ഇന്ന് സെപ്റ്റംബര്‍ 12: യു.എന്‍: തെക്ക് - തെക്ക് സഹകരണ ദിനവും അന്താരാഷ്ട്ര മനഃസാക്ഷി ദിനവും ഇന്ന്: പ്രേം കുമാറിന്റേയും അമല അക്കിനേനിയുടെയും ആദിത്യ പഞ്ചോളിയുടെയും ജന്മദിനം: തിരുവിതാംകൂര്‍ രാജ്യത്തെ ബാങ്കായി ദി ട്രാവന്‍കൂര്‍ ബാങ്ക് ലിമിറ്റഡ് പ്രവര്‍ത്തനമാരംഭിച്ചതും സോവിയറ്റ് യൂണിയന്റെ ലൂണ - 2 ചന്ദ്രനിലേക്ക് യാത്രയായി ആദ്യമായാണ് ഒരു പേടകം ചന്ദ്രനില്‍ ഇറങ്ങുന്നതും ടര്‍ക്കിയില്‍ സൈനിക അട്ടിമറി നടന്നതും ചരിത്രത്തില്‍ ഇതേദിനം: ജ്യോതിര്‍ഗമയ വര്‍ത്തമാനങ്ങളും

1199   ചിങ്ങം 27
ആയില്യം / ത്രയോദശി/പ്രദോഷവ്രതം
2023 സെപ്റ്റംബർ 12, ചൊവ്വ

ഇന്ന്;

യു.എൻ: തെക്ക്‌ - തെക്ക്‌ സഹകരണ ദിനം !
***************************************
[ U N Day for South-South Cooperation; 
The Republic of Congo tapping into the wealth of expertise and innovations available in Brazil on family farming and school feeding programmes; Cuba's support in the fight against Ebola in West Africa; UNESCO's facilitating of exchanges between Fiji, Marshall Islands, Samoa, Solomon Islands, Tonga, Tuvalu, and Vanuatu to build capacities of teachers; these are just a few examples of South-South cooperation.]

അന്തഃരാഷ്ട്ര മനഃസാക്ഷി ദിനം !
**************************
 ( Mindfulness Day) 

 കായികവ്യായാമ ദിനം !
 **********************
[ Gym Day; ഉള്ളിലെ ശക്തിമാനെ കെട്ടഴിച്ചുവിട്ട്‌ കായികക്ഷമത ഉറപ്പുവരുത്തി, പുതിയ ശക്തി /ഊർജ്ജം സംഭരിക്കുന്നതിനെ പ്രോത്സാഹിപ്പിക്കാനുള്ള ദിനം ]

 ദേശീയ വനിത പോലീസ്‌ ദിനം !
 **************************
[ National Police Woman Day; 1970കളിൽ ലോകത്ത്‌ 3% ആയിരുന്നു വനിതാ പോലീസിന്റെ പ്രാതിനിധ്യം എങ്കിൽ ഇപ്പോഴും അത്‌ വെറും 13% ശതമാനത്തിൽ ഒതുങ്ങി നിൽക്കുന്നു.  കൂടിയ പ്രാതിനിധ്യത്തിനൊപ്പം വർദ്ധിച്ച സ്നേഹാദരങ്ങളിലേക്കു കൂടി ശ്രദ്ധ ക്ഷണിക്കാനുള്ള ദിവസം ]

ദേശീയ പ്രോത്സാഹന ദിനം !
************************
[ National Day of Encouragement ; നമുക്കു ചുറ്റുമുള്ളവരെ എത്ര ചെറിയ കാര്യത്തിലാണെങ്കിലും   ഒരു വേള ശ്രവിക്കുന്നതിലൂടെ, ഒരു നല്ലവാക്കുകൊണ്ട്‌…, ഒരു പുഞ്ചിരി കൊണ്ട്‌ പ്രോത്സാഹിപ്പിക്കുന്ന നന്മ പഠിക്കാനുള്ള ദിനം ]

ദേശീയ വീഡിയോ ഗെയിംസ്‌ ദിനം !
*************************************
[ National Video Games Day ; ആധുനിക ലോകത്തെ ആധുനിക വിനോദോപാധിയായ വീഡിയോ ഗെയിംസ്‌ സകുടംബം ആസ്വദിച്ച്‌ ശീലിക്കുന്നതിനുള്ള ദിനം ]

റഷ്യ: പ്രോഗ്രാമേഴ്സ് ഡേ !
റഷ്യ : ഗർഭം ധരിക്കൽ ദിനം! ( വംശവർദ്ധന ദിനം) !
[ഈ ദിനത്തിൽ ഗർഭം ധരിക്കുന്നവർ ജൂൺ 12 നു പ്രസവിക്കുമ്പോൾ കാറും ഫ്രിഡ്ജും ടി വി യും വാഷിങ്ങ് മെഷിനും മറ്റും സമ്മാനമായി പ്രാദേശിക സർക്കാർ നൽകി വരുന്നു.]
അമേരിക്ക: ദേശീയ പ്രോൽസാഹന ദിനം !

അമേരിക്ക;
* National Programmers Day !
. ( 256th Day of the Year)
* National Chocolate Milkshake Day !
                   
 ഇന്നത്തെ മൊഴിമുത്ത്
്‌്‌്‌്‌്‌്‌്‌്‌്‌്‌്‌്‌്‌്‌്‌്‌്‌്‌്‌്‌്  
''ആളുകൾ മൂന്നു തരമാണ്‌: കാണുന്നവർ, കാണിച്ചുകൊടുത്താൽ കാണുന്നവർ, കാണാത്തവർ.''

 [ - ലിയനാർഡോ ഡാ വിഞ്ചി ]
 ************************* 

മികച്ച ടെലിവിഷന്‍ നടനുള്ള സംസ്ഥാന സര്‍ക്കാറിന്റെ പുരസ്‌കാരമടക്കം നിരവധി പുരസ്‌കാരങ്ങള്‍ നേടുകയും   18 ചിത്രങ്ങളിലെ നായകവേഷങ്ങളടക്കം 100 ലധികം ചിത്രങ്ങളില്‍ അഭിനയിച്ചിട്ടുള്ള മലയാള ചലച്ചിത്ര നടനും, ടെലിവിഷന്‍ സീരിയല്‍ അഭിനേതാവുമായ പ്രേം കുമാറിന്റേയും (1967),

തമിഴ്, തെലുങ്ക്, കന്നട, മലയാളം, ഹിന്ദി എന്നീ ഭാഷകളിൽ 50 ഓളം ചിത്രങ്ങളിൽ അഭിനയിച്ച അമലഅക്കിനേനിയുടെയും (1968),

2010 ലെ നോബൽ സമ്മാനം ലഭിച്ച ജപ്പാനീസ് രസ തന്ത്രഞ്ജൻ അകിര സുസുക്കിയുടെയും ( 1930),

ഹിന്ദി ചലചിത്ര നടൻ ആദിത്യ പഞ്ചോളിയുടെയും (1965)

ലോകത്തിലെ ആദ്യത്തെ വനിതാ ബഹിരാകാശ  വിനോദ സഞ്ചാരി, ബഹിരാകാശത്തെത്തിയ ആദ്യത്തെ മുസ്ലിം വനിത, ആദ്യ ഇറാൻ വംശജ എന്നീ ബഹുമതികൾ സ്വന്തമാക്കിയ ഇറാനിയൻ-അമേരിക്കൻ  എഞ്ജിനീയറും പ്രോഡിയ സിസ്റ്റംസിന്റെ  സഹ സ്ഥാപകയും ചെയർ പേഴ്സണുമായ അനൗഷെ അൻസാരിയുടെയും (1966),

ഒരു അഡാർ ലൗ  വിലെ   ഉസ്താദ് പി.എം.എ. ജബ്ബാർ  രചിച്ച   മാണിക്യമലരായ പൂവി എന്ന പാട്ടിലെ   പുരികം  കൊണ്ടും   കണ്ണുകൊണ്ടും  ഉള്ള അഭിനയത്തിലൂടെ  പ്രസിദ്ധയായ ഒരു മലയാള നടി പ്രിയ പ്രകാശ് വാര്യരുടെയും (1999),

ഒരുഅമേരിക്കൻ ഗായികയും അഭിനേത്രിയുമായ എമ്മ റോസ്സമ്മിന്റെയും (1986),

 മൂന്ന് പീബോഡി അവാർഡുകൾ, മൂന്ന് ഗ്രാമി അവാർഡുകൾ, ആറ് പ്രൈംടൈം എമ്മി അവാർഡുകൾ,  ഒരു സ്‌ക്രീൻ ആക്ടേഴ്‌സ് ഗിൽഡ് അവാർഡ് തുടങ്ങിയവ ലഭിച്ച ഒരു അമേരിക്കൻ സ്റ്റാൻഡ്-അപ്പ് ഹാസ്യനടനും, ചലച്ചിത്ര അഭിനേ താവും, നിർമ്മാതാവുമായ ലൂയി സി കെ യുടെയും (1967)

ഇന്നത്തെ സ്മരണ !!!
്്്്്്്്്്്്്്്്്്

എ.ഡി. ഹരിശർമ്മ മ. (1893 -1972 )
കെമൊയ്തീൻ കുട്ടി ഹാജി മ.(1918-1997)
സ്വർണ്ണലത മ. (1976-2010)
പള്ളം മാധവൻ  മ. (1928 -2012 )
മല്ലികാർജുൻ മൻസൂർ മ. (1911-1992 )
വിനോദ് റെയ്‌ന മ. ( 2013)
സ്റ്റീവ് ബികോ മ. (1946 - 1977)
നോർമൻ ബോർലോഗ് മ. (1914-2009)
റേ ഡോൾബി മ. (1933-2013)

ആർ. ബാലകൃഷ്ണപിള്ള ജ.(1922 -2013)
ഡോ.കെ.അയ്യപ്പപ്പണിക്കർ ജ. (1930-2006)
വാകയിലച്ചൻ ജ. (1883 -1931 )
കെ.ജി.ചെത്തല്ലൂർ ജ. (1932-2012 )
(പ്രൊഫ. കെ. ഗോപാലകൃഷ്ണൻ)
ഫിറോസ്‌ ഗാന്ധി ജ. (1912-1960)
റോസൻബെർഗ് ജ. (1879 -1947)
ഇറേൻ  ക്യൂറി ജ. (1897-1956 )
ജെസ്സി' ഓവെൻസ്  ജ. (1913-1980) 
പോൾ  വാക്കർ ജ. (1973-2013)

ചരിത്രത്തിൽ ഇന്ന്
്്്്്്്്്്്്്്്്്്്്്

1945 - തിരുവിതാംകൂർ രാജ്യത്തെ ബാങ്കായി ദി ട്രാവൻകൂർ ബാങ്ക് ലിമിറ്റഡ് പ്രവർത്തനമാരംഭിച്ചു.

1959 - സോവിയറ്റ് യൂണിയന്റെ ലൂണ - 2 ചന്ദ്രനിലേക്ക് യാത്രയായി ആദ്യമായാണ് ഒരു പേടകം ചന്ദ്രനിൽ ഇറങ്ങുന്നത്.

1980 - ടർക്കിയിൽ സൈനിക അട്ടിമറി

2011 - ന്യു യോർക്ക് സിറ്റിയിൽ  9/11 മ്യൂസിയം പൊതുജനങ്ങൾക്കായി തുറന്നു.

2013 - ഭക്ഷ്യ സുരക്ഷാ ബിൽ രാഷ്ട്രപതി ഒപ്പിട്ടു.

2013 - വോയേജർ 1 പേടകം നക്ഷത്രാന്തര ബഹിരാകാശത്തേക്ക് പ്രവേശിക്കുന്ന ആദ്യത്തെ മനുഷ്യനിർമിത വസ്തുവായി മാറിയെന്ന് നാസ സ്ഥിരീകരിച്ചു .

2015 - മധ്യപ്രദേശിലെ പട്ടണമായ പെറ്റ്‌ലവാഡിൽ സമീപത്ത് അനധികൃതമായി സൂക്ഷിച്ചിരുന്ന ഖനന ഡിറ്റണേറ്ററുകളിൽ പ്രൊപ്പെയ്ൻ ഉൾപ്പെട്ട സ്ഫോടന പരമ്പരയിൽ 105 പേർ കൊല്ലപ്പെടുകയും 150 - ലധികം പേർക്ക് പരിക്കേൽക്കുകയും ചെയ്തു.

2019 - തെക്കുകിഴക്കൻ ഏഷ്യയിലെ ഏറ്റവും വലിയ സൗരോർജ്ജ ഫാം വിയറ്റ്നാമിൽ ഉദ്ഘാടനം ചെയ്തു. ഹോ ചി മിൻ സിറ്റിയിൽ നിന്ന് 100 കിലോമീറ്റർ അകലെയുള്ള ടെയ് നിൻ പ്രവിശ്യയിൽ 540 ഹെക്ടർ സ്ഥലത്ത് ഇത് സ്ഥിതിചെയ്യുന്നു.

2019 - ചൈന മൂന്ന് ഉപഗ്രഹങ്ങൾ വിജയകരമായി വിക്ഷേപിച്ചു (ഒരു റിസോഴ്സ് സാറ്റലൈറ്റ്- ZY-1 02D, രണ്ട് ചെറിയ ഉപഗ്രഹങ്ങൾ)
്്്്്്്്്്്്്്്്്്്്്‌്‌്‌്‌്‌്‌്‌
ഇന്ന്;
അമ്പതുവർഷക്കാലം മലയാളഭാഷയേയും സാഹിത്യത്തേയും പോഷിപ്പിക്കുന്നതിനു പ്രയത്നിച്ച കൊങ്കിണി മാതൃഭാഷയായിട്ടുള്ള സംസ്‌കൃത പണ്ഡിതനും, സാഹിത്യകാരനും ജീവചരിത്രകാരനുമായിരുന്ന എ.ഡി. ഹരിശർമ്മയെയും  (1893 ഓഗസ്റ്റ് 21-1972 സെപ്റ്റംബർ 12 ),

 പബ്ലിക് അക്കൗണ്ട് കമ്മിറ്റിയുടെ ചെയർമാൻ ,  എസ്റ്റിമേറ്റ് കമ്മിറ്റിയുടെ ചെയർമാൻ, കേരള ആഗ്രൊ ഇൻഡസ്ട്രീസ് കോർപരീഷൻ ലിമിറ്റഡിന്റെ ബോർഡംഗം(തവന്നൂർ), മുസ്ലീം ലീഗ് ഹൈപവർ കമ്മിറ്റിയംഗം, മുസ്ലീൽ ലീഗിന്റെ നിയമസഭാകക്ഷി ഉപനേതാവ്, ചീഫ് വിപ്പ്; മുസ്ലീൽ ലീഗിന്റെ കേരള സംസ്ഥാന ഘടകത്തിന്റെ വൈസ് പ്രസിഡന്റ്, മുസ്ലീൽ ലീഗ് സംസ്ഥാന സമിതിയുടെ ജോയിന്റ് സെക്രട്ടറി ഒന്നും, രണ്ടും, മൂന്നും, നാലും, എട്ടും കേരളനിയമസഭകളിൽ തിരൂർ നിയോജകമണ്ഡലത്തെ പ്രതിനിധീകരിച്ച  രാഷ്ട്രീയ നേതാവ് എന്നി നിലകളിൽ സേവനം അനുഷ്ഠിച്ച കെ. മൊയ്തീൻ കുട്ടി ഹാജിയെയും (1 ജൂലൈ 1918 - 12 സെപ്റ്റംബർ 1997),

കാതലനിലെ "മുക്കാല മുക്കാബുല", രംഗീലയിലെ "ഹേ രാമ" തുടങ്ങിയ ജനപ്രിയഗാനങ്ങൾ അടക്കം തമിഴ്, മലയാളം, തെലുങ്ക്, ഹിന്ദി, ഉറുദുതുടങ്ങിയ ഭാഷകളിൽ ഒട്ടേറെ ഗാനങ്ങൾ പാടിയ പിന്നണി ഗായിക പാലക്കാട്ടുകാരി   സ്വർണ്ണലതയെയും(1976-സെപ്റ്റംബർ 12 2010). 

കലാമണ്ഡലത്തിന്റെ വൈസ് പ്രിൻസിപ്പിളും കഥകളി സംഗീതജ്ഞനും ആയിരുന്ന പള്ളം മാധവനെയും (1928 -2012 സെപ്റ്റംബർ 12),

ബദൽ വിദ്യാഭ്യാസമേഖലയിൽ ശ്രദ്ധേയസംഭാവനകൾ നൽകിയിട്ടുള്ള ഏകലവ്യ എന്ന സംഘടനയ്ക്ക് നേതൃത്ത്വം നൽകുകയും 2009 ലെ വിദ്യാഭ്യാസ അവകാശ നിയമത്തിന്റെ മുഖ്യശില്പികളിലൊരാളും ജനകീയശാസ്ത്രപ്രസ്ഥാനത്തിന്റെ നായകരിലൊരാളുമായിരുന്ന  വിനോദ് റെയ്‌നയെയും (മരണം : 12 സെപ്റ്റംബർ 2013),

ജയ്പൂർ - അത്രൗളി ഘരാനയിലെ പ്രസിദ്ധനായ  ഹിന്ദുസ്ഥാനി ഗായകന്‍ മല്ലികാർജ്ജുൻ ഭീമരായപ്പ മൻസൂർ എന്ന  മല്ലികാർജുൻ മൻസൂറിനെയും  (1911 ജനുവരി 1 -1992 സെപ്റ്റംബര്‍ 12 ),

കറുത്ത വർഗ്ഗക്കാരുടെ ഉന്നമനം ലക്ഷ്യമിട്ടുകൊണ്ട് ബ്ലാക്ക് കോൺഷ്യസ്നസ്സ് മൂവ്മെന്റ് എന്നൊരു പ്രസ്ഥാനം ആരംഭിക്കുകയും, ദക്ഷിണാഫ്രിക്കയിലെ കുപ്രസിദ്ധമായ അപ്പാർത്തീഡ് നിയമത്തിനെതിരേ പോരാടുകയും ചെയ്ത മനുഷ്യാവകാശ പ്രവർത്തകൻ സ്റ്റീഫൻ ബെന്ദു ബികോ എന്ന സ്റ്റീവ് ബികോ യെയും(18 ഡിസംബർ 1946 – 12 സെപ്തംബർ 1977) '

ഇന്ത്യയിലും പാകിസ്താനിലും ഗോതമ്പുപാടങ്ങളിൽ നൂറു മേനി വിളയിച്ച ഹരിത വിപ്ലവത്തിന്റെ പിന്നിൽ പ്രവർത്തിച്ച കൃഷി ശാസ്ത്രജ്ഞനും, 1970ൽ സമാധാനത്തിനുള്ള നോബൽ സമ്മാന ജേതാവും,  ഹരിതവിപ്ലവത്തിന്റെ പിതാവും ആയ  നോർമൻ ബോർലോഗിനെയും (മാർച്ച് 25, 1914 – സെപ്റ്റംബർ 12, 2009)

ശബ്ദവുമായി ബന്ധപ്പെട്ട് സിനിമയിലും സംഗീതത്തിലും ഇന്ന് ഉപയോഗിക്കുന്ന മിക്ക സാങ്കേതിക വിദ്യകളുടെയും പിതാവും, ശബ്ദസാങ്കേതികരംഗത്തെ അതികായനും ശബ്ദസാങ്കേതികരംഗത്ത് വിപ്ലവകരമായ മാറ്റത്തിന് തുടക്കമിട്ട 'ഡോൾബി' ശബ്ദസംവിധാനത്തിന്റെ ഉപജ്ഞാതാവുമായ റേ ഡോൾബിയെയും (January 18, 1933 – September 12, 2013),

കത്തോലിക്കാസഭയിലെ വിശുദ്ധനായി പ്രഖ്യാപിക്കുന്നതിനുള്ള ആദ്യപടിയായ ദൈവദാസനായി പ്രഖ്യാപിച്ച ജോർജ് വാകയിൽ എന്ന വാകയിലച്ചനെയും (1883 സെപ്റ്റംബർ 12 -1931 നവംബർ 4),
cntd …

സി.പി.ഐ.യുടെ തിരുവനന്തപുരം ജില്ലാക്കമറ്റിയംഗവും, നിരവധി തൊഴിൽ സമരങ്ങളിൽ നേതൃത്വം നൽകുകയും, ഒന്നാം കേരളാ നിയമസഭയിൽ ആര്യനാട് നിയോജകമണ്ഡലത്തെ അവിഭക്ത കമ്മ്യൂണിസ്റ്റുകാരനായി പ്രതിനിധീകരിക്കുകയും, പിന്നീട് കോൺഗ്രസ്സിൽ ചേരുകയും, .ബ്ലോക്ക് കോൺഗ്രസ് പ്രസിഡന്റ്, ഡി.സി.സി. അംഗം എന്നീ നിലകളിൽ പ്രവർത്തിക്കുകയും ആർ. ബാലകൃഷ്ണപിള്ളയെയും(12 സെപ്റ്റംബർ 1922 - 13 നവംബർ 2013),

ആധുനികതയെ മലയാള സാഹിത്യലോകത്തിനു പരിചയപ്പെടുത്തിക്കൊടുത്ത പ്രഗല്ഭനായ കവിയും, നാടകം, ചിത്രരചന, സിനിമ തുടങ്ങിയ മാധ്യമങ്ങളിൽ സാന്നിധ്യമറിയിക്കുകയും ചെയ് സാഹിത്യ സൈദ്ധാന്തികൻ ഡോ. കെ. അയ്യപ്പപ്പണിക്കരെയും ( സെപ്റ്റംബർ 12, 1930 - ഓഗസ്റ്റ്‌ 23, 2006),

മലബാർ ക്രിസ്‌ത്യൻ കോളേജിലും ശ്രീശങ്കരാചാര്യ സംസ്‌കൃത യൂനിവേഴ്‌സിറ്റിയിലും അധ്യാപകനും, കേരളസാഹിത്യസമിതിയുടെ ജനറൽ സെക്രട്ടറിയും, വളളത്തോൾ വിദ്യാപീഠത്തിന്റെ ജോയിന്റ്‌ സെക്രട്ടറിയും, കവനകൗമുദി മാസിക മാനേജിങ് എഡിറ്ററും,  നാലുകൊല്ലത്തോളം കോഴിക്കോട് പൂർണ പബ്ലിക്കേഷൻസ് എഡിറ്ററും മാനേജരും ആയിരുന്ന മലയാള സാഹിത്യകാരനും പ്രഭാഷകനുമായ കെ.ജി.ചെത്തല്ലൂർ എന്ന  കെ. ഗോപാലകൃഷ്ണനെയും ( സെപ്റ്റമ്പർ 12, 1932-2012 മേയ് 31 )

ദി നാഷണൽ ഹെറാൾഡ്, ദി നവജിവൻ എന്നീ പത്രങ്ങൾ പ്രസിദ്ധീകരിച്ചിരുന്ന പത്രപ്രവത്തകനും ഇന്ത്യൻ രാഷ്ട്രീയ പ്രവർത്തകനും, സ്വാതന്ത്ര്യസമര സേനാനിയും 1950 നും 1952 നും ഇടയിൽ പ്രവിശ്യാ പാർലമെന്റ് അംഗമായും പിന്നീട് ലോക്സാംഗവുമായും മുൻ ഇന്ത്യൻ പ്രധാനമന്ത്രി ഇന്ദിരാഗാന്ധിയുടെ ഭർത്താവും മുൻ പ്രധാനമന്ത്രി രാജീവ്ഗാന്ധിയുടെ പിതാവും കൂടിയായിരുന്ന ഫിറോസ് ഗാന്ധി എന്ന  ഫിറോസ് ജഹാംഗീറിനേയും (ജ. 12 സെപ്റ്റംബർ 1912 - 8 സെപ്റ്റംബർ 1960),

കലാ ചരിത്രകാരനും, കലാവസ്തുക്കൾ ശേഖരിക്കുന്നയാളും, പ്രസാധകനും, 20ആം നൂറ്റാണ്ടിലെ ഫ്രെഞ്ച് ചിത്രവിൽപ്പനക്കാരിൽ ആവേശമുണർത്തിയതിലെ പ്രധാന വ്യക്തിയും ആയിരുന്ന ലിയോൻസ് റോസൻബെർഗിനെയും (1879 സെപ്റ്റംബർ 12  - 1947 ജൂലൈ 31),

നോബൽ സമ്മാന ജേതാക്കളായ മേരി ക്യൂറിയുടേയുംപിയറി ക്യൂറിയുടേയും മകളും 1935-ലെ രസതന്ത്രത്തിനുളള നോബൽ പുരസ്കാരം  സഹപ്രവർത്തകനും ഭർത്താവുമായ ഫ്രെഡെറിക് ജോലിയോ ക്യൂറിക്കൊപ്പം പങ്കു വെച്ച ഫ്രഞ്ച് ശാസ്ത്രജ്ഞ ഇറേൻ ജോലിയോ ക്യൂറിയെയും (1897സെപ്റ്റംബർ 12 -1956, മാർച്ച് 17 ),

1936-ൽ ജർമനിയിലെ ബർലിൻ ഒളിമ്പിക്സിൽ . 100 മീറ്റർ, 200 മീറ്റർ,ലോങ് ജമ്പ്, 4x100 മീറ്റർ റിലേ  എന്നി ഇനങ്ങളിൽ നാല്‌ സ്വർ‌ണ്ണമെഡലുകൾ കരസ്ഥമാക്കുക വഴി ലോകപ്രശസ്തനായ അമേരിക്കൻ ട്രാക്ക് ആൻഡ് ഫീൽഡ് കായികതാരം ജെയിംസ് ക്ലീവ്ലാൻഡ് 'ജെസ്സി' ഓവെൻസിനെയും (സെപ്റ്റംബർ 12, 1913 – മാർച്ച് 31, 1980),

വാഴ്സിറ്റി ബ്ലൂസ്,  എയ്റ്റ് ബിലോ, ഇൻടു ദ ബ്ലൂ, ഷീ'സ് ഓൾ ദാറ്റ്, ടേക്കേഴ്സ് തുടങ്ങിയ ചലച്ചിത്രങ്ങളിലും, ഫാസ്റ്റ് ആൻഡ് ദ ഫ്യൂരിയസ് ചലച്ചിത്രപരമ്പരയിലെ ബ്രയാൻ ഒ'കോണർ (Brian O'Conner) എന്ന കഥാപാത്രത്തിലൂടെ പ്രശസ്തനാകുകയും കാലിഫോർണിയയിലെ വലൻസിയയിൽ വെച്ചുണ്ടായ കാറപകടത്തിൽ കൊല്ലപ്പെടുകയും ചെയ്ത അമേരിക്കൻ അഭിനേതാവ് പോൾ വില്ല്യം വാക്കറെയും (1973 സെപ്റ്റംബർ 12 - 2013 നവംബർ 30) ഓർമ്മിക്കാം.

' ടീം തത്ത്വമസി - ജ്യോതിർഗ്ഗമയ