ഒഐസിസി കുവൈറ്റ് കണ്ണുർ ജില്ലാ കമ്മിറ്റിയുടെ നേതൃത്വത്തിൽ തെരെഞ്ഞെടുപ്പ് കൺവെൻഷൻ സംഘടിപ്പിച്ചു

കുവൈറ്റ്: ഒഐസിസി കുവൈറ്റ് കണ്ണുർ ജില്ലാ കമ്മിറ്റിയുടെ നേതൃത്വത്തിൽ ഡിസംബർ 3 വ്യാഴാഴ്ച വൈകീട്ട് ഏഴ് മണിക്ക് വെബിനാറിലൂടെ തിരെഞ്ഞെടുപ്പ് കൺവെൻഷൻ സംഘടിപ്പിച്ചു.

അന്തരിച്ച കോൺഗ്രസ് നേതാക്കളായ അഹമ്മദ് പട്ടേലിനും, സിഅർ ജയപ്രകാശിനും ആദരാഞ്ജലികൾ അർപ്പിച്ച് തുടങ്ങിയ തെരെഞ്ഞെടുപ്പ് കൺവെൻഷൻ, ജില്ലാ കമ്മിറ്റി പ്രസിഡണ്ട് സിദ്ധിക്ക് അപ്പക്കന്റെ അധ്യക്ഷതയിൽ കെസി ജോസഫ് എംഎൽഎ ഉത്ഘാടനം നിർവ്വഹിച്ചു.

അഡ്വ: സണ്ണി ജോസഫ് എംഎൽഎ മുഖ്യ പ്രഭാഷണവും നാഷണൽ കമ്മിറ്റി പ്രസിഡണ്ട് വർഗ്ഗീസ് പുതുക്കുളങ്ങര ആശംസാ പ്രസംഗവും നിർവ്വഹിചു. നിയമസഭാ തിരെഞ്ഞെടുപ്പിന്റെ ട്രയലായ ഈ തിരെഞ്ഞെടുപ്പിനെ യുഡിഎഫ് പ്രവർത്തകർ ഗൗരവത്തോടെ ഏറ്റെടുത്ത് വിജയത്തിനാവിശ്യമായ പ്രചരണത്തിനിറങ്ങണമെന്ന് നേതാക്കൾ ആഹ്വാനംചെയ്തു.

തദ്ദേശ തിരെഞ്ഞെടുപ്പിൽ മത്സരിക്കുന്ന ജില്ലാ കമ്മിറ്റിയുടെ മൂന്ന് മുൻ സഹപ്രവർത്തകർക്ക് ആശംസയും പിന്തുണയും അറിയിച്ച് ദേശീയ കമ്മിറ്റി അംഗങ്ങളായ ബിനു ചെമ്പാലയം, എംഎ നിസാം, എബി വരിക്കാട്, ബിഎസ് പിള്ള, തുടങ്ങിയവരുംപ്രസംഗിച്ചു.

ഒഐസിസി കുവൈറ്റ് കണ്ണുർ ജില്ലാ കമ്മിറ്റിയംഗങ്ങളായിരുന്ന മത്സരരംഗത്തുള്ള സ്ഥാനാർത്ഥികളായ ബിജു ചാക്കോ, ബിജുപിപി, വിജിൽ മോഹനൻ എന്നിവർ കൺവെൻഷനിൽ പങ്കെടുത്ത് തിരെഞ്ഞെടുപ്പ് പ്രചരണ പ്രവർത്തനങ്ങൾ വിലയിരുത്തി പിന്തുണക്കും സഹകരണത്തിനും നന്ദി അറിയിചു.

ജനറൽ സിക്രട്ടറി ഷോബിൻ സണ്ണി സ്വാഗതവും ട്രഷറർ രവിചന്ദ്രൻ ചുഴലി നന്ദിയും പറഞ്ഞു. സഹപ്രവർത്തകരുടെ സ്ഥാനാർത്ഥി പ്രഖ്യാപനം മുതൽ ആവേശത്തിലായിരുന്നു പ്രവാസി സുഹൃത്തുക്കൾ. വെബിനാര്‍ ഒഐസിസി കണ്ണൂർ ജില്ലാ കമ്മിറ്റി ഫേസ് ബുക്ക് പേജിലൂടെ ലൈവ് ബ്രോഡ് കാസ്റ്റും ചെയ്തിരുന്നു.