07
Sunday August 2022

കാട്ടുദൈവങ്ങളുടെ കാവൽ (ചെറുകഥ)

സത്യം ഡെസ്ക്
Sunday, August 30, 2020

– പി എം ബിനുകുമാർ

സൈലന്റ് വാലിയിലെ പഞ്ചനക്ഷത്ര റിസോർട്ടിൽ രാത്രിയുടെ അന്ത്യയാമത്തിൽ ഉറക്കത്തിലേക്ക് പദമൂന്നവേ അവിചാരിതമായി ഒരു അതിഥി കൂട്ടിനെത്തി.

കൈലി മുണ്ടും കുടുക്ക് പൊട്ടിയ ഷർട്ടുമിട്ട ഒരു രൂപം, പരിഷ്കാരികളുടെ ഭാഷയിൽ പറഞ്ഞാൽ, ഒരു ഒന്നാന്തരം കൂതറ രൂപം (ഡൽഹിയിൽ താമസമാക്കിയ ശേഷം ഇത്തരം പദങ്ങൾ ഞാൻ സാധാരണ ഉപയോഗിക്കാറില്ല).

അതിഥിയെ സ്വീകരിക്കാൻ കഴിയാത്ത തരത്തിൽ ശരീരവും മനസും കുഴഞ്ഞ് തളർന്നിരുന്നു. മധുവിന്റെ ഊരിൽ നവോത്ഥാന ചിന്താസരണി സംഘടിപ്പിച്ച ഏകദിന സെമിനാറിൽ പട്ടിണിയുടെ രാഷ്ട്രീയത്തെ കുറിച്ച് പ്രഭാഷണം നടത്താൻ ഇന്ദിരാഗാന്ധി ഇന്റർനാഷണൽ ടെർമിനലിൽ നിന്നും മൂന്നരയുടെ വിമാനം പിടിച്ചതാണ്.

സൂര്യൻ പെരുമ്പറ കൊട്ടിയപ്പോൾ കരിപ്പൂരിലെത്തി. അവിടെ നിന്ന് അട്ടപ്പാടിയുടെ വിരസതയിലേക്ക് …

മുന്തിയ ഇനം ഇന്നോവ കാറിൽ കാലെടുത്ത് വച്ചപ്പോൾ തണുപ്പ് പോരെന്നു തോന്നി. ടാക്സി ഡ്രൈവറായ തമിഴൻ കാറിന്റെ വാതിൽ അമർത്തി അടയ്ക്കുന്നത് വരെ കാത്തു നിന്നു.

മുൻസീറ്റിൽ കയറിയ ചെറുപ്പക്കാരൻ അനൗപചാരികമായി തുടങ്ങിയ സംഭാഷണം ആദ്യമേ രുചിച്ചില്ല. സാർ, അഗളിയിലൊക്കെ വലിയ മാറ്റങ്ങൾ വന്നു. അഹാഡ്സ് നിർത്തി കില വന്നു. നമ്മുടെ ആളുകൾ ഒറ്റപ്പാലം കോടതിയിൽ പോയി കേസുകൾ സ്വയം നടത്തുന്നു. ഇനി നല്ലൊരു വിദ്യാഭ്യാസ സ്ഥാപനം കൂടി വരണം.

എല്ലാം കേൾക്കുന്നുണ്ടായിരുന്നെങ്കിലും ഒന്നും കേൾക്കുന്നില്ലെന്ന മട്ടിൽ അനീസ് സലീമിന്റെ ഫിക്ഷനിൽ കണ്ണമർത്തി. അപ്പോൾ പ്രതീക്ഷിച്ച ആദ്യ ചോദ്യമെത്തി. സാർ അട്ടപ്പാടി വിട്ടിട്ട് കാലമെത്രയായി ?

മറുപടി പറഞ്ഞത് ഡ്രൈവറാണ്. സാർ ചെറുപ്പത്തിലേ പോയതല്ലേ? ഒരിക്കലും ഓർക്കാൻ ആഗ്രഹമില്ലാത്ത സത്യം. പണ്ഡിറ്റ് ഫ്രം ദ ട്രൈബ്സ് ഓഫ് കേരള എന്ന സംബോധന അടുത്ത കാലത്താണ് അവസാനിച്ചത്.

ഇഷ്ടപ്പെടാത്തതൊക്കെ ഓർമ്മിക്കാൻ ശ്രമിക്കുന്നവരോട് തികട്ടി വരുന്ന ഈർഷ്യ സഹയാത്രികരോടും തോന്നി, പക്ഷേ നിശബ്ദത പാലിച്ചു. അഗളി ടൗൺ പിന്നിട്ട് മുക്കാലി വഴി സൈലന്റ് വാലിയിലേക്ക് പറക്കവേ കണ്ണുകൾ ഇറുക്കിപൂട്ടി.

ഓർമ്മകൾ വിളിക്കാതെ വരാതിരിക്കാൻ മനസിനെ ഇഷ്ടവസന്തത്തിലേക്ക് തിരിച്ചു വിട്ടു.
സൈലന്റ് വാലിയിലെ റിസോർട്ടിന്റെ പൂമുഖത്ത് സ്നേഹാദരപൂർവം കാത്തു നിന്ന ചെറുപ്പകാരികളെ മുഖം ഉയർത്താതെ അഭിവാദ്യം ചെയ്ത ശേഷം മുറിയിലേക്ക് കയറി. മനസ്സ് ഒരു നിമിഷം പിന്നിലേക്ക് തെന്നിമാറി.

പണ്ട് ഇവിടം നിറഞ്ഞ കാടായിരുന്നു. പേരറിയാ വ്യക്ഷങ്ങളുടെയും പേരറിയാ കുരുവികളുടെയും സ്നേഹഭവനം. കാണകാണെ പട്ടണത്തിൽ നിന്നെത്തിയവർ മരങ്ങൾ മുറിച്ചുകടത്തി. കിളികളെ ആട്ടിയോടിച്ചു. അമ്മമാർക്ക് കഞ്ചാവ് കൊടുത്തു. പെങ്ങമ്മാരെ പെരുമാറി. അച്ഛനില്ലാത്ത കുഞ്ഞുങ്ങൾ അങ്ങോട്ടുമിങ്ങോട്ടും അലന്നു നടന്നു.

അവരിൽ ചിലർക്ക് ഞങ്ങൾ കർഷകരത്ന പുരസ്കാരം നൽകി ആദരിച്ചു. ചിലരെ കെട്ടിപ്പിടിച്ച് മുത്തം കൊടുത്തു. ഞങ്ങളുടെ ഭൂമിയെല്ലാം അവരുടേതായി. അഗളി ടൗണിൽ നിന്നും വരുന്ന ഉദ്യോഗസ്ഥർ അവരുടെ ആതിഥ്യം സ്വീകരിച്ചു.

മദ്രാസിലെ ചെട്ടിയാർ തന്നെ ദത്തെടുത്ത് പഠിക്കാൻ അയക്കും വരെയുള്ള ഓർമ്മകൾ മാത്രമാണ് ബാക്കിയുള്ളത്. അവശേഷിക്കുന്ന ഓർമ്മകളിൽ മെട്രോ നഗരങ്ങളുടെ ഇരമ്പം മാത്രം.

റിസോർട്ടിലെ ഓഡിറ്റോറിയത്തിലായിരുന്നു സെമിനാർ. മധു: പട്ടിണിയുടെ രാഷ്ട്രീയം എന്ന വിഷയം എങ്ങനെയാണ് അവതരിപ്പിക്കേണ്ടതെന്ന കാര്യത്തിൽ ആശങ്കയുണ്ടായിരുന്നു. ജെ. എൻ യുവിൽ നിന്നെത്തിയ സഹപ്രാസംഗികയായ ഡോ ഹർഷിത സിംഗ് ആശങ്കകൾക്ക് മേലെ പ്രതീക്ഷയുടെ വർഷമായി പെയ്തിറങ്ങിയതായിരുന്നു ഒരാശ്വാസം.

പ്രഭാഷണത്തിൽ പഴയ അനുഭവങ്ങളൊന്നും കടന്നു വരാതിരിക്കാൻ ശ്രദ്ധിച്ചു. ആദിവാസി മേഖലയിലെ പട്ടിണിക്ക് പിന്നിൽ സർക്കാർ പദ്ധതിയുടെ താളകേടുകളാണെന്ന് ഓർമ്മിപ്പിക്കവേ സദസിൽ നിന്നും ഒരു ചോദ്യമുയർന്നു.

ചോദ്യകർത്താവ് സ്വയം പരിചയപ്പെടുത്തി. പേര് സന്തോഷ്. എസ്.റ്റി. പ്രൊമോട്ടർ. ചോദ്യം ഇതാണ്.. അട്ടപ്പാടിയിൽ ജനിച്ച് ആകാശത്തോളം വളർന്നവർ എന്തുകൊണ്ടാണ് ഈ നാടിനെ കണ്ടില്ലെന്ന് നടിക്കുന്നത്?

ചുണ്ട് കോട്ടി ചിരിച്ച ശേഷം ചോദ്യത്തിന് മറുപടി പറയാതിരിക്കാൻ പ്രത്യേകം ശ്രദ്ധിച്ചു.
പാതിവഴിയിൽ അവസാനിപ്പിക്കാൻ ഇത്തരം ദുഷ്ചിന്തകൾക്കൊന്നും കഴിയില്ലെന്ന ആത്മവിശ്വാസത്തോടെ പ്രഭാഷണം തുടർന്നു.

ഉച്ചയൂണിനിടയിൽ സന്തോഷിനെ കണ്ടെങ്കിലും കണ്ടില്ലെന്ന് നടിച്ചു. താൻ ഉളിയേരി ഊരിലെ ശങ്കരന്റെ മകനാണെന്ന് പറഞ്ഞ് സന്തോഷ് പരിചയപ്പെട്ടപ്പോൾ കൈ പിടിച്ചു കുലുക്കി ആശംസകൾ കൈമാറാൻ മാത്രം ശ്രദ്ധിച്ചു.

ഉച്ചയൂണ് ഒരു ബെജിറ്റബിൾ ജ്യൂസിലൊതുക്കിയപ്പോൾ ഊണുമേശകളിൽ നിന്ന് പറന്നുയരാൻ വെമ്പുന്ന കോഴികളുടെ ആത്മാവ് ആശങ്കയോടെ വിലപിക്കുന്നതു കണ്ടു. പണ്ട് ഭൂമിയെടുക്കാൻ വന്ന ചേട്ടൻ പെങ്ങമ്മാരെ നോക്കിയ നോട്ടം പോലെ.

ജെ എൻ യുവിലെ സഖാവ് സെമിനാറിൽ സംബന്ധിക്കാനെത്തിയ മുന്നേ മൂന്ന് ആദിവാസികളുമായി ചേർന്ന് ചിത്രമെടുക്കുന്ന തിരക്കിലായിരുന്നു. ജോയിൻ ചെയ്യുന്നോ?

അപ്രതീക്ഷിതമായി ഉയർന്ന ചോദ്യം കേട്ടപ്പോൾ ഞെട്ടി ചുളിഞ്ഞു. അടുത്ത നാഷണൽ അവാർഡിന് എഫ് ബി യിൽ പോസ്റ്റ് ചെയ്യാം. സഖാവിന്റെ ഔദാര്യം!

വൈകിട്ട് വരെയും സെമിനാർ ഹാളിൽ ചെലവിട്ട ശേഷമാണ് മുറിയിലേക്ക് മടങ്ങിയത്. ഉറക്കപാതിയിൽ എഴുന്നേറ്റ് മൂത്രശങ്ക തീർത്ത് എ സി ഓഫ് ചെയ്ത് കിടക്കയിലേക്ക് മറിയുമ്പോഴാണ് കുടുക്കില്ലാത്ത കുപ്പായവുമായി അയാൾ വന്നത്.

ആദ്യമയാൾ തലകുനിച്ച് നിന്നു. മുഷിഞ്ഞുണങ്ങിയ താടിയിൽ പറ്റി പിടിച്ചിരിക്കുന്ന പഴം. ഭക്ഷണത്തിൽ നിന്നും വമിക്കുന്ന ദുർഗന്ധം അരോചകമായി തോന്നിയപ്പോൾ അറിയാതെ മൂക്കിന്റെ അഗ്രത്തിലേക്ക് കൈകൾ കടന്നു ചെന്നു. അയാൾ അടുത്തേക്ക് വന്നു, മെല്ലെ മെല്ലെ…

ഓർമ്മകൾ വേഗതയിൽ പിന്നോട്ടോടി. നാല്പതോളം വർഷങ്ങൾക്ക് മുമ്പ് ഓർമ്മകളിൽ പറ്റി പിടിച്ച ചെറുബാല്യം. എപ്പോൾ വേണമെങ്കിലും വഴി തെറ്റി വീഴുമായിരുന്ന ഓട്ടു പാത്രത്തെ മദ്രാസിലെ ചെട്ടിയാർക്ക് വിൽക്കുമ്പോൾ മധു പുതിയ ലോകത്തിലേക്ക് ഒരു നിലവിളിയായി വന്നു ചേർന്നതേയുള്ളു.

നിനക്ക് എന്നെ ഓർമ്മയില്ലേ? അയാൾ അടുത്തേക്ക് നീങ്ങി വന്നു. എങ്ങനെ ഓർമ്മ വരാനാ അല്ലേ? സ്യൂട്ടണിക്ക് രാജ്യാന്തര പുരസ്കാരം വാങ്ങുന്ന ചിത്രത്തിലേക്ക് നോക്കുമ്പോൾ അയാളുടെ മുഖത്ത് തെളിഞ്ഞത് സന്തോഷമല്ല, പുച്ഛമാണ്.

ഒപ്പം വരാൻ അയാൾ ആവശ്യപ്പെട്ടു. അയഞ്ഞ നിശാവസ്ത്രങ്ങളണിഞ്ഞ് അനുസരണയോടെ അയാൾക്കൊപ്പം നടന്നു. ഉളിയേരി ഊരിലെ കൂരിരുട്ടിന് കാടുദൈവങ്ങളുടെ കാവലുണ്ടെന്ന് പണ്ടമ്മ പറഞ്ഞതോർത്തു…

 

Related Posts

More News

ഫ്‌ളോറിഡ: അഞ്ചാം ടി20യില്‍ വിന്‍ഡീസിനെ 88 റണ്‍സിന് തകര്‍ത്ത് ഇന്ത്യ 4-1ന് പരമ്പര സ്വന്തമാക്കി. ടോസ് നേടി ബാറ്റിങ് തിരഞ്ഞെടുത്ത ഇന്ത്യ 20 ഓവറില്‍ ഏഴ് വിക്കറ്റിന് 188 റണ്‍സെടുത്തു. വിന്‍ഡീസ് 15.4 ഓവറില്‍ 100 റണ്‍സിന് പുറത്തായി. 40 പന്തില്‍ 64 റണ്‍സെടുത്ത ശ്രേയസ് അയ്യരാണ് ഇന്ത്യയുടെ ടോപ് സ്‌കോറര്‍. ഇഷന്‍ കിഷന്‍-11, ദീപക് ഹൂഡ-38, സഞ്ജു സാംസണ്‍-15, ഹാര്‍ദ്ദിക് പാണ്ഡ്യ-28, ദിനേശ് കാര്‍ത്തിക്-12, അക്‌സര്‍ പട്ടേല്‍-9, ആവേശ് ഖാന്‍-1 നോട്ടൗട്ട് എന്നിങ്ങനെയാണ് മറ്റുള്ളവരുടെ പ്രകടനം. […]

പട്‌ന: എന്‍ഡിഎയുമായി പിണങ്ങി നില്‍ക്കുന്ന ബിഹാര്‍ മുഖ്യമന്ത്രിയും ജെഡിയു നേതാവുമായ നിതീഷ് കുമാര്‍ സോണിയാ ഗാന്ധി അടക്കമുള്ള പ്രതിപക്ഷ നേതാക്കളുമായി സംസാരിച്ചതായി റിപ്പോര്‍ട്ട്. ഇതിന് പിന്നാലെ ജെഡിയു എംപിമാരെ നിതീഷ് പട്‌നയിലേക്ക് വിളിപ്പിച്ചു. ബിഹാറിലെ രാഷ്ട്രീയ വിഷയങ്ങളെ ചൊല്ലി എന്‍ഡിഎയുമായി ഇടഞ്ഞു നില്‍ക്കുകയാണ് ജെഡിയു. ഇന്ന് പ്രധാനമന്ത്രിയുടെ അധ്യക്ഷതയിൽ വിളിച്ചു ചേർത്ത നിതി ആയോഗ് യോഗത്തിൽ നിന്നടക്കം അദ്ദേഹം വിട്ടു നിന്നിരുന്നു.

കുവൈറ്റ് സിറ്റി: വ്യാഴം, ശനി ഗ്രഹങ്ങളുടെ അപൂര്‍വ സംഗമത്തിന് ഇന്ന് കുവൈറ്റ് സാക്ഷിയാകും. രാത്രി 10 മുതല്‍ സൂര്യോദയം വരെയുള്ള സമയങ്ങളിലാണ് ഈ അപൂര്‍വ പ്രപഞ്ച വിസ്മയത്തിന് കുവൈറ്റിന്റെ ആകാശം സാക്ഷിയാവുകയെന്ന് അൽ ഉഐജീരി സയന്റിഫിക്‌ സെന്റർ അറിയിച്ചു. നഗ്ന നേത്രങ്ങൾ കൊണ്ട്‌ ഇത് കാണാം. കാഴ്ചയില്‍ ഇരു ഗ്രഹങ്ങളും ചേർന്ന് നിൽക്കുന്നതായി തോന്നാമെങ്കിലും ഏകദേശം 60 കോടി കിലോമീറ്ററുകൾ അകലെയാണു ഇവ തമ്മിലുള്ള ദൂരം എന്ന് കേന്ദ്രത്തിലെ പബ്ലിക് റിലേഷൻസ് ആൻഡ് മീഡിയ ഡയറക്ടർ ഖാലിദ് […]

കോഴിക്കോട്: പന്തിരിക്കരയില്‍ സ്വര്‍ണ്ണക്കടത്ത് സംഘം തട്ടിക്കൊണ്ടുപോയി കൊലപ്പെടുത്തിയ ഇര്‍ഷാദിന്‍റെ മൃതദേഹാവശിഷ്ടം ബന്ധുക്കൾ ഏറ്റുവാങ്ങി സംസ്ക്കരിച്ചു.  മേപ്പയൂർ സ്വദേശി ദീപക്കിന്‍റേതെന്ന് കരുതി ബന്ധുക്കൾ ഏറ്റുവാങ്ങി സംസ്കരിച്ച മൃതദേഹമാണ് ഇർഷാദിന്‍റേതാണെന്ന് തെളിഞ്ഞതിനെ തുടർന്ന് ബന്ധുക്കള്‍ക്ക് കൈമാറിയത്. കാണാതായ ദീപക്കിന്റേതെന്ന് കരുതി ഇർഷാദിന്റെ മൃതദേഹം ബന്ധുക്കൾ സംസ്കരിച്ചിരുന്നു. എന്നാൽ ഡി എൻ എ പരിശോധനയിൽ മൃതദേഹം ദീപക്കിന്റേതല്ലെന്നും ഇർഷാദിന്റേതാണെന്നും വ്യക്തമായി. പിന്നാലെയാണ് വടകര ആർ ഡി ഒയുടെ നേൃത്വത്തിൽ ഇർഷാദിന്റെ മൃതദേഹാവശിഷ്ടങ്ങൾ ബന്ധുക്കൾക്ക് കൈമാറിയത്.

കൽപറ്റ: വയനാട് ജില്ലയിൽ വിദ്യാഭ്യാസ സ്ഥാപനങ്ങൾക്ക് നാളെ ജില്ലാ കളക്ടർ അവധി പ്രഖ്യാപിച്ചു. ജില്ലയിലെ പ്രൊഫഷണൽ കോളേജുകൾ ഉൾപ്പെടെയുള്ള മുഴുവൻ വിദ്യാഭ്യാസ സ്ഥാപനങ്ങൾക്കും അവധിയായിരിക്കുമെന്ന് ജില്ലാ കലക്ടർ അറിയിച്ചു. ജില്ലയിൽ മഴ തുടരുന്ന സാഹചര്യത്തിലും ദുരിതാശ്വാസ ക്യാംപുകൾ പ്രവർത്തിക്കുന്ന സാഹചര്യത്തിലുമാണ് അവധി പ്രഖ്യാപിച്ചത്.

മനാമ : കേരള പ്രദേശ് കോൺഗ്രസ് കമ്മിറ്റിയുടെ നിർദ്ദേശ പ്രകാരം ലോകമെമ്പാടും ആരംഭിച്ച ഒഐസിസി മെമ്പർഷിപ്പ്‌ വിതരണം ബഹ്‌റൈനിലും ആരംഭിച്ചു. ഒഐസിസി ആക്ടിങ് പ്രസിഡന്റ്‌ രവി കണ്ണൂർ അധ്യക്ഷത വഹിച്ച യോഗത്തിൽ മെമ്പർഷിപ്പ്‌ വിതരണോദ്ഘാടനം ഒഐസിസി ഗ്ലോബൽ ജനറൽ സെക്രട്ടറിയും, മിഡിൽ ഈസ്റ്റ്‌ ജനറൽ കൺവീനറുമായ രാജു കല്ലുംപുറം മുതിർന്ന അംഗം സി.പി. വർഗീസിന് ആദ്യ മെമ്പർഷിപ് നൽകി നിർവഹിച്ചു. ഗ്ലോബൽ സെക്രട്ടറിയും, മിഡിൽ ഈസ്റ്റ്‌ കൺവീനർ റഷീദ് കുളത്തറ മെമ്പർഷിപ്പ് വിതരണം സംബന്ധിച്ച വിശദമായ വിവരങ്ങൾ […]

തൊടുപുഴ: ചിറ്റൂര്‍ പാലക്കാട്ട് മാണി ജോസഫ് (78) നിര്യാതനായി. സംസ്ക്കാരം നാളെ തിങ്കളാഴ്ച രാവിലെ 10.30 ന് ചിറ്റൂർ സെന്റ് ജോർജ് പള്ളിയിൽ. ഭാര്യ: ചിന്നമ്മ ആരക്കുഴ പൂക്കാട്ട് കുടുംബാംഗം. മക്കൾ: ബീന (മുംബൈ), ബിന്ദു (ഖത്തർ), ബിജോ (ദുബായ്). മരുമക്കൾ: ഗ്യാരി ജെയിംസ്, ചക്കാലപ്പാടത്ത് (മുംബൈ), ബെനോ ജെയിംസ്, മുട്ടത്ത് (കാഞ്ഞിരപ്പിള്ളി), നിഷ വടക്കേവീട്ടിൽ (മൈസൂർ).

തിരുവനന്തപുരം: വർക്കല അഞ്ചുതെങ്ങ് മുതലപ്പൊഴിയിൽ മത്സ്യബന്ധന വള്ളം മറിഞ്ഞ് അപകടം. അപകടത്തിൽ രണ്ട് മത്സ്യത്തൊഴിലാളികളെ കാണാതായി. പെരുമാതുറ ചേരമാൻ തുരുത്ത് സ്വദേശികളായ സബീർ (35( ഷമീർ (33) എന്നിവരെയാണ് അപകടത്തിൽപ്പെട്ട് കാണാതായത്. ഒപ്പമുണ്ടായിരുന്ന അൻസാരി (40) നീന്തി രക്ഷപ്പെട്ടു. കോസ്റ്റൽ പോലീസും മത്സ്യത്തൊഴിലാളികളും തിരച്ചിൽ തുടരുകയാണ്.

ആലപ്പുഴ: കനത്ത മഴ മൂലം ആലപ്പുഴ ജില്ലയില്‍ അവധി പ്രഖ്യാപിച്ചുകൊണ്ട് ആലപ്പുഴ ജില്ലാ കളക്ടര്‍ കൃഷ്ണ തേജ നേരത്തെ ഫേസ്ബുക്കില്‍ പങ്കുവച്ച കുറിപ്പുകള്‍ വൈറലായിരുന്നു. ഇപ്പോഴിതാ, വിദ്യാര്‍ത്ഥികള്‍ക്കായി കളക്ടര്‍ പങ്കുവച്ച പുതിയ ഫേസ്ബുക്ക് പോസ്റ്റും പതിവു പോലെ വൈറലാണ്. ഫേസ്ബുക്ക് പോസ്റ്റ്: പ്രിയപ്പെട്ട കുട്ടികളെ, എനിക്കറിയാം നിങ്ങളിൽ ചിലരൊക്കെ നാളെ കൂട്ടുകാരെ വീണ്ടും കാണാൻ പോകുന്ന സന്തോഷത്തിലും ചിലർ അവധിയില്ലാത്ത സങ്കടത്തിലുമാണെന്ന്. കുഴപ്പമില്ല.. ഇന്ന് രാത്രി എല്ലാവരും അടിപൊളിയായിട്ട് ഭക്ഷണമൊക്കെ കഴിച്ച് നേരത്തെ ഉറങ്ങണം കേട്ടോ… ഉറങ്ങാൻ […]

error: Content is protected !!