കൂത്താട്ടുകുളം-മരങ്ങാട്ടുപള്ളി-തിരുവനന്തപുരം ബസ് സർവീസ് പുനരാരംഭിക്കണം: പഞ്ചായത്ത്‌ പ്രസിഡന്റുമാർ

കോട്ടയം: അന്തരിച്ച മുൻ രാഷ്‌ട്രപതി കെ.ആർ നാരായണനോടുള്ള ആദരസൂചകമായി ആരംഭിച്ച കൂത്താട്ടുകുളം-മരങ്ങാട്ടുപള്ളി-തിരുവനന്തപുരം ബസ് സർവീസ് ഏറെ നാളായി നിലച്ച അവസ്ഥയിലാണ്.

വെളിയന്നൂരും ഉഴവൂരും മരങ്ങാട്ടുപള്ളിയിലും ഉള്ള ജനങ്ങൾക്ക്‌ വളരെയേറെ പ്രയോജനപ്രദമായ ഈ സർവീസ് പുനരാരംഭിക്കണം എന്ന് ആവശ്യപെട്ട് മരങ്ങാട്ടുപള്ളി പഞ്ചായത്ത്‌ പ്രസിഡന്റ്‌ ബെൽജി ഇമ്മാനുവേൽ, ഉഴവൂർ പഞ്ചായത്ത്‌ പ്രെസിഡന്റ്റ് ജോണിസ് പി സ്റ്റീഫൻ, വെളിയന്നൂർ പഞ്ചായത്ത്‌ പ്രസിഡന്റ്‌ സണ്ണി പുതിയിടം എന്നിവർ സംയുക്തമായി തയാറാക്കിയ നിവേദനം ഗതാഗത മന്ത്രി ആന്റണി രാജുവിന് അയച്ചു.

കെ.ആർ നാരായൺ സാറിനോടുള്ള സ്മരണ നിലനിർത്തുന്നതിനും ജനങ്ങളുടെ ആവശ്യം പരിഗണിച്ചും ഈ സർവീസ് ആരംഭിക്കണം എന്ന് പഞ്ചായത്ത്‌ പ്രസിഡന്‍റുമാർ ആവശ്യപ്പെട്ടു.