ഇന്ന് ഡിസംബര്‍ 6 : ബാബറി മസ്ജിദ് തകർത്ത ദിനം ! നിരുപമ റാവുവിന്റെയും രവീന്ദ്ര ജഡേജയുടെയും ശേഖർ കപൂറിന്റെയും ജന്മദിനം: സെന്റ് നിക്കോളാസ് അന്തരിച്ചതും അമേരിക്കയിൽ അടിമത്തം നിരോധിച്ച ഭരണഘടനാ ഭേദഗതി നിലവിൽ വന്നതും ഇതേ ദിനം തന്നെ : ചരിത്രത്തില്‍ ഇന്ന്

.   ചരിത്രത്തിൽ ഇന്ന് , വർത്തമാനവും …  
    **************

.                  ' JYOTHIRGAMAYA '
.                 ്്്്്്്്്്്്്്്്
.                 🌅ജ്യോതിർഗ്ഗമയ🌅

കൊല്ലവർഷം 1201
വൃശ്ചികം 20
തിരുവാതിര / ദ്വിതീയ
2025 ഡിസംബർ 6, 
ശനി

ഇന്ന്;
 
* ബാബറി മസ്ജിദ് തകർത്ത ദിനം!

*ലോക പിയർ  ദിനം![ലോക പിയർ ദിനം ലോകമെമ്പാടുമുള്ള പഴപ്രേമികൾക്ക് രുചിയുടെയും ആനന്ദത്തിന്റെയും ഒരു പ്രവാഹം നൽകുന്നു. ഈ ആഗോള ആഘോഷം പിയറിന്റെ മധുരമുള്ള മനോഹാരിതയും ലോകമെമ്പാടുമുള്ള അടുക്കളകളിൽ അതിനുള്ള സ്ഥാനവും എടുത്തുകാണിക്കുന്നു. ]

*  സെന്റ് നിക്കോളാസ് ദിനം ![St Nicholas Day  ; കിഴക്കൻ ക്രിസ്ത്യൻ രാജ്യങ്ങളിൽ ഇത് ഡിസംബർ 19 നാണ് ആഘോഷിക്കുന്നതെങ്കിലും പടിഞ്ഞാറൻ രാജ്യങ്ങളിൽ സെൻ്റ് നിക്കോളാസ് ദിനം ഡിസംബർ 6 നാണ ആചരിക്കുന്നത്. അമേരിയ്ക്കൻ / ബ്രിട്ടീഷ് സാന്താക്ലോസാണ് ശരിയ്ക്കു പറഞ്ഞാൽ ഈ സെൻ്റ് നിക്കോളാസ്.   സാന്താക്ലാസ് ക്രിസ്മസ് ദിനത്തിൽ സമ്മാനങ്ങൾ നൽകുന്നതിനായി വീടുതോറും വരുന്നു എന്നതാണ് ബ്രിട്ടീഷ്/അമേരിയ്ക്കൻ വിശ്വാസം, എന്നാൽ ഈ സെൻ്റ് നിക്കോളാസ് വിശുദ്ധൻ 6-ാം തീയതി സമ്മാനങ്ങൾ നൽകുന്നതിനായി വീടുതോറും വരുന്നു എന്ന വ്യത്യാസം മാത്രമെ ഇവ തമ്മിലുള്ളു. ]

* ദേശീയ മൈക്രോവേവ് ഓവൻ ദിനം !  [National Microwave Oven Day;-ലോകമെമ്പാടുമുള്ള അടുക്കളകളെ മാറ്റിമറിച്ച അവിശ്വസനീയമായ ഉപകരണത്തെ ദേശീയ മൈക്രോവേവ് ഓവൻ ദിനം ആഘോഷിക്കുന്നു.
പാചകം വേഗത്തിലും സൗകര്യപ്രദവുമാക്കുന്നതിൽ മൈക്രോവേവിന്റെ പങ്ക് ഈ ദിവസം എടുത്തുകാണിക്കുന്നു. ]

* ദേശീയ ഖനിത്തൊഴിലാളി ദിനം ![National Miners’ Day -ഭൂമിയിൽ കുഴിക്കാൻ ദിവസവും ചെലവഴിക്കുന്ന പുരുഷന്മാരും സ്ത്രീകളും വ്യവസായത്തിന്റെയും ആധുനിക നാഗരികതയുടെയും ഏറ്റവും വലിയ വാഴ്ത്തപ്പെടാത്ത വീരന്മാരിൽ ചിലരാണ്. അവരെ ആദരിക്കാം ]

*ക്രാറ്റ് ഡേ![ന്യൂസിലാൻഡിൽ ക്രേറ്റ് ഡേ എന്നത് സജീവവും പ്രിയപ്പെട്ടതുമായ ഒരു പരിപാടിയാണ്, ഇത് ആളുകളെ ഒരുമിച്ച് കൊണ്ടുവന്ന് ബിയർ പെട്ടികൾക്കൊപ്പം ആഘോഷിക്കുന്നു. ]

* ദേശീയ പണമിടപാടുകാരുടെ ദിനം ! [National Pawnbrokers Day ; പണയത്തിന് പണം കടം കൊടുക്കുന്ന ജോലി ചെയ്യുന്നവർക്കും ഒരു ദിവസം. ] ആയിരക്കണക്കിന് വർഷങ്ങളായി  ഗ്രീക്ക്, റോമൻ സാമ്രാജ്യങ്ങളിലും പുരാതന ചൈനയിലും നടന്നുവന്നിരുന്ന ഒരു ജോലിയാണ് പണയ പ്രവൃത്തി. പണയം എന്നർത്ഥം വരുന്ന പിഗ്നസ് എന്ന ലാറ്റിൻ വാക്കിൽ നിന്നാണ് പൌൺ എന്ന വാക്ക് ഉരുത്തിരിഞ്ഞത്.  മൈറയിലെ സെന്റ് നിക്കോളാസ് എന്ന ഒരു  രക്ഷാധികാരി പോലും ഇവർക്ക് ഉണ്ട്, എല്ലാ വർഷവും ആ വിശുദ്ധന്റെ ദിനത്തിൽ പണയം വയ്ക്കുന്നവരുടെ ദിനം ആചരിക്കുന്നു. ]

* നിങ്ങളുടെ സ്വന്തം ഷൂസ് ധരിക്കാനുള്ള ദിനം [Put On Your Own Shoes Day; യുവാക്കളേ, നേരെ എഴുന്നേൽക്കുക!  നിങ്ങളുടെ സ്വന്തം ഷൂലേസുകൾ കെട്ടുന്നതിനുള്ള  കല പഠിക്കാനുള്ള സമയമാണിത്.  ലൂപ്പ്, സ്വൂപ്പ്, വലിക്കുക!]

* മിറ്റൻ ട്രീ ദിനം ! [Mitten Tree Day ; കുട്ടികൾ സ്‌കൂളിൽ പഠിക്കുമ്പോൾ ക്രിസ്‌മസ്‌സമയത്ത് രസകരമായ ഒരു ആക്‌റ്റിവിറ്റി നടത്താനുള്ള  മാർഗമായി സ്‌കൂൾ അധ്യാപകർ സൃഷ്‌ടിച്ചത്.  എഴുത്തുകാരിയായ കാൻഡസ് ക്രിസ്റ്റ്യൻസെൻ എഴുതിയ "ദ മിറ്റൻ ട്രീ" എന്ന തലക്കെട്ടുള്ള ഒരു പുസ്തകം കാരണമാണ് ഈ ദിനം സൃഷ്ടിച്ചതെന്ന് ചിലർ അവകാശപ്പെടുന്നു, പ്രധാന കഥാപാത്രമായ സാറ ശൈത്യകാലത്ത് നടക്കാനും  ട്രെക്കിംഗിനും കൂട്ടുകൂടുന്നു.  ഒരു ചെറിയ ചത്ത മരത്തിൽ ഒരു കൂട്ടം കുട്ടികൾ തങ്ങളുടെ കൈത്തണ്ട വയ്ക്കുന്നത് അവൾ കാണുന്നു.]

*ദേശീയ ഗാസ്പാച്ചോ ദിനം [National Gazpacho Day ; പഴുത്ത തക്കാളി, കുരുമുളക്, വെളുത്തുള്ളി എന്നിവയുടെ ശീതീകരിച്ച സൂപ്പിനൊപ്പം സ്പെയിനിന്റെ ഒരു രുചി; ചൂടിനെ തോൽപ്പിക്കാനും രുചി മുകുളങ്ങളെ ആവേശഭരിതരാക്കാനും അനുയോജ്യമാണ്.]

* പരശുരാമ ജയന്തി !

* അംബേദ്കർ മഹാപരിനിർവാൺ ദിനം!

ഉക്രെയ്ൻ: സശസ്ത്ര സേന ദിനം!
* സ്പെയ്ൻ : ഭരണഘടന ദിനം!
* ഫിൻലാൻഡ്: സ്വാതന്ത്ര്യ ദിനം!
* കാനഡ: സ്ത്രീകൾക്ക് നേരെയുള്ള   അതിക്രമങ്ങൾ ചെറുക്കാൻ ഓർമ്മപ്പെടുത്തൽ ദിനം!
* അസർബൈജൻ: വാർത്ത വിനിമയ   വിവര സാങ്കേതിക മന്ത്രാലയ ദിനം

.       ഇന്നത്തെ മൊഴിമുത്ത്
.       ്്്്്്്്്്്്്്്്്്്്
''ഒരു പുരുഷൻ വിദ്യാഭ്യാസം നേടുമ്പോൾ അയാളുടെ കുടുംബം വികസിക്കുന്നു.
എന്നാൽ ഒരു സ്ത്രീ വിദ്യാഭ്യാസം നേടുമ്പോഴാകട്ടേ ഒരു രാജ്യം വികസിക്കുന്നു''

           [ - അംബേദ്കര്‍ ]
 **********
ഇന്നത്തെ പിറന്നാളുകാർ
******

ഇന്ത്യയുടെ മുൻ ചൈനീസ് അംബാസഡറും, ശ്രീലങ്കയിലെ  ഇന്ത്യൻ മുൻ പ്രതിനിധിയും, മുൻ വിദേശകാര്യ സെക്രട്ടറിയും ആഭ്യന്തര മന്ത്രാലയത്തിനു കീഴിൽ മുൻജോയിന്റ് സെക്രട്ടറിയും, മുൻ വിദേശകാര്യ വക്താവും എഴുത്തുകാരിയും ഗായികയും മലയാളിയുമായ നിരുപമ റാവുവിന്റെയും  (1950),   

ദേവാനന്ദിന്റെ സഹോദരിയുടെ മകനും, ചമ്പൽ കൊള്ളക്കാരി യായിരുന്ന ഫൂലൻ ദേവിയുടെ  ജീവിതത്തെ ആസ്പദമാക്കി 1994-ൽ നിർമ്മിച്ച ‘ബാൻഡിറ്റ് ക്വീൻ’, എലിസബത്ത് 1 രാജ്ഞിയുടെ ജീവിതത്തെ ആസ്പദമാക്കി സംവിധാനം ചെയ്ത ‘’എലിസബത്ത്’’ (1998), ‘’ ’എലിസബത്ത്’’: ദി ഗോൾഡൻ ഏജ്’’(2007) തുടങ്ങിയ ചിത്രങ്ങളിലൂടെ അന്തഃരാഷ്ട പ്രശസ്തി നേടിയ ശേഖർ കപൂറിന്റെയും (1945),

ഇടം കൈയ്യൻ മദ്ധ്യനിര ബാറ്റ്സ്മാനും. ഇടംകൈയ്യൻ സ്ലോ ബോളറുമായ രവീന്ദ്ര ജഡേജയുടെയും (1988),

മീഡിയം ഫാസ്റ്റ് ബൗളറായ രുദ്രപ്രതാപ് സിംഗ്‌  എന്ന ആർ.പി സിംഗിന്റേയും (1985),

ഹിന്ദി ചലച്ചിത്രസംവിധായകനും തിരക്കഥാകൃത്തും നിർമ്മാതാവുമായ   വിക്രമാദിത്യ മോട്‌വാനെയുടെയും (1976),

അൾജീരിയൻ വംശജയായ ഫ്രഞ്ച് നടി സബ്രീന  ഔസാനിയുടെയും (1988),

ഇന്ത്യൻ ക്രിക്കറ്റ് ടീമിന് വേണ്ടി കളിയുടെ എല്ലാ ഫോർമാറ്റുകളിലും കളിക്കുന്ന ഒരു ഇന്ത്യൻ അന്തഃരാഷ്ട ക്രിക്കറ്റ് കളിക്കാരനായ ജസ്പ്രീത് ജസ്ബീർ സിംഗ് ബുംറയുടെയും (1993)ജന്മദിനം !

******
ഇന്ന് ജന്മദിനമാചരിയ്ക്കേണ്ടഇപ്പോൾ നമ്മോടൊപ്പമില്ലാത്ത നമ്മുടെ പ്രമുഖരായ പൂർവ്വികരിൽ ചിലർ
*******
ഡോ. ചുമ്മാർ ചൂണ്ടൽ ജ. (1940-1994)
മാലി(വി മാധവൻ നായർ) ജ.(1915-1994)
ഫ്രീഡ്റിക്മാക്സ് മുള്ളർ ജ. (1823 -1900).
വാറൻ ഹേസ്റ്റിംഗ്സ്സ്  ജ. (1732-1818) 
ആൽഫ്രഡ്‌  കിൽമർ ജ. (1886-1918)
ജോസഫ് ലൂയിസ് ലേ ഗസാക്ക് ജ. (1778-1850)
ഹെൻറിക് സിമ്മർ ജ. (1890-1943)

അമ്മായിപ്പഞ്ചതന്ത്രം, വിരുതൻ ശങ്കു എന്നീ കൃതികളിലൂടെ പ്രസിദ്ധനായിത്തീർന്ന മലയാള സാഹിത്യകാരന്‍ കാരാട്ട് അച്യുതമേനോനെയും (1866 ഡിസംബര്‍ 6 - 1913 ഒക്ടോബർ 3), 
ഫോക്ക്‌ നാടകം എന്ന വിഷയത്തില്‍ ആഴത്തില്‍ ഇറങ്ങിപഠനം നടത്തിയ കേരളത്തിലെ നാടൻകലാ ഗവേഷകനായിരുന്ന ഡോ. ചുമ്മാർ ചൂണ്ടൽ (1940 ഡിസംബര്‍ 6 - 1994 ഏപ്രില്‍ 5), 

കുട്ടികൾക്കായി പല ചെറുകഥകളും നോവലുകളും രചിച്ച പ്രശസ്തനായ ബാലസാഹിത്യകാരന്‍ മാലി എന്ന തൂലികാ നാമത്തിൽ അറിയപ്പെട്ടിരുന്ന വി. മാധവൻ നായർ ( 1915 ഡിസംബര്‍ 6 - 1994 ജൂലൈ 2),

ജലത്തിന്റെ അളവ് അനുസരിച്ച് രണ്ട് ഭാഗങ്ങൾ ഹൈഡ്രജനും ഒരു ഭാഗം ഓക്സിജനും ചേർന്നാണ് ജലം നിർമ്മിച്ചിരിക്കുന്നത് എന്ന കണ്ടെത്തലിന് അറിയപ്പെടുന്ന ഫ്രഞ്ച് രസതന്ത്രജ്ഞനും, ഭൗതിക ശാസ്ത്രജ്ഞനുമായിരുന്ന  ജോസഫ് ലൂയിസ് ഗേ-ലുസാക്ക് (6 ഡിസംബർ 1778 – 9 മെയ് 1850)

ബ്രിട്ടിഷ് ഇന്ത്യയിലെ ആദ്യത്തെ ബംഗാൾ ഗവർണർ ജനറലായിരുന്ന വാറൻ ഹേസ്റ്റിംഗ്സ് (6 ഡിസംബർ 1732 – 22 ഓഗസ്റ്റ്‌1818) 

പാശ്ചാത്യലോകത്ത് പൌരസ്ത്യ തത്ത്വചിന്തയെക്കുറിച്ചും ഭാരതത്തെക്കുറിച്ചുമുള്ള പഠനങ്ങൾക്ക് തുടക്കമിട്ട വ്യക്തിയെന്ന നിലയിലും ഋഗ്വേദത്തിന്റെ സംസ്കൃത വ്യാഖ്യാനവും പഠനങ്ങളും ഏറെ പ്രശസ്തനാക്കുകയും നവീന യൂറോപ്യൻ ഭാഷകൾക്കായുള്ള പ്രൊഫസ്സറായി ഓക്സ് ഫോഡ് സർവ്വകലാശാലയിൽ പ്രവർത്തിക്കുകയും ചെയ്ത ലോകപ്രശസ്തനായ ഭാഷാതത്ത്വജ്ഞനും, പൗരസ്ത്യപൈതൃക ഗവേഷകനും  ജർമൻകാരനായിരുന്ന മാക്സ് മുള്ളർ എന്നറിയപ്പെട്ടിരുന്ന 'ഫ്രീഡ്റിക് മാക്സ് മുള്ളർ (ഡിസംബർ 6, 1823 - 1900 ഒക്ടോബർ 28,). 

ഒരു അമേരിക്കൻ എഴുത്തുകാരൻ , കവി,പത്രപ്രവർത്തകൻ, സാഹിത്യ നിരൂപകൻ, പ്രഭാഷകൻ, എഡിറ്റർ എന്നി നിലയിൽ അറിയപ്പെട്ടിരുന്നആൽഫ്രഡ് ജോയ്‌സ് കിൽമർ (ഡിസംബർ 6, 1886 - ജൂലൈ 30, 1918) 

മാക്സ്മുള്ളർക്ക് ശേഷം ഭാരതീയ തത്വചിന്തയിൽ പാശ്ചാത്യനാടുകളിൽ ഏറെ അറിയപ്പെട്ട പൗരസ്ത്യപൈതൃക ഗവേഷകനും കലാചരിത്രകാരനുമായിരുന്ന ഹെൻറീക് സിമ്മർ
 (6- ഡിസംബർ1890 – 20 മാർച്ച് 1943) 

സ്മരണാഞ്ജലി !!!
്്്്്്്്്്്്്

പി.കെ. മന്ത്രി മ. (1933-1984)
ഡോ. ഭീംറാവു അംബേദ്കർ മ. (1891-1956) 
തുങ്കു അബ്ദുൽ റഹ്മാൻ മ. (1903-1990 )
ബീന റായ് മ. (1931-2009)
ഏണസ്റ്റ് വെർണർ സീമെൻസ് മ. (1816-2892)
സി.വി. ദേവൻ നായർ മ. (1923-2005) 
ഫ്രാൻസ് ഫാനൻ മ. (1925-1961)

പ്രശസ്ത  കാർട്ടൂണിസ്റ്റ് പി.കെ. മന്ത്രികുമാരൻ എന്ന പി.കെ. മന്ത്രി (1933മെയ് 31-1984 ഡിസംബർ 6),

ഇന്ത്യൻ ഭരണഘടനയുടെ മുഖ്യ ശില്പിയും ഒരു ബുദ്ധമത നവോത്ഥാന നായകനും ഇന്ത്യൻ നിയമജ്ഞനും പണ്ഡിതനും        അധഃസ്ഥിതരുടെ രാഷ്ട്രീയ നേതാവുമായിരുന്ന ഡോ. ഭീംറാവു അംബേദ്കർ (ഏപ്രിൽ 14, 1891 — ഡിസംബർ 6, 1956) 

ഹിന്ദി സിനിമയുടെ ബ്ലാക്ക് ആൻഡ് വൈറ്റ് കാലഘട്ടത്തിലെ അനാർക്കലി (1953), ഘുൻഘട്ട് (1960), താജ്മഹൽ (1963) തുടങ്ങിയ ക്ലാസിക്കുകളിലെ വേഷങ്ങളിലൂടെ കൂടുതൽ അറിയപ്പെടുകയും,ഘുൻഘട്ടിലെ അഭിനയത്തിന് മികച്ച നടിക്കുള്ള ഫിലിംഫെയർ അവാർഡും നേടുകയും ചെയ്ത ചലച്ചിത്ര നടിയായിരുന്ന ബീന റായ് (13 ജൂലൈ 1931 - 6 ഡിസംബർ 2009),

വൈദ്യുത ചാലകതയുടെ  യൂണിറ്റായി അംഗീകരിക്കപ്പെട്ട , പേരുള്ള ,ഇലക്ട്രിക്കൽ വ്യവസായത്തിന്റെ അടിത്തറയിട്ട ഇലക്ട്രിക്കൽ & ടെലികമ്മ്യൂണിക്കേഷൻ കമ്പനിയായ 'സീമെൻസ് ' സ്ഥാപിക്കുകയും ഇലക്ട്രിക് ട്രാം , ട്രോളി ബസ് , ഇലക്ട്രിക് ലോക്കോമോട്ടീവ് , ഇലക്ട്രിക് എലിവേറ്റർ എന്നിവ കണ്ടുപിടിക്കുകയും ചെയ്ത ഇലക്ട്രിക്കൽ എഞ്ചിനീയറും, വ്യവസായിയുമായിരുന്ന ഏണസ്റ്റ് വെർണർ സീമെൻസ് ( ഡിസംബർ 13 1816 -1892 ഡിസംബർ 6)

യുണൈറ്റഡ് മലേയ് നാഷണൽ ഓർഗനൈസേഷൻ (UMNO) രൂപവത്കരണത്തിലും പ്രവർത്തനത്തിലും പ്രധാനമായ പങ്കു വഹിക്കുകയും, 1952-ൽ ആ സംഘടനയുടെ പ്രസിഡന്റായും മലയൻ ഫെഡറൽ ഭരണ നിർവഹണ സമിതിയിലും നിയമ സഭയിലും അംഗമായും തെരഞ്ഞെടുക്കപ്പെടുകയും,  പിന്നീട്  മലയേഷ്യയുടെ ആദ്യത്തെ പ്രധാനമന്ത്രിയാകുകയും  ചെയ്ത തുങ്കു അബ്ദുൽ റഹ്മാൻ (1903  ഫെബ്രുവരി 8 -1990 ഡിസംബർ 6 ),

സിംഗപ്പൂരിലെ മൂന്നാമത്തെ രാഷ്ട്രപതിയായിരുന്ന സി.വി. ദേവൻ നായർ(ഓഗസ്റ്റ് 5, 1923 - ഡിസംബർ 6, 2005), 

അപകോളനീകരണത്തെക്കുറിച്ചും കോളനീകരണത്തിന്റെ മനഃശാസ്ത്രത്തെ കുറിച്ചും ഏറെ ചിന്തിച്ച വിപ്ലവകാരിയും,  അപകോളനീകരണ പ്രസ്ഥാനത്തിന്റെ ബൈബിൾ  എന്നറിയപ്പെടുന്ന   ഭൂമിയിലെ പതിതർ എന്ന വിഖ്യാത ഗ്രന്ഥത്തിന്റെ കർത്താവും, കറുത്ത വർഗക്കാരനായ മനഃശാസ്ത്രജ്ഞനും സാമൂഹ്യ ചിന്തകനുമായിരുന്ന ഫ്രാൻസ് ഫാനൻ  (ജൂലൈ 20, 1925-1961 ഡിസംബർ 6 ),

ചരിത്രത്തിൽ ഇന്ന്…
്്്്്്്്്്്്്്്്്്
343 - ക്രിസ്മസ് പാപ്പയെന്നും സാന്താക്ലോസ് അപ്പൂപ്പനെന്നും വിളിക്കപ്പെടുന്ന ഏഷ്യാമൈനറിലെ ബിഷപ്പായ സെന്റ് നിക്കോളാസ് അന്തരിച്ചു.

1704 -  ഗുരു ഗോവിന്ദ് സിങ്ങിന്റെ നേതൃത്വത്തിലുള്ള സിഖ് ഖൽസയും ഔറംഗസീബിന്റെ മുഗൾ സൈന്യവും തമ്മിൽ 'ചാംകൗർ' യുദ്ധം നടന്നു. മുഗൾ രാജാവിന്റെ വഞ്ചനയ്ക്ക് ശേഷം, 40 സിഖുകാർ ആയിരക്കണക്കിന് മുഗൾ സൈനികർക്കെതിരെ നിലയുറപ്പിച്ചു, ഗുരു ഗോവിന്ദ് സിംഗിനെ സുരക്ഷിതമായി രക്ഷപ്പെടാൻ അനുവദിച്ചു.

1768 - എൻസൈക്ലോപ്പീഡിയ ബ്രിട്ടാനിക്കയുടെ ആദ്യ എഡിഷൻ പുറത്തിറങ്ങി.

1849 - വിപ്ലവകാരിയായ ആഫ്രിക്കൻ-അമേരിക്കൻ ആക്ടിവിസ്റ്റും ഉന്മൂലനവാദിയുമായ ഹാരിയറ്റ് ടബ്മാൻ രണ്ടാമത്തേതും അവസാനത്തേതുമായ അടിമത്തത്തിൽ നിന്ന് രക്ഷപ്പെട്ടു.

1865 - അമേരിക്കയിൽ അടിമത്തം നിരോധിച്ച ഭരണഘടനാ ഭേദഗതി നിലവിൽ വന്നു.

1877 - തോമസ് ആൽവ എഡിസന്റെ റിക്കാർഡറിൽ നിന്ന് ലോകത്തിലെ ആദ്യത്തെ ശബ്ദലേഖനം നടത്തിയ ഗാനം മുഴങ്ങി. മേരി ഹാഡ് എ ലിറ്റൽ ലാംമ്പ് എന്ന ഗാനമാണത്

1897 - ലണ്ടനിൽ മോട്ടോർ കൊണ്ട് ഓടുന്ന ടാക്സികൾ നിരത്തിലിറങ്ങി.

1917 -  ബോൾഷെവിക് വിപ്ലവത്തിന്റെ സംഭവങ്ങളെത്തുടർന്ന്  ഫിൻലാൻഡ് റഷ്യയിൽ നിന്ന് സ്വതന്ത്രമായി സ്വയം പ്രഖ്യാപിച്ചു.

1921-ൽ ആംഗ്ലോ-ഐറിഷ് ഉടമ്പടി ഒപ്പുവച്ചു. വിഭജനം വടക്കൻ അയർലണ്ടിനെ സൃഷ്ടിച്ചപ്പോൾ അയർലണ്ടിന് ആധിപത്യ പദവി ലഭിച്ചു. യുണൈറ്റഡ് കിംഗ്ഡത്തിൽ നിന്ന് വേർപിരിഞ്ഞ് ഒരു വർഷത്തിനുശേഷം, ഐറിഷ് ഫ്രീ സ്റ്റേറ്റ് സൃഷ്ടിക്കപ്പെട്ടു.

1922- ബ്രിട്ടിഷ് മേൽക്കോയ്മയിൽ ഐറിഷ് രാജ്യം നിലവിൽ വന്നു.

1946 - ഭരണഘടനാ നിർമാണ സഭ നിലവിൽ വന്നു.

1952 - കേരളത്തിൽ കമ്യൂണിസ്റ്റ് പാർട്ടിയുടെ വളർച്ചയിൽ നാഴികക്കല്ലായ കെ.പി.എ.സിയുടെ  നാടകം 'നിങ്ങളെന്നെ കമ്യൂണിസ്റ്റാക്കി' ചവറയിൽ ആദ്യമായ് വേദിയിൽ അവതരിപ്പിച്ചു.

1956-ൽ, മെൽബൺ ഒളിമ്പിക്‌സ് ഫീൽഡ് ഹോക്കി ഫൈനലിൽ ഇന്ത്യ 1-0ന് കടുത്ത എതിരാളിയായ പാകിസ്ഥാനെ തോൽപ്പിച്ചപ്പോൾ രൺധീർ സിംഗ് ജെന്റിൽ ഒരു നിർണായക ഗോൾ നേടി തുടർച്ചയായ ആറാം സ്വർണ്ണം നേടി.

1958 - ലോകത്തിലെ ഏറ്റവും ദൈർഘ്യമേറിയതും നിർണായകവുമായ തുരങ്കങ്ങളിലൊന്നായ മോണ്ട് ബ്ലാങ്ക് ടണലിന്റെ നിർമ്മാണം ഇറ്റലിയിൽ ആരംഭിച്ചു.

1967 - ഡോ. ക്യസ്ത്യൻ ബർനാർഡ് ആദ്യമായ് ഹൃദയം മാറ്റി വക്കൽ ശസ്ത്രക്രിയ നടത്തി 3 ദിവസത്തിനകം അമേരിക്കയിലെ ബ്രൂക്ക്ലിനിൽ ഡോ. Adrian Kanchoutiz ആദ്യമായി കുട്ടികളുടെ ഹൃദയം മാറ്റി വക്കൽ ശസ്ത്രക്രിയ നടത്തി.

1969 - ദി റോളിംഗ് സ്റ്റോൺസ് തലക്കെട്ടിൽ സംഘടിപ്പിച്ച ആൾട്ടമോണ്ട് സൗജന്യ സംഗീതക്കച്ചേരിയിൽ 300,000 ആരാധകർ പങ്കെടുത്തു. അക്രമം, തീവെപ്പ്, അടിയേറ്റ് ഓടൽ എന്നിവയാൽ നിറഞ്ഞതായിരുന്നു പരിപാടി, അതിന്റെ ഫലമായി നാല് മരണങ്ങൾ ഉണ്ടായി.

1971 - ഇന്ത്യ ബംഗ്ലാദേശിനെ അംഗീകരിച്ചതിനെത്തുടർന്ന് പാകിസ്താൻ നയതന്ത്ര ബന്ധം വിച്ഛേദിച്ചു.

1981- ഡോ Z A കാസിമിന്റെ നേതൃത്വത്തിലുള്ള പര്യവേക്ഷണ സംഘം അന്റാർട്ടിക്കയിലേക്ക് പുറപ്പെട്ടു.

1990-ൽ ഇറാഖി സ്വേച്ഛാധിപതിയും പ്രസിഡന്റുമായ സദ്ദാം ഹുസൈൻ യുദ്ധം ഒഴിവാക്കാൻ ഇറാഖിലെയും കുവൈത്തിലെയും വിദേശ ബന്ദികളെ മോചിപ്പിക്കുന്നതായി പ്രഖ്യാപിച്ചു.

1992-ൽ അയോധ്യയിലെ ശ്രീരാമന്റെ ജന്മസ്ഥലമെന്ന് വിശ്വസിക്കപ്പെടുന്ന തർക്കഭൂമിയിൽ നിർമ്മിച്ച ബാബറി മസ്ജിദ് വിശ്വഹിന്ദു പരിഷത്ത് (വിഎച്ച്പി) അംഗങ്ങൾ തകർത്തു. ഈ സംഭവം വ്യാപകമായ കലാപങ്ങൾക്ക് കാരണമാവുകയും 2000-ത്തിലധികം പേർ മരിക്കുകയും ചെയ്തു.

1997 - ബോട്ട്സ്വാന ദക്ഷിണാഫ്രിക്കയിൽ നിന്നും സ്വതന്ത്രമായി.

2006 - ചൊവ്വയുടെ ഉപരിതലത്തിൽ ജലത്തിന്റെ സാന്നിധ്യം സൂചിപ്പിക്കുന്ന ചിത്രങ്ങൾ  നാസ മാർസ് ഗ്ലോബൽ സർവേയറിൽ നിന്ന് പുറത്തുവിട്ടു.

2017 - അറബ് രാജ്യങ്ങളെ പ്രകോപിപ്പിച്ച് ജറുസലം ഇസ്രയേലിന്റ തലസ്ഥാനമായി പ്രസിഡണ്ട് ട്രംപ് പ്രഖ്യാപിച്ചു.

2017 - ശ്രീലങ്കയ്ക്കെതിരായ വിജയത്തോടെ ഇന്ത്യൻ ടീം തുടർച്ചയായ ഒമ്പത് ടെസ്റ്റ് പരമ്പര വിജയമെന്ന ലോക റെക്കോർഡിൽ ഓസ്ട്രേലിയയ്ക്കും ഇംഗ്ലണ്ടിനുമൊപ്പമെത്തി.

2018- എല്ലാ പൊതുഗതാഗതവും സൗജന്യമാക്കിയ ആദ്യ രാജ്യമായി ലക്സംബർഗ്.

2020- ജാപ്പനീസ് ബഹിരാകാശ കാപ്സ്യൂൾ ഹയാബുസ -2 ഓസ്ട്രേലിയയിൽ സുരക്ഷിതമായി ഭൂമിയിൽ തിരിച്ചെത്തി.

2022-ഇന്തോനേഷ്യ വിവാഹേതര ലൈംഗികതയെ നിരോധിക്കുന്ന ഒരു പുതിയ ക്രിമിനൽ കോഡ് പാസാക്കി.

2022 -1,574-ാമത്തെയും അവസാനത്തെയും ബോയിംഗ് 747 ജംബോ ജെറ്റ് വാഷിംഗ്ടണിലെ എവെറെറ്റിൽ ഉൽപ്പാദനം നിർത്തിവയ്ക്കുന്നു

.      By ' ടീം തത്ത്വമസി - ജ്യോതിർഗ്ഗമയ '
.       ************
   Rights Reserved by Team Jyotirgamaya