വികെ ശ്രീകണ്ഠന് ഇന്ന് കുവൈറ്റില്‍ മൂന്നിടത്ത് സ്വീകരണം. മംഗഫില്‍ ശ്രീകണ്ഠനുമായി മുഖാമുഖത്തിനും അവസരം !

കുവൈറ്റ്‌ :  കുവൈറ്റ് സന്ദര്‍ശിക്കുന്ന പാലക്കാട് എംപി വികെ ശ്രീകണ്ഠന്  കുവൈത്ത് കെ.എം.സി.സി. പാലക്കാട് ജില്ലാ കമ്മറ്റിയുടെ ആഭിമുഖ്യത്തില്‍ നല്‍കുന്ന ഹൃദ്യമായ സ്വീകരണം ഇന്ന് നടക്കും.

ഞായറാഴ്ച വൈകുന്നേരം 6 ന് കെ.എം.സി.സി ഓഫിസ് അബ്ബാസിയയിൽ വെച്ച് നടക്കുന്ന സ്വീകരണ പരിപാടിയില്‍ ഒഐസിസി, കെഎംസിസി നേതാക്കൾ സംബന്ധിക്കു൦.

ഒഐസിസി പാലക്കാട് ജില്ലാ കമ്മിറ്റിയുടെ ആഭിമുഖ്യത്തിലും ഇന്ന് ശ്രീകണ്ഠന് സ്വീകരണം ഒരുക്കിയിട്ടുണ്ട്. പാലക്കാട് പ്രവാസി അസോസിയേഷന്‍റെ ആഭിമുഖ്യത്തിലും വൈകിട്ട് ആറരയ്ക്ക് വി കെ ശ്രീകണ്ഠന് സ്വീകരണം നല്‍കുന്നുണ്ട്.

മംഗഫ് സംഗീത ഓഡിറ്റോറിയത്തില്‍ നടക്കുന്ന പരിപാടിയില്‍ വി കെ ശ്രീകണ്ഠനുമായി മുഖാമുഖത്തിനും അവസരം ഒരുക്കിയിട്ടുണ്ട്. നാളെയാണ് വി കെ ശ്രീകണ്ഠന്‍ കുവൈറ്റ്‌ സന്ദര്‍ശനം അവസാനിപ്പിച്ച് നാട്ടിലേയ്ക്ക് മടങ്ങുക.