ഇന്ന് ഒക്ടോബര്‍ 22: ദുര്‍ഗ്ഗാഷ്ടമിയും അന്തരാഷ്ട്ര ക്യാപ്സ് ലോക്ക് ദിനവും അമ്മായിയമ്മ ദിനവും ഇന്ന്: അമിത് ഷായുടെയും ജോജു ജോര്‍ജ്ജിന്റേയും ടി എ കലിയമൂര്‍ത്തിയുടെയും ജന്മദിനം: റഷ്യ അലാസ്‌കയിലെ കോഡിയാക് ദ്വീപില്‍ കോളനി സ്ഥാപിച്ചതും ചരിത്രത്തിലെ രേഖപ്പെടുത്തപ്പെട്ട ആദ്യത്തെ പാരച്യൂട്ട് ഉപയോഗിച്ചുള്ള ചാട്ടം പാരീസിനു ആയിരം മീറ്റര്‍ (3200 അടി) ഉയരെ നിന്നും ആന്ദ്രെ-ജാക്വസ് കാര്‍നെറിന്‍ നടത്തിയതും പാരച്യൂട്ട് ഉപയോഗിച്ച് ചാടുന്ന ആദ്യ വ്യക്തിയായതും ചരിത്രത്തില്‍ ഇതേദിനം തന്നെ: ജ്യോതിര്‍ഗമയ വര്‍ത്തമാനങ്ങളും

1199 തുലാം 5
ഉത്രാടം  / അഷ്ടമി
2023 / ഒക്ടോബര്‍ 22, ഞായർ
ദുർഗ്ഗാഷ്ടമി !

ഇന്ന് ;

ലോക 'വിക്ക് ' ബോധവൽക്കരണ ദിനം!
[ International slulttering awareness day]
***************

അന്തഃരാഷ്ട്ര ക്യാപ്‌സ് ലോക്ക് ദിനം!
്്്്്്്്്്്്്്്്്്്്്്്്്്്്്്്്
[International Caps Lock Day ; ആദ്യമായി വന്നത് 2000-ൽ ആണ്, അയോവയിലെ ഡെറക് അർനോൾഡ്, മറ്റ് പല ഇന്റർനെറ്റ് ഉപയോക്താക്കളെയും പോലെ, വെബിൽ തങ്ങളെത്തന്നെ ഊന്നിപ്പറയാൻ എല്ലാ ക്യാപ്‌സും ഉപയോഗിക്കുന്ന ആളുകൾ കൂടുതലായപ്പോൾ,  ടൈപ്പിംഗ് ശൈലിയുടെ ഈ മ്ലേച്ഛത ഉപയോഗിക്കുന്ന ആളുകളെ കളിയാക്കാനും ഒടുവിൽ ഇൻറ്റർ നെറ്റിലേക്ക് കുറച്ച് വിവേകം കൊണ്ടുവരാനുമുള്ള താൽപ്പര്യത്താലുമാണ് അദ്ദേഹം അന്താരാഷ്ട്ര ക്യാപ്‌സ് ലോക്ക് ദിനം തുടങ്ങിയത്]

അമ്മായിയമ്മ ദിനം !
************
[National Mother-in-Law Day ;
പരിചയസമ്പന്നരായ ഈ വിഭാഗത്തിൽ  നിന്നുള്ള വിജ്ഞാനപരമായ ഉപദേശങ്ങളും ഇടയ്ക്കിടെയുള്ള കണ്ണുരുട്ടലുകളും ഇല്ലാതെ കുടുംബ സമ്മേളനങ്ങൾക്ക് രസം കാണില്ല. അവരുടെ മഹത്വത്തിനെ വാഴ്ത്താൻ ഒരു ദിനം ]

ദേശീയ വർണ്ണ ദിനം / National Color Day !
***************
 [യുണൈറ്റഡ് സ്റ്റേറ്റ്സിൽ വർണ്ണാഭമായി എല്ലാം ആഘോഷിക്കുന്നതിനുള്ള ഒരു ദിവസം]

നാഷണൽ മേക്ക് എ ഡോഗ്സ് ഡേ
**************
(National Make a Dog’s Day; നിങ്ങളുടെ ജീവിതത്തിലേക്ക് വിശ്വസ്തനായ ഒരു കൂട്ടുകാരനെ സ്വാഗതം ചെയ്യുവാൻ ഒരു ദിനം )

വോമ്പാറ്റ് ദിനം / Wombat Day !
**************
 [ ഓസ്‌ട്രേലിയയിലെ വൊംബാറ്റ് എന്നറിയപ്പെടുന്ന മാളങ്ങളിൽ  താമസിക്കുന്ന ഒരു ചെറിയ,
 മാർസുപിയലിന്റെ പേരിൽ ഒരു ദിനം ]

 ദേശീയ നട്ട് ദിനം / National nut day !
**************
 [ലഘുഭക്ഷണങ്ങളിലും വിഭവങ്ങളിലും സംതൃപ്തി നൽകുന്ന ചെറിയ, പ്രോട്ടീൻ പായ്ക്ക് കടികളുടെ ആഹ്ലാദകരമായ ക്രഞ്ച് ആസ്വദിക്കാൻ ഒരു ദിനം]

സ്മാർട്ട് ഈസ് കൂൾ ഡേ!
*************
 [Smart is Cool Day ; അറിവിന്റെ ശക്തി അൺലോക്ക് ചെയ്യുകയും ജിജ്ഞാസയെ ഉൾക്കൊള്ളുകയും ചെയ്താൽ ഇത് അനന്തമായ സാധ്യതകളുടെ ലോകത്തിലേക്ക് നയിക്കുന്നു എന്ന ബോധം ജനിപ്പിക്കാൻ ഒരു ദിനം. Smart is the new trendsetter! 

ഇന്നത്തെ മൊഴിമുത്ത്
്്്്്്്്്്്്്്്്്്്്്്്്
''പൂ കൊഴിയുമ്പോൾ,ചിരി മായുമ്പോൾ, ചെരാതിലെ നാളവും കെടുമ്പോൾ നാം ആരെയോ പഴിക്കുന്നു.
പഴിചാരുവാനെത്രയെളുപ്പം,
എന്നാൽ സ്വന്തം വഴിയിൽ സ്വയം വെട്ടമാകലാണഭികാമ്യം''

   [-മുല്ലനേഴി ]
************  

ഭാരതീയ ജനതാ പാർട്ടിയുടെ ദേശീയ അദ്ധ്യക്ഷനും, കേന്ദ്രആഭ്യന്തര മന്ത്രിയുമായ  അമിത് അനിൽചന്ദ്ര ഷാ എന്ന  അമിത് ഷായുടെയും (1964),

അസിസ്റ്റന്റ് ഡയറക്ടറായി ചലച്ചിത്രരംഗത്തേക്ക് കടന്നുവരുകയുംമികച്ച സ്വഭാവനടനുള്ള കേരള സംസ്ഥാന ചലച്ചിത്ര പുരസ്കാരം (2018), അറുപത്തിയാറാമത് ദേശീയ പുരസ്‌ക്കാരത്തിൽ മികച്ച നടനുള്ള പ്രത്യേക പരാമര്‍ശം തുടങ്ങി മികച്ച നടനുള്ള 2022 ലെ സംസ്ഥാന ചലച്ചിത്ര അവാര്‍ഡ്  (നായാട്ട്, മധുരം, ഫ്രീഡം ഫൈറ്റ്) അടക്കം നിരവധി പുരസ്കാരങ്ങൾ നേടിയ നടനും സംവിധായകനും നിർമ്മാതാവും (2015ല്‍  ചാര്‍ലി, 2017ല്‍ ഉദാഹരണം സുജാത ) ആയ ജോജു ജോര്‍ജ്ജിന്റേയും (1977),

നാമഗിരിപേട്ടൈ കൃഷ്ണനും ഷേക്ക് ചിന്ന മൗലാനയുമുൾപ്പെടുള്ള  നാഗസ്വര കലാകാരന്മാർക്ക് തവിലിൽ അകമ്പടി സേവിച്ച പ്രസിദ്ധ തവിൽ വാദക വിദ്വാൻ ടി എ  കലിയമൂർത്തിയുടെയും (1948),

ജുറാസിക് പാർക്ക് (1993), ഇൻഡിപെൻഡൻസ് ഡേ (1996) എന്നിവ പോലെ ഏറ്റവും കൂടുതൽ വരുമാനം നേടിയ ചില ചിത്രങ്ങളിലും അവയുടെ തുടർച്ചകളിലും അഭിനയിച്ച ഒരു അമേരിക്കൻ നടനും സംഗീതജ്ഞനുമായ ജെഫ്രി ലിൻ ഗോൾഡ്ബ്ലമിന്റെയും  ( 1952),

 2015 മുതൽ 2020 വരെ  10 വിജയകരമായ പ്രതിരോധങ്ങൾ നടത്തി WBC ഹെവിവെയ്റ്റ് .ടൈറ്റിൽ സ്വന്തമാക്കിയ ഒരു അമേരിക്കൻ പ്രൊഫഷണൽ ബോക്‌സറായ ഡിയോണ്ടേ ലെഷുൻ വൈൽഡറിന്റെയും (1985),

ഫ്രഞ്ചുകാരനായ ഫുട്ബോൾ മാനേജറും മുൻ കളിക്കാരനുമായ  ആഴ്സൻ വെംഗറിന്റെയും (Arsène Wenger1949) ജന്മദിനം !

ഇന്നത്തെ സ്മരണ !!!
്്്്്്്്്്്്്്്്്്്
ഡോ. പി.കെ. മേനോൻ മ. (1917 -1979)
പി.കെ.എസ് (കാർട്ടൂണിസ്റ്റ്‌)കുട്ടി മ. (1921-2011 )
മുല്ലനേഴി മ. (1948 - 2011)
അശോക് കുമാർ മ. (1942-2014)
ജീബനാനന്ദ ദാസ് മ. (1899 -1954)
മേ ഇർവിൻ മ. (1862 -1938)
എ.ജെ. ടോയൻബി മ. (1889 -1975)
മഹാരാജ ദുലീപ് സിങ് മ. (1838-1893)

അകവൂർ നാരായണൻ ജ. (1929 -009)
ടാറ്റാപുരം സുകുമാരൻ ജ. (1923-1988)
സ്വാമി രാം തീരത്ഥ് ജ. (1873 -1906)
അഷ്‌ഫാഖുള്ള. ഖാൻ ജ. (1900 -1927 ) 
മൻസൂർ അലി ഖാൻ പട്ടൗഡി ജ. (1941-2011)
ഇവാൻ ബുനിൻ ജ. (1870-1953)
അഷ്ഫാഖുള്ള ഖാന്‍ ജ. (1900- 1927)
 ഡോറിസ് ലെസ്ലിങ്ങ് ജ. (1919- 2013)
ലെവ് യാഷിൻ ജ. ( 1929-1990)

ചരിത്രത്തിൽ ഇന്ന്…
്്്്്്്്്്്്്്്്്്
1784 - റഷ്യ അലാസ്കയിലെ കോഡിയാക് ദ്വീപിൽ കോളനി സ്ഥാപിച്ചു.

1797 - ചരിത്രത്തിലെ രേഖപ്പെടുത്തപ്പെട്ട ആദ്യത്തെ പാരച്യൂട്ട് ഉപയോഗിച്ചുള്ള ചാട്ടം പാരീസിനു ആയിരം മീറ്റർ (3200 അടി) ഉയരെ നിന്നും ആന്ദ്രെ-ജാക്വസ് കാർനെറിൻ നടത്തി, പാരച്യൂട്ട് ഉപയോഗിച്ച് ചാടുന്ന ആദ്യ വ്യക്തിയായി.

1884 - വാഷിങ്ടണിൽ 26 രാജ്യങ്ങൾ ചേർന്ന് ഗ്രീൻവിച്ച് ( 0 ഡിഗ്രി രേഖാംശം) അടിസ്ഥാനമായി അംഗീകരിക്കുകയും ഒരു ദിവസം 24 മണിക്കൂറായി ക്ലിപ്തപ്പെടുത്തുകയും ചെയ്തു.

1897 - കേരളത്തിലെ ആദ്യ കാർ വ്യാപാരം ലണ്ടനിൽ നടന്നു.

1904 - ശ്രീ മൂലം പ്രജാസഭ പ്രഥമ യോഗം ചേർന്നു.

1936 - ചൈനിസ് നേതാവ് മാവോ സേ തുങ്ങിന്റെ നേതൃത്വത്തിൽ 6000 ലേറെ പേരടങ്ങിയ ലോങ്ങ് മാർച്ച് പര്യവസാനിപ്പിച്ചു.

1948 - പറവൂർ ടി.കെ. നാരായണപ്പിള്ളയുടെ നേതൃത്വത്തിലുള്ള രണ്ടാമത്തെ ജനകീയ മന്ത്രിസഭ തിരുവിതാംകൂറിൽ നിലവിൽ വന്നു.

1949 - സോവിയറ്റ് യൂണിയൻ ആദ്യത്തെ ആണവായുധം പരീക്ഷിച്ചു.

1960 - മാലി ഫ്രാൻസിൽ നിന്നും സ്വതന്ത്രമായി.

1962 - ക്യൂബൻ മിസൈൽ ക്രൈസിസ് പ്രസിഡണ്ട് കെന്നഡി നാവിക ഉപരോധം പ്രഖ്യാപിക്കുന്നു.

1963 - ഭക്രാനംഗൽ അണക്കെട്ട് പ്രധാനമന്ത്രി നെഹ്റു രാഷ്ട്രത്തിന് സമർപ്പിച്ചു.

1968 - അപ്പോളോ 7 ഉപഗ്രഹം ഭൂമിയെ 163 പ്രാവശ്യം വലം വെച്ച് സുരക്ഷിതമായി അറ്റ്‌ലാന്റിൿ സമുദ്രത്തിൽ വീണു.

1965 - രണ്ടാം ഇന്ത്യാ-പാകിസ്താൻ യുദ്ധം അവസാനിച്ചു.

1998 - രാംദാസ് വൈദ്യർ. കേരളത്തിന്റെ വർത്തമാന കാല വിദൂഷകൻ. ആക്ഷേപ ഹാസ്യത്തിലുടെ മലയാളി കളുടെ പ്രതീകമായി മാറിയ കോഴിക്കോടിന്റെ ചിരി വൈദ്യൻ അന്തരിച്ചു.

2003- ആണവോർജ വകുപ്പിന് കീഴിൽ ഭാവിനി ( ഭാരതീയ വിദ്യുത് നിഗാം) നിലവിൽ വന്നു.

2006 – കേരളത്തിൽ കണ്ണൂരിൽ നടക്കുന്ന രാഷ്ട്രീയ കൊലപാതകത്തിൽ ആദ്യമായി CBl ഏറ്റെടുത്ത ഫസൽ വധക്കേസ് നടന്ന ദിനം.

2008- ഇന്ത്യയുടെ ചന്ദ്ര പര്യവേക്ഷണ ഉപഗ്രഹം ചന്ദ്രയാൻ വിക്ഷേപിച്ചു, നവംബർ 14 ന് ചന്ദ്രോപരിതലത്തിൽ എത്തി.

2009 - 'വിൻഡോസ് 7' പുറത്തിറങ്ങി.

2014 - മൈക്കൽ സെഹാഫ്-ബിബ്യൂ കാനഡ പാർലമെന്റ് ആക്രമിച്ച് ഒരു സൈനികനെ കൊല്ലുകയും മറ്റ് മൂന്ന് പേർക്ക് പരിക്കേൽക്കുകയും ചെയ്തു.

2019 - വടക്കൻ അയർലൻഡ് അസംബ്ലി പുനഃസ്ഥാപിക്കാത്തതിന്റെ ഫലമായി വടക്കൻ അയർലണ്ടിൽ സ്വവർഗ വിവാഹം നിയമവിധേയമാക്കുകയും ഗർഭച്ഛിദ്രം ക്രിമിനൽ കുറ്റമാക്കുകയും ചെയ്തു.
്്്്്്്്്്്്്്്്്്്്്‌്‌്‌്‌്‌്‌്‌

ഇന്ന്, 
ആധുനികകാലത്ത് ഗണിതശാസ്ത്രത്തിന്ഗണ്യമായ സംഭാവന നൽകിയ കേരളീയരിൽ പ്രധാനിയായ ഡോ. പി.കെ. മേനോൻ എന്ന   പുളിയക്കോട് കേശവ മേനോനെയും (സെപ്റ്റംബർ 4, 1917 - ഒക്ടോബർ 22, 1979)

വായിക്കാനറിയാത്തവർക്കുപോലും ആസ്വദിക്കാൻ കഴിയുന്നതാവണം കാർട്ടൂൺ എന്ന് വിശ്വസിച്ചിരുന്നതിനാൽ അതിനാൽ  തന്റെ രചനകളിൽ കഴിയുന്നടത്തോളം കമന്റ്‌സ് കുറക്കുവാനും ചിത്രീകരണം ശക്തമാക്കുവാനും ശ്രദ്ധിച്ചിരുന്ന പ്രസിദ്ധകാർട്ടൂണിസ്റ്റുകളിലൊരാളായിരുന്ന  പി.കെ.എസ്. കുട്ടി (പുതുക്കൊടി കൊട്ടുതൊടി ശങ്കരൻകുട്ടി) എന്ന കാർട്ടൂണിസ്റ്റ് കുട്ടിയെയും (1921 സെപ്തംബർ 4 - 2011 ഒക്ടോബർ 22) ,

നീലത്താമര,സൂഫി പറഞ്ഞ കഥ,കഥ തുടരുന്നു, ഭക്തജനങ്ങളുടെ ശ്രദ്ധയ്ക്ക്, മൌനം,സ്നേഹവീട്  തുടങ്ങിയ സിനിമകളിൽ അഭിനയിച്ച കവിയും ചലച്ചിത്രഗാന രചയിതാവും അഭിനേതാവുമായ മുല്ലനേഴി എന്ന മുല്ലനേഴി എം.എൻ. നീലകണ്ഠനെയും (മേയ് 16 1948 - ഒക്ടോബർ 22 2011),

കാമാഗ്നി, അഭിനന്ദന, നീരാജ്ഞനം, അന്ദ്രു പെയ്ത മഴയിൽ എന്നി സിനിമകൾ സംവിധാനം ചെയ്യുകയും കുട്ടിയേടത്തി, നോക്കെത്താ ദൂരത്ത് കണ്ണും നട്ട്, മഞ്ഞിൽ വിരിഞ്ഞ പൂക്കൾ തുടങ്ങി ധാരാളം ദക്ഷിണേന്ത്യൻ സിനിമകളുടെ ചലച്ചിത്ര ഛായാഗ്രാഹകനായിരുന്ന എ അശോക് കുമാർ എന്ന അശോക് കുമാർ അഗർവാളിനെയും ( 1941/1942 –22 ഒക്ടോ:2014),

രണ്ടാം ആംഗ്ലോ-സിഖ് യുദ്ധത്തിന്റെ ഫലമായി പഞ്ചാബ്, ബ്രിട്ടീഷ് സാമ്രാജ്യത്തോട് കൂട്ടിച്ചേർക്കപ്പെട്ടതോടെ  ബ്രിട്ടീഷുകാർ നാടുകടത്തിയ പഞ്ചാബിലെ രാജാവായിരുന്ന
മഹാരാജ ദുലീപ് സിങിന്റെയും (1838 സെപ്റ്റംബർ 6,  – 1893 ഒക്ടോബർ 22 )
ധാരാളം കവിതകളും ചെറുകഥകളും നോവലുകളും എഴുതി ബംഗാളി സാഹിത്യ ' ലോകത്ത് പ്രത്യേക മുദ്ര പതിപ്പിച്ചിട്ടുളള കവിയും കഥാകൃത്തുമായ ജീബനാനന്ദ ദാസിനെയും (18 ഫെബ്രുവരി 1899 – 22 ഒക്ടോബർ 1954) ,

ലോകത്തിലെ ആദ്യകാല ചലച്ചിത്രങ്ങളിലൊന്നായ ദ കിസ്സിൽ മേ അഭിനയിച്ച ഒരു കനേഡിയൻ നടിയും ഗായികയും ആയിരുന്ന ജോർജ്ജീന മേയ് ക്യാമ്പൽ എന്ന മേ ഇർവിനെയും (ജൂൺ 27, 1862 – ഒക്ടോബർ 22, 1938),

സംഭവങ്ങളുടെ ഉത്ഭവം,വളർച്ച , പതനം എന്ന ചാക്രിക പ്രക്രിയയെ അടിസ്ഥാനപ്പെടുത്തി ചരിത്രത്തെ ഒരു ആഗോള പരിപ്രേക്ഷ്യത്തിൽ പരിശോധിക്കുന്ന "എ സ്റ്റഡി ഓഫ് ഹിസ്റ്ററി" (ചരിത്രത്തെ കുറിച്ചുള്ള ഒരു പഠനം) എന്ന ലോകചരിത്രം എഴുതിയ ബ്രിട്ടീഷ് ചരിത്രകാരൻ എ.ജെ. ടോയൻബി എന്ന അർണോൽഡ് ജോസഫ് ടോയൻബി(ഏപ്രിൽ 14, 1889 – ഒക്ടോബർ 22, 1975)

ഡയറക്ടറേറ്റ്‌ ഓഫ്‌ ഓഡിയോ വിഷ്വൽ പബ്ലിസിറ്റി'യിൽ മലയാളം സബ്‌ എഡിറ്റർ,  ഇന്ത്യൻ കൗൺസിൽ ഫോർ അഗ്രികൾച്ചർ റിസർച്ചിൽ (ഐ.സി.എ.ആർ.) മലയാളം എഡിറ്റർ,ഡൽഹി സർവകലാശാലയിലെ ആധുനിക ഭാഷാവിഭാഗത്തിൽ മലയാളവിഭാഗം അദ്ധ്യാപകൻ,അലിഗഢ്‌ സർവകലാശാല, പഞ്ചാബ്‌ സർവകലാശാല, യു.പി.എസ്‌.സി., സി.ബി.എസ്‌.ഇ., യു.ജി.സി. തുടങ്ങിയ ഒട്ടേറെ പ്രമുഖ വിദ്യാഭ്യാസസ്ഥാപനങ്ങളിൽ ഉപദേശകസമിതിയംഗം, മസൂറിയിലെ സിവിൽ സർവീസ്‌ പരിശീലന അക്കാദമിയിലും ഉപദേശകൻ എന്നി നിലകളിൽ സേവനം അനുഷ്ഠിക്കുകയും വെൺമണി പ്രസ്ഥാനം, കഥകളിരസായനം, അകവൂരിന്റെ ലോകം, വകതിരിവ്‌ , കവികോകിലം, ഉത്തരരാമചരിതം  എന്നിങ്ങനെ ഇംഗ്ലീഷിലും മലയാളത്തിലുമായി 17 പുസ്‌തകങ്ങളുടെ രചയിതാവും,  മലയാള ഭാഷാ പണ്ഡിതനും നിരൂപകനുമായിരുന്ന ഡോ. അകവൂർ നാരായണനെയും(1929-ഡിസംബർ 2 2009),

ചെറുകഥ, നോവൽ, നാടകം, യാത്രാവിവരണം, ബാലസാഹിത്യം എന്നിങ്ങനെ വിവിധ സാഹിത്യശാഖകളിലായി ഏകദേശം 80-ലധികം ഗ്രന്ഥങ്ങൾ രചിച്ച ടാറ്റാപുരം സുകുമാരനെയും (1923 ഒക്ടോബർ 22 – 1988 ഒക്ടോബർ 26)

വിവേകാന്ദ സ്വാമികളുടെ പിന്മുറകാരനായി അറിയപെടുകയും, അമേരിക്കയിൽ നിരവധി പ്രഭാഷണങ്ങൾ നടത്തുകയും, നിരവധി ഇന്ത്യൻ വിദ്യാർത്ഥികൾക്ക് സ്കോളർഷിപ്പ്നേടികൊടുക്കുവാൻ പ്രയത്നിക്കുകയും ചെയ്ത ഭാരതത്തിലെ പ്രശസ്തനായ തത്ത്വജ്ഞാനിയും ഹിന്ദു സന്യാസിയുമായിരുന്ന സ്വാമി രാം തീരത്ഥിനെയും (ഒക്ടോബർ 22, 1873 – 27 ഒക്ടോബർ 1906),

സ്വാതന്ത്ര്യ സമരത്തിൽ  രാജേന്ദ്ര ലഹിരിയോടൊപ്പം കകോരി തീവണ്ടിക്കൊള്ളയിൽ പങ്കെടുത്ത് തൂക്കിലേറ്റപെട്ട് രക്തസാക്ഷികളായ  വിപ്ലവകാരി അഷ്‌ഫാഖുള്ള ഖാനിനെയും  (1900 ഒക്ടോബർ 22 -1927 ഡിസംബർ 1927),

മുൻ ഇന്ത്യൻ ക്രിക്കറ്റ് താരവും  ഇന്ത്യയിലെ ഏറ്റവും മികച്ച ക്യാപ്റ്റന്മാരിൽ ഒരാളും ആയ  ടൈഗർ എന്ന അപരനാമത്തില്‍ അറിയപ്പെട്ടിരുന്ന മൻസൂർ അലി ഖാൻ പട്ടൗഡിയെയും  (ജനനം: 5 ജനുവരി 1941 - മരണം:22 സെപ്റ്റംബർ 2011),

സാഹിത്യത്തിനു നോബൽ സമ്മാനം നേടിയ ആദ്യ റഷ്യൻ സാഹിത്യകാരനായഇവാൻ ബുനിൻ ഇവാൻ അലെക്സിയേവിച്ച് ബുനിനെയും ( 22 October 1870 – 8 November 1953)  

ദ ഗ്രാസ് ഈസ് സിങ്ങിങ് , ദ ഗോൾഡൺ നോട്ട്ബുക്ക് , ബ്രീഫിങ് ഫോർ ഡീസന്റ് ഇൻറ്റു ഹെൽ തുടങ്ങിയ കൃതികൾ രചിച്ച സാഹിത്യത്തിനുളള നോബൽ പുരസ്കാരത്തിന് തിരഞ്ഞെടുക്കപ്പെട്ട ഇംഗ്ലീഷ് സാഹിത്യകാരി ഡോറിസ് ലെസ്സിംഗിനെയും(22 ഒക്ടോബർ 1919 - 17 നവംബർ 2013),

ഇരുപതാം നൂറ്റാണ്ട് കണ്ട ഏറ്റവും മികച്ച ഫുട്ബോൾ ഗോളികളിലൊരാളായ സോവിയറ്റ് റഷ്യയിൽ ജനിച്ച  ലെവ് ഇവാനോവിച്ച് യാഷിനിനെയും (22 ഒക്ടോ1929 -1990 മാർച്ച് 20)ഓർമ്മിക്കുന്നു!

By ' ടീം തത്ത്വമസി - ജ്യോതിർഗ്ഗമയ