കൊറോണ വൈറസിന്റെ പുതിയ വകഭേദം ഒമാനിലും ? യുകെയില്‍ നിന്നെത്തിയ നാലു പേര്‍ നിരീക്ഷണത്തില്‍

മസ്‍കത്ത്: ഒമാനില്‍ നാല് പേര്‍ക്ക് ജനിതക മാറ്റം സംഭവിച്ച കൊറോണ വൈറസ് ബാധയേറ്റതായി സംശയമുണ്ടെന്ന് ആരോഗ്യ മന്ത്രാലയം അറിയിച്ചു. യു.കെയില്‍ നിന്നെത്തിയ ഇവരെ നിരീക്ഷിച്ചുകൊണ്ടിരിക്കുകയാണെന്നും ഔദ്യോഗിക വാര്‍ത്താ ഏജന്‍സി സ്ഥിരീകരിച്ചു.

പരിശോധനകള്‍ നടത്തിക്കൊണ്ടിരിക്കുകയാണെന്നും ഫലം ഉടന്‍ പുറത്തുവിടുമെന്നും ആരോഗ്യമന്ത്രി ഡോ. അഹ്മദ് അല്‍ സൈദി പറഞ്ഞു. എന്നാല്‍ ജനിതക മാറ്റം സംഭവിച്ച കൊവിഡ് വൈറസ് നേരത്തെയുണ്ടായിരുന്ന വൈറസിനേക്കാള്‍ കൂടുതല്‍ അപകടകാരിയാണെന്നതിന് ഇതുവരെ തെളിവുകളൊന്നുമില്ലെന്നും മന്ത്രി പറഞ്ഞു.