കരുതി വയ്ക്കൂ മകളെ നിന്റെ കയ്യിലൊരു ഖഡ്ഗം... (കവിത)

-അമ്പിളി നായർ

കരുതി വയ്ക്കൂ മകളെ
നിന്റെ കയ്യിലൊരു ഖഡ്ഗം ...
അറിയാതെ നിന്റെ മേനിയിലിഴയാൻ
വരും കൈകളെ
വെട്ടിയെടുക്കാൻ....
നിന്റെ ദേഹത്തുടക്കും
കണ്ണുകളെ ചൂഴ്ന്നെടുക്കാൻ...
നെറികേട് പറയും
നാവുകളെ വെട്ടിയെടുക്കാൻ ....
കാമം തുപ്പും കഴുകന്മാരുണ്ട്
ചുറ്റും ...
കരുതിയിരിക്കൂ മകളെ...
നിനക്ക് നീയെ രക്ഷ...
മുന്നിൽ നിന്നും പിന്നിൽ
നിന്നും നിനക്ക് നീയെ രക്ഷ