ചെന്നൈ: രാജ്യത്തെ ഒരുമിപ്പിക്കാന് ഹിന്ദി ഭാഷയ്ക്കാണു കഴിയുകയെന്ന കേന്ദ്ര ആഭ്യന്തരമന്ത്രി അമിത് ഷായുടെ പരാമര്ശത്തിനെതിരേ തമിഴ് സംവിധായകന് പാ രഞ്ജിത്ത്.
ഹിന്ദി അടിച്ചേല്പ്പിക്കുന്നതിനു പകരം, സന്പദ്വ്യവസ്ഥ മന്ദഗതിയിലായ ഇന്ത്യയിലെ ജനങ്ങളുടെ യഥാര്ഥ പ്രശ്നങ്ങളാണു കേന്ദ്രസര്ക്കാര് അഭിസംബോധന ചെയ്യേണ്ടതെന്ന് രഞ്ജിത്ത് ട്വീറ്റ് ചെയ്തു. ഇന്ത്യ പോലെ വൈവിധ്യങ്ങളുള്ള രാജ്യത്ത് ഒരു ഭാഷ അടിച്ചേല്പ്പിക്കുന്നത് ജനങ്ങളുടെ അനൈക്യത്തിനു കാരണമാകുമെന്നും അദ്ദേഹം കൂട്ടിച്ചേര്ത്തു.
ഇന്ത്യക്ക് നിരവധി ഭാഷകളുണ്ട്. എല്ലാ ഭാഷകള്ക്കും അതിന്േറതായ പ്രാധാന്യമുണ്ട്. എന്നാല് രാജ്യത്തിനാകെ ഒരു പൊതു ഭാഷ ഉണ്ടാകണമെന്നത് വളരെ അനിവാര്യമാണ് അതാകണം ആഗോളതലത്തില് ഇന്ത്യയുടെ അടയാളം. ഇന്ത്യയെ ഒന്നിപ്പിക്കാന് കഴിയുന്ന ഏതെങ്കിലും ഭാഷയുണ്ടെങ്കില് അതു ഹിന്ദിയാണ്.
ഹിന്ദിയാണ് ഏറ്റവുമധികം സംസാരിക്കപ്പെടുന്ന ഭാഷ- ഒരു രാജ്യം ഒരു ഭാഷ എന്ന തലക്കെട്ടോടെ അമിത് ഷാ ട്വിറ്ററിലെഴുതി.