നോർത്ത് അമേരിക്ക - കാനഡ മാർത്തോമ ഭദ്രാസനം ഡിയോസിഷ്യൻ സൺ‌ഡേ മാർച്ച് 3 ന്

ന്യൂയോർക്ക്:  നോർത്ത് അമേരിക്ക -കാനഡ മാർത്തോമ ഭദ്രാസനം മാർച്ച് 3 ന് ഡിയോസിഷ്യൻ സൺ‌ഡേയായി ആചരിക്കുന്നു. എല്ലാ വർഷവും മാർച്ച് ആദ്യ ഞായറാഴ്ചയാണ് ഭദ്രാസന ഞായറായി വേര്തിരിച്ചിരിക്കുന്നത്. ഭദ്രാസനത്തിന്റെ വിവിധ പ്രവർത്തനങ്ങൾ, മിഷൻ ഫീൽഡുകൾ, പുതിയതായി ഏറ്റെടുത്തിരിക്കുന്ന "ലൈറ് ടു ലൈഫ്" , "കേയറിങ് ദി ചിൽഡ്രൻ ഇൻ നീഡ്" തുടങ്ങിയ പദ്ധതികളെക്കുറിച്ചു അംഗങ്ങളെ ബോധവത്കരിക്കുക എന്നതാണ് ഇതുകൊണ്ടു ലക്ഷ്യമിടുന്നത്.

ഇപ്പോൾ സേവനം അനുഷ്ഠിക്കുന്ന ഇടവകകളിൽ നിന്നും ഭദ്രാസനം ചുമതലപ്പെടുത്തുന്ന പട്ടക്കാരു മറ്റു ഇടവകകൾ സന്ദർശിച്ചു (പുൾ പിറ്റ് ചേഞ്ച് ) ശുശ്രുഷകൾക്കു നേതൃത്വം നൽകുന്നതും, ഭദ്രാസനത്തിന്റെ പ്രവത്തനങ്ങൾക്കു ആവശ്യമായ ഫണ്ട് കണ്ടെത്തുന്നതിന് ഓരോ ഇടവകൾക്കും നിശ്ചയിച്ചിരിക്കുന്ന തുക സമാഹരികുകയും ചെയ്യും.

കഴിഞ്ഞ മുപ്പതു വർഷത്തിന്റെ പ്രവർത്തനത്തിന്റെ ഫലമായി ഭദ്രാസനത്തിന്റെ കീഴിൽ ഇടവകകളും , കോൺഗ്രിഗേഷനും ഉൾപ്പെടെ
എഴുപത്തിരണ്ടും , സജീവ സേവനത്തിലും , സ്റ്റഡിലീവിലും , വിശ്രമജീവിതം നയിക്കുന്നവരുമായ അറുപത്തിയേഴ്‌ പട്ടക്കാരുമാണ് പ്രവർത്തിക്കുന്നത്. 8030 കുടുംബങ്ങളായി (യൂ എസ് എ -7191,കാനഡ- 839), ആകെ 28882 മെമ്പര്മാരാണ്, (യൂ എസ് എ -20644, കാനഡ -2828) ഭദ്രാസനത്തിലുള്ളത്.

മാർച്ച് 3 ന് ഭദ്രാസന ഇടവകകളിൽ പ്രത്യേകം തയാറാക്കിയ ശുശ്രുഷ ക്രമങ്ങളും, ധ്യാന പ്രസംഗങ്ങളുമാണ്‌ ക്രമീകരിച്ചിരിക്കുന്നത്.