളത്തിലെ കമ്മ്യൂണിസ്റ്റ് പാർട്ടി ഓഫ് ഇന്ത്യ നേതാവും  സി.പി.ഐ. മുൻ കൊല്ലം ജില്ലാ സെക്രട്ടറിയും പാർട്ടി സംസ്ഥാന സമിതി അംഗവും  2016 മുതൽ നിയമസഭയിൽ കരുനാഗപ്പള്ളി നിയമസഭാമണ്ഡലത്തെ പ്രതിനിധീകരിക്കുകയും  കൊല്ലം ജില്ലാ പഞ്ചായത്തിന്റെ വൈസ് പ്രസിഡന്റ്‌ . ഇടതുപക്ഷ ജനാധിപത്യ മുന്നണി കൊല്ലം ജില്ലാ കൺവീനർ എന്നീ നിലകളിലും പ്രവർത്തിച്ചിരുന്ന ആർ. രാമചന്ദ്രൻ (1952)ന്റേയും

മലയാളം തമിഴ് തെലുഗുഭാഷകളിൽ ഇരുപതോളം ചിത്രങ്ങളിൽ അഭിനയിച്ച നിവേദ തോമസിന്റെയും (1995),

തമിഴ്, മലയാളം, ബോജ്പുരി ഭാക്ഷകളിലായി പത്തിലധികം ചിത്രങ്ങളില്‍ അഭിനയിച്ച, ഇന്ത്യന്‍ ചലച്ചിത്ര അഭിനേത്രി സ്വാതി വര്‍മ്മയുടെയും (1981),

മിനിക്കഥകളിലൂടെ മലയാള സാഹിത്യ രംഗത്ത് ശ്രദ്ധേയനായ എഴുത്തുകാരൻ അഹമ്മദ് എന്ന പി കെ പാറക്കടവിന്റെയും (1952), ഇന്ത്യന്‍ പിന്നണി ഗായകനും  പ്രശസ്ത റാപ് ആര്‍ട്ടിസ്റ്റുമായ ബ്ലേസിന്റെയും (1975),

ഇക്കണോമിസ്റ്റ്‌, ചാർട്ടേർഡ്‌ എക്കൗണ്ടന്റ്‌, സെഫൊലൊഗിസ്റ്റ്‌, ജേർണലിസ്റ്റ്‌, ഗ്രന്ഥകാരൻ എന്നിങ്ങനെ വിവിധ മേഖലകളിൽ പ്രവർത്തിക്കുകയും ഇന്ത്യയിലെ ആദ്യത്തെ സ്വതന്ത്ര വാർത്താ ചാനലായ എൻ.ഡി.ടി.വി യുടെ സ്ഥാപകനും തലവനുമായ പ്രണോയ് എൽ.റോയ്‌ Phd. യുടേയും.(1949),

ജെയിംസ് ബോണ്ട് ചലച്ചിത്രമായ 'എ വ്യൂ റ്റു കിൽ' എന്ന ചിത്രത്തിലെ സ്റ്റേസി സട്ടൺ, ദാറ്റ് സെവന്റീസ് ഷോ  എന്നതിലെ മിഡ്ജ് പിൻസിയോട്ടി എന്നീ വേഷങ്ങളിലൂടെ പ്രസിദ്ധയായ അമേരിക്കൻ അഭിനേത്രിയും നിർമ്മാതാവുമായ  വിക്ടോറിയ ലെയ് ബ്ലം എന്ന ടാന്യ റോബർട്സിന്റയും   (1955), 

ജർമ്മനിയുടെയും നിലവിൽ ആഴ്സണലിന്റെയും മധ്യനിര ഫുട്ബാൾ കളിക്കാരൻ  മെസ്യൂട്ട് ഓസിലിന്റെയും (1988) ജന്മദിനം !
************

ഇന്നത്തെ സ്മരണ !!!
്്്്്്്്്്്്്്്്്്്

അക്കിത്തം അച്യുതൻ നമ്പൂതിരി. മ. (1926-2020 )
വി.കെ. ഗോവിന്ദൻ നായർ മ(1903 -1977)
ഷിർദ്ദി സായിബാബ മ. ( -1918) 
സൂര്യകാന്ത് ത്രിപാഠി'നിരാല' മ. (1899-1961)
ജയന്ത ഹസാരിക മ. (1943 -1977)
കൈഖോസ്രു ഷാപുർജി സോറാബ്ജി മ. (1892-1988)
1999- ദുർഗാവതി ദേവി മ. (1907-1999)
മാത ഹാരി മ. (1876-1917)
ആൻഡ്രിയാ വാസലിൻ മ. (1514-1564) 

ഡോ. എ.പി.ജെ. അബ്ദുൽകലാം ജ. (1931-2015)
എം.എസ്. ദേവദാസ് ജ. (1912 -1987)
പി.ടി.ഭാസ്കരപ്പണിക്കർ ജ. (1922-1997)
എൻ രമണി ജ. (1934 - 2015 )
എസ്. ചട്ടനാഥ കരയാളർ ജ. (1896 -1972)
പർദുമാൻ സിംഗ് ബ്രാർ ജ. (1927-2027)
അക്ബർ ചക്രവർത്തി ജ.(1542  - 1605 )
മനുഭായ് പഞ്ചോലി ജ.(1914-2001).
മദർ ഏലിശ്വ ജ. (1831 -1913  )
മുഹമ്മദ് സഹീർ ഷാ ജ. (1914- 2007 )
ഇറ്റാലൊ കൽവീനൊ ജ. (1923 -1985)
ഫ്രീഡ്രിക്ക് നീച്ച  ജ. (1844 - 1900)
ടാന്യ റോബർട്സ്  ലെയ് ബ്ലം ജ.(1949-2021)
വില്യം ടെമ്പിൾ ജ. (1881-1944)

ചരിത്രത്തിൽ ഇന്ന് …
*********

1582 - ഗ്രിഗറി പതിമൂന്നാമൻ മാർപാപ്പ ഗ്രിഗോറിയൻ കലണ്ടർ നടപ്പിലാക്കി.

1789 - യു എസ് പ്രസിഡണ്ട് ജോർജ് വാഷിങ്ങ്ടണിന്റെ ചരിത്ര പ്രധാനമായ പ്രഥമ ഇംഗ്ലണ്ട് സന്ദർശനം തുടങ്ങി.

1815 - നെപ്പോളിയൻ ബോണപ്പാർട്ടിനെസെന്റ് ഹെലെന ദ്വീപിലേക്ക് നാടുകടത്തി.

1878 - എഡിസൺ ഇലക്ട്രിക് കമ്പനി (ഇപ്പോഴത്തെ ജെനറൽ ഇലക്ട്രിക്കൽസ്) പ്രവർത്തനമാരംഭിച്ചു.

1917 - ഒന്നാം ലോകമഹായുദ്ധകാലത്ത് ജർമ്മനിക്ക് വേണ്ടി ചാരപ്പണി നടത്തി എന്ന കുറ്റത്തിന് ഡച്ച് നർത്തകി മാതാ ഹരിയെ വെടി വെച്ച് കൊന്നു.

1924 - അമേരിക്കയുടെ ദേശീയ സ്മാരകമായ സ്റ്റാച്യു ഓഫ് ലിബർട്ടി അംഗീകരിച്ചു.

1932 - ടാറ്റ എയർലൈൻസ് (ഇപ്പോഴത്തെ എയർ ഇന്ത്യ) ആദ്യത്തെ വിമാന സർവീസ് ആരംഭിച്ചു.

1937 - സഖാവ് ഇ.എം.എസ് വിവാഹിതനായി കോട്ടയം കുടമാളൂർ തെക്കേടത്തു മനയ്ക്കലെ രാമൻ ഭട്ടതിരിപ്പാടിന്റെ  മകൾ ആര്യ  അന്തർജനം ആയിരുന്നു വധു.

1940 - ഹിറ്റ്‌ലറെ നിശിതമായി വിമർശിക്കുന്ന ചാർളി ചാപ്ലിന്റെ ദ്‌ ഗ്രേറ്റ് ഡിക്റ്റേറ്റർ പ്രദർശിപ്പിച്ചു.

1951- മെക്സിക്കൻ ശാസ്ത്രജ്ഞൻ ലൂയിസ് ഇ മിറാ മോണ്ട്സ് ഗർഭ നിരോധന ഗുളിക കണ്ടു പിടിച്ചു.

1956 - കേരളസാഹിത്യ അക്കാദമി ഉത്ഘാടനം (തിരുവനന്തപുരം)

1964 - ക്രൂഷ്ചേവിനെ പുറത്താക്കി ബ്രഷ്നേവ് സോവിയറ്റ് പ്രസിഡൻറായി.

1971- പ്രഥമ ലോകകപ്പ് ഹോക്കി ബാർസലോണയിൽ തുടങ്ങി.

1989 - ആലപ്പുഴ-എറണാകുളം തീവണ്ടിപ്പാത കേന്ദ്ര റെയിൽവേ മന്ത്രി മാധവറാവു സിന്ധ്യ ഗതാഗതത്തിനായി തുറന്നു.

1990 - യു.എസ്.എസ്.ആർ. പ്രസിഡന്റ് മിഖായൽ ഗോർബച്ചേവിന് സമാധാനത്തിനുള്ള നോബൽ സമ്മാനം ലഭിച്ചു.

1993 - നെൽസൺ മണ്ഡേലക്കും ദക്ഷിണാഫ്രിക്കൻ പ്രസി ഡണ്ട് പി. ഡബ്ലു ബോത്തക്കും സംയുക്തമായി സമാധാന നോബൽ …

1994 - PSLV Rocket IRSP2 വിക്ഷേപിച്ചു..

1995 - 'The god of small things'ന് അരുന്ധതി റോയിക്ക് മാൻ ബുക്കർ സമ്മാനം കിട്ടി.

1996 - മുംബൈയിലെ മസഗൺ ഡോക്ക് കപ്പൽ നിർമാണ ശാലയിൽ നിർമിച്ച INS നീലഗിരി കടലിലിറക്കി.

1999 - പാക്കിസ്ഥാൻ പ്രസിഡന്റ് പർവേസ് മുശറഫ് അടിയന്തരാവസ്ഥ പ്രഖ്യാപിച്ചു.

2000 - സച്ചിൻ ടെൻഡുൽക്കർ ഏകദിന ക്രിക്കറ്റിൽ ഏറ്റവും കൂടുതൽ റൺസ് നേടുന്ന കളിക്കാരനായി.

2005 - അമേരിക്കയിൽ വിൽമ കൊടുങ്കാറ്റ് കനത്ത നാശം വിതച്ചു.

2008 - ലോക കൈ കഴുകൽ ദിനം - കൊലയാളി രോഗങ്ങളെ പ്രതിരോധിക്കുന്നതിനുള്ള ഏറ്റവും ഫലപ്രദമായ പ്രചരണ പരിപാടിയായി യു.എൻ  ആഹ്വാനം ചെയ്തു.

ഇന്ന്, 

ശ്രീകൃഷ്ണാവതാരത്തെ ചുറ്റിപ്പറ്റി എഴുതിയ മുക്തകങ്ങളുടെ  സമാഹാരമായ 'അവിൽപ്പൊതി' എഴുതിയ കവി വി.കെ. ഗോവിന്ദൻ നായരിനെയും(4 ഫെബ്രുവരി 1903 - 15 ഒക്ടോബർ 1977),

കവിത, ചെറുകഥ, നാടകം, വിവർത്തനം, ഉപന്യാസം  എന്നിങ്ങനെയായി   മലയാള സാഹിത്യത്തിൽ 46-ഓളം കൃതികൾ രചിച്ച. മഹാകവി അക്കിത്തത്തെയും (അച്യുതൻ നമ്പൂതിരി ) (മാർച്ച് 18,1926 ' - ഒക്റ്റോബർ 15, 2020)

രോഗബാധിതതാരായവര്‍ക്ക് രോഗശമനവും ജീവിതം തിരിച്ച് നല്‍കുകയും ചെയ്യുക, ദുഖിതരെ ആശ്വസിപ്പിക്കുക, അപകടങ്ങളില്‍ നിന്ന് രക്ഷയേകുക, സന്താനങ്ങളില്ലാത്തവര്‍ക്ക് സന്താനലബ്ധി നല്‍കുക, സാമ്പത്തിക ദുരിതങ്ങളില്‍ നിന്ന് മോചനം നല്‍കുക, ശാന്തിയും സമാധാനവും നല്‍കുക തുടങ്ങി തന്‍റെ ഭക്തരെ പലവിധത്തില്‍ ഷ ആശ്വസിപ്പിക്കുകയും, ജാതി മത ഭേദമേന്യെ ധാരാളം പേർ ആരാധിക്കുന്ന ഒരു മഹാത്മാവും സത്ഗുരുവും അദ്ധ്യാത്മീക ഗുരുവും ആയിരുന്ന ഷിരിഡിയിലെ സായി ബാബയെയും ( മരണം.1918, ഒക്റ്റോബർ 15) ,

ആധുനിക ഹിന്ദി സാഹിത്യരംഗത്തെ ഒരു പ്രമുഖ വ്യക്തിയും, കവി, നോവലിസ്റ്റ്, ഉപന്യാസകാരൻ, കഥാകൃത്ത് എന്നീ നിലകളിൽ  ശ്രദ്ധേയനുമായിരുന്ന സൂര്യകാന്ത് ത്രിപാഠി 'നിരാല' യെയും(1899 ഫെബ്രുവരി 21-1961 ഒക്ടോബർ 15),

ഭൂപൻ ഹസാരികയുടെ ഇളയ സഹോദരനും, നിരവധി ചലച്ചിത്രഗാനങ്ങൾക്ക്  സംഗീത സംവിധാനം നിർവ്വഹിച്ച ആസ്സാമീസ് ഗായകനും ഗാനരചയിതാവുമായിരുന്ന ജയന്ത ഹസാരികയെയും (20 സപ്തം: 1943 – 15 ഒക്ടോ: 1977),

ഇഗ്ലീഷ് സംഗീതരചയിതാവും, സംഗീത നിരുപകനും ,പിയാനിസ്റ്റും, എഴുത്തുകാരനും ധാരാളം പിയാനൊ കൃതികളുടെ രചയിതാവു് ആയിരുന്ന ഇൻഡ്യൻ വംശജൻ ആയിരുന്ന ബ്രിട്ടീഷ് സംഗീതജ്ഞൻ  ലിയോ ഡഡ്ലി സോറാബ്‌ജി എന്ന കൈഖോസ്രു ഷാപുർജി സോറാബ്ജിയെയും 
( 14 August 1892 – 15 October 1988),

ഭഗത് സിംഗിനെയും രാജ്ഗുരുവിനെയും ട്രെയിനിൽ ഒളിച്ചുകടക്കാൻ സഹായിച്ച ഒരു ഇന്ത്യൻ വിപ്ലവകാരിയും സ്വാതന്ത്ര്യ സമര സേനാനിയുമായിരുന്ന ദുർഗ്ഗാവതി ദേവിയെയും (1907 ഒക്ടോബർ 7 - 1999 ഒക്ടോബർ 15).

ശരീരശാസ്ത്രജ്ഞനും ഭിഷഗ്വരനും എന്ന നിലയിൽ ആധുനിക വൈദ്യശാസ്ത്രമേഖലയ്ക്ക് ഏറെ സംഭാവനകൾ നൽകിയിട്ടുള്ള ബെൽജിയൻ ശാസ്ത്രജ്ഞൻ ആൻഡ്രെയാസ് വിസേലിയസിനെയും (31 ഡിസംബർ 1514 – 15 ഒക്ടോബർ 1564)

ഒന്നാം ലോക മഹായുദ്ധത്തിനിടെ ഇരട്ടച്ചാരവൃത്തി ആരോപിച്ച് ഫ്രെഞ്ച് അധികാരികൾ വെടിവെച്ചുകൊന്ന നെഥർലൻഡ്സുകാരി മാദകനർത്തകിയും പരിവാരവനിതയുമായ (courtesan) മർഗരീതാ ഗീർട്രൂഡിനാ സെല്ലെ എന്ന മാത ഹാരിയെയും( 7 ആഗസ്റ്റ്, 1876-15 ഒക്ടോബർ 1917),

തിരുവിതാംകൂറിൽ നിയമസഭാംഗവും നിരവധി നിയമ നിർമ്മാണ സമിതി കളിൽ അംഗവും ജില്ലാ ജഡ്ജിയുമായിരുന്ന ചട്ടനാഥ കരയാളറിനെയും(1896 ഒക്റ്റോബർ 15- 30 സെപ്റ്റംബ‍ർ 1972). '

മലയാള സാഹിത്യനിരൂപകനും പത്രപ്രവർത്തകനും ദേശാഭിമാനിയുടെ പത്രാധിപരും ആയിരുന്ന എം.എസ്. ദേവദാസിനെയും ( 1912 ഒക്ടോബർ 15-ഡിസംബർ 25 1987),

ഗ്രന്ഥശാലാ പ്രസ്ഥാനം, ശാസ്ത്ര സാഹിത്യ പ്രസ്ഥാനം എന്നിവയുടെ സ്ഥാപക നേതാക്കളിലൊരാളും പ്രമുഖ സാമൂഹികപ്രവർത്തകനും എഴുത്തുകാരനുമായിരുന്ന പി.ടി.ഭാസ്കരപ്പണിക്കരെയും  (ഒക്ടോബർ 15, 1922- ഡിസംബർ 30, 1997),

പ്രശസ്ത പുല്ലാങ്കുഴൽ വാദകനായ നടേശൻ രമണി എന്ന എൻ രമണിയേയും (1934 ഒക്റ്റോബർ 15- 2015 ഒക്റ്റോബർ 9 )

മുഗൾ സാമ്രാജ്യത്തിന്റെ മഹാശിൽ‌പിയും മതപരമായ സഹിഷ്ണുത പുലർത്തിയ ചക്രവർത്തിയും, ഭരണ നിപുണനും കലയെയും സാഹിത്യത്തെയും പ്രോൽ സാഹിപ്പിക്കുകയും ചെയ്ത മുഗൾ സാമ്രാജ്യത്തിന്റെ മൂന്നാമത്തെ ചക്രവർത്തിയാണ് മഹാനായ അക്ബർ എന്ന് അറിയപ്പെടുന്ന ജലാഅലുദ്ദിൻ മുഹമ്മദ് അക്‌ബറിനെയും (1542 ഒക്ടോബർ 15 - 1605 ഒക്ടോബർ 12),

സരത്തുസ്ട്രാ അങ്ങനെ പറഞ്ഞു " എന്ന വിഖ്യാത കൃതിയടക്കം  മതം, സന്മാർഗം, സംസ്കാരം, തത്ത്വചിന്ത, ശാസ്ത്രം എന്നീ വിഷയങ്ങളിൽ അനേകം ഗ്രന്ഥങ്ങൾ രചിക്കുകയും  ക്രിസ്തുമതത്തേയും, അംഗീകൃതചിന്തകന്മാരായ പ്ലേറ്റോ, കാന്റ് തുടങ്ങിയവരേയും ദൈവദൂഷണസമാനം പ്രകോപനപരമായ ശൈലിയിൽ വിമർശിക്കുകയും, "ചുറ്റികകൊണ്ട് തത്ത്വവിചാരം നടത്തുന്നവൻ " (Philosopher of the hammer) എന്ന്  സ്വയം വിശേഷിപ്പിക്കുകയും ചെയ്ത ജർമ്മൻ തത്ത്വചിന്തകനും ക്ലാസ്സിക്കൽ ഭാഷാശാസ്ത്രജ്ഞനും ആയ ഫ്രീഡ്രിക്ക് വിൽഹെം നീച്ചയെയും (ഒക്ടോബർ 15, 1844 – ഓഗസ്റ്റ് 25, 1900),

ഗുജറാത്ത് നിയമസഭയിൽ 1967 മുതൽ 1971 വരെ വിദ്യാഭ്യാസ മന്ത്രിയും1981 മുതൽ 1983 വരെ ഗുജറാത്തി സാഹിത്യ പരിഷത്തിന്റെ പ്രസിഡന്റും ആയിരുന്ന സ്വാതന്ത്ര്യസമരസേനാനിയും ഗുജറാത്തിനോവലിസ്റ്റും ആയിരുന്ന    മനുഭായ് പഞ്ചോലിയെയും (1914 ഒക്റ്റോബർ 15-2001 ഓഗസ്റ്റ് 29 ).,

ബഹിരാകാശ എൻജിനീയറിംഗ് പഠനത്തിന് ശേഷം പ്രതിരോധ ഗവേഷണ വികസന കേന്ദ്രം (DRDO), ബഹിരാകാശഗവേഷണകേന്ദ്രം (ISRO) തുടങ്ങിയ ഗവേഷണസ്ഥാപനങ്ങളിൽ ഉന്നതസ്ഥാനങ്ങൾ വഹിക്കുകയും ഇന്ത്യ തദ്ദേശീയമായി വികസിപ്പിച്ച സാറ്റലൈറ്റ് ലോഞ്ച് വെഹിക്കിളിന്റേയും, ബാലിസ്റ്റിക് മിസൈലിന്റേയും വികസനത്തിനും ഏകോപനത്തിനും മറ്റും വിലപ്പെട്ട സംഭാവനകൾ നൽകുകയും, മിസ്സൈൽ സാങ്കേതികവിദ്യയിലെ സംഭാവനകൾ കണക്കിലെടുത്ത് ഇന്ത്യയുടെ മിസ്സൈൽ മനുഷ്യൻ എന്ന്  വിശേഷിപ്പിച്ച ഇന്ത്യയുടെ പതിനൊന്നാമത് രാഷ്ട്രപതിയായിരുന്ന അവുൽ പകീർ ജൈനുലബ്ദീൻ അബ്ദുൽ കലാം എന്ന ഡോ. എ.പി.ജെ. അബ്ദുൽ കലാമിനെയും (1931 ഒക്ടോബർ 15 – 2015 ജൂലൈ 27),

കേരളകത്തോലിക്കാസഭയിലെ ആദ്യത്തെ സന്യാസിനിയും, വനിതാ സ്വയംതൊഴിൽ പരിശീലകയും, ഇന്ത്യയിലെ ആദ്യ സന്യാസിനിസഭയുടെ സ്ഥാപകയുമായ വൈപ്പിനിലെ ഓച്ചന്തുരുത്ത് സ്വദേശി  ദൈവദാസി മദർ ഏലിശ്വയെയും(1831 ഒക്‌ടോബർ 15-1913 ജൂലൈ 18 ),

ഷോട്പുട്, ഡിസ്കസ് ത്രോ എന്നീ ഇനങ്ങളിൽ രാജ്യത്തെ പ്രതിനിധീകരിച്ച് ഒന്നിലധികം എഷ്യൻ ഗെയിംസിൽ മെഡലുകൾ നേടിയിട്ടുള്ള ഒരു ഇന്ത്യൻ കായിക താരമായ പർദുമാൻ സിംഗ് ബ്രാറിനെയും(15 ഒക്ടോബർ 1927 – 22 മാർച്ച് 2007)

ഇംഗ്ലണ്ടിന്റെ ക്രൈസ്തവസഭാധ്യക്ഷനും,ക്രൈസ്തവ വിശ്വാസത്തിന് സാർവജനീനമായ ഒരു കാഴ്ചപ്പാടു നൽകുകയും ചെയ്ത കാന്റർബറിയിലെ ആർച്ച് ബിഷപ്പ് ആയിരുന്ന വില്യം ടെമ്പിളിനെയും (

1881 ഒക്ടോബർ 15 -1944 ഒക്ടോബർ 26 )

അഫ്ഗാനിസ്താന്റെ രാഷ്ട്രപിതാവും, രാജ്യത്തെ അവസാനത്തെ രാജാവുമായിരുന്ന മുഹമ്മദ് സഹീർ ഷായെയും (1914 ഒക്ടോബർ 15 - 2007 ജൂലൈ 23),

ക്യൂബയിൽ ജനിച്ച കോസ്മികോമിക്സ്, ഇൻവിസിബിൾ സിറ്റീസ്,ഇഫ് ഓൺ എ വിന്റെഴ്സ്നൈറ്റ് എ ട്രാവലർ ,യ ദ പാത്ത് റ്റു ദ നെസ്റ്റ് ഓഫ് സ്പൈഡേഴ്സ് തുടങ്ങിയ കൃതികൾ രചിച്ച ഇറ്റാലിയൻ ചെറുകഥാകൃത്തും നോവലിസ്റ്റുമായിരുന്ന ഇറ്റാലൊ കൽവീനൊയെയും(ഒക്ടോബർ 15 1923-സെപ്റ്റംബർ 19 1985)

ജെയിംസ് ബോണ്ട് ചലച്ചിത്രമായ എ വ്യൂ റ്റു കിൽ (1985) എന്ന ചിത്രത്തിലെ സ്റ്റേസി സട്ടൺ, ദാറ്റ് സെവന്റീസ് ഷോ (1998-2004) എന്നതിലെ മിഡ്ജ് പിൻസിയോട്ടി എന്നീ വേഷങ്ങളിലൂടെ അറിയപ്പെടുന്ന ഒരു അമേരിക്കൻ അഭിനേത്രിയും നിർമ്മാതാവുമായിരുന്ന വിക്ടോറിയ ലെയ് ബ്ലo എന്ന ടാന്യ റോബർട്സിനെയും ( ഒക്ടോബർ 15, 1955 ജനുവരി 4, 2021) ഓർമ്മിക്കാം.