പള്ളിക്കത്തോട്ടില്‍ പുതിയ മള്‍ട്ടിപ്ലക്‌സ്: 'അഞ്ചാനി സിനിമാസ്' ഉദ്ഘടനം ചെയ്തു

പള്ളിക്കത്തോട്: പള്ളിക്കത്തോട്ടില്‍ പതിറ്റാണ്ടുകള്‍ക്കുശേഷം വീണ്ടും ഒരു 'സിനിമാ കൊട്ടക'. പഴയ കൊട്ടകയല്ല പുതിയ മള്‍ട്ടിപ്ലക്‌സ്. അഞ്ചാനി സിനിമാസ് ആന്റോ ആന്റണി എം.പി. ഉദ്ഘാടനം ചെയ്തു. എന്‍.ജയരാജ് എം.എല്‍.എ അധ്യക്ഷത വഹിച്ചു.

ആദ്യ ടിക്കറ്റ് വില്‍പനയുടെ ഉദ്ഘാടനം തിയറ്റര്‍ ഉടമ ജിജി അഞ്ചാനി സിനിമാ നിര്‍മാതാവ് ആല്‍വിന്‍ ആന്റണിക്ക് നല്‍കി നിര്‍വഹിച്ചു. സിനിമാ താരങ്ങളായ അനിഖ സുരേന്ദ്രന്‍, കോട്ടയം പ്രദീപ് എന്നിവര്‍ പങ്കെടുത്തു.

മലയാളത്തിലെ ഏറ്റവും ബിഗ് ബജറ്റ് സിനിമയായ മമ്മൂട്ടിയുടെ 'മാമാങ്കം' ഡിസംബര്‍ 12 മുതല്‍ തിയറ്ററിലെ 3 സ്‌ക്രീനുകളിലും പ്രവര്‍ത്തനം തുടങ്ങും. പ്ലാറ്റിനം, ഗോള്‍ഡ് ടിക്കറ്റുകള്‍ക്ക് യഥാക്രമം 250, 150 രൂപയാണ് ചാര്‍ജ്. പതിറ്റാണ്ടുകള്‍ക്ക് മുന്‍പ് ഉണ്ടായിരുന്ന 'ഐശ്വര്യ' തിയറ്ററായിരുന്നു പണ്ട് പള്ളിക്കത്തോടുകാരൂടെ ഏക വിനോദോപാധി.