Middle East & Gulf

ഒമാനില്‍ കൊവിഡ് ബാധിച്ച് ചികിത്സയിലായിരുന്ന മലയാളി വീട്ടമ്മ മരിച്ചു

ഗള്‍ഫ് ഡസ്ക്
Wednesday, July 14, 2021

മസ്‍കത്ത്: കൊവിഡ് ബാധിച്ച് ഒമാനില്‍ ചികിത്സയിലായിരുന്ന മലയാളി വീട്ടമ്മ മരിച്ചു. കോട്ടയം കുമാരനല്ലൂർ സ്വദേശിനി  ദേവി  സുരേഷ്  (45) ആണ് മസ്‍കത്തിൽ മരിച്ചത്. റൂവിയിലെ ഒരു സ്വകര്യ ആശുപത്രിയിൽ ചികിത്സയിലിരുന്നു.

‘ബുൾഫിന്ഗർ  ടീബോഡിൻ’ കമ്പനിയിൽ ഇലക്ട്രിക്കൽ എഞ്ചിനീയറായി ജോലി ചെയ്യുന്ന സുരേഷ് കുമാറിന്റെ ഭാര്യയാണ്. മസ്‌കത്തിലെ സാംസ്‌കാരിക, ജീവ കാരുണ്യ പ്രവർത്തന രംഗത്ത് സജീവമായിരുന്നു.

മക്കൾ: സിദ്ധാർത്ഥ് സുരേഷ് (മൂന്നാം വർഷ എം.ബി.ബി.എസ്. വിദ്യാർഥി), രേഷ്‍മ സുരേഷ് (എൽ.എൽ.ബി ഒന്നാം വർഷ വിദ്യാർത്ഥിനി). നടപടിക്രമങ്ങൾക്ക് ശേഷം മൃതദേഹം സോഹാറിൽ സംസ്‍കരിക്കുമെന്ന് ബന്ധപ്പെട്ടവർ അറിയിച്ചു.

×